ESDRAS 8:1 - Bibəl ta Sar̄

¹ De kə́ dɔ gír kojə gə̄ tə́ ń j-ḭḭ Babilon mbak ɓāl̄ ko̰o̰ ɓē yā mban̄g Artajerses tə́ jə-reē ní rīdə́ ń toó ō, rī de gə̄ kə́ gír kojə yādə́ gə̄ tə́ n toó ō.

Bible sar

¹ De kə́ dɔ gír kojə gə̄ tə́ ń j-ḭḭ *Babilon mbak ɓāl̄ ko̰o̰ ɓē yā mban̄g Artajerses tə́ jə-reē ní rīdə́ ń toó ō, rī de gə̄ kə́ gír kojə yādə́ gə̄ tə́ n toó ō.

ESDRAS 8:1 Referans Kwoze

ESDRAS 7:7

Ngán Israel gə̄ ō, ngé tun̄ yá̰a̰ gə̄ ō, ngán Lebi gə̄ ō, gōsə̄ pā gə̄ ō, ngé ngɔ̄m̄ ta róbə́ kújə gə̄ ō, ngé kəla gə̄ ō ní, kə́rēý gə̄ tél reēn̄ gogə́ Jerusalem ɓāl̄ ko̰o̰ ɓē yā Artajerses kə́ nge ko̰ sīrí tə́.

ESDRAS 7:13

Israel gə̄ malang kə́ gō nang yāḿ tə́ ń gḛyn̄ kaw̄ Jerusalem, adə̄ i de kə́ karī gə̄ ō, ngé tun̄ yá̰a̰ gə̄ ō, ngán Lebi gə̄ ō ní, m-ə́da kadə̄ əya̰n̄də́ kadə̄ aw̄n̄ seí.

ESDRAS 2:62

De gə̄ ní sāān̄ makətūbə̄ gə̄ ń ndangən̄ rī kaadə́ gə̄ tū tə́ ní sétə́ əngen̄ alé. Adə̄ de gə̄ rāān̄də́ i de gə̄ kə́ yḛr gə̄ tə́ ō, ɔgə̄n̄də́ rāā kəla tun̄ yá̰a̰ kɔ̄ɔ́ ō.

ESDRAS 1:5

Loo ń noō tə́ ngār gə̄ kə́ dɔ de kə́ gír kojə yā Juda tə́ gə̄ ō, Benjamḛ tə́ gə̄ ō, ngé tun̄ yá̰a̰ gə̄ ō, ngán Lebi gə̄ ō, de gə̄ malang ń Nə́ɓā ndól̄ hángaldə́ kadə̄ aw̄n̄ Jerusalem yā rāā kújə yā Kɔ́ɔ̄ɓē tə́ ní, rāān̄ gō rɔ̄də́ yā kaw̄.

2 YÁ̰A̰ GƏ̄ 26:12

Ngār gə̄ kə́ dɔ gír kaa gə̄ tə́ ń tə́ndān̄də́ dɔ go̰ rɔ̄ɔ̄ gə̄ ngeé ń toō tə́ ní, nin̄ malang i deē dūbú jōó kə ɓú mehḛ́.

1 YÁ̰A̰ GƏ̄ 26:32

Yeria nin̄ kə ngákó̰o̰n gēé ní nin̄ malang i deē dūbú jōó kə ɓú sīrí. I de kə́ ngáā gə̄ malang. Nin̄ i de kə́ dɔ gír kojə yādə́ gə̄ tə́. Mban̄g Dabid əndādə́ dɔ Ruben gə̄ tə́ ō, Gad gə̄ tə́ ō, núsə de kə́ gír ɓē yā Manase tə́ ō, kadə̄ əndān̄ kumdə́ gír kəla gə̄ malang yā Nə́ɓā tə́ ō, yā mban̄g tə́ ō.

1 YÁ̰A̰ GƏ̄ 24:31

Nin̄-túgə̄n̄ i wə̄lā tītə̄ yā ngákó̰ó̰də́ kə́ ngán Aaro̰ gə̄ n gerə̄n̄neé loo rāā kəla yādə́ kə gō naá ní. Túgə̄n̄ wə̄lā ní i ta kum mban̄g Dabid tə́ ō, Sadok tə́ ō, Ahimelek tə́ ō, ta kum ngār gə̄ kə́ dɔ gír kojə yā ngé tun̄ yá̰a̰ gə̄ tə́ adə̄ i ngán Lebi gə̄ tə́ ō. Adə̄ yá̰á̰ ń rāān̄ kə de gə̄ kə́ kem kojə yā ngōn̄ kə́ nga tɔ́gə tə́ ní, rāān̄ kə de gə̄ kə́ kem kojə yā gidən kə́ dūú tə́ ō.

1 YÁ̰A̰ GƏ̄ 9:34

De kə́ dɔ gír kojə yā ngán Lebi gə̄ tə́ kə gō gír kojə yādə́ gēé n noó. Nin̄ ndin̄ i Jerusalem.

1 YÁ̰A̰ GƏ̄ 9:1

Tə́dan̄ kutə ngán Israel gə̄ malang ō, ndangən̄ rīdə́ kem makətūbə̄ yā mban̄g gə̄ kə́ Israel tə́ ō. Ɔyn̄ de kə́ Juda gə̄ aw̄n̄ sedə́ Babilon i najə̄ hál kə́ gōtə́ aĺ kə́ nin̄ rāān̄ kə Nə́ɓāá tə́.

1 YÁ̰A̰ GƏ̄ 4:33

Ndin̄ ngán ɓē gə̄ kə́ gidə ɓē gə̄ ní tə́ bátə́ ta kaw̄ Baalat ō. Rī loo gə̄ ń nin̄ ndin̄ tū tə́ ní n noó ō, rī de kə́ gír kojə yādə́ gə̄ tə́ n noó ō.

ESDRAS 7:28

Kɔ́ɔ̄ɓē ɔjə kem majə ń rāā seḿ ní kə̄ ndágá ta kum mban̄ g tə́ ō, ngé kadə̄ kɔjə̄ yān gə̄ tə́ ō, de kə́ bo yān gə̄ malang ń ndi gīrə̄n̄ gidən ní tə́ ō. Loo ń noō tə́ m-ə́nge tɔ́gə tɔdɔ̄ jī Kɔ́ɔ̄ɓē Nə́ɓā yāḿ i dɔḿ tə́, adə̄ m-ɔ́sə nja ngār kə́rēý gə̄ kə́ Israel tə́ kə naā tə́ kadə̄ aw̄n̄ seḿ.

ESDRAS 8:2

De kə́ gír kaa yā Pinas tə́ i Gersom. De kə́ gír kaa yā Itamar tə́ i Daniel. De kə́ gír kaa yā Dabid tə́ i Hatus.

ESDRAS 2:2

De gə̄ ń ɔrən̄ nodə́ reēn̄ sedə́ ní i Jorobabel ō Yesua ō Nehemia ō Seraya ō Relaya ō Mordokai ō Bilsan ō Misəpar ō Bigwai ō Rehum ō Baana ō. Rī gír kojə gə̄ ní n toó ō, kutə ngán Israel gə̄ kə́ kə dɔ ɓūtə̄ gēé n toó ō.

ESDRAS 2:3

De kə́ gír kaa yā Paros tə́ gə̄ i deē 2 172.

ESDRAS 7:6

ḭḭ Babilon reē ugə̄. Ni i nge ndang makətūbə̄ kə́ ger̄ ndóō de gə̄ ndū najə̄ ń Kɔ́ɔ̄ɓē Nə́ɓā yā Israel adə̄ Moijə ní ngá̰ý. Jī Kɔ́ɔ̄ɓē Nə́ɓā yān i dɔn tə́ adə̄ mban̄g adə̄n yá̰a̰ malang ń ni-dəje ní.