ESDRAS 7:9 - Bibəl ta Sar̄

⁹ Ni-əndā ndɔ̄ kɔŕdə́ dɔɔ́ Babilon i kə ndɔ̄ kə́ ta kəga dɔ yā nāā kə́ ta kəga dɔɔ́. Ba kə ndɔ̄ kə́ ta kəga dɔ yā nāā kə́ nge ko̰ mí anī ugə̄ Jerusalem. Tɔdɔ̄ Kɔ́ɔ̄ɓē Nə́ɓā yān ngɔ̄mən ta yá̰á̰ kə́ majaĺ gə̄ tə́.

Bible sar

⁹ Ni-əndā ndɔ̄ kɔŕdə́ dɔɔ́ *Babilon i kə ndɔ̄ kə́ ta kəga dɔ yā nāā kə́ ta kəga dɔɔ́. Ba kə ndɔ̄ kə́ ta kəga dɔ yā nāā kə́ nge ko̰ mí anī ugə̄ Jerusalem. Tɔdɔ̄ Kɔ́ɔ̄ɓē Nə́ɓā yān ngɔ̄mən ta yá̰á̰ kə́ majaĺ gə̄ tə́.

ESDRAS 7:9 Referans Kwoze

ESDRAS 7:6

ḭḭ Babilon reē ugə̄. Ni i nge ndang makətūbə̄ kə́ ger̄ ndóō de gə̄ ndū najə̄ ń Kɔ́ɔ̄ɓē Nə́ɓā yā Israel adə̄ Moijə ní ngá̰ý. Jī Kɔ́ɔ̄ɓē Nə́ɓā yān i dɔn tə́ adə̄ mban̄g adə̄n yá̰a̰ malang ń ni-dəje ní.

NEHEMI 2:8

Ādə̄ adə̄mə̄n̄ makətūbə̄ kə́ tām̄ yā Asap nge ngɔ̄m̄ ku kāgə̄ gə̄ yā mban̄g tə́ ō, kadə̄ adə̄m̄neé kāgə̄ tə́ tām̄ yā ta róbə gə̄ kə́ tū kújə́ kə́ ngan̄g kə́ kadə kújə yā Kɔ́ɔ̄ɓē tə́ ō, ndogə̄ mbal̄ kə́ dɔ ɓē tə́ ō, kújə́ ń mā m-ā m̄-ndi kemeé ní ō. Mban̄g adə̄m̄ makətūbə̄ gə̄ ní, tɔdɔ̄ jī Nə́ɓā yāḿ kə́ majə i dɔḿ tə́.

NEHEMI 2:18

M-ɔ́jə́də́ loo kəndā ń Nə́ɓā yāḿ əndā jīn kə́ majə dɔḿ tə́ ní ō, m-ə́dádə́ yá̰á̰ ń mban̄g ədam̄ ní ō. Anī nin̄ ədan̄ na: Ḭ́ḭī dɔɔ́ jə-rāāī ɓē gogə́ rang! Adə̄ nin̄ əhɔn̄ rɔ̄də́ tɔgə rāān̄neé kəla kə́ majə ń toō.

ESDRAS 7:8

Esdras reē sedə́ ō. Nin̄ reē ugə̄n̄ i kem nāā kə́ nge ko̰ mí tə́.

ESDRAS 8:22

Rɔ̄sɔl̄ ɔgə̄m̄ dəje mban̄g kadə̄ adə̄jí ɓūtə̄ áskar gə̄ kə́ ngé kal̄ sə́nda gə̄ kadə̄ dānə̄n̄jí, kadə̄ ngɔ̄mə̄n̄jí róbó najə̄ yā madə̄ ba̰ā̰ gə̄ tə́. Tɔdɔ̄ j-əda mban̄g na: De gə̄ malang ń a sāān̄ Nə́ɓā yājí ní, jīn kə́ majə i dɔdə́ tə́. Banī de gə̄ malang ń əya̰nən̄ kɔ̄ɔ́ ní, wōn̄g rāān sedə́ ngá̰ý.

ESDRAS 8:31

Kə ndɔ̄ kə́ nge ko̰ kutə gidə i jōó yā nāā kə́ ta kəga dɔɔ́ anī, j-ḭḭ kadə man̄ kə́ Ahaba tə́ yā kaw̄ ta kaw̄ kə̄ Jerusalem. Dan ń jḭḭ i róbó ní, Nə́ɓā yājí əndā jīn dɔjí tə́ ngɔ̄m̄jí ta madə̄ ba̰ā̰jí gə̄ tə́ ō, ta ngé kum̄ róbə gə̄ tə́ ō.

IJAI 66:14

Dan ń ā ī-ndiī dan yá̰á̰ ń noō tə́ anī, kemsí i kə rɔ̄nelēé ō, dā̰ rɔ̄sí a tél yā ndi kə kumneé gogə́ tītə̄ mu kə́ gō man̄ kə́ edə tə́ beē. Kɔ́ɔ̄ɓē a rāā yá̰a̰ kə tɔ́gɔ́ tām̄ yā ngé gə̄ ń rāān̄ kəla adə̄nən̄ tə́ ní, banī madə̄ ba̰ā̰n gə̄ a gerə̄n̄ kɔȳ wōn̄g yān.

ESDRAS 7:28

Kɔ́ɔ̄ɓē ɔjə kem majə ń rāā seḿ ní kə̄ ndágá ta kum mban̄ g tə́ ō, ngé kadə̄ kɔjə̄ yān gə̄ tə́ ō, de kə́ bo yān gə̄ malang ń ndi gīrə̄n̄ gidən ní tə́ ō. Loo ń noō tə́ m-ə́nge tɔ́gə tɔdɔ̄ jī Kɔ́ɔ̄ɓē Nə́ɓā yāḿ i dɔḿ tə́, adə̄ m-ɔ́sə nja ngār kə́rēý gə̄ kə́ Israel tə́ kə naā tə́ kadə̄ aw̄n̄ seḿ.

ESDRAS 8:18

Dan ń jī Nə́ɓā yājí kə́ majə i dɔjí tə́ ní, nin̄ reēn̄ kə deē kógə̄ḿ kə́ nge kum kedə̄ adə̄n̄jí. Deē ní i de kə́ gír kaa yā Mali kə́ ngōn̄ Lebi kə́ ngōn̄ Jakob tə́. Rīn na i Serebia. Ngánən gə̄ ō, ngákó̰o̰n gə̄ ō ń reēn̄ seneé ní, nin̄ malang i deē 18.

ESDRAS 8:32

Dan ń j-ugə̄ Jerusalem anī, jə-taā koō ndɔ̄ mətá.

PĀ GƏ̄ 80:18

Ə̄ndā jīí dɔ deē ń ndi dɔ jī ko̰í tə́ ní ō, dɔ ngōn̄ deē ń i ḭ̄ n i nge kadə̄n tɔ́gə́ tə́ ní ō.