ESDRAS 7:6 - Bibəl ta Sar̄

⁶ ḭḭ Babilon reē ugə̄. Ni i nge ndang makətūbə̄ kə́ ger̄ ndóō de gə̄ ndū najə̄ ń Kɔ́ɔ̄ɓē Nə́ɓā yā Israel adə̄ Moijə ní ngá̰ý. Jī Kɔ́ɔ̄ɓē Nə́ɓā yān i dɔn tə́ adə̄ mban̄g adə̄n yá̰a̰ malang ń ni-dəje ní.

Bible sar

⁶ ḭḭ *Babilon reē ugə̄. Ni i nge ndang makətūbə̄ kə́ ger̄ ndóō de gə̄ *ndū najə̄ ń Kɔ́ɔ̄ɓē Nə́ɓā yā *Israel adə̄ Moijə ní ngá̰ý. Jī Kɔ́ɔ̄ɓē Nə́ɓā yān i dɔn tə́ adə̄ mban̄g adə̄n yá̰a̰ malang ń ni-dəje ní.

ESDRAS 7:6 Referans Kwoze

ESDRAS 8:22

Rɔ̄sɔl̄ ɔgə̄m̄ dəje mban̄g kadə̄ adə̄jí ɓūtə̄ áskar gə̄ kə́ ngé kal̄ sə́nda gə̄ kadə̄ dānə̄n̄jí, kadə̄ ngɔ̄mə̄n̄jí róbó najə̄ yā madə̄ ba̰ā̰ gə̄ tə́. Tɔdɔ̄ j-əda mban̄g na: De gə̄ malang ń a sāān̄ Nə́ɓā yājí ní, jīn kə́ majə i dɔdə́ tə́. Banī de gə̄ malang ń əya̰nən̄ kɔ̄ɔ́ ní, wōn̄g rāān sedə́ ngá̰ý.

ESDRAS 7:28

Kɔ́ɔ̄ɓē ɔjə kem majə ń rāā seḿ ní kə̄ ndágá ta kum mban̄ g tə́ ō, ngé kadə̄ kɔjə̄ yān gə̄ tə́ ō, de kə́ bo yān gə̄ malang ń ndi gīrə̄n̄ gidən ní tə́ ō. Loo ń noō tə́ m-ə́nge tɔ́gə tɔdɔ̄ jī Kɔ́ɔ̄ɓē Nə́ɓā yāḿ i dɔḿ tə́, adə̄ m-ɔ́sə nja ngār kə́rēý gə̄ kə́ Israel tə́ kə naā tə́ kadə̄ aw̄n̄ seḿ.

ESDRAS 8:31

Kə ndɔ̄ kə́ nge ko̰ kutə gidə i jōó yā nāā kə́ ta kəga dɔɔ́ anī, j-ḭḭ kadə man̄ kə́ Ahaba tə́ yā kaw̄ ta kaw̄ kə̄ Jerusalem. Dan ń jḭḭ i róbó ní, Nə́ɓā yājí əndā jīn dɔjí tə́ ngɔ̄m̄jí ta madə̄ ba̰ā̰jí gə̄ tə́ ō, ta ngé kum̄ róbə gə̄ tə́ ō.

MATIYE 28:20

Ī-ndóōīdə́ yá̰a̰ malang ń m-ə́dásí kadə̄ ī-rāāī ní. Ba mā i sesí kə dɔ ndɔ̄ gə̄ bátə́ ta ngóy ndɔ̄ gə̄ tə́.

NEHEMI 2:18

M-ɔ́jə́də́ loo kəndā ń Nə́ɓā yāḿ əndā jīn kə́ majə dɔḿ tə́ ní ō, m-ə́dádə́ yá̰á̰ ń mban̄g ədam̄ ní ō. Anī nin̄ ədan̄ na: Ḭ́ḭī dɔɔ́ jə-rāāī ɓē gogə́ rang! Adə̄ nin̄ əhɔn̄ rɔ̄də́ tɔgə rāān̄neé kəla kə́ majə ń toō.

NEHEMI 2:8

Ādə̄ adə̄mə̄n̄ makətūbə̄ kə́ tām̄ yā Asap nge ngɔ̄m̄ ku kāgə̄ gə̄ yā mban̄g tə́ ō, kadə̄ adə̄m̄neé kāgə̄ tə́ tām̄ yā ta róbə gə̄ kə́ tū kújə́ kə́ ngan̄g kə́ kadə kújə yā Kɔ́ɔ̄ɓē tə́ ō, ndogə̄ mbal̄ kə́ dɔ ɓē tə́ ō, kújə́ ń mā m-ā m̄-ndi kemeé ní ō. Mban̄g adə̄m̄ makətūbə̄ gə̄ ní, tɔdɔ̄ jī Nə́ɓā yāḿ kə́ majə i dɔḿ tə́.

ESDRAS 8:18

Dan ń jī Nə́ɓā yājí kə́ majə i dɔjí tə́ ní, nin̄ reēn̄ kə deē kógə̄ḿ kə́ nge kum kedə̄ adə̄n̄jí. Deē ní i de kə́ gír kaa yā Mali kə́ ngōn̄ Lebi kə́ ngōn̄ Jakob tə́. Rīn na i Serebia. Ngánən gə̄ ō, ngákó̰o̰n gə̄ ō ń reēn̄ seneé ní, nin̄ malang i deē 18.

ESDRAS 7:21

Mā mban̄g Artajerses m-ə́da ngé ngɔ̄m̄ nar gə̄ malang kə́ gidə bā Opəratə kə́ dām̄ kə́ no ɓē tə́ kadə̄ rāān̄ yá̰a̰ malang ń Esdras nge tun̄ yá̰á̰ kə́ nge ndóō de gə̄ ndū najə̄ yā Nə́ɓā kə́ dɔ rā̰ tə́ a dəjedə́ ní kə gōó.

ESDRAS 7:9

Ni-əndā ndɔ̄ kɔŕdə́ dɔɔ́ Babilon i kə ndɔ̄ kə́ ta kəga dɔ yā nāā kə́ ta kəga dɔɔ́. Ba kə ndɔ̄ kə́ ta kəga dɔ yā nāā kə́ nge ko̰ mí anī ugə̄ Jerusalem. Tɔdɔ̄ Kɔ́ɔ̄ɓē Nə́ɓā yān ngɔ̄mən ta yá̰á̰ kə́ majaĺ gə̄ tə́.

Gōsə̄ najə̄ gə̄ 3:6

Tū yá̰a̰ rāāí gə̄ tə́ malang ní majə kadə̄ ī-gerə̄n, loo ń noō tə́ ni a ɔjiī loo rāā yá̰a̰.

NDŪ NAJƏ̄ 28:1

Ré ōō ta Kɔ́ɔ̄ɓē Nə́ɓā yāí rɔ̄kum, adə̄ gō míndə gə̄ ń m-ə́daī kadə̄ ī-rāā á m-ɔ́jiī ɓōólaā ní ə̄ndā kumií gīrí malang ī-rāā anī, ni a rāā kadə̄ ḭ̄ i de kə́ kété no nápar de gə̄ malang ń əndādə́ dɔ nang tə́ ní. Yá̰á̰ kə́ majə gə̄ ń ni a rāā seí ní n toó:

NDŪ NAJƏ̄ 4:5

Ī-gerī kadə̄ m-ɔ́jə́sí ndū najə̄ gə̄ ō, jī-bēl̄ loo rāā yá̰a̰ gə̄ ō, tītə̄ ń Kɔ́ɔ̄ɓē Nə́ɓā yāḿ ədam̄neé na kə m-ɔ́jə́sí ní, yā kadə̄ ré ūgī dɔ nang ń ā ī-taāī tə́ ní anī, ī-rāāī tītə̄ ń m-ɔ́jəńsí ní.

1 KORḚNTƏ 15:1

Ngákó̰ó̰ḿ gə̄, Najə̄ kə́ Majə ń m-ɔ́jə́sí á ī-ndigiī ō, ī-tāāī kem mámák ō ní, ngɔlaā m̄-ndigə ter̄ kemsí dɔ tə́.

1 KORḚNTƏ 1:20

Ní, nge kum kedə̄, aláa nge ger̄ yá̰a̰, aláa nge tɔ́sə̄ najə̄ kə̄ ndágá kə́ ngɔlaā ń toō a əda na i rí ɓáý? Nə́ɓā ɔjə kə̄ ndágá kadə̄ kum kedə̄ kə́ dɔ nang tə́ laā i mbóó yá̰a̰ karī aĺ a!

MATIYE 13:52

Loo ń noō tə́ Jeju ədadə́ na: I beé ní, náā nəkɔ́ ń i nge ndóō de gə̄ ndū najə̄ tá tél nge ndóō yá̰á̰ kə́ dɔ Ɓē ko̰o̰ kə́ dɔ rā̰ tə́ ní, ni i tītə̄ kɔ́ɔ̄ kújə́ kə́ a ɔr̄ yá̰á̰ kə́ kijə gə̄gē, kə́ jóo gə̄gē, dan yá̰a̰ kənge yān kə́ gātə̄n i ngá̰ý tə́ beē.

IJAI 59:1

Kɔ́ɔ̄ɓē ní tɔ́gə jīn gətóó ngá̰ý al̄ naā á ni asə kajəsí aĺ alé, nge ń noō ní to i kə̄ dɔ ndágá kadə̄ i rɔ̄kum. Mbīn mbóó ngá̰ý á asə koō najə̄ yāsí aĺ alé.

IJAI 50:2

Dan ń m̄-reē ní, m-ə́nge deē kógə̄ḿ alé. Ní i tām̄ rí tə́? Dan ń m̄-ɓāŕ yá̰á̰ ní, deē daləm̄ alé. Ní, i tām̄ rí tə́? Mā m-ásə kɔr̄sí ɓəloó aĺ a? Tɔ́gə́ḿ kə́ kadə̄ m-ájəńsí gətóo a? Tá kə ta kūl̄ najə̄ kə́ m̄-ndángəń loo ngóy, m̄-rāā adə̄ bā bo tutə kɔ̄ɔ́ ō, m̄-rāā adə̄ bā gə̄ télən̄ dəla loo ō. Adə̄ dan ń man̄ gətóó ní, kəndā man̄ tɔ̄l̄ kānjə̄ gə̄ ō, nin̄ ndumən̄ ō.

PĀ GƏ̄ 45:1

Pā kə́ kem makətūbə̄ yā ngār yā gōsə̄ pā gə̄ tə́. A dānə̄n̄ gō i kə kəndeé. Pā yā ngán Kore gə̄ yā ndóoń deē yá̰a̰. I pā tár.

NEHEMI 12:36

nin̄ kə ngákó̰o̰n gə̄ ń i Semaya ō Ajarel ō, Milalai ō Gilalai ō Maai ō Netanel ō Yehuda ō Hanani ō ní, utə̄n̄ gōdə́ kə yá̰á̰ kə́ ɓār̄ gōsə̄ gə̄ ń Dabid kə́ deē yā Nə́ɓā mēr̄ rāā ní ō. Esdras nge ndóō de gə̄ ndū najə̄ i kété nodə́ tə́.

NEHEMI 8:13

Teē kə ndɔ̄ kə́ nge ko̰ jōó anī, de kə́ dɔ gír kojə gə̄ yā ngán Israel gə̄ tə́ malang ō, ngé tun̄ yá̰a̰ gə̄ ō, ngán Lebi gə̄ ō, kánə̄n̄ naā rɔ̄ Esdras nge ndóō de gə̄ ndū najə̄ tə́ yā kəndā ma̰ȳ najə̄ gə̄ ń ndū najə̄ əda ní yā ger̄ kum kə gōó majə.

NEHEMI 4:15

Dan ń jə-ra j-a jə-rāā kəla ní, deē yājí kə́rēý gə̄ ran̄ i kə nənga gēé jīdə́ tə́. J-əla gír rāā kəla i dan ń ta gír loo unjə̄ wororo ní. Jə-rāā bátə́ kadə̄ tə́yō̰ gə̄ ndangən̄ ngururu dɔjí tə́.

NEHEMI 2:12

Ba yá̰á̰ ń Nə́ɓā yāḿ əndā kemḿ tə́ kadə̄ m̄-rāā tām̄ yā ɓē tə́ ní m-ə́da deē kógə̄ḿ alé. Gō tə́ anī m-ḭ́i dɔɔ́ ndɔ̄ɔ́, de kə́rēý gə̄ i seḿ. Dā̰ kə́ rang kə́ seḿ gətóo ba i kərō ń m-āl̄ m̄-reēń ní tá ngóy.

ESDRAS 6:22

Gō tə́ anī rāān̄ nāā mápá kə́ kanjə̄ kaa kə rɔ̄nelēé bátə́ ndɔ̄ sīrí. Kɔ́ɔ̄ɓē rāā adə̄ rɔ̄də́ nel̄də́ ngá̰ý tɔdɔ̄ ni tūr̄ kem mban̄g kə́ Asiri adə̄də́. Nge ń noō rāā adə̄ jīdə́ ngan̄g loo rāā kəla kújə yā Nə́ɓā yā Israel tə́.

ESDRAS 5:5

Banī Nə́ɓā əndā kumən gō kum kɔɔ̄ gə̄ yā Jipə gə̄ tə́, adə̄ deē ɔgə̄də́ rāā kəla aĺ bátə́, adə̄ najə̄ kə́ dɔ kəla ní tə́ aw̄ ugə̄ń rɔ̄ Darius tə́ ō, najə̄ ń ni-əda dɔ tə́ ní tél reē ugə̄ń ō.

JEREMI 8:8

I ba̰ý á sḭḭ̄ ə́daī na: Sḭḭ̄ na i ngé kum kedə̄ gə̄, tɔdɔ̄ ndū najə̄ yā Kɔ́ɔ̄ɓē na to na i tām̄ yāsí tə́ ní? Majə tā ba yá̰a̰ ndang makətūbə̄ yā ngé sór̄ gə̄ rāā adə̄ tél i ndū najə̄ kə́ rɔ̄kum aĺ kɔ̄ɔ́

NEHEMI 12:26

Nin̄ rāān̄ kəla yādə́ i ɓāl̄ yā Yoyakim kə́ ngōn̄ Yesua kə́ ngōn̄ Yosadak tə́ ō, Nehemi nge ko̰o̰ ɓē tə́ ō, Esdras nge tun̄ yá̰á̰ kə́ nge ndóō de gə̄ ndū najə̄ tə́ ō.

NEHEMI 8:9

Dan ń de gə̄ oōn̄ najə̄ ń tə́dan̄ ní anī, nin̄ malang nōōn̄. Adə̄ Nehemi nge ko̰o̰ ɓē ō, Esdras nge tun̄ yá̰á̰ kə́ nge ndóō de gə̄ ndū najə̄ ō, ngán Lebi gə̄ kə́ nge kɔjə de gə̄ kum najə̄ gə̄ ō, ədan̄ de gə̄ na: Ndɔ̄ kə́ ɓōólaā i ndɔ̄ kə́ kɔr̄ kam̄ tayā tām̄ yā Kɔ́ɔ̄ɓē Nə́ɓā yāsí tə́! Ī-lōōī kəhɔ ndoō ō nōō ō.

NEHEMI 8:4

Esdras nge ndóō de gə̄ ndū najə̄ ra i kə njan kə́ dɔɔ́ dɔ loo kə́ kḭḭ kə̄ dɔɔ́ kə́ rāā kə kāgāá tām̄ yā kán̄ naā ní tə́. De gə̄ ń ran̄ dɔ jī ko̰n tə́ ní i Matitia ō Sema ō Anaya ō Uria ō Hilkia ō Maseya ō. De gə̄ kə́ dɔ jī gelən tə́ i Pedaya ō Misael ō Malkia ō Hasum ō Hasəbadana ō Jakari ō Mesulam ō.

TA KƏLA 32:28

Deē ní dəjen na ké rīn na i rí wa. Anī Jakob tél ədan na rīn na i Jakob.

MATIYE 23:2

Ngé ndóō de gə̄ ndū najə̄ gə̄ ō, Parijiyḛ gə̄ ō, ndin̄ loo ndi yā Moijə tə́ a ɔjən̄neé de gə̄ kum ndū najə̄ gə̄ yā Moijə.

ESDRAS 7:5

kə́ ngōn̄ Abisua kə́ ngōn̄ Pinas kə́ ngōn̄ Eleajar kə ngōn̄ Aaro̰ ń i ngol ngé tun̄ yá̰a̰ gə̄ ní,

NEHEMI 8:1

Kə ndɔ̄ kə́ ta kəga dɔ yā nāā kə́ nge ko̰ sīrí anī ngán Israel gə̄ kánə̄n̄ naā ndágə loo kə́ ta róbə yā man̄ gə̄ tə́. Nin̄ malang ní kemdə́ i kógə̄ḿ. Nin̄ ədan̄ Esdras nge ndóō de gə̄ ndū najə̄ kadə̄ reē kə makətūbə̄ ndū najə̄ ń Kɔ́ɔ̄ɓē adə̄ Moijə kadə̄ adə̄ Israel gə̄ ní. Esdras reēń nodə́ tə́, adə̄ i no dəngam gə̄ tə́ ō dəyá̰ gə̄ tə́ ō ngáń kə́ ɓāl̄də́ asə kadə̄ gerə̄n̄ kum najə̄ gə̄ tə́ ō.

ESDRAS 8:1

De kə́ dɔ gír kojə gə̄ tə́ ń j-ḭḭ Babilon mbak ɓāl̄ ko̰o̰ ɓē yā mban̄g Artajerses tə́ jə-reē ní rīdə́ ń toó ō, rī de gə̄ kə́ gír kojə yādə́ gə̄ tə́ n toó ō.

NEHEMI 9:13

Ḭ̄ ń ī-ndi dɔ rā̰ tə́ ní ī-risə dɔ mbal̄ Sinai tə́ ba ɔ̄r̄ najə̄ sedə́. Ə́dádə́ gō míndə kə́ gōtə́ kə́ kadə̄ rāān̄ gə̄ ō, ɔ́jə́də́ ndū najə̄ kə́ rɔ̄kum gə̄ ō, jī bēl̄ loo rāā yá̰a̰ gə̄ ō, yá̰á̰ kə́ majə gə̄ kə́ kadə̄ rāān̄ gə̄ ō.

PĀ GƏ̄ 80:18

Ə̄ndā jīí dɔ deē ń ndi dɔ jī ko̰í tə́ ní ō, dɔ ngōn̄ deē ń i ḭ̄ n i nge kadə̄n tɔ́gə́ tə́ ní ō.

PĀ GƏ̄ 109:27

Kɔ́ɔ̄ɓē, ādə̄ de gə̄ ń noō gerə̄n̄ kadə̄ i ḭ̄ n ī-rāā yá̰á̰ ní, ādə̄ gerə̄n̄ kadə̄ i ḭ̄ n ī-rāā yá̰á̰ ń noō tām̄ yāḿ tə́ ní.

PĀ GƏ̄ 147:19

Ni-əda gír deē yān gə̄ najə̄ yān ō, ɔjə Israel yá̰a̰ gə̄ ń ndang kadə̄ yā rāā ní ō, gō míndən gə̄ ō.