ESDRAS 7:5 - Bibəl ta Sar̄

⁵ kə́ ngōn̄ Abisua kə́ ngōn̄ Pinas kə́ ngōn̄ Eleajar kə ngōn̄ Aaro̰ ń i ngol ngé tun̄ yá̰a̰ gə̄ ní,

Bible sar

⁵ kə́ ngōn̄ Abisua kə́ ngōn̄ Pinas kə́ ngōn̄ Eleajar kə ngōn̄ *Aaro̰ ń i ngol *ngé tun̄ yá̰a̰ gə̄ ní,

ESDRAS 7:5 Referans Kwoze

HEBƏRO 5:4

De kə́ asə kəndā rɔ̄n ngol ngé tun̄ yá̰a̰ gə̄ tə́ yā rɔȳń rɔ̄n nəkɔ́ gətóo. I Nə́ɓā n i nge ɓāŕ deē kə̄ tū tə́, tītə̄ ń ni-ɓārə́nń Aaro̰ ní.

2 YÁ̰A̰ GƏ̄ 26:20

Ajaria ngol ngé tun̄ yá̰a̰ gə̄ ō, ngé tun̄ yá̰a̰ gə̄ malang ō ń ra a a̰a̰n̄ loo kə̄ rɔ̄n tə́ ní a̰a̰n̄ bānjə̄ ní notə non tə́. Nin̄ teēn̄ seneé ndágá láẃ kɔ̄ɔ́ ō, nəkɔ́ ɔr bā̰ā̰ loo teē tə́ aĺ ō, tɔdɔ̄ Kɔ́ɔ̄ɓē əndan ɔjənəń kum.

2 YÁ̰A̰ GƏ̄ 19:11

Ba á̰a̰ī, Amaria ngol ngé tun̄ yá̰a̰ gə̄ ndi dɔsí tə́ tām̄ yā yá̰a̰ malang yā Kɔ́ɔ̄ɓē tə́ ō, Jebadia ngōn̄ Ismael ń i ngār kə́ dɔ de gə̄ kə́ kem ɓē ko̰o̰ yā Juda tə́ gə̄ malang ní a ndi dɔsí tə́ tām̄ yā yá̰a̰ malang yā mban̄g tə́ ō. Ngán Lebi gə̄ i ngé sarya gə̄ ta kumsí tə́. Ə́hɔī rɔ̄sí tɔgə ī-rāāī kəla! Ba ādə̄ Kɔ́ɔ̄ɓē i naā tə́ kə deē ń a rāā yá̰á̰ kə́ majə ní!

1 YÁ̰A̰ GƏ̄ 6:4

Rī ngán Merari gə̄ na i Mali ō, Musi ō. De gə̄ ń rīdə́ i dɔ gír kaa gə̄ yā Lebi tə́ ní n noó.

JOJUE 24:33

Eleajar ngōn̄ Aaro̰ oy ō. Dubə̄nən̄ i dɔ ngōn̄ mbal̄ ń adə̄n̄ ngōnən Pinas ní tə́ gō nang kə́ mbalá yā Epəraim tə́.

JOJUE 22:31

Pinas ngōn̄ Eleajar kə́ nge tun̄ yá̰a̰ əda ngán Ruben gə̄ ō, ngán Gad gə̄ ō, ngán Manase gə̄ ō na: Ngɔlaā ní jə-ger̄ kadə̄ Kɔ́ɔ̄ɓē i dɔ dáńjí tə́ tām̄ sḭḭ̄ ī-rāāī yá̰á̰ kə́ gōtə́ aĺ ní seneé alé. I beé n ájiīń ngán Israel gə̄ jī Kɔ́ɔ̄ɓē tə́ ní.

JOJUE 22:13

Nin̄ əlan̄ Pinas ngōn̄ Eleajar kə́ nge tun̄ yá̰a̰ dɔ nang kə́ Galaad tə́ kadə̄ aw̄ ɔr̄ najə̄ kə ngán Ruben gə̄ ō, ngán Gad gə̄ ō, de kə́ gír ɓē yā Manase tə́ ké dām̄ kə́ gír ɓē tə́ gə̄ ō.

JOJUE 14:1

I Eleajar kə́ nge tun̄ yá̰a̰ ō, Jojue ngōn̄ Nun ō, ngār gə̄ kə́ dɔ gír ɓē gə̄ yā ngán Israel gə̄ tə́ ō n gángə̄n̄ dɔ nang kə́ Kanaan adə̄n̄ ngán Israel gə̄ ní. Ba loo gán̄gə̄n̄neé ní n toó:

TƏ́DA 31:54

Moijə nin̄ kə Eleajar nge tun̄ yá̰a̰ taān̄ yá̰a̰ gə̄ kə rāān̄də́ kə lɔ́ŕ ń ngol ngé rɔ̄ɔ̄ gə̄ ndējə̄n̄ Kɔ́ɔ̄ɓē ní, ba aw̄ ɓōkə́n̄ kem kújə kəngə naā tə́ ta kum Kɔ́ɔ̄ɓē tə́ kadə̄ əgań kemən dɔ ngán Israel gə̄ tə́.

TƏ́DA 31:31

Moijə nin̄ kə Eleajar nge tun̄ yá̰a̰ rāān̄ yá̰á̰ ń Kɔ́ɔ̄ɓē əda Moijə ní.

TƏ́DA 31:6

Moijə əladə́ ta rɔ̄ɔ̄ tə́ ba adə̄ Pinas kə́ ngōn̄ Eleajar ń i nge tun̄ yá̰á̰ ní dān̄də́. Pinas ɔy yá̰á̰ kə́ táĺ gə̄ ō, bərúnjə kə́ yā kɔ̄ŕ gə̄ ō jīn tə́.

TƏ́DA 27:2

Nin̄ aw̄ ran̄ no Moijə tə́ ō, Eleajar nge tun̄ yá̰á̰ tə́ ō, no ngán Israel gə̄ tə́ malang ō, no ngār yādə́ gə̄ tə́ ō, ta kújə kənge naā tə́ ba ədan̄ na:

TƏ́DA 3:32

Ngār kə́ dɔ ngār gə̄ yā ngán Lebi gə̄ tə́ i Eleajar ngōn̄ Aaro̰ nge tun̄ yá̰a̰. I ni n i nge kəndā kumən gō ngé rāā kəla gə̄ kə́ kem loo kə́ táĺ tə́ ní.

LEBI GƏ̄ 10:16

Moijə dəje najə̄ yā bal bə̄yā̰ kə́ yā tun̄ tām̄ majaĺ yā ngán Israel gə̄ tə́ ní ədanən̄ na i kə́ róō horoó kɔ̄ɔ́. Loo ń noō tə́ wōn̄g rāān kə Eleajar nin̄ kə Itamar, ngán Aaro̰ gə̄ ń nayn̄ ní, adə̄ ni ibədə́ əda na:

LEBI GƏ̄ 10:12

Moijə əda Aaro̰ nin̄ kə ngánən kə́ jōó gə̄ ń nayn̄ ní na: Ndujə̄ kə́ ndējə̄ Nə́ɓā ní, ré ndégən̄ dɔ kə́ yā róō horoó kadə̄ Kɔ́ɔ̄ɓē oy anī, kə unən̄ gotə ɔ̄rən̄ mápá tə́ kanjə̄ rāā kaa mápa tū tə́, ba kə ə́san̄ kadə loo tun̄ yá̰á̰ tə́, tɔdɔ̄ i yá̰á̰ kə́ táĺ ngá̰ý,

LEBI GƏ̄ 10:6

Gō tə́ anī Moijə əda Aaro̰ nin̄ kə ngánən kə́ rang gə̄ ń i Eleajar ō, Itamar ō ní na: Kə lōōn̄ kəya̰ nənga dɔdə́ kadə̄ to gususu ō, kə lōōn̄ rə̄yā̰ kūbə̄ kə́ rɔ̄də́ tə́ ō, na sōgə́ nin̄ kɔ́ gə̄ oyn̄ ō, wōn̄g rāā Kɔ́ɔ̄ɓē kə ngán Israel gēé malang ō. Na i ngákó̰ó̰də́ gə̄ malang ń i ngán Israel gə̄ ní n na a nōōn̄ ngé gə̄ ń Kɔ́ɔ̄ɓē tɔ̄l̄də́ kə horoó ní.

Teē Ngán Israel gə̄ 6:25

Eleajar ngōn̄ Aaro̰ taā ngōn̄ Putiel. Ngōn̄ Putiel ní ojə ngōn̄ kə́ dəngam kógə̄ḿ kə́ rīn na i Pinas adə̄n. I de gə̄ ń toō n nin̄ i dɔ gír kojə gə̄ yā Lebi tə́ kə gō gír kaa yādə́ gēé ní.

ESDRAS 7:4

kə́ ngōn̄ Jeraya kə́ ngōn̄ Uji kə́ ngōn̄ Buki

ESDRAS 7:6

ḭḭ Babilon reē ugə̄. Ni i nge ndang makətūbə̄ kə́ ger̄ ndóō de gə̄ ndū najə̄ ń Kɔ́ɔ̄ɓē Nə́ɓā yā Israel adə̄ Moijə ní ngá̰ý. Jī Kɔ́ɔ̄ɓē Nə́ɓā yān i dɔn tə́ adə̄ mban̄g adə̄n yá̰a̰ malang ń ni-dəje ní.