ESDRAS 7:28 - Bibəl ta Sar̄

²⁸ Kɔ́ɔ̄ɓē ɔjə kem majə ń rāā seḿ ní kə̄ ndágá ta kum mban̄ g tə́ ō, ngé kadə̄ kɔjə̄ yān gə̄ tə́ ō, de kə́ bo yān gə̄ malang ń ndi gīrə̄n̄ gidən ní tə́ ō. Loo ń noō tə́ m-ə́nge tɔ́gə tɔdɔ̄ jī Kɔ́ɔ̄ɓē Nə́ɓā yāḿ i dɔḿ tə́, adə̄ m-ɔ́sə nja ngār kə́rēý gə̄ kə́ Israel tə́ kə naā tə́ kadə̄ aw̄n̄ seḿ.

Bible sar

²⁸ Kɔ́ɔ̄ɓē ɔjə kem majə ń rāā seḿ ní kə̄ ndágá ta kum mban̄ g tə́ ō, ngé kadə̄ kɔjə̄ yān gə̄ tə́ ō, de kə́ bo yān gə̄ malang ń ndi gīrə̄n̄ gidən ní tə́ ō. Loo ń noō tə́ m-ə́nge tɔ́gə tɔdɔ̄ jī Kɔ́ɔ̄ɓē Nə́ɓā yāḿ i dɔḿ tə́, adə̄ m-ɔ́sə nja ngār kə́rēý gə̄ kə́ *Israel tə́ kə naā tə́ kadə̄ aw̄n̄ seḿ.

ESDRAS 7:28 Referans Kwoze

ESDRAS 9:9

Tɔdɔ̄ jḭḭ i ɓəlo gə̄. Ba dan ń jḭḭ i ɓəloó ní ḭ̄ ə́yá̰jí kɔ̄ɔ́ alé. Ḭ̄ ī-rāā ādə̄ mban̄g kə́ Persə tə́ gə̄ rāān̄ kem majə sejí. Nin̄ əya̰n̄jí adə̄ jə-ndi kə kumjí ō, adə̄n̄jí ta róbə adə̄ jə-tél jə-rāā kújə yāí gogə́ ō, tɔdɔ̄ j-unən dɔɔ́ gogə́ loo ń ni nujə tū tə́ sák sák kɔ̄ɔ́ tə́ ní ō, nin̄ rāān̄ adə̄ j-ənge loo ɓɔ̄ɔ̄ rɔ̄ yājí kə́ ngan̄g Jerusalem ō, dɔ nang kə́ Juda tə́ ō.

NEHEMI 2:8

Ādə̄ adə̄mə̄n̄ makətūbə̄ kə́ tām̄ yā Asap nge ngɔ̄m̄ ku kāgə̄ gə̄ yā mban̄g tə́ ō, kadə̄ adə̄m̄neé kāgə̄ tə́ tām̄ yā ta róbə gə̄ kə́ tū kújə́ kə́ ngan̄g kə́ kadə kújə yā Kɔ́ɔ̄ɓē tə́ ō, ndogə̄ mbal̄ kə́ dɔ ɓē tə́ ō, kújə́ ń mā m-ā m̄-ndi kemeé ní ō. Mban̄g adə̄m̄ makətūbə̄ gə̄ ní, tɔdɔ̄ jī Nə́ɓā yāḿ kə́ majə i dɔḿ tə́.

ESDRAS 8:18

Dan ń jī Nə́ɓā yājí kə́ majə i dɔjí tə́ ní, nin̄ reēn̄ kə deē kógə̄ḿ kə́ nge kum kedə̄ adə̄n̄jí. Deē ní i de kə́ gír kaa yā Mali kə́ ngōn̄ Lebi kə́ ngōn̄ Jakob tə́. Rīn na i Serebia. Ngánən gə̄ ō, ngákó̰o̰n gə̄ ō ń reēn̄ seneé ní, nin̄ malang i deē 18.

ESDRAS 5:5

Banī Nə́ɓā əndā kumən gō kum kɔɔ̄ gə̄ yā Jipə gə̄ tə́, adə̄ deē ɔgə̄də́ rāā kəla aĺ bátə́, adə̄ najə̄ kə́ dɔ kəla ní tə́ aw̄ ugə̄ń rɔ̄ Darius tə́ ō, najə̄ ń ni-əda dɔ tə́ ní tél reē ugə̄ń ō.

TA KƏLA 32:28

Deē ní dəjen na ké rīn na i rí wa. Anī Jakob tél ədan na rīn na i Jakob.

JONAS 3:7

Gō tə́ anī, mban̄g nin̄ kə de kə́ bo yān gēé ədan̄ de gə̄ na: Ə́daī yá̰á̰ kə́ ndang kadə̄ yā rāā ń toō kə ndū mbērēé kem ɓēé: De gə̄ ō, dā̰ gə̄ ō, man̄g gə̄ ō, batə̄ gə̄ ō, bə̄yā̰ gə̄ ō ní, ɔgə̄n̄də́ kəsa yá̰a̰ ō, ka̰ȳ man̄ ō!

NEHEMI 1:11

Kɔ́ɔ̄ɓē, m̄-rāāī ɓɔ́, ī-nēl̄ mbīí ōoń ndɔ̄ȳ yāḿ mā nge kəla yāí ō, ndɔ̄ȳ yā gotə ngé kəla yāí kə́ rang gə̄ ń rɔ̄də́ nel̄də́ loo ɓōĺ ndūí tə́ ní ō. Ī-rāā ādə̄ yá̰á̰ ń m-ā m̄-rāā loon ɓōólaā ní teē yá̰a̰ ō, ī-rāā ādə̄ dəngam ń noō rāā kem majə seḿ ō. Dan ngeé ń noō tə́ ní mā i nge kadə̄ mban̄g yá̰a̰ ka̰ȳ.

ESDRAS 7:14

I mə̄kɔ́ ō, ngé kadə̄ kɔjə̄ yāḿ kə́ sīrí gə̄ ō n j-əlasí Jerusalem ō, gō nang kə́ Juda tə́ ō ní. I kadə̄ āw̄ ə̄ndā ma̰ȳ loo ɓōĺ ń de kə́ kemeé gə̄ a ɓōlə́n̄ ndū najə̄ yā Nə́ɓā yāí ń makətūbə̄n to jīí tə́ toō.

ESDRAS 7:9

Ni-əndā ndɔ̄ kɔŕdə́ dɔɔ́ Babilon i kə ndɔ̄ kə́ ta kəga dɔ yā nāā kə́ ta kəga dɔɔ́. Ba kə ndɔ̄ kə́ ta kəga dɔ yā nāā kə́ nge ko̰ mí anī ugə̄ Jerusalem. Tɔdɔ̄ Kɔ́ɔ̄ɓē Nə́ɓā yān ngɔ̄mən ta yá̰á̰ kə́ majaĺ gə̄ tə́.

ESDRAS 7:6

ḭḭ Babilon reē ugə̄. Ni i nge ndang makətūbə̄ kə́ ger̄ ndóō de gə̄ ndū najə̄ ń Kɔ́ɔ̄ɓē Nə́ɓā yā Israel adə̄ Moijə ní ngá̰ý. Jī Kɔ́ɔ̄ɓē Nə́ɓā yān i dɔn tə́ adə̄ mban̄g adə̄n yá̰a̰ malang ń ni-dəje ní.

TA KƏLA 43:14

Kadə̄ Nə́ɓā kə́ bo kə́ tɔ́gən i ngá̰ý kə rāā kadə̄ kum dəngam ní kə o̰o̰n tām̄ yādə́ tə́, kadə̄ kə əya̰ ngōkó̰ó̰də́ Simeo̰ ō, Benjamḛ ō, kadə̄ kə tél reēn̄ sedə́. Ni tā anī ré i yā kadə̄ n-ndi kanjə̄ ngánən gə̄ anī, kadə̄ kə n-ndi tītə̄ kə́ na n-ojə ngōn̄ aĺ beé.

ESDRAS 8:1

De kə́ dɔ gír kojə gə̄ tə́ ń j-ḭḭ Babilon mbak ɓāl̄ ko̰o̰ ɓē yā mban̄g Artajerses tə́ jə-reē ní rīdə́ ń toó ō, rī de gə̄ kə́ gír kojə yādə́ gə̄ tə́ n toó ō.

PĀ GƏ̄ 109:12

Ādə̄ deē rāā kem majə seneé aĺ ō, ādə̄ deē a̰a̰ kum tō ndoō yā ngánən gə̄ ń aw̄n̄ hal gotən tə́ ní aĺ ō!

ESDRAS 8:15

m̄-kán̄ de gə̄ ń noō malang kadə ngōn̄ man̄ ń a nūgə́ kum kə̄ Ahaba tə́ ní, ba jə-ndi loo ń noō tə́ ndɔ̄ mətá. M-ə̄ndā ma̰ȳdə́ anī, m-á̰a̰ i de kə́ karī gə̄ ō, ngé tun̄ yá̰a̰ gə̄ ō, banī m-á̰a̰ ngōn̄ Lebi dandə́ tə́ alé.