ESDRAS 7:25 - Bibəl ta Sar̄

²⁵ Ba ḭ̄ Esdras, ī-tə́ndā ngé sarya gə̄ ō, ngār sarya gə̄ ō, kə kum kedə̄ yā Nə́ɓā yāí ń makətūbə̄n to jīí tə́ ní, ādə̄ gāngə̄n̄ sarya yā de gə̄ malang kə́ gō nang kə́ gidə bā Opəratə kə́ dām̄ kə́ no ɓē tə́ ń gerə̄n̄ ndū najə̄ yā Nə́ɓā yāí ní. Ba de gə̄ ń gerə̄n̄ aĺ ní, ī-ndóōīdə́ ādə̄ gerə̄n̄.

Bible sar

²⁵ Ba ḭ̄ Esdras, ī-tə́ndā ngé sarya gə̄ ō, ngār sarya gə̄ ō, kə kum kedə̄ yā Nə́ɓā yāí ń makətūbə̄n to jīí tə́ ní, ādə̄ gāngə̄n̄ sarya yā de gə̄ malang kə́ gō nang kə́ gidə bā Opəratə kə́ dām̄ kə́ no ɓē tə́ ń gerə̄n̄ *ndū najə̄ yā Nə́ɓā yāí ní. Ba de gə̄ ń gerə̄n̄ aĺ ní, ī-ndóōīdə́ ādə̄ gerə̄n̄.

ESDRAS 7:25 Referans Kwoze

ESDRAS 7:10

Tām̄ Esdras əndā rɔ̄n ta ndóō ndū najə̄ yā Kɔ́ɔ̄ɓē tə́ ō, yá̰á̰ ń ndū najə̄ əda ní ni-əndā rɔ̄n ta tə́ rāā ō, tá yá̰a̰ gə̄ ń ndū najə̄ əndā dɔ de gə̄ tə́ kadə̄ rāān̄ ní ō, jī bēl̄ loo rāā yá̰a̰ gə̄ ń ndū najə̄ ɔjə ō ní, ni-əndā rɔ̄n ta tə́ ndóō ngán Israel gə̄ ō.

NDŪ NAJƏ̄ 16:18

Ɓē gə̄ malang ń Kɔ́ɔ̄ɓē Nə́ɓā yāí a adī ní, ā ī-tə́ndā ngār sarya gə̄ ō, ngé ndóō de gə̄ ndū najə̄ gə̄ ō, kemeé kadə̄ gāngə̄n̄ sarya yā de gə̄ kə́ gír ɓē yāí gə̄ tə́ kə gōó.

JAKƏ 1:5

Ba ré deē kógə̄ḿ dansí tə́ nal̄ kum kedə̄ anī, ādə̄ ni-dəje Nə́ɓā ń adə̄ de gə̄ malang yá̰a̰ karī kanjə̄ kəda najə̄ kə́ tōr̄ dɔdə́ tə́ ní, na ni a adə̄n.

MALASI 2:7

A̰á̰ā̰, kəla yā nge tun̄ yá̰a̰ i ndóō de gə̄ kadə̄ gerə̄n̄ Nə́ɓā ō, i nge tun̄ yá̰a̰ n de gə̄ a oōn̄ najə̄ kə́ tan tə́, yā gerə̄ń ndū najə̄ ní ō. Tām̄ ni i ngōmbang kəla yā Kɔ́ɔ̄ɓē kə́ bo kə́ tɔ́gən i ngá̰ý.

PĀ GƏ̄ 19:7

Ni teē ta ngóy dɔ rā̰ kə́ dām̄ kə́rēý tə́, njə̄rā bátə́ ugə̄ ta ngóy dɔ rā̰ kə́ dām̄ kə́ noō tə́ ō, yá̰á̰ kə́ kəngān ɔdən aĺ gətóo ō.

MARK 6:34

Loo ń Jeju teē kem to tə́, ba a̰a̰ kósə de gə̄ ngá̰ý anī, kumən o̰o̰n sedə́. Tɔdɔ̄ nin̄-ton̄ tītə̄ batə̄ gə̄ kə́ nge kul̄də́ gətóo beé, ba ni-əla gíŕ ndóōdə́ yá̰á̰ ngá̰ý.

MATIYE 13:52

Loo ń noō tə́ Jeju ədadə́ na: I beé ní, náā nəkɔ́ ń i nge ndóō de gə̄ ndū najə̄ tá tél nge ndóō yá̰á̰ kə́ dɔ Ɓē ko̰o̰ kə́ dɔ rā̰ tə́ ní, ni i tītə̄ kɔ́ɔ̄ kújə́ kə́ a ɔr̄ yá̰á̰ kə́ kijə gə̄gē, kə́ jóo gə̄gē, dan yá̰a̰ kənge yān kə́ gātə̄n i ngá̰ý tə́ beē.

Gōsə̄ najə̄ gə̄ 6:23

Tɔdɔ̄ yá̰á̰ kə́ kəda kadə̄ yā rāā ní, rāā rɔ̄n i hor lámbá kə́ unjə̄ loo tə́ ō, kɔjə̄ rāā rɔ̄n i loo kə́ unjə̄ kow tə́ ō, ndán̄g loo i yá̰á̰ kə́ a əhɔ əndājí gotoó dɔ róbə ndi kə kumuú tə́ ō.

Gōsə̄ najə̄ gə̄ 2:6

Tɔdɔ̄ i Kɔ́ɔ̄ɓē n i nge kadə̄ deē kum kedə̄ ní. Yá̰a̰ ger̄ ō, ger̄ kum najə̄ ō, a teēn̄ i tan ni tə́.

NEHEMI 9:3

Nin̄ unən̄ kum mbang mətá ran̄neé kə njadə́ dɔɔ́ gotə kógə̄ḿ oōn̄neé najə̄ ń a tə́dan̄ kem makətūbə̄ ndū najə̄ y ā Kɔ́ɔ̄ɓē Nə́ɓā yādə́ tə́ ní. Tél unən̄ kum mbang mətá ɓáý to̰ ɔrə̄n̄neé gír majaĺ yādə́ gə̄ ō, əsōn̄neé kə̄ nang tə́ no Kɔ́ɔ̄ɓē Nə́ɓā yādə́ tə́ ō.

ESDRAS 7:14

I mə̄kɔ́ ō, ngé kadə̄ kɔjə̄ yāḿ kə́ sīrí gə̄ ō n j-əlasí Jerusalem ō, gō nang kə́ Juda tə́ ō ní. I kadə̄ āw̄ ə̄ndā ma̰ȳ loo ɓōĺ ń de kə́ kemeé gə̄ a ɓōlə́n̄ ndū najə̄ yā Nə́ɓā yāí ń makətūbə̄n to jīí tə́ toō.

ESDRAS 6:6

Loo ń noō tə́ Darius ndang makətūbə̄ əlan̄ adə̄ Tatənai nge ko̰o̰ ɓē kə́ gō nang kə́ gidə bā Opəratə kə́ dām̄ kə́ no ɓē tə́ ō, adə̄ Setar Bosənai ō, madə̄də́ gə̄ ń i de gə̄ kə́ Aparsak gō nang kə́ gidə bā Opəratə kə́ dām̄ kə́ no ɓē tə́ ní ō. Najə̄ ń ni ədadə́ kem makətūbūú ní n toó: Asəsí kəndā kumsí gír najə̄ ń noō tə́.

1 YÁ̰A̰ GƏ̄ 23:4

Dabid gə̄rā de gə̄ dūbú kutə jōó gidə i sɔ́ dandə́ tə́ kadə̄ nin̄ i ngé kəndā kumdə́ gír kəla kújə yā Kɔ́ɔ̄ɓē tə́ gə̄ ō, gə̄rā de gə̄ dūbú mehḛ́ dandə́ tə́ kadə̄ nin̄ i ngé ndóō de gə̄ ndū najə̄ gə̄ ō, ngé gān̄g sarya gə̄ ō,

1 YÁ̰A̰ GƏ̄ 22:12

Ādə̄ Kɔ́ɔ̄ɓē rāā seí adə̄ ī-ger̄ kəndā ma̰ȳ yá̰a̰ ō, ādə̄ adī ger̄ yá̰a̰ ō, kadə̄ ī-ngɔ̄məń ndū najə̄ yān dan ń a adī əndā ó̰o̰ ɓē dɔ Israel gə̄ tə́ ní.

1 MBAN̄G GƏ̄ 3:28

Ngán Israel gə̄ malang oōn̄ sarya ń mban̄g gān̄g ní adə̄ rɔȳn̄ mban̄g. Tɔdɔ̄ a̰a̰n̄ kadə̄ Nə́ɓā adə̄n kum kedə̄ yān yā gāngəń sarya.

KOLOSƏ 1:28

I Kərist ngeé ń toō n j-ɔjə de gə̄ malang najə̄ yān ní. Jə-tāādə́ kógə̄ḿ kógə̄ḿ ō, j-ɔjədə́ yá̰a̰ kə kum kedēé ō, kadə̄ de gə̄ kógə̄ḿ kógə̄ḿ télən̄ de kə́ majə ɔtə̄ kə taá gə̄ kə gō ɓoo naā yādə́ kə Kərist.

TA KƏLA 41:38

Anī Parao̰ əda ngé rāā kəla yān gə̄ na ké na n-əngen̄ de kə́ aw̄ kə Ndíĺ Nə́ɓāá dɔn tə́ tītə̄ deē ń toō wa.

TA KƏLA 41:39

Ni tél əda Jəjep na tītə̄ ń Nə́ɓā na ɔjən yá̰a̰ gə̄ ń toō malang adə̄ na ger̄ ní, de kə́ rang kə́ ger̄ yá̰a̰ ō, kumən edə̄ tītə̄ yān ō na gətóo.

2 MBAN̄G 17:27

Anī mban̄g ədadə́ na kə unən̄ nge tun̄ yá̰á̰ kógə̄ḿ dan ngé tun̄ yá̰á̰ kə́ Samari tə́ gə̄ ń ɔyn̄də́ reēn̄ sedə́ ní tə́ kadə̄ aw̄ ndi gogə́ Samari, kadə̄ ndóōdə́ loo ndɔ̄ȳ nə́ɓā kem ɓē ní tə́.

ESDRAS 10:4

Ḭ́ḭ dɔɔ́ tɔdɔ̄ najə̄ ní sɔɔ̄ī. Jḭḭ i seí. Ī-lōō kə hə́yā ba údə kə̄ rɔ̄ kəla tə́ ī-rāā.