ESDRAS 7:16 - Bibəl ta Sar̄

¹⁶ Gində̄ arjā̰a̰ ō, lɔ́r malang ō ń ngán Israel madí gə̄, adə̄ i ngé tun̄ yá̰a̰ gə̄ aké i de kə́ karī gə̄ a adə̄n̄ kə gō kem ndigə yādə́ nin̄ kɔ́ gɔ̄ɔ́ tām̄ yā kújə yā Nə́ɓā yādə́ kə́ Jerusalem tə́ á ā ī-taā jīdə́ tə́ gō nang kə́ Babilon tə́ ní, ā ɔ́y malang yā kaw̄ń ō.

Bible sar

¹⁶ Gində̄ arjā̰a̰ ō, lɔ́r malang ō ń ngán *Israel madí gə̄, adə̄ i *ngé tun̄ yá̰a̰ gə̄ aké i de kə́ karī gə̄ a adə̄n̄ kə gō kem ndigə yādə́ nin̄ kɔ́ gɔ̄ɔ́ tām̄ yā *kújə yā Nə́ɓā yādə́ kə́ Jerusalem tə́ á ā ī-taā jīdə́ tə́ gō nang kə́ *Babilon tə́ ní, ā ɔ́y malang yā kaw̄ń ō.

ESDRAS 7:16 Referans Kwoze

1 YÁ̰A̰ GƏ̄ 29:6

Loo ń noō tə́ ngār gə̄ kə́ dɔ gír kojə gə̄ tə́ ō, kə́ dɔ gír ɓē gə̄ yā Israel tə́ ō, ngol áskar kə́ dūbú gə̄ ō, kə́ ɓú gə̄ ō, jama dɔ ngé rāā kəla yā mban̄g gə̄ ō, adə̄n̄ yá̰a̰ kə gō kem ndigə yādə́ nin̄ kɔ́ gɔ̄ɔ́,

ESDRAS 1:6

Madə̄ ɓēdə́ gə̄ rāān̄ sedə́, adə̄n̄də́ ngáń gájə́ yá̰a̰ rāā kəla gə̄ kə́ rāān̄ kə gində̄ arjā̰a̰á̰ ō, kə lɔ́rɔ́ ō, yá̰a̰ kənge kə́ rang gə̄ ō, yá̰á̰ kə́ tayā tayā gə̄ kə́ gātə̄də́ i ngá̰ý gə̄ ō, yá̰a̰ kul̄ gə̄ ō, adə̄n̄də́ yá̰a̰ ndējə̄ gə̄ kə́ nin̄ kɔ́ gə̄ adə̄n̄ kə gō kem ndigə̄ yādə́ tām̄ yā kújə yā Kɔ́ɔ̄ɓē tə́ ō.

ESDRAS 1:4

Loo malang ń gotə ngán Israel gə̄ ndin̄ tū tə́ ní, ādə̄ de kə́ loo ní tə́ gə̄ adə̄n̄də́ kadə̄ karī gə̄ kə́ rāān̄ kə gində̄ arjā̰a̰á̰ ō, kə lɔ́rɔ́ ō, yá̰a̰ kənge kə́ rang gə̄ ō, yá̰a̰ kul̄ gə̄ ō, yá̰a̰ ndējə̄ kə́ kadə̄ kə gō kem ndigií gə̄ ō, tām̄ yā kújə yā Nə́ɓā kə́ Jerusalem tə́.

1 YÁ̰A̰ GƏ̄ 29:9

De gə̄ malang ń noō adə̄n̄ yá̰a̰ kənge yādə́ gə̄ tām̄ yā Kɔ́ɔ̄ɓē tə́ i kə kem kə́ majaá ō, rɔ̄də́ nel̄də́ tāmən tə́ ō. Rɔ̄ mban̄g Dabid nelə̄n ngá̰ý ō.

2 KORḚNTƏ 9:7

I beé ní ādə̄ de gə̄ kógə̄ḿ kógə̄ḿ adə̄n̄ yá̰a̰ kə gō kem ndigə yādə́, ba ādə̄ i kə́ kadə̄ kə ndə̄ngā rɔ̄ɔ́ gō tə́ aĺ ō, dɔ gúú tə́ aĺ ō. Tɔdɔ̄ Nə́ɓā tár i nge kadə̄ yá̰a̰ kə rɔ̄nelēé.

2 KORḚNTƏ 8:12

Tɔdɔ̄ ré gír̄ kə́ kem deē tə́ ń adə̄ń yá̰á̰ ní i gír̄ kə́ majanī, a ndigən̄ kɔ́ɔ̄ i tām̄ yá̰á̰ kə́ to jīn tə́ tə́, ba i tām̄ yá̰á̰ kə́ gətóo jīn tə́ tə́ alé.

1 YÁ̰A̰ GƏ̄ 29:17

Nə́ɓā yāḿ, m̄-ger̄ kadə̄ ḭ̄ i nge kəndā ma̰ȳ kem deē ō, nge ndigə háĺ kə́ súmūú ō. Adə̄ i kə kem kə́ súmūú n m̄-ndējīneé yá̰a̰ malang ń noō kə gō kem ndigə yāḿ ní. Ba ɓōólaā gír deē yāí gə̄ ń kánə̄n̄ naā á ran̄ laā ní, m-á̰á̰də́ loo rāā tə́ tītə̄ yāḿ kə rɔ̄nelēé ō.

2 YÁ̰A̰ GƏ̄ 6:2

Mā m̄-rāā kújə́ kə́ bo m-ādī i loo kə́ kadə̄ ī-ndi tū tə́ ngándáńg!

2 YÁ̰A̰ GƏ̄ 6:5

Əla gír ndɔ̄ ń na n-teēń kə gír deē yān gēé kɔ̄ɔ́ kem ɓē kə́ Ejiptə tə́ ní, na n-gə̄rā ɓē kógə̄ḿ dan ɓē gə̄ kə́ Israel tə́ adə̄ rāān̄ kújə́ kógə̄ḿ kə́ rīn i dɔ tə́ kemeé aĺ ɓáý ō, na n-gə̄rā deē kógə̄ḿ adə̄ ndi ngār dɔ Israel gə̄ ń i gír deē yān gə̄ ní tə́ aĺ ɓáý ō,

2 YÁ̰A̰ GƏ̄ 6:6

banī na n-gə̄rā ɓē kə́ Jerusalem kadə̄ rīn i dɔ tə́ ō, na n-gə̄rāī ḭ̄ Dabid kadə̄ ó̰o̰ ɓē dɔ gír deē yān gə̄ tə́ ō.

2 YÁ̰A̰ GƏ̄ 31:14

Kore ngōn̄ Iməna kə́ ngōn̄ Lebi kə́ nge ngɔ̄m̄ ta róbə́ kə́ dām̄ kə́ gír ɓē tə́ i nge ka̰a̰ gō yá̰a̰ ndējə̄ gə̄ ń de gə̄ ndējə̄n̄ Nə́ɓā ní ō, i nge nə̄ɓō ngé tun̄ yá̰a̰ gə̄ dɔ yá̰á̰ kə́ kɔr̄ tām̄ yā Kɔ́ɔ̄ɓē tə́ gə̄ ō, yá̰á̰ kə́ táĺ ngá̰ý gə̄ ō.

PĀ GƏ̄ 135:21

Ādə̄ de kə́ Siyo̰ gə̄ tɔ̄ȳn̄ Kɔ́ɔ̄ɓē ń ndi Jerusalem ní! Aleluya!