ESDRAS 7:14 - Bibəl ta Sar̄

¹⁴ I mə̄kɔ́ ō, ngé kadə̄ kɔjə̄ yāḿ kə́ sīrí gə̄ ō n j-əlasí Jerusalem ō, gō nang kə́ Juda tə́ ō ní. I kadə̄ āw̄ ə̄ndā ma̰ȳ loo ɓōĺ ń de kə́ kemeé gə̄ a ɓōlə́n̄ ndū najə̄ yā Nə́ɓā yāí ń makətūbə̄n to jīí tə́ toō.

Bible sar

¹⁴ I mə̄kɔ́ ō, ngé kadə̄ kɔjə̄ yāḿ kə́ sīrí gə̄ ō n j-əlasí Jerusalem ō, gō nang kə́ *Juda tə́ ō ní. I kadə̄ āw̄ ə̄ndā ma̰ȳ loo ɓōĺ ń de kə́ kemeé gə̄ a ɓōlə́n̄ *ndū najə̄ yā Nə́ɓā yāí ń makətūbə̄n to jīí tə́ toō.

ESDRAS 7:14 Referans Kwoze

ESTER 1:14

Ba ngé ger̄ yá̰a̰ gə̄ ngeé ń toō kə́ kadə mban̄g tə́ ngɔr gə̄ ní i Karsena ō Setar ō Adəmata ō Tarsis ō Meres o Marsena ō Memukan ō. Nin̄ i ngé rāā kəla kə́ bo gə̄ yā ɓē kə́ Persə ō, kə́ Medi ō. I nin̄ n i ngé kaw̄ rɔ̄ mban̄g tə́ gə̄ ō, ngé ndi loo kə́ kété tə́ kə́ kem ɓē ko̰o̰ malang yā mban̄g tə́ ō ní.

DANIEL 6:26

Gō tə́ anī mban̄g Darius ndang najə̄ ń toō əlań adə̄ de gə̄ ń gíŕdə́ ō nápardə́ ō ta yādə́ ō i tayā tayā á ndin̄ dɔ nang tə́ malang ní: m̄-ndə̄ngā kadə̄ ī-ndiī lápə́ya ngá̰ý!

DANIEL 6:20

Mban̄g ḭḭ dɔɔ́ kə gír looí ɓatə ba aw̄ láẃ ta bəlo ɓɔl gə̄ tə́.

DANIEL 2:47

Gō tə́ anī əda Daniel na: Rɔ̄kum, Nə́ɓā yāsí i Nə́ɓā kə́ bo tɔȳ nə́ɓā gə̄ malang ō, ni i ngol mban̄g gə̄ ō. I ni ngóy n i nge kɔjə deē yá̰á̰ kə́ to loo mundə̄ tə́ kadə̄ ger̄ ní, tɔdɔ̄ ḭ̄ ɔ́jəm̄ yá̰á̰ kə́ loo mundə̄ tə́ ń toō.

IJAI 8:20

ī-tūr̄ ə́dain̄ na: Yá̰á̰ ń kadə̄ deē tél reē dɔ tə́ ní, i yá̰á̰ ndóō yā Kɔ́ɔ̄ɓē ō, i najə̄ yā Kɔ́ɔ̄ɓē ō. Deē ń a əda najə̄ ń noō aĺ ní, a a̰a̰ loo kə́ atə wororo kə́ ta gír loo tə́ alé.

ESDRAS 8:25

Ba m̄-mbɔ̄jə́ gində̄ arjā̰a̰ ō lɔ́r ō, yá̰á̰ kə́ gātə̄də́ i ngá̰ý gə̄ ō ń mban̄g ō, ngé kadə̄ kɔjə yān gə̄ ō, de kə́ bo yān gə̄ ō, ngán Israel gə̄ ń ndin̄ noó ní ō, adə̄n̄ tām̄ yā kújə yā Nə́ɓā yājí tə́ ní ta kumdə́ tə́.

ESDRAS 7:28

Kɔ́ɔ̄ɓē ɔjə kem majə ń rāā seḿ ní kə̄ ndágá ta kum mban̄ g tə́ ō, ngé kadə̄ kɔjə̄ yān gə̄ tə́ ō, de kə́ bo yān gə̄ malang ń ndi gīrə̄n̄ gidən ní tə́ ō. Loo ń noō tə́ m-ə́nge tɔ́gə tɔdɔ̄ jī Kɔ́ɔ̄ɓē Nə́ɓā yāḿ i dɔḿ tə́, adə̄ m-ɔ́sə nja ngār kə́rēý gə̄ kə́ Israel tə́ kə naā tə́ kadə̄ aw̄n̄ seḿ.

ESDRAS 7:15

Tá yá̰á̰ kə́ rang i kadə̄ j-əlaī kə gində̄ arjā̰a̰ ō, lɔ́r ō ń mā ō ngé kadə̄ kɔjə̄ yāḿ gə̄ ō jə-gḛy ndejə̄ Nə́ɓā kə́ Israel tə́ ń kújə yān i Jerusalem ní.

ESDRAS 6:12

Mban̄g, aláa gír de gə̄ ń a mānə̄n̄ dɔ ndūḿ ba a əlan̄ jīdə́ yā nujəń kújə yā Nə́ɓā ń toō kɔ̄ɔ́ kem ɓē kə́ Jerusalem tə́ ní, ādə̄ Nə́ɓā ń rāā adə̄ rīn to kem ɓē kə́ Jerusalem tə́ ní mbə́rē tə́nīdə́ kɔ̄ɔ́. I mā Darius n m-ə́da kadə̄ rāān̄ yá̰a̰ gə̄ ń toō ní. Ādə̄ de gə̄ əndān̄ kumdə́ gírí majə rāān̄.

ESDRAS 5:8

Kɔ́ɔ̄ ɓē gə̄, j-aw̄ gō nang kə́ Juda tə́ kújə yā Nə́ɓā kə́ bo tə́. Adə̄ majə kadə̄ j-ədaī ādə̄ ī-ger̄ gō. Tél n da a rāān̄ kújə yā Nə́ɓā ní gogə́ rang noó kə mbal̄ kə́ tɔ́sə̄ kadə gə̄ ō, kə sáa kāgə̄ gə̄ kə́ kəndā bɔr gidə tə́ gə̄ ō. Əndān̄ kumdə́ gír kəla ní tə́ rāān̄neé adə̄ majə ngá̰ý ō, kəla ní a̰ȳ láẃ ngá̰ý ta jīdə́ tə́ ō.

ESDRAS 1:3

Ní i náā kə́ dansí tə́ n i de kə́ gírən teē dan deē yān gə̄ tə́ ní, anī ādə̄ Nə́ɓā yān i seneé, ba ādə̄ aw̄ Jerusalem kə́ Juda tə́ aw̄ rāā kújə yā Kɔ́ɔ̄ɓē Nə́ɓā yā Israel, adə̄ i Nə́ɓā ń ndi Jerusalem ní.

ESDRAS 6:8

Adə̄ m̄-mēr̄sí rāā kə kum kɔɔ̄ gə̄ yā Jipə gēé kadə̄ tél rāān̄neé kújə yā Nə́ɓā gogə́ rang. Ā ādīdə́ yá̰a̰ i ngándáńg tām̄ yā kəla tə́ kanjə̄ kadə̄ dan gān̄g. I yá̰a̰ kənge yā mban̄g, adə̄ i lambóó kə́ táā jī de gə̄ tə́ gidə b ā Opəratə kə́ dām̄ kə́ no ɓē tə́ n ā ɔ̄rī yá̰a̰ tū tə́ yā kadə̄də́ ní.

JAKARI 6:10

Yá̰a̰ ndējə̄ gə̄ ń de gə̄ kə́ əhɔn̄də́ aw̄n̄ sedə́ dɔ ɓē kə́ rang tə́ dɔ gúú tə́ adə̄n̄ Helday ō, Tobia ō, Yedaya ō, adə̄ reēn̄neé ní, ī-taā jīdə́ tə́. Nin̄-ḭḭn̄ Babilon reē ugə̄n̄ i ngɔr ɓáý. Ɓōólaā nəkɔ́ ń toō ā āw̄ ɓē Yosiya kə́ ngōn̄ Sepania, loo ń nin̄ aw̄n̄ tū tə́ ní tə́.