ESDRAS 6:8 - Bibəl ta Sar̄

⁸ Adə̄ m̄-mēr̄sí rāā kə kum kɔɔ̄ gə̄ yā Jipə gēé kadə̄ tél rāān̄neé kújə yā Nə́ɓā gogə́ rang. Ā ādīdə́ yá̰a̰ i ngándáńg tām̄ yā kəla tə́ kanjə̄ kadə̄ dan gān̄g. I yá̰a̰ kənge yā mban̄g, adə̄ i lambóó kə́ táā jī de gə̄ tə́ gidə b ā Opəratə kə́ dām̄ kə́ no ɓē tə́ n ā ɔ̄rī yá̰a̰ tū tə́ yā kadə̄də́ ní.

Bible sar

⁸ Adə̄ m̄-mēr̄sí rāā kə *kum kɔɔ̄ gə̄ yā Jipə gēé kadə̄ tél rāān̄neé kújə yā Nə́ɓā gogə́ rang. Ā ādīdə́ yá̰a̰ i ngándáńg tām̄ yā kəla tə́ kanjə̄ kadə̄ dan gān̄g. I yá̰a̰ kənge yā mban̄g, adə̄ i lambóó kə́ táā jī de gə̄ tə́ gidə b ā Opəratə kə́ dām̄ kə́ no ɓē tə́ n ā ɔ̄rī yá̰a̰ tū tə́ yā kadə̄də́ ní.

ESDRAS 6:8 Referans Kwoze

ESDRAS 6:4

A ɔsə̄n̄ mbal̄ kə́ tɔ́sə̄ kadə gə̄ kə ta naá nja mətá ō, sáā kāgə̄ kə́ kijə gə̄ kə ta naá nja kógə̄ḿ ō. I nar kə́ kem kújə ngɔ̄m̄ nar yā mban̄g tə́ n a rāān̄neé kəla gə̄ ń noō ní.

Makətūbə̄ yā Aje 2:8

Tɔdɔ̄ gində̄ arjā̰a̰ i yá̰a̰ yān ō, lɔ́r i yá̰a̰ yān ō. I Kɔ́ɔ̄ɓē kə́ bo kə́ tɔ́gən i ngá̰ý n əda najə̄ ń toō ní.

ESDRAS 5:5

Banī Nə́ɓā əndā kumən gō kum kɔɔ̄ gə̄ yā Jipə gə̄ tə́, adə̄ deē ɔgə̄də́ rāā kəla aĺ bátə́, adə̄ najə̄ kə́ dɔ kəla ní tə́ aw̄ ugə̄ń rɔ̄ Darius tə́ ō, najə̄ ń ni-əda dɔ tə́ ní tél reē ugə̄ń ō.

ESDRAS 4:23

Dan ń tə́dan̄ makətūbə̄ yā mban̄g Artajerses ní adə̄n̄ Rehum ō, Simsai nge ndang makətūbə̄ ō, madə̄də́ gə̄ ō oy anī, nin̄ ḭḭn̄ dɔɔ́ aw̄n̄ Jerusalem kə nāgá aw̄ əndān̄ tɔ́gə́də́ dɔ Jipə gə̄ tə́ ɔgə̄n̄neédə́ rāā kəla.

ESDRAS 4:16

Ní, j-əda mban̄g kadə̄ oō. Ré tél rāān̄ ɓē ń noō gogə́ rang ō, ənīn̄ ndogə̄ mbal̄ kə́ ngan̄g dɔ tə́ gogə́ rang ō anī, ā ásə ko̰o̰ ɓē gō nang kə́ gidə bā Opəratə kə́ dām̄ kə́ laā tə́ to̰ alé.

ESDRAS 6:7

Əya̰ī Jipə gə̄ ādə̄ tél rāān̄ kújə yā Nə́ɓā gogə́ rang. Nge ko̰o̰ ɓē dɔ Jipə gə̄ tə́ a rāā kújə ngeé ń toō i naā tə́ kə kum kɔɔ̄ gə̄ yā Jipə gēé. Nin̄ a rāān̄ kújə́ ní i gotən kə́ kété tə́.

ESDRAS 6:9

Yá̰a̰ gə̄ ń ngé tun̄ yá̰á̰ kə́ Jerusalem gə̄ a gḛyn̄ á nin̄ a dəjen̄sí ní, ādīdə́ kə dɔ ndɔ̄ gə̄. Yá̰a̰ gə̄ ní n toó: Man̄g kə́ bəra gə̄ ō, bal batə̄ gə̄ ō, ngán batə̄ gə̄ ō, kə́ yā róō horoó kadə̄ Nə́ɓā kə́ dɔ rā̰ tə́ ō, kōō gémē ō, katə̄ ō, kasə nduú ō yibə̄ ō.

ESDRAS 7:14

I mə̄kɔ́ ō, ngé kadə̄ kɔjə̄ yāḿ kə́ sīrí gə̄ ō n j-əlasí Jerusalem ō, gō nang kə́ Juda tə́ ō ní. I kadə̄ āw̄ ə̄ndā ma̰ȳ loo ɓōĺ ń de kə́ kemeé gə̄ a ɓōlə́n̄ ndū najə̄ yā Nə́ɓā yāí ń makətūbə̄n to jīí tə́ toō.

NEHEMI 11:23

Tɔdɔ̄ mban̄g əndā ndū najə̄ kógə̄ḿ tām̄ yādə́ tə́ ō, do̰ō̰n̄ yá̰á̰ kógə̄ḿ naā tə́ adə̄ ngan̄g tām̄ yā gōsə̄ pā gə̄ tə́ kə dɔ ndɔ̄ gə̄ ō.

DANIEL 6:26

Gō tə́ anī mban̄g Darius ndang najə̄ ń toō əlań adə̄ de gə̄ ń gíŕdə́ ō nápardə́ ō ta yādə́ ō i tayā tayā á ndin̄ dɔ nang tə́ malang ní: m̄-ndə̄ngā kadə̄ ī-ndiī lápə́ya ngá̰ý!

ESDRAS 6:14

Najə̄ gə̄ ń Aje nin̄ kə Jakari kə́ ngōn̄ Ido ədan̄ kə́ loo ngé koō ta gə̄ tə́ ní, adə̄ kum kɔɔ̄ gə̄ yā Jipə gə̄ tɔ́gə adə̄ nin̄ rāān̄neé kəla kújə yā Kɔ́ɔ̄ɓē. Kəla ní njə̄rā majə. Nin̄ tɔ̄lə̄n̄ ta kəla kújə́ ní tītə̄ ń Nə́ɓā yā Israel ədań ní ō, tītə̄ ń mban̄g gə̄ kə́ Persə tə́ ədan̄neé ní ō. Mban̄g gə̄ ní i mban̄g Sirus ō Darius ō Artajerses ō.

NEHEMI 2:8

Ādə̄ adə̄mə̄n̄ makətūbə̄ kə́ tām̄ yā Asap nge ngɔ̄m̄ ku kāgə̄ gə̄ yā mban̄g tə́ ō, kadə̄ adə̄m̄neé kāgə̄ tə́ tām̄ yā ta róbə gə̄ kə́ tū kújə́ kə́ ngan̄g kə́ kadə kújə yā Kɔ́ɔ̄ɓē tə́ ō, ndogə̄ mbal̄ kə́ dɔ ɓē tə́ ō, kújə́ ń mā m-ā m̄-ndi kemeé ní ō. Mban̄g adə̄m̄ makətūbə̄ gə̄ ní, tɔdɔ̄ jī Nə́ɓā yāḿ kə́ majə i dɔḿ tə́.