ESDRAS 6:3 - Bibəl ta Sar̄

³ Kem ɓāl̄ ko̰o̰ ɓē yā mban̄g Sirus kə́ ta kəga dɔ tə́ ní, ni-əda kadə̄ de gə̄ tél rāān̄ kújə yā Nə́ɓā Jerusalem gogə́. A rāān̄ kújə́ ní i loo ń de gə̄ ndējə̄n̄ Nə́ɓā yá̰á̰ kə́ tun̄ gə̄ tū tə́ ní ō, loo ń ngəran i tū tə́ kété ní tə́ ō. Ngālən kə́ kə̄ dɔɔ́ a asə kíl deē 60 ō, laan a asə kíl deē 60 ō.

Bible sar

³ Kem ɓāl̄ ko̰o̰ ɓē yā mban̄g Sirus kə́ ta kəga dɔ tə́ ní, ni-əda kadə̄ de gə̄ tél rāān̄ *kújə yā Nə́ɓā Jerusalem gogə́. A rāān̄ kújə́ ní i loo ń de gə̄ ndējə̄n̄ Nə́ɓā yá̰á̰ kə́ tun̄ gə̄ tū tə́ ní ō, loo ń ngəran i tū tə́ kété ní tə́ ō. Ngālən kə́ kə̄ dɔɔ́ a asə kíl deē 60 ō, laan a asə kíl deē 60 ō.

ESDRAS 6:3 Referans Kwoze

2 YÁ̰A̰ GƏ̄ 36:22

Kem ɓāl̄ ko̰o̰ ɓē kə́ ta kəga dɔ yā Sirus mban̄g kə́ Persə tə́ ní, Kɔ́ɔ̄ɓē gḛy rāā yá̰á̰ ń ni əndā ta Jeremi nge koō ta tə́ adə̄ əda kété ní. Ni ndól̄ hángal Sirus mban̄g kə́ Persə kadə̄ ənī mbēr̄ kógə̄ḿ ō, ndang makətūbə̄ kógə̄ḿ ō, kadə̄ ədan̄ de kə́ kem ɓē ko̰o̰ yān tə́ gə̄ malang na:

JEJU TEĒ KUM JA̰A̰ 21:16

Ɓē ní i ɓē kə́ kílən i sɔ́. Ngālə̄n ō laan ō asən̄ naā. De kə́ dɔ rā̰ tə́ mbɔ̄jə́ ngāl̄ ɓē ní kə tə̄ɓā ní anī, ngālə̄n i kəlā kūbə̄ mehḛ́. Ngālən ō, laan ō, ngālə̄n kə́ kə̄ dɔɔ́ ō, asən̄ naā.

PĀ GƏ̄ 122:4

De kə́ gír ɓē kə́ Israel tə́ gə̄, kə́ gír ɓē yā Kɔ́ɔ̄ɓē tə́ gə̄ reēn̄ tɔ̄ȳ rī Kɔ́ɔ̄ɓē tə́ i ɓēé looí, tītə̄ ń a rāān̄neé Israel tə́ ní.

2 YÁ̰A̰ GƏ̄ 2:6

Beé ní ə́la kə kɔdə̄ kógə̄ḿ ādə̄m̄, kɔdə̄ kə́ ger̄ rāā kəla lɔ́r ō, kəla gində̄ arjā̰a̰ ō, gində̄ nə̄ngá kasə ō, gində̄ kə́ karī ō, kə́ ger̄ rāā kūbə̄ kə́ kəla kum man̄ yá̰á̰ kə́ kərē gə̄ tə́ ō, kum man̄ yá̰á̰ kə́ kərē pírírí gə̄ tə́, aláa ndul gusə gusə gə̄ tə́ ō, kə́ ger̄ tɔ́sə yá̰a̰ ō. Ni a rāā kəla kə kɔdə̄ yāḿ gēé, ngé gə̄ ń bɔbə́ḿ Dabid gə̄rādə́ á ndin̄ Jerusalem aláa loo kə́ rang gə̄ tə́ dɔ nang kə́ Juda tə́ ní,

ESDRAS 1:1

Kem ɓāl̄ kə́ ta kəga dɔ ń Sirus ndiń mban̄g dɔ ɓē ko̰o̰ kə́ Persə tə́ ní, Kɔ́ɔ̄ɓē gḛy rāā yá̰á̰ ń ni-əndā ta Jeremi nge koō ta tə́ adə̄ əda kété ní. Ni ndól̄ hángal Sirus mban̄g kə́ Persə kadə̄ ənī mbēr̄ ō, ndang makətūbə̄ ō, yā kədań de kə́ kem ɓē ko̰o̰ yān tə́ gə̄ malang na:

ESDRAS 3:7

Adə̄ adə̄n̄ ngé rāā kəla gə̄ nar kadə̄ tə́gān̄neé mbal̄ gə̄ ō, njárə̄n̄neé kāgə̄ gə̄ ō. Adə̄n̄ Sidon gə̄ ō Tir gə̄ ō yá̰a̰ kəsa ō yá̰a̰ ka̰ȳ ō yibə̄ ō, kadə̄ ḭḭn̄neé aĺ kə kāgə̄ sédər dɔ nang kə́ Liban tə́ dɔ bā bo tə́ reēn̄neé Japa. Nin̄ rāān̄ yá̰a̰ i kə gō ń Sirus mban̄g kə́ Persə adə̄ńdə́ ta róbə́ ní.

2 YÁ̰A̰ GƏ̄ 2:3

Ba mā m̄-gḛy i rāā kújə́ kə́ tām̄ yā rī Kɔ́ɔ̄ɓē Nə́ɓā yāḿ tə́, kadə̄ ra tām̄ yān tə́. A róōn̄ ndujə̄ yá̰á̰ kə́ kotə majə gə̄ tām̄ yā Kɔ́ɔ̄ɓē tə́ kem kújə́ ní tə́ ō, a ɓōkə́n̄ mápá kə́ ndējə̄ gə̄ ta kum Kɔ́ɔ̄ɓē tə́ kem kújə́ ní tə́ ngándáńg ō, a ndējə̄n̄ Kɔ́ɔ̄ɓē yá̰a̰ tun̄ kə́ róō horoó dəloí ō, loo sɔlí ō, yá̰a̰ tun̄ gə̄ kə́ róō horoó ndɔ̄ sabat gə̄ tə́ ō, ndɔ̄ teē nāā gə̄ tə́ ō, ndɔ̄ rāā nāā gə̄ yā Kɔ́ɔ̄ɓē Nə́ɓā yājí tə́ ō, kem kújə́ ní tə́. A tunə̄n̄ yá̰a̰ gə̄ ń noō dɔ nang kə́ Israel tə́ i ngáńdáńg.

ESDRAS 1:2

Sirus mban̄g kə́ Persə ɔr̄ najə̄ i beé, əda na: Kɔ́ɔ̄ɓē, Nə́ɓā kə́ dɔ rā̰ tə́, adə̄m̄ ɓē ko̰o̰ gə̄ malang kə́ dɔ nang tə́ ō, nəkɔ́ əndā kəla rāā kújə́ kógə̄ḿ dɔḿ tə́ kadə̄ m̄-rāā m-ādə̄n kem ɓē kə́ Jerusalem kə́ Juda tə́ ō.

ESDRAS 6:14

Najə̄ gə̄ ń Aje nin̄ kə Jakari kə́ ngōn̄ Ido ədan̄ kə́ loo ngé koō ta gə̄ tə́ ní, adə̄ kum kɔɔ̄ gə̄ yā Jipə gə̄ tɔ́gə adə̄ nin̄ rāān̄neé kəla kújə yā Kɔ́ɔ̄ɓē. Kəla ní njə̄rā majə. Nin̄ tɔ̄lə̄n̄ ta kəla kújə́ ní tītə̄ ń Nə́ɓā yā Israel ədań ní ō, tītə̄ ń mban̄g gə̄ kə́ Persə tə́ ədan̄neé ní ō. Mban̄g gə̄ ní i mban̄g Sirus ō Darius ō Artajerses ō.