ESDRAS 6:22 - Bibəl ta Sar̄

²² Gō tə́ anī rāān̄ nāā mápá kə́ kanjə̄ kaa kə rɔ̄nelēé bátə́ ndɔ̄ sīrí. Kɔ́ɔ̄ɓē rāā adə̄ rɔ̄də́ nel̄də́ ngá̰ý tɔdɔ̄ ni tūr̄ kem mban̄g kə́ Asiri adə̄də́. Nge ń noō rāā adə̄ jīdə́ ngan̄g loo rāā kəla kújə yā Nə́ɓā yā Israel tə́.

Bible sar

²² Gō tə́ anī rāān̄ nāā mápá kə́ kanjə̄ *kaa kə rɔ̄nelēé bátə́ ndɔ̄ sīrí. Kɔ́ɔ̄ɓē rāā adə̄ rɔ̄də́ nel̄də́ ngá̰ý tɔdɔ̄ ni tūr̄ kem mban̄g kə́ Asiri adə̄də́. Nge ń noō rāā adə̄ jīdə́ ngan̄g loo rāā kəla *kújə yā Nə́ɓā yā Israel tə́.

ESDRAS 6:22 Referans Kwoze

Gōsə̄ najə̄ gə̄ 21:1

Ngarā̰ kem mban̄g to i tītə̄ kə̄lá man̄ kə́ i jī Kɔ́ɔ̄ɓē n a ɔjən loo ń a nūgə́ kə̄ tū tə́ ní.

ESDRAS 1:1

Kem ɓāl̄ kə́ ta kəga dɔ ń Sirus ndiń mban̄g dɔ ɓē ko̰o̰ kə́ Persə tə́ ní, Kɔ́ɔ̄ɓē gḛy rāā yá̰á̰ ń ni-əndā ta Jeremi nge koō ta tə́ adə̄ əda kété ní. Ni ndól̄ hángal Sirus mban̄g kə́ Persə kadə̄ ənī mbēr̄ ō, ndang makətūbə̄ ō, yā kədań de kə́ kem ɓē ko̰o̰ yān tə́ gə̄ malang na:

2 YÁ̰A̰ GƏ̄ 30:21

Ngán Israel gə̄ ń əngen̄ naā Jerusalem ní rāān̄ nāā mápá kə́ kanjə̄ kaa ndɔ̄ sīrí kə rɔ̄nel̄ kə́ ngá̰ý. Ngán Lebi gə̄ ō, ngé tun̄ yá̰a̰ gə̄ ō, tɔ̄ȳn̄ Kɔ́ɔ̄ɓē kə dɔ ndɔ̄ gə̄ kə yá̰á̰ kə́ ɓār̄ ngá̰ý gə̄, rɔȳn̄neé Kɔ́ɔ̄ɓē.

Gōsə̄ najə̄ gə̄ 16:7

Dan ń hál deē nel̄ Kɔ́ɔ̄ɓē anī ni a rāā kadə̄ madə̄ ba̰ā̰n gə̄ gə̄gē tél aw̄n̄ naā tə́ seneé.

ESDRAS 7:27

Ādə̄ de gə̄ tɔ̄ȳn̄ Nə́ɓā yā kaají gə̄ ń rāā adə̄ mban̄g rɔȳ kújə yā Kɔ́ɔ̄ɓē kə́ kem ɓē kə́ Jerusalem tə́ beé ní! I ni n rāā adə̄ gír̄ ń noō reē kem mban̄g tə́ ní.

2 YÁ̰A̰ GƏ̄ 35:17

Adə̄ ngán Israel gə̄ ń nin̄ i noō ní rāān̄ nāā Pákə ndɔ̄ ń noō tə́ ō, gō tə́ anī rāān̄ nāā mápá kə́ kanjə̄ kaa dɔ ndɔ̄ sīrí ō.

JA̰A̰ 19:11

Banī Jeju tél ədan na: Nə́ngētə́ nge ń ndi dɔɔ́ ní adī tɔ́gə aĺ anī, ḭ̄ ásə rāā yá̰á̰ kógə̄ḿ seḿ alé. Ī tām̄ najə̄ ń noō tə́ n majaĺ yā nge kəlam̄ jīí tə́ i kə́ bo ngá̰ý ní.

MATIYE 26:17

Ngé ndóō yá̰a̰ yā Jeju gə̄ reē dəjenən̄ kə ndɔ̄ kə́ ta kəga dɔ yā mápa kə́ rāā kanjə̄ kənī kaa mápa kum tə́ na kadə̄ əsan̄ yá̰á̰ Pákə ní wa, ké gḛy kadə̄ n-rāān̄ i loo kə́ rá tə́ n kə n-adə̄nən̄.

2 YÁ̰A̰ GƏ̄ 33:11

Loo ń noō tə́ Kɔ́ɔ̄ɓē rāā adə̄ ngol gə̄ yā ngé rɔ̄ɔ̄ gə̄ yā mban̄g kə́ Asiri reē rɔ̄ɔ̄n̄də́. Nin̄ əhɔn̄ Manase kə kuyú, tṵ́ṵ̄nən̄ kə súĺ gində̄ nə̄ngá kasə kə́ kəga gidə naā tə́ jōó, ba aw̄n̄ seneé Babilon.

2 MBAN̄G 23:29

I kem ɓāl̄ ko̰o̰ ɓē yān tə́ n Parao̰ Neko, mban̄g kə́ Ejiptə, aw̄ń kə ngé rɔ̄ɔ̄ yān gēé kum kə̄ bā Opəratə tə́ yā kaw̄ dḭḭ̄ń mban̄g kə́ Asiri ní. Mban̄g Josias gḛy kɔgə̄ de kə́ Ejiptə tə́ gə̄ mān̄, adə̄ dan ń Parao̰ a̰a̰n Megido ní tɔ̄lən.

ESDRAS 6:1

Tā anī mban̄g Darius əda kadə̄ ndəlen̄ gíŕ yá̰a̰ gə̄ kem makətūbə̄ gə̄ ń ɓōkə́n̄ kem kújə ngɔ̄m̄ makətūbə̄ gə̄ tə́ ō, yá̰á̰ kə́ gātə̄də́ i ngá̰ý gə̄ ō tə́, kem ɓē kə́ Babilon tə́ ní.

NEHEMI 13:6

Dan ń yá̰a̰ gə̄ ń noō a rāān̄neé yá̰á̰ tə́ ní mā i Jerusalem alé, tɔdɔ̄ m̄-tél m-āw̄ gogə́ rɔ̄ Artajerses mban̄g kə́ Babilon tə́, ɓāl̄ ko̰o̰ ɓē yān kə́ nge ko̰ kutə mətá gidə i jōó tə́. Gō tə́ sḛ́ý anī m̄-dəje mban̄g ta róbə

EJEKIEL 23:23

M-ā m̄-reē kə Babilon gə̄ ō, Kalde gə̄ malang ō, de kə́ kem ɓē kə́ Pekod tə́ gə̄ ō, Sowa tə́ gə̄ ō, Kowa tə́ gə̄ ō, de kə́ Asiri gə̄ a reēn̄ sedə́ ō. M-ā m-ɔ́sə dɔ de kə́ dəngam gə̄ ń noō naā tə́. Nin̄ i de kə́ balsáa gə̄ ō, majən̄ deē ō, nin̄ i ngé ko̰o̰ ɓē gə̄ ō, ngé gān̄g sarya gə̄ ō, nin̄ i ngé rɔ̄ɔ̄ gə̄ ō, ngé kəla kə́ bo gə̄ ō, nin̄ malang ní gerə̄n̄ kal̄ sə́nda majə ō.

2 YÁ̰A̰ GƏ̄ 23:18

Gō tə́ anī Yoyada adə̄ ngé tun̄ yá̰á̰ kə́ ngán Lebi gə̄ kəla ngɔ̄m̄ kújə yā Kɔ́ɔ̄ɓē. Kété ní Dabid əndādə́ i kə gō ɓūtə̄ yādə́ gēé kadə̄ ndējə̄n̄ yá̰a̰ tun̄ kə́ róō horoó kə taá malang gə̄ kem kújə yā Kɔ́ɔ̄ɓē tə́ kə gō ń ndangən̄neé kem ndū najə̄ yā Moijə tə́ ní. Ni ədadə́ kadə̄ rāān̄ kəla ní i kə rɔ̄nelēé ō, kə pā gēé tadə́ tə́ ō.

2 YÁ̰A̰ GƏ̄ 29:30

Gō tə́ anī mban̄g Ejekias ō, ngār gə̄ ō, mērə̄n̄ ngán Lebi gə̄ tɔ̄ȳ Kɔ́ɔ̄ɓē ɓáý to̰ kə pā gə̄ ń Dabid rāā ní ō, kə pā gə̄ ń Asap nge ka̰a̰ yá̰a̰ rāā ní ō, adə̄ nin̄ tɔ̄ȳn̄ Kɔ́ɔ̄ɓē kə rɔ̄nelēé ō, tétə̄n̄ kejədə́ ba ɔsən̄ nodə́ nang tə́ rɔȳn̄neé Kɔ́ɔ̄ɓē ō.