ESDRAS 6:21 - Bibəl ta Sar̄

²¹ Ngán Israel gə̄ ń télən̄ ɓəloó ní əsan̄ yá̰a̰ Pákə kə de gə̄ malang ń ndin̄ sedə́ á ɔrə̄n̄ rɔ̄də́ kɔ̄ɔ́ tū yá̰á̰ kə́ yḛr gə̄ yā nápar de kə́ kem ɓēé gə̄ tə́ yā ndɔ̄yń Kɔ́ɔ̄ɓē Nə́ɓā yā Israel ní.

Bible sar

²¹ Ngán *Israel gə̄ ń télən̄ ɓəloó ní əsan̄ yá̰a̰ *Pákə kə de gə̄ malang ń ndin̄ sedə́ á ɔrə̄n̄ rɔ̄də́ kɔ̄ɔ́ tū yá̰á̰ kə́ yḛr gə̄ yā nápar de kə́ kem ɓēé gə̄ tə́ yā ndɔ̄yń Kɔ́ɔ̄ɓē Nə́ɓā yā Israel ní.

ESDRAS 6:21 Referans Kwoze

2 KORḚNTƏ 7:1

Kó tár yāḿ gə̄, dan ń Nə́ɓā ənī míndən beé adə̄jí ní, ādə̄ jə-tə́goī yá̰a̰ malang ń rāā dā̰ rɔ̄jí ō, ndíĺjí ō, adə̄ télən̄ yá̰á̰ kə́ yḛr gə̄ ní kɔ̄ɔ́, kadə̄ j-unjīneé njáý njáý. Adə̄ jə-tɔ̄lī ta kɔr̄ kam̄ rɔ̄ yājí kə ɓōĺ ndíĺ Nə́ɓāá.

IJAI 52:11

Ngáń gájə́ yá̰a̰ rāā kəla gə̄ ń ngɔ̄mə̄n̄ kə rī rāā kəla yā Kɔ́ɔ̄ɓēé ní, sḭḭ̄ gə̄ ń ī-tél ā āwīneé kə̄ gogə́ ní, āwī, āwī! Ī-teēī kɔ̄ɔ́ Babilon! Ī-lōōī kɔdə yá̰á̰ kógə̄ḿ kə́ yḛr. Dan ń ā ī-teēī kɔ̄ɔ́ kem ɓē ń toō tə́ ní, ādī rɔ̄sí unjə̄ njáý njáý.

NEHEMI 9:2

Nin̄ ɔrə̄n̄ rɔ̄də́ kɔ̄ɔ́ rɔ̄ tə̄rā gə̄ tə́ ba ndin̄ kə kérdə́ ō, ɔrə̄n̄ gír majaĺ yādə́ gə̄ ō, gíŕ yá̰á̰ kə́ gōtə́ aĺ gə̄ ń kaadə́ gə̄ rāān̄ ní ō.

ESDRAS 9:1

Gō yá̰a̰ gə̄ ń noō tə́ anī ngār gə̄ reē ədamə̄n̄ na ngán Israel gə̄ ō, ngé tun̄ yá̰a̰ gə̄ ō, ngán Lebi gə̄ ō, na ɔrə̄n̄ rɔ̄də́ kɔ̄ɔ́ rɔ̄ de kə́ kem ɓēé gə̄ tə́ alé. Nin̄ na rāān̄ yá̰á̰ kə́ to yḛr kum gə̄ yā Kanaan gə̄ ō Het gə̄ ō Periji gə̄ ō Yebus gə̄ ō Amon gə̄ ō Moab gə̄ ō Ejiptə gə̄ ō Amor gə̄ ō.

2 KORḚNTƏ 6:17

Adə̄ Kɔ́ɔ̄ɓē əda na: Ī-teēī kɔ̄ɔ́ dan de gə̄ ń noō tə́, ɔ̄rī rɔ̄sí kɔ̄ɔ́ rɔ̄də́ tə́, ɔ́diī rɔ̄ yá̰á̰ kógə̄ḿ kə́ yḛr alé, anī mā m-ā m-ə́wásí kə̄ rɔ̄ḿ tə́.

EJEKIEL 36:25

M-ā m̄-ɓōkə́ man̄ kə́ unjə̄ njáý njáý dɔsí tə́, adə̄ sḭḭ̄ ā ūnjī njáý njáý. M-ā m̄-tə́gó yá̰á̰ kə́ yḛr gə̄ ń sḭḭ̄ ī-rāāī tām̄ yā nə́ɓā kə́ rɔ̄kum aĺ gə̄ tə́ ní kɔ̄ɔ́ rɔ̄sí tə́ kadə̄ ā ūnjī njáý njáý. M-ā m-ādə̄sí ngarā̰ kem kə́ kijə. M-ā m-ə̄ndā ndíĺ kə́ kijə kemsí tə́. M-ā m-ɔ̄r̄ kemsí kə́ ngan̄g tītə̄ mbal̄ kɔ̄ɔ́, ba m-ā m-ādə̄sí kem kə́ to dā̰

PĀ GƏ̄ 93:5

Yá̰a̰ gə̄ ń ī-ndang kadə̄ yā rāā ní i yá̰á̰ kə́ rɔ̄kum gə̄. Kɔ́ɔ̄ɓē, yá̰á̰ malang kə́ táĺ əhɔn̄ naā kə kújə yāí kə ndɔ̄ gə̄ ndɔ̄ gə̄.

NEHEMI 10:28

Maluk ō Harim ō Baana ō.

2 YÁ̰A̰ GƏ̄ 30:19

Kɔ́ɔ̄ɓē, Nə́ɓā yā kaají gə̄, ḭ̄ ń i de kə́ majə ní, de gə̄ malang ń ɓōkə́n̄ rɔ̄də́ a sāānī kə ngarā̰ kemdə́ mámák ní, ká ré nin̄ unjə̄n̄ njáý njáý tām̄ yā yá̰á̰ kə́ táĺ gə̄ tə́ aĺ gə̄gē anī, ī-mā̰ȳ rɔ̄í dɔdə́ tə́.