ESDRAS 6:18 - Bibəl ta Sar̄

¹⁸ Nin̄ rāān̄ ɓūtə̄ gə̄ yā ngé tun̄ yá̰a̰ gə̄ ō, ngán Lebi gə̄ ō, kə gō kəla yādə́ gə̄ ń a rāān̄ tām̄ yā Nə́ɓā tə́ Jerusalem ní i tītə̄ ń ndangən̄neé kem makətūbə̄ yā Moijə tə́ ní.

Bible sar

¹⁸ Nin̄ rāān̄ ɓūtə̄ gə̄ yā *ngé tun̄ yá̰a̰ gə̄ ō, *ngán Lebi gə̄ ō, kə gō kəla yādə́ gə̄ ń a rāān̄ tām̄ yā Nə́ɓā tə́ Jerusalem ní i tītə̄ ń ndangən̄neé kem makətūbə̄ yā Moijə tə́ ní.

ESDRAS 6:18 Referans Kwoze

TƏ́DA 3:6

Ī-ɓāŕ de gə̄ kə́ gír ɓē yā Lebi tə́ ādə̄ reēn̄ kadə̄ ré kəla to ɓáa Aaro̰ nge tun̄ yá̰a̰ əladə́, a ɔsən̄ kílən kem kəlaá.

1 YÁ̰A̰ GƏ̄ 24:1

Gángə̄n̄ de kə́ gír kaa yā Aaro̰ tə́ gə̄ kə ɓūtə̄də́ gēé. Ngán Aaro̰ gə̄ i Nadab ō, Abihu ō, Eleajar ō, Itamar ō. Nin̄ i deē sɔ́.

TƏ́DA 3:9

Ngán Lebi gə̄ ní ā ādə̄də́ kə Aaro̰ nin̄ kə ngánən gēé. Ngán Israel gə̄ a adə̄n̄də́ sedə́ ō, a ɔrə̄n̄ kemdə́ dɔdə́ tə́ ō.

1 YÁ̰A̰ GƏ̄ 24:24

Mika i ngōn̄ Ujiel. Samir i dan de kə́ gír kaa yā Mika tə́ gə̄.

1 YÁ̰A̰ GƏ̄ 25:1

De kə́ gír kaa yā Asap tə́ gə̄ ō, Heman tə́ gə̄ ō, Yedutun tə́ gə̄ ō ń nin̄ i ngé dān̄ gō najə̄ kɔr̄də́ kə́ loo ngé koō ta gə̄ tə́ i kə kənde gə̄ kə́ kəlādə́ i ngá̰ý gə̄ ō, kə́ kəlādə́ i ngá̰ý aĺ gə̄ ō, i kə gində̄ kə́ laa gə̄ kə́ yā kənda naā tə́ kadə̄ ɓār̄ gə̄ ō ní, Dabid nin̄ kə ngāgəra dɔ ɓūtə̄ gə̄ kə́ dɔ kəla rɔȳ Nə́ɓā tə́ gə̄ ɔrə̄n̄ kam̄də́ tayā tām̄ yā kəla rɔȳ Nə́ɓā tə́. Rī de gə̄ ń a rāān̄ kəla ń noō ní n toó:

2 YÁ̰A̰ GƏ̄ 7:6

Ngé tun̄ yá̰a̰ gə̄ ran̄ ta loo kəla yādə́ gə̄ tə́ ō, ngán Lebi gə̄ ran̄ kə yá̰á̰ kə́ ɓār̄ gōsə̄ gə̄ ń mban̄g Dabid rāā yā ɓōkə́nń Kɔ́ɔ̄ɓē tɔ̄ȳ najə̄ tár yān kə́ a təgā aĺ tə́ ní ō. Ngé tun̄ yá̰a̰ gə̄ ran̄ nodə́ tə́ a kɔ̄rə́n̄ bərúnjə ō, ngán Israel gə̄ malang ran̄ kə njadə́ dɔɔ́ ō.

2 YÁ̰A̰ GƏ̄ 35:10

Nin̄ oōn̄ naā dɔ kəla gə̄ tə́ i beé: Ngé tun̄ yá̰a̰ gə̄ ran̄ loo kəla yādə́ gə̄ tə́ ō, ngán Lebi gə̄ ran̄ kə gō ɓūtə̄ yādə́ gēé ō, tītə̄ ń mban̄g ədań ní.