ESDRAS 6:17 - Bibəl ta Sar̄

¹⁷ Yá̰a̰ gə̄ ń nin̄ tunə̄n̄ ní i man̄g kə́ bəra gə̄ ɓú ō, bal batə̄ gə̄ ɓú jōó ō, ngán batə̄ gə̄ ɓú sɔ́ ō, bal bə̄yā̰ gə̄ kutə gidə i jōó ō. Bal bə̄yā̰ kə́ kutə gidə i jōó gə̄ ní i kógə̄ḿ kógə̄ḿ kə dɔ gír ɓē gə̄ yā ngán Israel gēé, kadə̄ Nə́ɓā mā̰yń rɔ̄n dɔ majaĺ yā ngán Israel gə̄ tə́ malang.

Bible sar

¹⁷ Yá̰a̰ gə̄ ń nin̄ tunə̄n̄ ní i man̄g kə́ bəra gə̄ ɓú ō, bal batə̄ gə̄ ɓú jōó ō, ngán batə̄ gə̄ ɓú sɔ́ ō, bal bə̄yā̰ gə̄ kutə gidə i jōó ō. Bal bə̄yā̰ kə́ kutə gidə i jōó gə̄ ní i kógə̄ḿ kógə̄ḿ kə dɔ gír ɓē gə̄ yā ngán Israel gēé, kadə̄ Nə́ɓā mā̰yń rɔ̄n dɔ majaĺ yā ngán *Israel gə̄ tə́ malang.

ESDRAS 6:17 Referans Kwoze

ESDRAS 8:35

De gə̄ malang ń aw̄n̄ sedə́ ɓē ɓəloó tá télən̄ ní, ndējə̄n̄ Nə́ɓā yā Israel yá̰á̰ kə́ tun̄ gə̄. Nin̄ ndējə̄nən̄ man̄g kə́ bəra gə̄ kutə gidə i jōó tām̄ yā Israel gə̄ tə́ malang ō, bal batə̄ gə̄ 96 ō, ngán batə̄ gə̄ 77 ō, bal bə̄yā̰ gə̄ 12 tām̄ yā majaĺ tə́ ō. Róōn̄ dā̰ gə̄ ń noō horoó malang tām̄ yā Kɔ́ɔ̄ɓē tə́.

2 YÁ̰A̰ GƏ̄ 7:5

Dā̰ gə̄ ń tɔ̄lə̄n̄ ba tun̄ adə̄n̄ Kɔ́ɔ̄ɓē ní man̄g gə̄ i dūbú kutə jōó gidə i jōó ō, batə̄ gə̄ kə bə̄yā̰ gə̄ i dūbú ɓú kə kutə jōó ō. Nin̄ rāān̄ yá̰a̰ kūjə́ kə́ tām̄ yā kújə yā Nə́ɓā tə́ i tītə̄ ń noō.

1 MBAN̄G GƏ̄ 18:31

Ni-ɔy mbal̄ kutə gidə i jōó, kə gō kutə gír ɓē kə́ kutə gidə i jōó gə̄ yā ngán Jakob ń Kɔ́ɔ̄ɓē ədan kété na a ɓāŕnən̄ ngɔlaā na i Israel ní.

LEBI GƏ̄ 4:28

Ba ré ɔjənən̄ yá̰á̰ kə́ majaĺ ń rāā ní adə̄ ger̄ anī, a tɔ̄l̄ kó̰o̰ bə̄yā̰ kə́ loon kógə̄ḿ nujə aĺ yā tun̄ tām̄ majaĺ yān tə́.

LEBI GƏ̄ 4:3

ré i ngol ngé tun̄ yá̰a̰ gə̄ n rāā majaĺ ní adə̄ najə̄ əsō dɔ ngán Israel gə̄ tə́ anī, a tɔ̄l̄ man̄g kə́ bəra kə́ loon kógə̄ḿ nujə aĺ yā tun̄ kadə̄ Kɔ́ɔ̄ɓē tām̄ yā majaĺ tə́.

JEJU TEĒ KUM JA̰A̰ 21:12

Ndogə̄ mbal̄ kə́ nder̄ ba ngāl̄ ngá̰ý kum kə̄ dɔɔ́ gīr̄ gidə ɓē ní ō, ta róbə gə̄ kə́ yā kudəń kə̄ kem ɓē ní tə́ i kutə gidə i jōó gə̄ ō, de kə́ dɔ rā̰ tə́ gə̄ kutə gidə i jōó ran̄ ta róbə gə̄ ní tə́ ō. Ndangən̄ rī gír ɓē kə́ kutə gidə i jōó gə̄ yā ngán Israel gə̄ tū ta róbə gə̄ ní tə́ ō.

Najə̄ kə́ Majə yā Jeju ń Luk ndang ní 22:30

Ā ə́saī yá̰a̰ dɔ yāḿ tə́ ō, ā ā̰yī seḿ ō, kem Ɓē ko̰o̰ yāḿ tə́, tá ā ī-ndiī dɔ kōr̄ kāgə̄ mbang gə̄ tə́ yā gāngəń sarya dɔ gír ɓē kə́ kutə gidə i jōó gə̄ yā ngán Israel gə̄ tə́ ō.

1 MBAN̄G GƏ̄ 8:62

Mban̄g nin̄ kə ngán Israel gə̄ malang tunə̄n̄ yá̰a̰ adə̄n̄ Kɔ́ɔ̄ɓē.

2 YÁ̰A̰ GƏ̄ 29:24

Ngé tun̄ yá̰a̰ gə̄ əjan̄ míndə bal bə̄yā̰ gə̄ ní ba ɓōkə́n̄ mósə́də́ dɔ loo tun̄ yá̰á̰ tə́ utə̄n̄neé dɔ majaĺ yā Israel gə̄ malang. Tɔdɔ̄ mban̄g əda gān̄g kadə̄ yá̰a̰ tun̄ kə́ róō horoó kə taá ō, yá̰a̰ tun̄ kə́ tām̄ yā majaĺ tə́ ō ní i tām̄ yā Israel gə̄ tə́ malang.