ESDRAS 6:16 - Bibəl ta Sar̄

¹⁶ Ngán Israel gə̄ ō, ngé tun̄ yá̰a̰ gə̄ ō, ngán Lebi gə̄ ō, gotə de kə́ rang gə̄ ń télən̄ ɓəloó ní ō, tunə̄n̄ yá̰a̰ ɔrə̄n̄neé kam̄ kújə yā Nə́ɓā ngeé ń toō i kə rɔ̄nelēé.

Bible sar

¹⁶ Ngán *Israel gə̄ ō, *ngé tun̄ yá̰a̰ gə̄ ō, *ngán Lebi gə̄ ō, gotə de kə́ rang gə̄ ń télən̄ ɓəloó ní ō, tunə̄n̄ yá̰a̰ ɔrə̄n̄neé kam̄ *kújə yā Nə́ɓā ngeé ń toō i kə rɔ̄nelēé.

ESDRAS 6:16 Referans Kwoze

2 YÁ̰A̰ GƏ̄ 7:5

Dā̰ gə̄ ń tɔ̄lə̄n̄ ba tun̄ adə̄n̄ Kɔ́ɔ̄ɓē ní man̄g gə̄ i dūbú kutə jōó gidə i jōó ō, batə̄ gə̄ kə bə̄yā̰ gə̄ i dūbú ɓú kə kutə jōó ō. Nin̄ rāān̄ yá̰a̰ kūjə́ kə́ tām̄ yā kújə yā Nə́ɓā tə́ i tītə̄ ń noō.

1 MBAN̄G GƏ̄ 8:63

Salomo̰ tɔ̄l̄ man̄g gə̄ dūbú kutə jōó gidə i jōó ō, batə̄ gə̄ kə bə̄yā̰ gə̄ dūbú ɓú kə kutə̄ jōó ō, ba tun̄ adə̄ Kɔ́ɔ̄ɓē tām̄ yā kem kógə̄ḿ tə́. I beé n mban̄g ō, ngán Israel gə̄ malang ō, ɔr̄ə̄n̄neé kam̄ kújə yā Kɔ́ɔ̄ɓē tayā ní.

PILIPƏ 4:4

Ī-rāāī rɔ̄nel̄ kə ndɔ̄ gə̄ najə̄ ɓoo kə́ ī-ɓooī naā kə Kɔ́ɔ̄ɓēé tə́. m̄-tél m-ə́dásí to̰: Ī-rāāī rɔ̄nel̄!

JA̰A̰ 10:22

Dan ngeé ń noō tə́ ní loo i kūlīí ō, de gə̄ a rāān̄ i nāā kújə yā Kɔ́ɔ̄ɓē kə́ ɔrə̄n̄ kamə̄n tayā kem ɓē kə́ Jerusalem tə́ ō.

PĀ GƏ̄ 122:1

Pā kə́ yā kaw̄ń loo kə́ táĺ tə́. I pā yā Dabid. Dan ń ədamə̄n̄ na j-awī kújə yā Kɔ́ɔ̄ɓē tə́ ní, rɔ̄ḿ nelə̄m̄ ngá̰ý.

ESDRAS 6:22

Gō tə́ anī rāān̄ nāā mápá kə́ kanjə̄ kaa kə rɔ̄nelēé bátə́ ndɔ̄ sīrí. Kɔ́ɔ̄ɓē rāā adə̄ rɔ̄də́ nel̄də́ ngá̰ý tɔdɔ̄ ni tūr̄ kem mban̄g kə́ Asiri adə̄də́. Nge ń noō rāā adə̄ jīdə́ ngan̄g loo rāā kəla kújə yā Nə́ɓā yā Israel tə́.

ESDRAS 4:1

Dan ń madə̄ ba̰ā̰ Juda gə̄ ō Benjamḛ gə̄ ō oōn̄ kadə̄ ngé gə̄ ń ɔyn̄də́ aw̄n̄ sedə́ ɓəloó tá tél reēn̄ gogə́ ɓēé ní, na ra na a rāān̄ kújə yā Kɔ́ɔ̄ɓē yā Israel noó anī,

2 YÁ̰A̰ GƏ̄ 30:26

Rɔ̄nel̄ i ngá̰ý kem ɓē kə́ Jerusalem tə́, tām̄ əla gír dɔ ɓāl̄ yā Salomo̰ kə́ ngōn̄ Dabid ń i mban̄g kə́ Israel tə́ ní, yá̰á̰ kə́ beē gətóo kem ɓē kə́ Jerusalem tə́ ɓáý.

2 YÁ̰A̰ GƏ̄ 30:23

Gō tə́ anī ngé kán̄ naā gə̄ ndigən̄ kadə̄ ndɔ̄ nāā ní kə to ndɔ̄ sīrí ɓáý, adə̄ rāān̄ nāā ní ndɔ̄ sīrí ɓáý kə rɔ̄nelēé.

1 YÁ̰A̰ GƏ̄ 15:28

Ngán Israel gə̄ malang unən̄ sandúkə madə̄ naā yā Kɔ́ɔ̄ɓē aw̄n̄neé Jerusalem. Nin̄ əgan̄ kɔŕ rɔ̄nel̄ dɔ tə́ ō, kɔ̄rə́n̄ tōw̄ ō, bərúnjə ō, əndan̄ gində̄ kə́ laa gə̄ kə́ yā kənda naā tə́ kadə̄ ɓār̄ gə̄ ō, ugən̄ kənde gə̄ kə́ kəlādə́ i ngá̰ý gə̄ ō, kə́ kəlādə́ i ngá̰ý aĺ gə̄ ō.

1 YÁ̰A̰ GƏ̄ 9:2

De gə̄ ń tél reē ndin̄ kem ɓē yādə́ tə́ gogə́ ta kəga dɔ ō, əngen̄ yá̰a̰ yādə́ gə̄ ō ní i ngán Israel kə́ karī gə̄ ō, ngé tun̄ yá̰a̰ gə̄ ō, ngán Lebi gə̄ ō, ngé rāā kəla gə̄ ō.

NDŪ NAJƏ̄ 12:7

Ā ə́saī i loo ń noō tə́ ta kum Kɔ́ɔ̄ɓē Nə́ɓā yāsí tə́ kə gír kojə yāsí gēé. Ā ī-rāāī rɔ̄nel̄ dɔ kəla malang ń ī-rāāī á Kɔ́ɔ̄ɓē Nə́ɓā yāsí rāā adə̄ teē yá̰á̰ tə́ ní.

NEHEMI 12:43

Ndējə̄n̄ Kɔ́ɔ̄ɓē yá̰á̰ kə́ tun̄ gə̄ ngá̰ý ndɔ̄ ń noō tə́ ō, rɔ̄ de gə̄ nel̄də́ ō, tɔdɔ̄ Nə́ɓā rāā adə̄ rɔ̄də́ nel̄də́ ngá̰ý. Dəyá̰ gə̄ kə ngán gə̄ rāān̄ rɔ̄nel̄ ō, adə̄ de gə̄ ń ran̄ sa̰y gə̄gē ní oōn̄ kōō kɔŕ rɔ̄nel̄ kə́ kem ɓē kə́ Jerusalem tə́.

NEHEMI 8:10

Esdras əda ɓáý to̰ na: Ī-tél āwī kə̄ ɓē yāsí gə̄ tə́, āw̄ ə́saī dā̰ kə́ yḛmbə gə̄ ō, ā̰yī kasə kə́ nel̄ gə̄ ō, ī-kēgī ə́laīneé ādī de gə̄ ń ndīrə̄n̄ yá̰a̰ aĺ ní tə́ ō. Tɔdɔ̄ ndɔ̄ kə́ ɓōólaā i ndɔ̄ kə́ kɔr̄ kam̄ tay ā tām̄ yā Kɔ́ɔ̄ɓē yājí tə́. Ī-lōōī kəhɔ ndoō. Tɔdɔ̄ rɔ̄nel̄ yā Kɔ́ɔ̄ɓē i tɔ́gə́sí!

1 MBAN̄G GƏ̄ 8:62

Mban̄g nin̄ kə ngán Israel gə̄ malang tunə̄n̄ yá̰a̰ adə̄n̄ Kɔ́ɔ̄ɓē.

DANIEL 5:13

Adə̄ aw̄n̄ kə Danieleé rɔ̄ mban̄g tə́. Mban̄g un najə̄ ɔr̄, əda na: Daniel kə́ dan ɓəlo gə̄ kə́ Juda tə́ ń bɔbə́ḿ mban g ḭḭ sedə́ dɔ nang kə́ Juda tə́ reē sedə́ ní i īkɔ́ n toó a?

2 YÁ̰A̰ GƏ̄ 29:30

Gō tə́ anī mban̄g Ejekias ō, ngār gə̄ ō, mērə̄n̄ ngán Lebi gə̄ tɔ̄ȳ Kɔ́ɔ̄ɓē ɓáý to̰ kə pā gə̄ ń Dabid rāā ní ō, kə pā gə̄ ń Asap nge ka̰a̰ yá̰a̰ rāā ní ō, adə̄ nin̄ tɔ̄ȳn̄ Kɔ́ɔ̄ɓē kə rɔ̄nelēé ō, tétə̄n̄ kejədə́ ba ɔsən̄ nodə́ nang tə́ rɔȳn̄neé Kɔ́ɔ̄ɓē ō.

NEHEMI 12:27

Dan ń əndān̄ ndogə̄ mbal̄ kə́ Jerusalem oy anī, əlan̄ gō ngán Lebi gə̄ tə́ loo malang ń ndin̄ tū tə́ ní tə́ kadə̄ reē ɔrə̄n̄ kamə̄n tayā tām̄ yā Nə́ɓā tə́ ō, rāān̄ nān kə rɔ̄nelēé ō, kə tɔ̄ȳ gə̄ ō, pā gə̄ ō, gində̄ kə́ laa gə̄ kə́ yā kənda naā tə́ kadə̄ ɓār̄ gə̄ ō, kənde kə́ kəlān i ngá̰ý kə́ kugə gə̄ ō, kə́ kəlān i ngá̰ý aĺ kə́ kugə gə̄ ō.