ESDRAS 6:15 - Bibəl ta Sar̄

¹⁵ Tɔ̄lə̄n̄ ta kújə ní i kem ɓāl̄ ko̰o̰ ɓē yā Darius kə́ nge ko̰ mehḛ́ tə́, kem nāā Adar tə́, kə ndɔ̄ nāā kə́ nge ko̰ mətá.

Bible sar

¹⁵ Tɔ̄lə̄n̄ ta kújə ní i kem ɓāl̄ ko̰o̰ ɓē yā Darius kə́ nge ko̰ mehḛ́ tə́, kem nāā *Adar tə́, kə ndɔ̄ nāā kə́ nge ko̰ mətá.

ESDRAS 6:15 Referans Kwoze

ESTER 3:7

Kem ɓāl̄ ko̰o̰ ɓē yā mban̄g Jerses kə́ nge ko̰ kutə gidə i jōó tə́ ní, kem nāā kə́ ta kəga dɔ tə́ ń i nāā Nisan ní, túgə̄n̄ wə̄lā gə̄ ń a ɓārə́n̄də́ nāā i Purim gə̄ ní ta kum Haman tə́ yā gerə̄ń ndɔ̄ gə̄ ō, nāā gə̄ ō ń majən̄ tām̄ yān tə́ ní anī wə̄lā əhɔ i dɔ nāā kə́ nge ko̰ kutə gidə i jōó tə́, adə̄ i nāā Adar.

ESTER 9:21

Ni mēr̄də́ rāā nāā kógə̄ḿ kə dɔ ɓāl̄ gə̄, kə ndɔ̄ kə́ nge ko̰ kutə gidə i sɔ́ ō mí ō yā nāā Adar.

ESTER 9:19

I tām̄ najə̄ ń noō tə́ n Jipə kə́ ngán ɓē kə́ ndágá gə̄ tə́ a rāān̄ ndɔ̄ kə́ nge ko̰ kutə gidə i sɔ́ yā nāā Adar i ndɔ̄ rɔ̄nel̄ tə́ ō, i ndɔ̄ rāā yá̰a̰ kəsa kə́ ngá̰ý tə́ ō, i ndɔ̄ rāān̄ nāā tə́ ō ní. I ndɔ̄ ngeé ń noō tə́ n nin̄ a əlan̄neé kə núsə́ yá̰a̰ gēé a adə̄n̄ naā ní.

ESTER 9:17

Yá̰á̰ ń noō rāā yá̰a̰ i kə ndɔ̄ kutə gidə i mətá yā nāā Adar. Kə ndɔ̄ kə́ nge ko̰ kutə gidə i sɔ́ anī nin̄ ɔrə̄n̄ koō ō, rāān̄ ndɔ̄ ní i ndɔ̄ rāā yá̰a̰ kəsa kə́ ngá̰ý kə́ tītə̄ yá̰a̰ kəsa kə́ ndɔ̄ nāā tə́ ō, rāān̄ ndɔ̄ ní i ndɔ̄ rɔ̄nel̄ tə́ ō.

ESTER 9:15

Adə̄ Jipə kə́ Sujə tə́ gə̄ kánə̄n̄ naā kə ndɔ̄ kutə gidə i sɔ́ yā nāā Adar ɓáý to̰. Nin̄ tɔ̄lə̄n̄ de kə́ dəngam gə̄ ɓú mətá kem ɓē kə́ Sujə tə́. Banī ɔyn̄ yá̰a̰ kənge yādə́ gə̄ alé.

ESTER 9:1

Ndɔ̄ kə́ nge ko̰ kutə gidə i mətá yā nāā kə́ nge ko̰ kutə gidə i jōó ń i nāā Adar ní ugə̄. Yá̰á̰ ń yá̰á̰ kə́ mban̄g ndang kadə̄ yā rāā əda ní ɔjən̄ rāā i ndɔ̄ ń noō tə́ ō, madə̄ ba̰ā̰ Jipə gə̄ əndān̄ kemdə́ dɔ tetə Jipə gə̄ rɔ̄ɔ̄ tə́ i ndɔ̄ ń noō tə́ ō. Banī yá̰a̰ gə̄ tūrə̄n̄ gíŕdə́ kem kār̄ kə́ rang tə́ adə̄ i Jipə gə̄ n tetən̄ ngé kim̄də́ gə̄ rɔ̄ɔ̄ ní.

ESTER 8:12

Ta róbə́ ń mban̄g Jerses adə̄ ní i tām̄ yā ndɔ̄ kógə̄ḿ beē tə́ dɔ nang yān tə́ malang. Ndɔ̄ ní i ndɔ̄ kutə gidə i mətá yā nāā kə́ nge ko̰ kutə gidə i jōó adə̄ i nāā Adar.

ESTER 3:13

Gō tə́ anī adə̄n̄ ngámbang kəla gə̄ makətūbə̄ gə̄ ní kadə̄ aw̄n̄neé gō nang gə̄ yā mban̄g tə́ yā nujəń Jipə gə̄ malang kɔ̄ɔ́: Kadə̄ tɔ̄lə̄n̄də́ ō, rāān̄ kadə̄ gətóon̄ kɔ̄ɔ́ malang ō. Kadə̄ tɔ̄lən̄ balsáa gə̄ ō de kə́ tɔgə gə̄ ō ngán gə̄ ō dəyá̰ gə̄ ō kadə̄ ɔyn̄ yá̰a̰ kənge yādə́ gə̄ ō. Kadə̄ tɔ̄lə̄n̄də́ i kem ndɔ̄ kə́ kógə̄ḿ beē tə́, kə ndɔ̄ kə́ nge ko̰ kutə gidə i mətá yā nāā kə́ nge ko̰ kutə gidə i jōó, adə̄ i kem nāā Adar tə́.

1 MBAN̄G GƏ̄ 8:63

Salomo̰ tɔ̄l̄ man̄g gə̄ dūbú kutə jōó gidə i jōó ō, batə̄ gə̄ kə bə̄yā̰ gə̄ dūbú ɓú kə kutə̄ jōó ō, ba tun̄ adə̄ Kɔ́ɔ̄ɓē tām̄ yā kem kógə̄ḿ tə́. I beé n mban̄g ō, ngán Israel gə̄ malang ō, ɔr̄ə̄n̄neé kam̄ kújə yā Kɔ́ɔ̄ɓē tayā ní.

ESDRAS 5:16

Adə̄ Sesəbasar ngeé ń toō na reē əndā ngəra kújə yā Nə́ɓā Jerusalem. Na əla gír kum mbang ngeé ń noō tə́ bátə́ ngɔlaā ní, na a rāān̄ kújə ní noō, banī na tɔ̄lə̄n ta aĺ ɓáý.

JAKARI 1:1

Kem ɓāl̄ ko̰o̰ ɓē kə́ nge ko̰ jōó yā Darius mban̄g kə́ Persə tə́, kem nāā kə́ nge ko̰ sɔ́sɔ́ tə́, anī Kɔ́ɔ̄ɓē ɔr̄ najə̄ kə Jakari nge koō ta kə́ ngōn̄ Berekia kə́ ngōn̄ Ido.

JAKARI 1:16

I tām̄ najə̄ ń toō tə́ n m-ə́da najə̄ ń toō ní, mā ń i Kɔ́ɔ̄ɓē kə́ bo kə́ tɔ́gə́ḿ i ngá̰ý ní. M-ā m̄-tūr̄ rɔ̄ḿ kə̄ rɔ̄ Jerusalem tə́ ɓáý to̰ kə kem kə́ majaá. Loo ń noō tə́ a télən̄ yā rāā kújə́ kə́ bo yāḿ gogə́ rang ō, a télən̄ yā rāā ɓē gogə́ rang ō.

JAKARI 4:9

Jorobabel əndā ngəra kújə yā Kɔ́ɔ̄ɓē ō, i ni n a tɔ̄l̄ ta ō ní. Dan ń yá̰á̰ ń noō a rāā yá̰a̰ anī, ā ī-gerī kadə̄ i Kɔ́ɔ̄ɓē kə́ bo kə́ tɔ́gən i ngá̰ý n əlam̄ kə̄ rɔ̄sí tə́ ní.

ESDRAS 4:24

Adə̄ ta kəla kújə yā Nə́ɓā kə́ Jerusalem dəba bátə́ ugə̄ ɓāl̄ ko̰o̰ ɓē kə́ nge ko̰ jōó yā Darius mban̄g kə́ Persə tə́. Tél unən̄ ta kəla rāā kújə yā Nə́ɓā gogə́.

ESDRAS 9:9

Tɔdɔ̄ jḭḭ i ɓəlo gə̄. Ba dan ń jḭḭ i ɓəloó ní ḭ̄ ə́yá̰jí kɔ̄ɔ́ alé. Ḭ̄ ī-rāā ādə̄ mban̄g kə́ Persə tə́ gə̄ rāān̄ kem majə sejí. Nin̄ əya̰n̄jí adə̄ jə-ndi kə kumjí ō, adə̄n̄jí ta róbə adə̄ jə-tél jə-rāā kújə yāí gogə́ ō, tɔdɔ̄ j-unən dɔɔ́ gogə́ loo ń ni nujə tū tə́ sák sák kɔ̄ɔ́ tə́ ní ō, nin̄ rāān̄ adə̄ j-ənge loo ɓɔ̄ɔ̄ rɔ̄ yājí kə́ ngan̄g Jerusalem ō, dɔ nang kə́ Juda tə́ ō.