ESDRAS 6:14 - Bibəl ta Sar̄

¹⁴ Najə̄ gə̄ ń Aje nin̄ kə Jakari kə́ ngōn̄ Ido ədan̄ kə́ loo ngé koō ta gə̄ tə́ ní, adə̄ kum kɔɔ̄ gə̄ yā Jipə gə̄ tɔ́gə adə̄ nin̄ rāān̄neé kəla kújə yā Kɔ́ɔ̄ɓē. Kəla ní njə̄rā majə. Nin̄ tɔ̄lə̄n̄ ta kəla kújə́ ní tītə̄ ń Nə́ɓā yā Israel ədań ní ō, tītə̄ ń mban̄g gə̄ kə́ Persə tə́ ədan̄neé ní ō. Mban̄g gə̄ ní i mban̄g Sirus ō Darius ō Artajerses ō.

Bible sar

¹⁴ Najə̄ gə̄ ń Aje nin̄ kə Jakari kə́ ngōn̄ Ido ədan̄ kə́ loo *ngé koō ta gə̄ tə́ ní, adə̄ *kum kɔɔ̄ gə̄ yā *Jipə gə̄ tɔ́gə adə̄ nin̄ rāān̄neé kəla *kújə yā Kɔ́ɔ̄ɓē. Kəla ní njə̄rā majə. Nin̄ tɔ̄lə̄n̄ ta kəla kújə́ ní tītə̄ ń Nə́ɓā yā Israel ədań ní ō, tītə̄ ń mban̄g gə̄ kə́ Persə tə́ ədan̄neé ní ō. Mban̄g gə̄ ní i mban̄g Sirus ō Darius ō Artajerses ō.

ESDRAS 6:14 Referans Kwoze

ESDRAS 7:1

Gō yá̰a̰ gə̄ ń noō tə́ anī ɓāl̄ ko̰o̰ ɓē yā Artajerses mban̄g kə́ Persə tə́ ní, Esdras ngōn̄ Seraya kə́ ngōn̄ Ajaria kə́ ngōn̄ Hilkia

ESDRAS 5:13

Ɓá tā ba na kem ɓāl̄ kə́ ta kəga dɔ ń Sirus o̰o̰ ń ɓē gō nang kə́ Babilon tə́ ní, na ni na adə̄ ndūn kadə̄ rāān̄ kújə yā Nə́ɓā ngeé ń toō gogə́ rang.

ESDRAS 4:24

Adə̄ ta kəla kújə yā Nə́ɓā kə́ Jerusalem dəba bátə́ ugə̄ ɓāl̄ ko̰o̰ ɓē kə́ nge ko̰ jōó yā Darius mban̄g kə́ Persə tə́. Tél unən̄ ta kəla rāā kújə yā Nə́ɓā gogə́.

JAKARI 4:9

Jorobabel əndā ngəra kújə yā Kɔ́ɔ̄ɓē ō, i ni n a tɔ̄l̄ ta ō ní. Dan ń yá̰á̰ ń noō a rāā yá̰a̰ anī, ā ī-gerī kadə̄ i Kɔ́ɔ̄ɓē kə́ bo kə́ tɔ́gən i ngá̰ý n əlam̄ kə̄ rɔ̄sí tə́ ní.

Makətūbə̄ yā Aje 1:8

Ālī kə̄ dɔ ngán mbal̄ gə̄ tə́, ī-sāāī kāgə̄ gə̄ ī-reēīń, ba ī-tél ī-rāāī kújə́ kə́ bo yāḿ gogə́ rang. Loo ń noō tə́ a nelə̄m̄ ō, m-ā m-ə́nge kɔsə gɔn tū tə́ ō. I mā Kɔ́ɔ̄ɓē n m-ə́da najə̄ ń noō ní.

IJAI 44:28

M-ɔ̄r̄ najə̄ yā Sirus m-ə́da na: Ni i nge kɔr no gír deē yāḿ gə̄. Ni a rāā kadə̄ yá̰a̰ malang ń m̄-ndigə ní teē majə. Ni a adə̄ ndūn kadə̄ tél rāān̄ ɓē kə́ Jerusalem gogə́, kadə̄ tél rāān̄ kújə́ yā Kɔ́ɔ̄ɓē gogə́.

ESDRAS 4:3

Banī Jorobabel ō Yesua ō, gotə de kə́ dɔ gír kojə gə̄ yā Israel tə́ gə̄ ō, tél ədan̄də́ na: Rāā kújə yā Nə́ɓā yājí sejí i kəla kə́ ndetəsí alé! I jḭḭ kɔ́ gə̄ ngóy n j-a jə-rāā kújə yā Kɔ́ɔ̄ɓē Nə́ɓā yā Israel tītə̄ ń Sirus mban̄g kə́ Persə ədańjí kadə̄ jə-rāā ní.

ESDRAS 3:8

Kem nāā kə́ nge ko̰ jōó tə́ yā ɓāl̄ ń utə̄ gō nge ń nin̄ ugə̄n̄neé Jerusalem, ɓē ń kújə yā Nə́ɓā i kemeé tə́ ní anī, Jorobabel ngōn̄ Sealtiel ō, Yesua ngōn̄ Yosadak ō gá̰á̰ ngákó̰ó̰də́ gə̄ kə́ ngé tun̄ yá̰a̰ gə̄ ō, ngán Lebi gə̄ ō, de gə̄ malang ń ɔyn̄də́ aw̄n̄ sedə́ ɓəlo tə́ tá tél reēn̄ gogə́ Jerusalem ní ō, udən̄ kə̄ rɔ̄ kəla tə́ rāān naā tə́. Nin̄ tə́ndān̄ ngán Lebi gə̄ kə́ ɓāl̄də́ i kutə jōó gə̄ ō, ngé kə́ ɓāl̄də́ ḭḭ dɔ kutə jōó tə́ ta kaw̄ kə̄ dɔɔ́ gə̄ ō, kadə̄ unən̄ dɔ kəla kújə yā Kɔ́ɔ̄ɓē.

ESDRAS 5:1

Banī ndɔ̄ kə́rēý tə́ anī ngé koō ta gə̄ ń i Aje ō Jakari kə́ ngōn̄ Ido ō ní ɔrə̄n̄ najə̄ kə Jipə kə́ Jerusalem gə̄ ō, kə́ Juda gə̄ ō. I Nə́ɓā yādə́ ń i Nə́ɓā yā Israel ní n əndā najə̄ tadə́ tə́ ní.

ESDRAS 5:2

Tā anī Jorobabel kə́ ngōn̄ Sealtiel ō, Yesua kə́ ngōn̄ Yosadak ō, ḭḭn̄ dɔɔ́ ba əlan̄ gír rāā kújə yā Nə́ɓā kem ɓē kə́ Jerusalem tə́. Ngé koō ta gə̄ yā Nə́ɓā i naā tə́ sedə́ adə̄ ɔsən̄ kíĺdə́ kem kəlaá.

Makətūbə̄ yā Aje 1:1

Kem ɓāl̄ ko̰o̰ ɓē kə́ nge ko̰o̰ jōó yā Darius, mban̄g kə́ Persə tə́ ní, kem nāā kə́ nge ko̰ mehḛ́ tə́, kə ndɔ̄ nāā kə́ ta kəga dɔɔ́ anī, Kɔ́ɔ̄ɓē ɔr̄ najə̄ kə Aje nge koō ta. Ni dəjen kadə̄ ɔr̄ najə̄ kə Jorobabel nge ko̰o̰ ɓē kə́ Juda ń i ngōn̄ Saltiel ní, kə adə̄n ō, kə ɔr̄ najə̄ kə Yesua ngol ngé tun̄ yá̰a̰ gə̄ ń i ngōn̄ Yosadak ní, kə adə̄n ō.

JAKARI 1:1

Kem ɓāl̄ ko̰o̰ ɓē kə́ nge ko̰ jōó yā Darius mban̄g kə́ Persə tə́, kem nāā kə́ nge ko̰ sɔ́sɔ́ tə́, anī Kɔ́ɔ̄ɓē ɔr̄ najə̄ kə Jakari nge koō ta kə́ ngōn̄ Berekia kə́ ngōn̄ Ido.

JAKARI 1:16

I tām̄ najə̄ ń toō tə́ n m-ə́da najə̄ ń toō ní, mā ń i Kɔ́ɔ̄ɓē kə́ bo kə́ tɔ́gə́ḿ i ngá̰ý ní. M-ā m̄-tūr̄ rɔ̄ḿ kə̄ rɔ̄ Jerusalem tə́ ɓáý to̰ kə kem kə́ majaá. Loo ń noō tə́ a télən̄ yā rāā kújə́ kə́ bo yāḿ gogə́ rang ō, a télən̄ yā rāā ɓē gogə́ rang ō.

JAKARI 8:9

Najə̄ ń Kɔ́ɔ̄ɓē kə́ bo kə́ tɔ́gən i ngá̰ý əda ní n toó: Ə́hɔī rɔ̄sí tɔgə! Ādə̄ əga kemsí dɔ najə̄ gə̄ ń ngé koō ta yāḿ gə̄ ədan̄sí ní tə́, dan ń əndānń ngəra kújə yāḿ yā tél rāā gogə́ rang ní.

ESDRAS 6:3

Kem ɓāl̄ ko̰o̰ ɓē yā mban̄g Sirus kə́ ta kəga dɔ tə́ ní, ni-əda kadə̄ de gə̄ tél rāān̄ kújə yā Nə́ɓā Jerusalem gogə́. A rāān̄ kújə́ ní i loo ń de gə̄ ndējə̄n̄ Nə́ɓā yá̰á̰ kə́ tun̄ gə̄ tū tə́ ní ō, loo ń ngəran i tū tə́ kété ní tə́ ō. Ngālən kə́ kə̄ dɔɔ́ a asə kíl deē 60 ō, laan a asə kíl deē 60 ō.

ESDRAS 6:8

Adə̄ m̄-mēr̄sí rāā kə kum kɔɔ̄ gə̄ yā Jipə gēé kadə̄ tél rāān̄neé kújə yā Nə́ɓā gogə́ rang. Ā ādīdə́ yá̰a̰ i ngándáńg tām̄ yā kəla tə́ kanjə̄ kadə̄ dan gān̄g. I yá̰a̰ kənge yā mban̄g, adə̄ i lambóó kə́ táā jī de gə̄ tə́ gidə b ā Opəratə kə́ dām̄ kə́ no ɓē tə́ n ā ɔ̄rī yá̰a̰ tū tə́ yā kadə̄də́ ní.

ESDRAS 9:9

Tɔdɔ̄ jḭḭ i ɓəlo gə̄. Ba dan ń jḭḭ i ɓəloó ní ḭ̄ ə́yá̰jí kɔ̄ɔ́ alé. Ḭ̄ ī-rāā ādə̄ mban̄g kə́ Persə tə́ gə̄ rāān̄ kem majə sejí. Nin̄ əya̰n̄jí adə̄ jə-ndi kə kumjí ō, adə̄n̄jí ta róbə adə̄ jə-tél jə-rāā kújə yāí gogə́ ō, tɔdɔ̄ j-unən dɔɔ́ gogə́ loo ń ni nujə tū tə́ sák sák kɔ̄ɔ́ tə́ ní ō, nin̄ rāān̄ adə̄ j-ənge loo ɓɔ̄ɔ̄ rɔ̄ yājí kə́ ngan̄g Jerusalem ō, dɔ nang kə́ Juda tə́ ō.

NEHEMI 6:15

Gír kəla kəndā ndogə̄ mbal̄ gān̄g i kem nāā Elul tə́, kə ndɔ̄ nāā kə́ nge ko̰ kutə jōó gidə i mí. Malang ɓáa kəla kəndā ndogə̄ mbal̄ rāā i ndɔ̄ kutə mí gidə i jōó.