ESDRAS 6:12 - Bibəl ta Sar̄

¹² Mban̄g, aláa gír de gə̄ ń a mānə̄n̄ dɔ ndūḿ ba a əlan̄ jīdə́ yā nujəń kújə yā Nə́ɓā ń toō kɔ̄ɔ́ kem ɓē kə́ Jerusalem tə́ ní, ādə̄ Nə́ɓā ń rāā adə̄ rīn to kem ɓē kə́ Jerusalem tə́ ní mbə́rē tə́nīdə́ kɔ̄ɔ́. I mā Darius n m-ə́da kadə̄ rāān̄ yá̰a̰ gə̄ ń toō ní. Ādə̄ de gə̄ əndān̄ kumdə́ gírí majə rāān̄.

Bible sar

¹² Mban̄g, aláa gír de gə̄ ń a mānə̄n̄ dɔ ndūḿ ba a əlan̄ jīdə́ yā nujəń *kújə yā Nə́ɓā ń toō kɔ̄ɔ́ kem ɓē kə́ Jerusalem tə́ ní, ādə̄ Nə́ɓā ń rāā adə̄ rīn to kem ɓē kə́ Jerusalem tə́ ní mbə́rē tə́nīdə́ kɔ̄ɔ́. I mā Darius n m-ə́da kadə̄ rāān̄ yá̰a̰ gə̄ ń toō ní. Ādə̄ de gə̄ əndān̄ kumdə́ gírí majə rāān̄.

ESDRAS 6:12 Referans Kwoze

1 MBAN̄G GƏ̄ 9:3

Kɔ́ɔ̄ɓē ədan na n-oō ndɔ̄ȳ yān ō, rāā ń na rāān ɓɔ́ ní na n-oō ō: Kújə́ ń na rāā ní na n-ɔr̄ kamə̄n tayā kadə̄ rīn kə ɓār̄ dɔ tə́ ngándáńg. Kumən na a ra dɔ tə́ ō, kemən na i dɔ tə́ ō, ngándáńg.

NDŪ NAJƏ̄ 12:5

I loo ń Kɔ́ɔ̄ɓē Nə́ɓā yāsí a gə̄rā dɔ nang kə́ gír ɓē yāsí tə́ yā kəndā rīn dɔ tə́ ō, yā ndi tū tə́ ō ní ngóy n ā āwī tū tə́ yā ndɔ̄ȳn ní.

NDŪ NAJƏ̄ 12:11

I loo ń Kɔ́ɔ̄ɓē Nə́ɓā yāsí a gə̄rā yā kəndā rīn dɔ tə́ ní n ā āwī kə yá̰a̰ malang ń m-ə̄ndā dɔsí tə́ kadə̄ ādī ní tū tə́ ní: Dā̰ yāsí gə̄ kə́ yā róō horoó kə taá malang ō, kə́ yā tun̄ tām̄ yā kem kógə̄ḿ ō, dɔ yá̰a̰ yāsí kə́ nge ko̰ kutə kə́ ɔ̄rī ō, yá̰a̰ yāsí gə̄ ń ā ādī kə gō kem ndigə yāsí ní ō, yá̰a̰ malang ń ā ī-gə̄rāī yā kadə̄ Kɔ́ɔ̄ɓē kadə̄ karī tə́ tām̄ ndūsí kə́ ə̄nīī tə́ ō ní, ā āwīneé i loo ngeé ń noō tə́.

Teē Ngán Israel gə̄ 20:24

Ā ī-rāāī loo tun̄ yá̰a̰ kə nángāá yā kadə̄m̄. A ī-ndējə̄mī yá̰a̰ tun̄ kə́ róō horoó gə̄ ō, yá̰a̰ tun̄ gə̄ kə́ tām̄ yā kem kógə̄ḿ tə́ ō, i dɔ loo tun̄ yá̰á̰ ní tə́. I batə̄ yāsí gə̄ ō, bə̄yā̰ yāsí gə̄ ō, man̄g yāsí gə̄ ō n ā ī-tɔ̄lī yā tun̄ dɔ tə́ kadə̄m̄ ní. Loo gə̄ ń m-ā m̄-rāā kadə̄ əga kemsí dɔḿ tə́ tū tə́ ní, m-ā m-āw̄ rɔ̄sí tə́ yā rāā majə sesí tū tə́.

KƏLA RĀĀ 9:5

Sol ədan na: Ḭ̄ i náā Kɔ́ɔ̄ɓē? Anī deē ní tūr̄ ədan na: Mā i Jeju ń ī-rāām̄ ndoō tə́ ní.

ABƏDIAS 1:10

Ngákó̰ó̰sí gə̄ ń i de gə̄ kə́ kem kojə yā Jakob tə́ ní, sḭḭ̄ ɔ́yiī yá̰a̰ yādə́ dɔ gū tə́ ō, ī-tɔ̄līdə́ ō. I tām̄ najə̄ ń noō tə́ n rɔ̄sí a sɔl̄sí ō, a nujən̄sí kɔ̄ɔ́ kə́ njɔ́ḿ gə̄ tə́ ní ō.

IJAI 60:12

Nápar de gə̄, aláa ɓē ko̰o̰ ń a mbātə́ rāā kəla kadī ní, a gətóo kɔ̄ɔ́. A nujən̄ nápar de gə̄ ngeé ń noō sák sák kɔ̄ɔ́.

KOHELET 9:10

Yá̰a̰ malang ń jīí asə rāā ní ī-rāā kə tɔ́gí īkɔ́. Tām̄ loo kə́ ɓádá ń de kə́ koy gə̄ i tū tə́, á ā ī-rāā yā kaw̄ gōdə́ tə́ tū tə́ ní, kəla aláa ka̰a̰ gō tóo kəla kə́ majə aké kə́ majaĺ, aláa ger̄ yá̰a̰, aláa kum kedə̄ gətóo tū tə́.

PĀ GƏ̄ 5:10

Deē asə taā kem najə̄ kɔr̄də́ alé. Yá̰á̰ ń nin̄ a gírə̄n̄ ní i nujə kə deé ngóy. Najə̄ kə́ ta ndo̰də́ tə́ i najə̄ kə́ kadə̄ nel̄ de gə̄, ba nga ngá̰á̰də́ i bāá ɓádə́ kə́ ta ra kə wōyōó.

ESTER 8:14

Ngámbang kəla gə̄ ń ndin̄ i dɔ sə́nda gə̄ kə́ kújə́ sə́nda yā mban̄g tə́ ní, ɔrə̄n̄ dɔɔ́ kə ngɔ̄də̄ kə́ to ɓōĺ ngá̰ý tītə̄ ń mban̄g ədańdə́ ní ō, ənīn̄ mbēr̄ yá̰á̰ kə́ ndang kadə̄ yā rāā ní kem ɓē bo kə́ Sujə tə́ ō.

2 YÁ̰A̰ GƏ̄ 7:16

Ba ngɔlaā ní m̄-gə̄rā kújə́ ń toō ō, m-ɔ̄r̄ kamə̄n tayā ō, kadə̄ rīḿ i dɔ tə́ ngándáńg. Kumḿ i dɔ tə́ ngándáńg ō, kemḿ i dɔ tə́ ngándáńg ō.

NDŪ NAJƏ̄ 16:2

Dā̰ gə̄ ń ā ī-ndējə̄ Kɔ́ɔ̄ɓē ndɔ̄ Pákə tə́ ní i batə̄ ō, bə̄yā̰ ō, man̄g ō. Ā ə́hɔ́də́ i dan yá̰a̰ kul̄ yāí gə̄ tə́. Ā ī-rāā Pákə ní i loo ń Kɔ́ɔ̄ɓē a gə̄rā yā kəndā rīn dɔ tə́ tə́ ní.

ESDRAS 6:13

Loo ń noō tə́ Tatənai nge ko̰o̰ ɓē gidə bā Opəratə kə́ dām̄ kə́ no ɓē tə́ ō, Setar Bosənai ō, madə̄də́ gə̄ ō, rāān̄ tītə̄ ń mban̄g Darius ədań ní.

ESDRAS 6:14

Najə̄ gə̄ ń Aje nin̄ kə Jakari kə́ ngōn̄ Ido ədan̄ kə́ loo ngé koō ta gə̄ tə́ ní, adə̄ kum kɔɔ̄ gə̄ yā Jipə gə̄ tɔ́gə adə̄ nin̄ rāān̄neé kəla kújə yā Kɔ́ɔ̄ɓē. Kəla ní njə̄rā majə. Nin̄ tɔ̄lə̄n̄ ta kəla kújə́ ní tītə̄ ń Nə́ɓā yā Israel ədań ní ō, tītə̄ ń mban̄g gə̄ kə́ Persə tə́ ədan̄neé ní ō. Mban̄g gə̄ ní i mban̄g Sirus ō Darius ō Artajerses ō.

ESDRAS 7:15

Tá yá̰á̰ kə́ rang i kadə̄ j-əlaī kə gində̄ arjā̰a̰ ō, lɔ́r ō ń mā ō ngé kadə̄ kɔjə̄ yāḿ gə̄ ō jə-gḛy ndejə̄ Nə́ɓā kə́ Israel tə́ ń kújə yān i Jerusalem ní.

ESDRAS 7:26

Deē ń a mbātə́ rāā yá̰á̰ ń ndū najə̄ yā Nə́ɓā yāí əda ní kə gōó ō, a mbātə́ rāā yá̰á̰ ń ndū najə̄ yā mban̄ g əda ní kə gōó ō anī, a gāngə̄n̄ dəngáy koy dɔn tə́, aláa a ɔgə̄nən̄ ndi kem ɓē yān tə́, aláa əndān̄ lamán dɔn tə́, aláa a ənīnən̄ dəngáyá.

ESDRAS 7:17

Gində̄ arjā̰a̰ ngeé ń toō ní, ré ūgə̄ nú anī, ā ə̄ndā kumií gō tə́ majə yā mangəń man̄g kə́ bəra gə̄ ō, bal batə̄ gə̄ ō, ngán batə̄ gə̄ ō, yá̰a̰ malang kə́ tām̄ yā yá̰a̰ ndējə̄ kə́ rāā kə kōó tə́ kə́ yā ndējə̄ dɔdə́ gə̄ tə́ ō, kasə nduú kə́ yā tə́te dɔdə́ gə̄ tə́ ō, ba ā ī-ndējə̄ yá̰a̰ gə̄ ń noō malang dɔ loo tun̄ yá̰á̰ tə́, kem kújə yā Nə́ɓā yāsí tə́ Jerusalem.