ESDRAS 6:10 - Bibəl ta Sar̄

¹⁰ I beé tá nin̄ a asən̄neé ndējə̄ Nə́ɓā kə́ dɔ rā̰ tə́ yá̰a̰ tun̄ kə́ kotə majə ō, ndɔ̄ȳ tām̄ yā kadə̄ mban̄g ō, ngánən gə̄ ō ndin̄neé kə dɔdə́ dɔɔ́ ní.

Bible sar

¹⁰ I beé tá nin̄ a asən̄neé ndējə̄ Nə́ɓā kə́ dɔ rā̰ tə́ *yá̰a̰ tun̄ kə́ kotə majə ō, ndɔ̄ȳ tām̄ yā kadə̄ mban̄g ō, ngánən gə̄ ō ndin̄neé kə dɔdə́ dɔɔ́ ní.

ESDRAS 6:10 Referans Kwoze

JEREMI 29:7

Ādī o̰o̰sí tɔdɔ̄ majə yā ɓē ń m-ə́wásí m-āw̄ sesí kemeé ní ō, ī-rāāī Kɔ́ɔ̄ɓē ɓɔ́ tām̄ yān tə́ ō, tɔdɔ̄ sḭḭ̄ ā ī-ndiī majə i kə ta kūl̄ majə yānneé.

ESDRAS 7:23

Yá̰a̰ malang ń Nə́ɓā kə́ dɔ rā̰ tə́ a əda tām̄ yā kújə yān tə́ ní, ādə̄ i kə́ rāā kə gōó, na sōgə́ wōn̄g rāān kə ɓē ko̰o̰ yā mbangāá ō, kə mbangāá ō, kə ngánən gēé ō.

EPEJƏ 5:2

Ī-táriī naā tītə̄ ń Kərist tárəńjí ba adə̄ń Nə́ɓā rɔ̄n tām̄ yājí tə́ tītə̄ yá̰a̰ ndējə̄ ō, yá̰a̰ tun̄ ō, kə́ sēēn nel̄ Nə́ɓā beé ní.

LEBI GƏ̄ 1:13

Nge ndējə̄ yá̰á̰ ní a tə́go tiīn gə̄ ō, njan gə̄ ō kə maná. Gō tə́ anī nge tun̄ yá̰a̰ a ɔjə Kɔ́ɔ̄ɓē pá tá a róō yá̰a̰ gə̄ ń noō malang horoó dɔ loo tun̄ yá̰á̰ tə́. I yá̰á̰ kə́ róō horoó kadə̄ Kɔ́ɔ̄ɓē kə́ sēēn nelə̄n.

LEBI GƏ̄ 1:9

Nge ndējə̄ yá̰á̰ ní a tə́go tiīn gə̄ njan gə̄ ō kə maná. Go tə́ anī nge tun̄ yá̰á̰ kógə̄ḿ a róō yá̰a̰ gə̄ ń noō malang horoó dɔ loo tun̄ yá̰á̰ tə́. I yá̰á̰ kə́ róō horoó kadə̄ Kɔ́ɔ̄ɓē kə́ sēēn nelə̄n.

TA KƏLA 8:21

Sēēn nel̄ Kɔ́ɔ̄ɓē, anī Kɔ́ɔ̄ɓē əda kə̄ kemən tə́ na n-a n-ndɔ̄ĺ dɔ nang tām̄ yā deē tə́ to̰ alé, tɔdɔ̄ gír̄ kə́ kem deē tə́ majaĺ i kə dūúneé. Adə̄ yá̰a̰ malang ń ndi kə kumuú ní, n-a n-tɔ̄l̄ kɔ̄ɔ́ tītə̄ ń na n-tɔ̄ləń noō i kə́ bátə́ gə̄ tə́.

ESDRAS 6:9

Yá̰a̰ gə̄ ń ngé tun̄ yá̰á̰ kə́ Jerusalem gə̄ a gḛyn̄ á nin̄ a dəjen̄sí ní, ādīdə́ kə dɔ ndɔ̄ gə̄. Yá̰a̰ gə̄ ní n toó: Man̄g kə́ bəra gə̄ ō, bal batə̄ gə̄ ō, ngán batə̄ gə̄ ō, kə́ yā róō horoó kadə̄ Nə́ɓā kə́ dɔ rā̰ tə́ ō, kōō gémē ō, katə̄ ō, kasə nduú ō yibə̄ ō.

DANIEL 2:46

Loo ń noō tə́ mban̄g Nabukodonosor ɔsə non nang tə́, rɔȳ Daniel ō əda kadə̄ ndējə̄n̄ Daniel yá̰a̰ tun̄ gə̄ ō, ndujə̄ yá̰á̰ kə́ kotə majə gə̄ ō.

Teē Ngán Israel gə̄ 12:32

Kə ɔyn̄ yá̰a̰ kul̄ yādə́ gə̄ malang tītə̄ ń na ədan̄neé ní ba kə tɔ́rə̄n̄ tadə́ dɔn tə́.

ESDRAS 1:2

Sirus mban̄g kə́ Persə ɔr̄ najə̄ i beé, əda na: Kɔ́ɔ̄ɓē, Nə́ɓā kə́ dɔ rā̰ tə́, adə̄m̄ ɓē ko̰o̰ gə̄ malang kə́ dɔ nang tə́ ō, nəkɔ́ əndā kəla rāā kújə́ kógə̄ḿ dɔḿ tə́ kadə̄ m̄-rāā m-ādə̄n kem ɓē kə́ Jerusalem kə́ Juda tə́ ō.