ESDRAS 5:11 - Bibəl ta Sar̄

¹¹ Nin̄ tél ədan̄jí na nin̄ na i ngé rāā kəla gə̄ yā Nə́ɓā kə́ kɔ́ɔ̄ dɔ rā̰ ō dɔ nang ō. Na i kújə́ kə́ mban̄g kógə̄ḿ kə́ bo kə́ Israel tə́ rāā jóó ngá̰ý n ra na n-a n-rāān̄ gogə́ rang ní.

Bible sar

¹¹ Nin̄ tél ədan̄jí na nin̄ na i ngé rāā kəla gə̄ yā Nə́ɓā kə́ kɔ́ɔ̄ dɔ rā̰ ō dɔ nang ō. Na i kújə́ kə́ mban̄g kógə̄ḿ kə́ bo kə́ *Israel tə́ rāā jóó ngá̰ý n ra na n-a n-rāān̄ gogə́ rang ní.

ESDRAS 5:11 Referans Kwoze

GALATƏ 6:14

Mā tā anī, yá̰á̰ sḛ́ý kə́ yā kadə̄ m-ɔ́rəń ta rɔ̄ḿ gətóo. Ré m-ɔ́r ta rɔ̄ḿ anī, i kə ta kūl̄ kāgə̄ kə́ dēsə́ yā Kɔ́ɔ̄ɓē Jeju tá ngóy. Kāgə̄ kə́ dēsə́ ní, rāā adə̄ yá̰á̰ kə́ dɔ nang tə́ gə̄ i kə́ kənda kə máyá̰ tū kāgə̄ kə́ dēsə́ tə́ kɔ̄ɔ́ ta kumḿ mā tə́ ō, rāā adə̄ mā i de kə́ kənda kə máyá̰ tū kāgə̄ kə́ dēsə́ tə́ kɔ̄ɔ́ ta kumdə́ nin̄ tə́ ō.

Makətūbə̄ ń Pol ndang adə̄ Rom gə̄ ní 6:16

Dan ń ḭ̄ i ɓəlo yā deē ní ā ōō tan, adə̄ ā ī-rāā kəla yān. Ré ōō i ta yá̰á̰ kə́ majanī yá̰á̰ kə́ majaĺ a aw̄ seí yā kəlaī ta yo tə́, ba ré ōō i ta Nə́ɓā anī ā ī-tél de kə́ gōtə́.

Makətūbə̄ ń Pol ndang adə̄ Rom gə̄ ní 1:16

Tɔdɔ̄ rɔ̄ḿ sɔlə̄m̄ loo kɔjə Najə̄ kə́ Majə tə́ alé. Najə̄ kə́ Majə i tɔ́gə yā Nə́ɓā kə́ yā kajəń deē malang ń a taā kem ní. Kété i Jipə gə̄, tá gō tə́ i de gə̄ ń nin̄ i Jipə aĺ gə̄ ní.

KƏLA RĀĀ 27:23

Tām̄ ngɔlaā ní de kə́ dɔ rā̰ tə́ yā Nə́ɓā ń mā i deē yān ō, m̄-rāā kəla yān ō ní, reē rɔ̄ḿ tə́

Najə̄ kə́ Majə yā Jeju ń Luk ndang ní 12:8

Ādə̄ m-ə́dásí: Deē ń a əda ta kum de gə̄ tə́ na ni na i deē yāḿ mā ní, Ngōn̄ Deē a əda ta kum de kə́ dɔ rā̰ tə́ gə̄ yā Nə́ɓā tə́ na ni na i deē yān ō.

MATIYE 10:32

Deē ń əda ta kum de gə̄ tə́ na ni na i deē yāḿ anī, mā m-ā m-ə́da ta kum Bɔbə́ḿ kə́ ndi dɔ rā̰ tə́ na ni i deē yāḿ ō.

JONAS 1:9

Jonas tél ədadə́ na: Mā i hebəro, ba i Kɔ́ɔ̄ɓē n m-ā m̄-rɔȳn ní. Adə̄ i Nə́ɓā kə́ nge ndi dɔ rā̰ tə́, kə́ nge rāā bā bo ō, dɔ nang ō.

DANIEL 3:26

Nabukodonosor ndɔ́tə̄ kə̄ ta loo ń hor kə́ təngā ngá̰ý i tū tə́ ní tə́, ba un najə̄ ɔr̄, əda na: Sadərak ō Mesak ō Abed Nego ō, ngé kəla gə̄ yā Nə́ɓā kə́ dɔɔ́ sa̰y ngá̰ý, ī-teēī kə̄ laā! Anī nin̄ mətá mbak teēn̄ kum hor tə́.

PĀ GƏ̄ 119:46

Yá̰a̰ gə̄ ń ə́dá ní m-ā m-ɔ̄r̄ najə̄n ta kum mban̄g gə̄ tə́ ō, rɔ̄ḿ a sɔlə̄m̄ loon tə́ aĺ ō.

JOJUE 24:15

Ba ré rāā kəla yā Kɔ́ɔ̄ɓē nel̄sí aĺ anī, ī-gə̄rāī ɓesə̄ gə̄ ń ī-ndigiī rāādə́ ní ɓōólaā. Ré i ɓesə̄ gə̄ ń kaasí gə̄ a rāān̄ dan ń ndinə̄ń gidə bā Opəratə tə́ ní n nel̄sí sedə́ anī, ī-gə̄rāīdə́ ō, ré i ɓesə̄ gə̄ yā Amor gə̄ ń ī-ndiī dɔ nang yādə́ tə́ toō n nel̄sí sedə́ anī, ī-gə̄rāīdə́ ō. Banī mā ō, de kə́ kem ndogə̄ yāḿ tə́ gə̄ ō, j-a jə-rāā i kəla yā Kɔ́ɔ̄ɓē.

1 MBAN̄G GƏ̄ 6:38

Ba tɔ̄lə̄n̄ ta kəla malang kə́ tū kújə yā Kɔ́ɔ̄ɓē tə́ i kə nāā kə́ nge ko̰ sɔ́sɔ́ ń i nāā Bul ní, kem ɓāl̄ ko̰o̰ ɓē yā Salomo̰ kə́ nge ko̰ kutə gidə i kógə̄ḿ tə́. Adə̄ rāān̄ kújə yā Kɔ́ɔ̄ɓē i ɓāl̄ sīrí.

ESDRAS 5:10

Jə-dəjedə́ rīdə́ gə̄ kadə̄ ī-gerə̄ńdə́ ō, jə-ndang rī ngoldə́ gə̄ makətūbūú ō.

PĀ GƏ̄ 136:26

Ī-tɔ̄yī Nə́ɓā kə́ dɔ rā̰ tə́, tɔdɔ̄ kem majə yān to ngándáńg.

TA KƏLA 24:3

ba ə̄nī míndí ādə̄m̄ kə rī Kɔ́ɔ̄ɓē Nə́ɓā kə́ nge rāā dɔ rā̰ ō, dɔ nang ō, kadə̄ ā ī-taā dəyá̰ dan ngáń kə́ dəyá̰ yā Kanaan gə̄ ń m̄-ndi dɔ dáńdə́ tə́ toō tām̄ yā ngōnə̄ḿ tə́ alé,

1 MBAN̄G GƏ̄ 9:10

Hiram mban̄g kə́ Tir, adə̄ Salomo̰ kāgə̄ sédər gə̄ ō, kāgə̄ sipəres gə̄ ō, lɔ́r malang ń sāā yā rāań kəla kújə gə̄ ní ō. Salomo̰ rāā kújə yā Kɔ́ɔ̄ɓē ō, kújə yān nəkɔ́ ō, oy i kem ɓāl̄ kutə jōó. Dan ń gír ɓāl̄ kə́ kutə jōó gə̄ ní gāngə̄n̄ anī, Salomo̰ adə̄ Hiram ɓē kutə jōó gō nang kə́ Galile tə́.