ESDRAS 4:6 - Bibəl ta Sar̄

⁶ Ɓāl̄ gə̄ ń Jerses əlań gír ko̰o̰ ɓē ngɔr ɓáý tə́ ní madə̄ ba̰ā̰ Jipə gə̄ ndangən̄ makətūbə̄ adə̄nən̄ sekə́n̄neé Juda gə̄ ō, de kə́ Jerusalem gə̄ ō.

Bible sar

⁶ Ɓāl̄ gə̄ ń Jerses əlań gír ko̰o̰ ɓē ngɔr ɓáý tə́ ní madə̄ ba̰ā̰ Jipə gə̄ ndangən̄ makətūbə̄ adə̄nən̄ sekə́n̄neé *Juda gə̄ ō, de kə́ Jerusalem gə̄ ō.

ESDRAS 4:6 Referans Kwoze

DANIEL 9:1

Əndān̄ Darius kə́ ngōn̄ Jerses kə́ gír kaa yā Medə gə̄ tə́ mban̄g dɔ ɓē kə́ Babilon tə́.

ESTER 1:1

Gotə najə̄ ń toō i yá̰á̰ kə́ rāā yá̰a̰ ɓāl̄ yā mban̄g Jerses tə́. I Jerses ń o̰o̰ ɓē dɔ nang gə̄ kə́ gír i ɓú kə kutə jōó kə kalən kə́ sīrí gə̄ tə́ ní. Ɓē ko̰o̰ yān əla gír i dɔ nang kə́ Ḛndə tə́ bátə́ ugə̄ń dɔ nang kə́ Etiopi tə́.

JEJU TEĒ KUM JA̰A̰ 12:10

Anī deē kógə̄ḿ ɔr̄ najə̄ kə tɔ́gɔ́ dɔ rā̰ tə́ adə̄ m-ōō ndūn: Ń toō ní kum mbang kajə deē asə kɔ̄ɔ́! Ngɔlaā ń toō ní Nə́ɓā yājí ɔjə tɔ́gən kə̄ ndágá ō, ɔjə ko̰o̰ ɓē yān kə̄ ndágá ō! Ngɔlaā ń toō ní ko̰o̰ ɓē i jī Kərist yān tə́. Tɔdɔ̄ nge sekə́ ngákó̰ó̰jí gə̄ ní mbərenən̄ dɔ rā̰ tə́ ənīnən̄ ndágá kɔ̄ɔ́. I ni n i nge sekə́də́ rɔ̄ Nə́ɓā yājí tə́ ndɔ̄ɔ́ gē kadaá gē ní.

KƏLA RĀĀ 25:7

Dan ń Pol reē ugə̄ anī, Jipə gə̄ ń ḭḭn̄ Jerusalem ní reē gīrə̄n̄ gidən ba tə́dan̄ najə̄ kə́ majaĺ ngá̰ý gə̄ dɔn tə́ sekə́nən̄neé, ba nin̄-asən̄ kɔjə kadə̄ najə̄ gə̄ ní i rɔ̄kum alé.

KƏLA RĀĀ 24:13

Tá yá̰a̰ gə̄ ń de gə̄ ń toō sekə́mə̄n̄ ngɔlaā najə̄n tə́ ní, nin̄-asən̄ kɔjiī kadə̄ i rɔ̄kum alé.

MATIYE 27:37

Nin̄-ndangən̄ sarya ń gāngə̄n̄ dɔn tə́ ní əndān̄ dɔn tə́ dɔɔ́. Ndangən̄ ədan̄ na: Nge ń toō i Jeju, mban̄g yā Jipə gə̄.

ESDRAS 4:5

Adə̄ əla gír ɓāl̄ ko̰o̰ ɓē yā Sirus mban̄g kə́ Persə tə́ bátə́ ugə̄ń ɓāl̄ ko̰o̰ ɓē yā Darius mban̄g kə́ Persə tə́ ní, əndān̄ yá̰a̰ jī ngé kadə̄ kɔjə̄ kə́ ndogó mbangāá gə̄ tə́ kadə̄ rāān̄ adə̄ ta kəla ń Jipə gə̄ a sāān̄ rāā ní ta to kə to kɔ̄ɔ́.

ESTER 1:10

Kə ndɔ̄ kə́ nge ko̰ sīrí anī mban̄g a̰ȳ kasə adə̄ rɔ̄n nelə̄n. Ta anī ni-əda Mehuman ō, Bijta ō, Harbona ō, Bigta ō, Abagta ō Jetar ō, Karkas ō ń nin̄ i áji mbang yān kə́ sīrí gə̄ ní,

TA KƏLA 26:21

Ngé kəla yā Isaak gə̄ ndērə̄n̄ bəlo man̄ kə́ rang, ba kɔ̄lə̄n̄ naā dɔ tə́ ɓáý to̰. Isaak əndā rī bəlo man̄ ní na i Sitəna, kumən na i kɔ̄l̄ naā.

ESTER 2:16

Adə̄ aw̄n̄ kə Ester rɔ̄ mban̄g Jerses tə́, kem kújə mban̄g yān tə́. I ɓāl̄ ko̰o̰ ɓē yān kə́ ngé ko̰ sīrí tə́, kem nāā kə́ nge ko̰ kutə tə́, adə̄ i kem nāā Tebet tə́.

ESTER 3:8

Haman əda mban̄g Jerses na: Kɔ́ɔ̄ ɓē gə̄, gír deē kógə̄ḿ kə́ dáńg gə̄ kə́ tə̄ndā tḭ̄ḭ̄n̄də́ kə̄ loo gə̄ tə́ dan gír de gə̄ tə́ gō nang gə̄ kə́ kem ɓē ko̰o̰ yāí tə́ ndin̄ noó. Nin̄ ndin̄ i tayā ō, yá̰a̰ kāgə̄ ɓē yādə́ tō tītə̄ yā gír de kə́ rang gə̄ aĺ ō, yá̰a̰ gə̄ ń ndū najə̄ yā mban̄g əda kadə̄ yā rāā ní nin̄ rāān̄ aĺ ō. Ré mban̄g əya̰də́ adə̄ ndin̄ jəke anī yá̰á̰ kə́ mban̄g a ənge gírí gətóo.

DANIEL 11:2

Ngɔlaā ní m-ā m-ə́daī najə̄ kə́ rɔ̄kum. Mban̄g gə̄ mətá a o̰o̰n̄ ɓē kə́ Persə kə gō naā. Mban̄g kə́ nge ko̰ sɔ́ a utə̄ gōdə́. Ni a ənge yá̰á̰ ngá̰ý tɔȳ ngé kə́ kété non tə́ gə̄. Dan ń ənge tɔ́gə kə ta kūl̄ yá̰a̰ kənge yān anī, a ɔy yá̰a̰ malang yā rɔ̄ɔń ɓē ko̰o̰ kə́ Gərek gə̄.