ESDRAS 3:2 - Bibəl ta Sar̄

² Yesua nge tun̄ yá̰á̰ kə́ ngōn̄ Yosadak nin̄ kə ngákó̰o̰n kə́ ngé tun̄ yá̰a̰ gə̄ ō, Jorobabel ngōn̄ Sealtiel nin̄ kə ngéén gēé ō, ḭḭn̄ dɔɔ́ rāān̄ loo tun̄ yá̰a̰ yā Nə́ɓā yā Israel, yā ndējəń yá̰a̰ tun̄ gə̄ kə́ yā róō horoó gə̄ tītə̄ ń ndū najə̄ yā Moijə deē yā Nə́ɓā ədań ní.

Bible sar

² Yesua *nge tun̄ yá̰á̰ kə́ ngōn̄ Yosadak nin̄ kə ngákó̰o̰n kə́ ngé tun̄ yá̰a̰ gə̄ ō, Jorobabel ngōn̄ Sealtiel nin̄ kə ngéén gēé ō, ḭḭn̄ dɔɔ́ rāān̄ *loo tun̄ yá̰a̰ yā Nə́ɓā yā Israel, yā ndējəń *yá̰a̰ tun̄ gə̄ kə́ yā róō horoó gə̄ tītə̄ ń *ndū najə̄ yā Moijə deē yā Nə́ɓā ədań ní.

ESDRAS 3:2 Referans Kwoze

Najə̄ kə́ Majə yā Jeju ń Luk ndang ní 3:27

kə́ ngōn̄ Yohanan, kə́ ngōn̄ Resa, kə́ ngōn̄ Jorobabel, kə́ ngōn̄ Salatiel, kə́ ngōn̄ Neri,

Makətūbə̄ yā Aje 1:1

Kem ɓāl̄ ko̰o̰ ɓē kə́ nge ko̰o̰ jōó yā Darius, mban̄g kə́ Persə tə́ ní, kem nāā kə́ nge ko̰ mehḛ́ tə́, kə ndɔ̄ nāā kə́ ta kəga dɔɔ́ anī, Kɔ́ɔ̄ɓē ɔr̄ najə̄ kə Aje nge koō ta. Ni dəjen kadə̄ ɔr̄ najə̄ kə Jorobabel nge ko̰o̰ ɓē kə́ Juda ń i ngōn̄ Saltiel ní, kə adə̄n ō, kə ɔr̄ najə̄ kə Yesua ngol ngé tun̄ yá̰a̰ gə̄ ń i ngōn̄ Yosadak ní, kə adə̄n ō.

ESDRAS 2:2

De gə̄ ń ɔrən̄ nodə́ reēn̄ sedə́ ní i Jorobabel ō Yesua ō Nehemia ō Seraya ō Relaya ō Mordokai ō Bilsan ō Misəpar ō Bigwai ō Rehum ō Baana ō. Rī gír kojə gə̄ ní n toó ō, kutə ngán Israel gə̄ kə́ kə dɔ ɓūtə̄ gēé n toó ō.

1 YÁ̰A̰ GƏ̄ 3:17

Yekonia ń əhɔnən̄ aw̄n̄ seneé ɓəloó dɔ nang kə́ Babilon tə́ ní ngánən gə̄ i Saltiel ō,

JAKARI 6:11

Ā ī-taā gində̄ arjā̰a̰ ō, lɔ́r ō yā rāā jākā mbang tə́, ba ā ə́la dɔ Yesua kə́ ngōn̄ Yosadak ń i ngol ngé tun̄ yá̰a̰ gə̄ ní tə́.

JAKARI 3:8

Yesua, ḭ̄ ń i ngol ngé tun̄ yá̰a̰ gə̄ ní, ōō. Ba sḭḭ̄ ngé tun̄ yá̰a̰ gə̄ ń i seneé ní, ōōī ō. Tɔdɔ̄ sḭḭ̄ ngé tun̄ yá̰a̰ gə̄ ń ī-raī laā ní, ɔjə i kadə̄ yá̰á̰ ń sɔɔ̄ kadə̄ reē ní, a reē. Nge kəla yāḿ ń a ɓāŕnən̄ na i Nge ń sɔɔ̄ kadə̄ əɓa ní, m-ā m̄-rāān kadə̄ a reē.

JAKARI 3:1

Kɔ́ɔ̄ɓē rāā adə̄ m-á̰a̰ ngol ngé tun̄ yá̰a̰ gə̄ ń i Yesua ní. Ni-ra kə njan kə́ dɔɔ́ no de kə́ dɔ rā̰ tə́ yā Kɔ́ɔ̄ɓē tə́. Sətan ń i nge kəndā najə̄ dɔ de gə̄ tə́ ní, ra dɔ jī ko̰ Yesua tə́, yā kəndań najə̄ dɔn tə́.

Makətūbə̄ yā Aje 2:23

Banī ndɔ̄ ń noō tə́ ní, ḭ̄ nge kəla yāḿ Jorobabel, m-ā m-úniī yā rāāī tambō̰o̰ yāḿ mə̄kɔ́ tə́. Tɔdɔ̄ i ḭ̄ n m̄-gə̄rāī tām̄ kəla yāḿ tə́ ní. Yá̰á̰ ń Kɔ́ɔ̄ɓē kə́ bo kə́ tɔ́gən i ngá̰ý əda ní n noó.

Makətūbə̄ yā Aje 2:21

Ni mērə̄n kɔr̄ najə̄ kə nge ko̰o̰ ɓē kə́ Juda ń i Jorobabel kə́ ngōn̄ Seyaltiel ní, kadə̄ ədan na: Mā Kɔ́ɔ̄ɓē nge rāā dɔ rā̰ ō dɔ nang ō ní, m-ā m̄-yéȳ dɔ rā̰ ō dɔ nang ō.

Makətūbə̄ yā Aje 1:14

Loo ń noō tə́ Kɔ́ɔ̄ɓē ndól̄ kəhɔ rɔ̄ tɔgə yā Jorobabel nge ko̰o̰ ɓē kə́ Juda ń i ngōn̄ Saltiel ní ō, ndól̄ kəhɔ rɔ̄ tɔgə yā Yesua ngol ngé tun̄ yá̰a̰ gə̄ ń i ngōn̄ Yosadak ní ō, ndól̄ kəhɔ rɔ̄ tɔgə yā de gə̄ malang ń ɔyn̄də́ aw̄n̄ sedə́ dɔ ɓē kə́ rang tə́ dɔ gúú tə́ á tél reēn̄ gogə́ ɓēé ní ō, adə̄ reē rāān̄ kújə́ kə́ bo yā Nə́ɓā yādə́ ń i Kɔ́ɔ̄ɓē kə́ bo kə́ tɔ́gən i ngá̰ý ní gogə́,

Makətūbə̄ yā Aje 1:12

Jorobabel kə́ ngōn̄ Saltiel ō, Yesua kə́ ngōn̄ Yosadak ń i ngol ngé tun̄ yá̰a̰ gə̄ ní ō, de gə̄ malang ń ɔyn̄də́ aw̄n̄ sedə́ dɔ ɓē kə́ rang tə́ dɔ gúú tə́ á tél reēn̄ gogə́ ɓēé ní ō, oōn̄ najə̄ gə̄ ń Kɔ́ɔ̄ɓē Nə́ɓā yādə́ əndā ta Aje nge koō ta tə́ adə̄ əda ní. Aje rāā kəla ń Kɔ́ɔ̄ɓē mērə̄n rāā ní tɔ̄l̄ ta i tītə̄ ń noō. Adə̄ ngán Israel gə̄ a̰a̰n̄ tɔ́gə ko̰o̰ ɓē yā Kɔ́ɔ̄ɓē gerə̄n̄.

PĀ GƏ̄ 78:68

Ba gə̄rā i gír ɓē yā Juda, adə̄ i mbal̄ kə́ Siyo̰ ń ni gḛy ní.

NEHEMI 12:8

Ngán Lebi gə̄ i Yesua ō Binui ō Kadəmiel ō Serebia ō Yehuda ō Matania ō. Matania nin̄ kə ngákó̰o̰n gēé i ngé kənī pā gə̄ kə́ yā ɓōkə́nń Kɔ́ɔ̄ɓē tɔ̄ȳ.

NEHEMI 12:1

Ngé tun̄ yá̰a̰ gə̄ ō ngán Lebi gə̄ ō ń reēn̄ naā tə́ kə Jorobabel kə́ ngōn̄ Saltiel ō Yesua ō ní rīdə́ n toó: Seraya, Irmeya, Esdras,

2 YÁ̰A̰ GƏ̄ 6:6

banī na n-gə̄rā ɓē kə́ Jerusalem kadə̄ rīn i dɔ tə́ ō, na n-gə̄rāī ḭ̄ Dabid kadə̄ ó̰o̰ ɓē dɔ gír deē yān gə̄ tə́ ō.

1 YÁ̰A̰ GƏ̄ 3:19

Ngán Pedaya gə̄ i Jorobabel ō, Simei ō. Ngán Jorobabel kə́ dəngam gə̄ i Mesulam ō, Hanania ō, ngōnən kə́ dəyá̰ i Selomit ō.

Teē Ngán Israel gə̄ 27:1

Gō tə́ anī a rāān̄ loo tun̄ yá̰a̰ kə kāgə̄ akasiya. Ngālən i kíĺ mí ō, laan i kíĺ mí ō, ngālən gē laan gē asən̄ naā, ba ngālən kə́ kə̄ dɔɔ́ tá i kíl mətá.

ESDRAS 3:8

Kem nāā kə́ nge ko̰ jōó tə́ yā ɓāl̄ ń utə̄ gō nge ń nin̄ ugə̄n̄neé Jerusalem, ɓē ń kújə yā Nə́ɓā i kemeé tə́ ní anī, Jorobabel ngōn̄ Sealtiel ō, Yesua ngōn̄ Yosadak ō gá̰á̰ ngákó̰ó̰də́ gə̄ kə́ ngé tun̄ yá̰a̰ gə̄ ō, ngán Lebi gə̄ ō, de gə̄ malang ń ɔyn̄də́ aw̄n̄ sedə́ ɓəlo tə́ tá tél reēn̄ gogə́ Jerusalem ní ō, udən̄ kə̄ rɔ̄ kəla tə́ rāān naā tə́. Nin̄ tə́ndān̄ ngán Lebi gə̄ kə́ ɓāl̄də́ i kutə jōó gə̄ ō, ngé kə́ ɓāl̄də́ ḭḭ dɔ kutə jōó tə́ ta kaw̄ kə̄ dɔɔ́ gə̄ ō, kadə̄ unən̄ dɔ kəla kújə yā Kɔ́ɔ̄ɓē.

ESDRAS 5:2

Tā anī Jorobabel kə́ ngōn̄ Sealtiel ō, Yesua kə́ ngōn̄ Yosadak ō, ḭḭn̄ dɔɔ́ ba əlan̄ gír rāā kújə yā Nə́ɓā kem ɓē kə́ Jerusalem tə́. Ngé koō ta gə̄ yā Nə́ɓā i naā tə́ sedə́ adə̄ ɔsən̄ kíĺdə́ kem kəlaá.

TA KƏLA 12:7

Kɔ́ɔ̄ɓē ndɔ̄bə̄ Abəram ədan na i nang ń toō n na n-a n-adə̄ ngán kaan gə̄ ní. Abəram ɔy kūbə̄rū mbal̄ gə̄ tə́ndā dɔ naā tə́, rāań loo tun̄ yá̰a̰ tām̄ yā Kɔ́ɔ̄ɓē tə́ loo ń ni ndɔ̄bə̄n tū tə́ ní.

NGÉ SARYA 6:24

Jedeo̰ rāā loo tun̄ yá̰a̰ loo ní tə́ adə̄ Kɔ́ɔ̄ɓē, ba ənī rīn na i Kɔ́ɔ̄ɓē i nge sɔl̄ kem deē. Ɓōólaā gə̄gē ní loo tun̄ yá̰á̰ ní ra kem ɓē kə́ Opəra yā Abiejer tə́ noō.

1 YÁ̰A̰ GƏ̄ 23:14

Moijə i deē yā Nə́ɓā. Tə́dan̄ ngánən gə̄ i dan de gə̄ kə́ gír ɓē yā Lebi tə́ gə̄.

ESDRAS 10:18

Dan ngé tun̄ yá̰a̰ gə̄ tə́ ní ngé táā dəyá̰ tə̄rā gə̄ n toó: De gə̄ kə́ dan ngán Yesua kə́ ngōn̄ Yosadak tə́ kə ngákó̰ó̰də́ gēé i Maseya ō, Eliejer ō, Yarib ō, Gedalia ō.

ESDRAS 10:20

De kə́ dan ngán Imer tə́ gə̄ i Hanani ō Jebadia ō.

ESDRAS 10:21

De kə́ dan ngán Harim tə́ gə̄ i Maseya ō Elia ō Semaya ō Yehiel ō Ujia ō.

ESDRAS 10:22

De kə́ dan ngán Pasəhur tə́ gə̄ i Elyohenai ō Maseya ō Ismael ō Netanel ō Yojabad ō Elasa ō.