ESDRAS 3:13 - Bibəl ta Sar̄

¹³ Adə̄ i kɔŕ rɔ̄nel̄ a ī-ger̄ aĺ ō, i nōō a ī-ger̄ aĺ ō. Tām̄ de gə̄ malang unən̄ ndūdə́ kə̄ dɔɔ́ ngá̰ý əgan̄neé kɔŕ, adə̄ de gə̄ ń ran̄ sa̰y ngá̰ý ní gə̄gē oōn̄ ndūdə́.

Bible sar

¹³ Adə̄ i kɔŕ rɔ̄nel̄ a ī-ger̄ aĺ ō, i nōō a ī-ger̄ aĺ ō. Tām̄ de gə̄ malang unən̄ ndūdə́ kə̄ dɔɔ́ ngá̰ý əgan̄neé kɔŕ, adə̄ de gə̄ ń ran̄ sa̰y ngá̰ý ní gə̄gē oōn̄ ndūdə́.

ESDRAS 3:13 Referans Kwoze

1 SAMUEL 4:5

Dan ń sandúkə madə̄ naā yā Kɔ́ɔ̄ɓē ugə̄ gérgereé anī, ngán Israel gə̄ malang túrə̄n̄ kɔĺ rɔ̄nel̄ kə́ ngá̰ý, adə̄ dɔ nang ndebə.

JAKARI 4:7

Ni-əda ɓáý to̰ na: Mbal̄ kə́ bo ń noō, i yá̰á̰ kə́ ngan̄g ngá̰ý a? Jorobabel a rāān yā kadə̄ a téĺ ndágə mbō. Ni a teē kə mbal̄ kə́ majə tām̄ kíĺ kújə yā Kɔ́ɔ̄ɓē tə́ i tū mbal̄ bo ń noō tə́. Adə̄ de gə̄ a əgan̄ kɔŕ a ədan̄ na: Á, i mbal̄ kə́ majə ngá̰ý a̰á̰, á, i mbal̄ kə́ majə ngá̰ý a̰á̰!

JEREMI 33:11

pā walya ō, najə̄ kə́ to rɔ̄nel̄ ō, pā yā ngaa dəyá̰ ō, rɔ̄nel̄ yā nge taā ngaa ō, pā gə̄ yā ngé gə̄ ń reē adə̄n̄ yá̰a̰ tun̄ gə̄ kə́ yā tɔ̄yń kem kújə yā Kɔ́ɔ̄ɓē tə́ ba ədan̄ na: Ī-tɔ̄yī Kɔ́ɔ̄ɓē kə́ bo kə́ tɔ́gən i ngá̰ý, tɔdɔ̄ kem majə yān to ngándáńg ō, ni-ra dɔ ndūn tə́ ngándáńg ō ní, ā ōōī kemeé ɓáý. Rɔ̄kum, m-ā m̄-tél yā kəndā ɓē ń toō kijə ō, m-ā m̄-rāā kadə̄ tél ndi majə gogə́ tītə̄ kə́ kété ō. Najə̄ ń Kɔ́ɔ̄ɓē əda ní n noó.

PĀ GƏ̄ 5:11

Nə́ɓā, ə́ndádə́ tām̄ majaĺ yādə́ tə́! Ādə̄ yá̰a̰ gə̄ ń nin̄ kɔ́ gə̄ nómə̄n̄ rāā ní rāādə́ adə̄ tə́sōn̄! Ī-tə̄ɓādə́ kɔ̄ɔ́ tām̄ yá̰a̰ rāādə́ malang kə́ gōtə́ aĺ gə̄ tə́, tām̄ nin̄ oōn̄ taí alé.

NEHEMI 12:43

Ndējə̄n̄ Kɔ́ɔ̄ɓē yá̰á̰ kə́ tun̄ gə̄ ngá̰ý ndɔ̄ ń noō tə́ ō, rɔ̄ de gə̄ nel̄də́ ō, tɔdɔ̄ Nə́ɓā rāā adə̄ rɔ̄də́ nel̄də́ ngá̰ý. Dəyá̰ gə̄ kə ngán gə̄ rāān̄ rɔ̄nel̄ ō, adə̄ de gə̄ ń ran̄ sa̰y gə̄gē ní oōn̄ kōō kɔŕ rɔ̄nel̄ kə́ kem ɓē kə́ Jerusalem tə́.

1 MBAN̄G GƏ̄ 1:45

Sadok nge tun̄ yá̰a̰ ō, Natan kə́ nge koō ta ō, urən̄ yibə̄ dɔn tə́ əndānə̄nəń mban̄g kadə kəɓa man̄ kə́ Gihon tə́. Gō tə́ anī nin̄ télən̄ dɔ tə́ seneé ta kaw̄ gogə́ ɓēé kə rɔ̄nelēé. Rɔ̄ de kə́ kem ɓēé gə̄ malang nel̄də́, ādə̄ i kōōdə́ n ōōī ní.

1 MBAN̄G GƏ̄ 1:40

Gō tə́ anī de gə̄ malang njə̄rān̄ gō Salomo̰ tə́ tél aw̄n̄neé seneé gogə́ kem ɓēé. Nin̄ kɔ̄rə́n̄ yá̰a̰ gə̄ ō, rāān̄ rɔ̄nel̄ ngá̰ý ō. Nin̄ urən̄ kɔĺ ngá̰ý tītə̄ kə́ yā kadə̄ dɔ nang njar beé.

NGÉ SARYA 2:5

Əndān̄ rī loo ní na i Bokim, ba tɔ̄lə̄n̄ dā̰ gə̄ tun̄ adə̄n̄ Kɔ́ɔ̄ɓē loo ní tə́.

ESDRAS 3:12

Anī de gə̄ ngá̰ý dan ngé tun̄ yá̰a̰ gə̄ tə́ ō, ngán Lebi gə̄ tə́ ō, de kə́ dɔ gír kojə gə̄ tə́ ō ń tɔgən ngá̰ý á a̰a̰n̄ kújə yā Kɔ́ɔ̄ɓē kə́ kəndā kété ní, dan ń nin̄ a̰a̰n̄ de gə̄ loo kəndā ngəra nge kə́ kijə tə́ anī, unən̄ ndūdə́ kə̄ dɔɔ́ nōōn̄neé. Banī ngá̰ý gə̄ unən̄ ndūdə́ kə̄ dɔɔ́ əganə̄neé i kɔŕ rɔ̄nel̄ ō.

ESDRAS 4:1

Dan ń madə̄ ba̰ā̰ Juda gə̄ ō Benjamḛ gə̄ ō oōn̄ kadə̄ ngé gə̄ ń ɔyn̄də́ aw̄n̄ sedə́ ɓəloó tá tél reēn̄ gogə́ ɓēé ní, na ra na a rāān̄ kújə yā Kɔ́ɔ̄ɓē yā Israel noó anī,

JEREMI 50:4

Dan ń noō tə́ ní, kum mbang nəkɔ́ ń noō tə́, ngán Israel gə̄ ō, Juda gə̄ ō, a reēn̄ naā tə́ mbak. A njə̄rān̄ kə nōó kumdə́ tə́ yā sāań Kɔ́ɔ̄ɓē Nə́ɓā yādə́.