ESDRAS 3:11 - Bibəl ta Sar̄

¹¹ Nin̄ unən̄ pā tə́da ɔsən̄neé gɔn Kɔ́ɔ̄ɓē ō, ɓōkə́nən̄neé tɔ̄y ō ədan̄ na: Kɔ́ɔ̄ɓē i de kə́ majə, tár yān kə́ tām̄ yā Israel tə́ i táŕ kə́ ta ngóyn gətóo! Ngán Israel gə̄ urən̄ kɔĺ ngá̰ý ɔsən̄neé gɔn Kɔ́ɔ̄ɓē ō, tām̄ kəndā kə́ əndān̄ ngəra kújə yān ní tə́.

Bible sar

¹¹ Nin̄ unən̄ pā tə́da ɔsən̄neé gɔn Kɔ́ɔ̄ɓē ō, ɓōkə́nən̄neé tɔ̄y ō ədan̄ na: Kɔ́ɔ̄ɓē i de kə́ majə, tár yān kə́ tām̄ yā *Israel tə́ i táŕ kə́ ta ngóyn gətóo! Ngán Israel gə̄ urən̄ kɔĺ ngá̰ý ɔsən̄neé gɔn Kɔ́ɔ̄ɓē ō, tām̄ kəndā kə́ əndān̄ ngəra kújə yān ní tə́.

ESDRAS 3:11 Referans Kwoze

1 YÁ̰A̰ GƏ̄ 16:34

Ī-tɔ̄yī Kɔ́ɔ̄ɓē tɔdɔ̄ ni i nge kem majə ō, kem majə yān a to ngándáńg ō.

PĀ GƏ̄ 106:1

Aleluya! Ɔ́siī gɔn Kɔ́ɔ̄ɓē, tɔdɔ̄ ni i nge kem ndaa ō, kem majə yān a to ngándáńg ō.

PĀ GƏ̄ 107:1

Ɔ́siī gɔn Kɔ́ɔ̄ɓē tām̄ ni i nge kem ndaa, tɔdɔ̄ ni-rāā kem majə ngándáńg.

PĀ GƏ̄ 103:17

Banī kem majə yā Kɔ́ɔ̄ɓē kə́ tām̄ yā ngé ɓōĺ ndílən gə̄ tə́ əla gír i jóo ō, a to ngándáńg ō. Háĺ kə́ gōtə́ yān to tām̄ yā ngán kaadə́ gə̄ tə́ ō,

JEREMI 33:11

pā walya ō, najə̄ kə́ to rɔ̄nel̄ ō, pā yā ngaa dəyá̰ ō, rɔ̄nel̄ yā nge taā ngaa ō, pā gə̄ yā ngé gə̄ ń reē adə̄n̄ yá̰a̰ tun̄ gə̄ kə́ yā tɔ̄yń kem kújə yā Kɔ́ɔ̄ɓē tə́ ba ədan̄ na: Ī-tɔ̄yī Kɔ́ɔ̄ɓē kə́ bo kə́ tɔ́gən i ngá̰ý, tɔdɔ̄ kem majə yān to ngándáńg ō, ni-ra dɔ ndūn tə́ ngándáńg ō ní, ā ōōī kemeé ɓáý. Rɔ̄kum, m-ā m̄-tél yā kəndā ɓē ń toō kijə ō, m-ā m̄-rāā kadə̄ tél ndi majə gogə́ tītə̄ kə́ kété ō. Najə̄ ń Kɔ́ɔ̄ɓē əda ní n noó.

PĀ GƏ̄ 135:3

Aleluya! Kɔ́ɔ̄ɓē i de kə́ majə! Ī-tɔ̄yī rīn kə pāá, tɔdɔ̄ ni i de kə́ kemən ndaa ngá̰ý!

PĀ GƏ̄ 118:1

Ɔ́siī gɔn Kɔ́ɔ̄ɓē tɔdɔ̄ ni i de kə́ majə ō, kem majə yān a to ngándáńg ō.

2 YÁ̰A̰ GƏ̄ 7:3

Israel gə̄ malang ń ran̄ ní a̰a̰n̄ hor ní loo kḭḭ tə́ dɔ rā̰ tə́ ō, a̰a̰n̄ kɔsə gɔn yā Kɔ́ɔ̄ɓē ń ndə́lē kem kújə yā Kɔ́ɔ̄ɓē tə́ ní ō. Nin̄ ɔsən̄ nodə́ nang tə́ ō, dɔ loo kə́ ɓatə̄ kə mbalá tə́ ō rɔȳn̄neé Kɔ́ɔ̄ɓē ō, tɔ̄ȳn̄neé Kɔ́ɔ̄ɓē najə̄ kem majə yān tə́ ō, tár yān kə́ a tə̄gā aĺ tə́ ō.

IJAI 12:6

Ḭ̄ ń ī-ndi Siyo̰ ní, ɔ́jə rɔ̄nel̄ yāí kə̄ ndágá, úr kɔĺ rɔ̄nel̄! A̰á̰ā̰, Nə́ɓā kə́ táĺ yā Israel ń ndi dansí tə́ ní, i de kə́ bo!

NEHEMI 12:24

Hasabia ō Serebia ō Yesua kə́ ngōn̄ Kadəmiel ō ń i ngār gə̄ kə́ dɔ ngán Lebi gə̄ tə́ ní, ré ta kəla i dɔdə́ tə́ anī nin̄ ran̄ kumdə́ sɔɔ̄ ta naā kə ngán Lebi kə́ rang gēé yā kənīń pā gə̄ kə́ yā ɓōkə́nń Kɔ́ɔ̄ɓē tɔ̄ȳ ō, kə́ yā ndadə̄nneé tām̄ yā kem majə yān tə́ ō, tītə̄ ń Dabid kə́ deē yā Nə́ɓā ədań kadə̄ yā rāā ní.

IJAI 44:23

A̰á̰ā̰, Kɔ́ɔ̄ɓē rāā yá̰a̰. Adə̄ ḭ̄ dɔ rā̰, ə̄nī pā rɔ̄nel̄, ḭ̄ loo kə́ dɔ nang tə́ kə́ ɗúú ngá̰ý, ī-rāā ādə̄ ndūí ɓār̄. Sḭḭ̄ mbal̄ bo gə̄ ō, kāgə̄ gə̄ kə́ kem ku loo tə́ gə̄ ō, ə́gaī kɔŕ rɔ̄nel̄. Tām̄ Kɔ́ɔ̄ɓē gān̄g dɔ gír deē yān gə̄, ni ɔjə kɔsə gɔn yān kə̄ ndágá dɔ nang kə́ Israel tə́!

Teē Ngán Israel gə̄ 15:21

Miriam un dɔ pā ń toō adə̄də́: Ə̄nīī pā ɔ́siīneé gɔn Kɔ́ɔ̄ɓē, tɔdɔ̄ ni-tetə rɔ̄ɔ̄ kə́ bo ngá̰ý. Ni-ɓōkə́ sə́nda gə̄ kə ngé kal̄də́ gēé kum bā bo tə́.

Najə̄ kə́ Majə yā Jeju ń Luk ndang ní 1:50

Kem majə yān a to ngándáńg tām̄ yā ngé ɓōĺ ndílən gə̄ tə́.

JAKARI 9:9

Ɓē kə́ Siyo̰, ī-ndām̄ kə tɔ́gí gēé malang! A̰á̰ā̰, ɓē kə́ Jerusalem, ə́ga kɔŕ rɔ̄nel̄! Á̰a̰ā̰, mban̄g yāí a reē kə́ rɔ̄í tə́. Ni i de kə́ nge rāā yá̰á̰ kə́ gōtə́ ō, nge tetə rɔ̄ɔ̄ ō, ni i de kə́ najə̄n gətóo ō. Ni-ndi i gidə kərō kógə̄ḿ tə́, adə̄ i gidə ngōn̄ kərōó kógə̄ḿ kə́ kó̰o̰n i noó tə́.

IJAI 6:3

Nin̄ unən̄ ndūdə́ kə̄ dɔɔ́ ngá̰ý ədanə̄ń naā na: Kɔ́ɔ̄ɓē kə́ bo kə́ tɔ́gən i ngá̰ý i kə́ táĺ, táĺ, táĺ! Kɔsə gɔn yān taā loo malang dɔ nang tə́!

PĀ GƏ̄ 47:1

Pā kə́ kem makətūbə̄ yā ngār yā gōsə̄ pā gə̄ tə́. I pā yā ngán Kore gə̄.

1 YÁ̰A̰ GƏ̄ 16:41

Heman nin̄ kə Yedutun i sedə́ ō, gotə de kə́ rang gə̄ ń gə̄rān̄də́ kə rī tɔ̄ȳ Kɔ́ɔ̄ɓēé kadə̄ ədan̄ na kem majə yān a to ngándáńg ní nin̄ i sedə́ ō.

NEHEMI 12:40

Gōsə̄ pā kə́ gír jōó gə̄ ní dəban̄ kem kújə yā Nə́ɓā tə́. Mā m̄-dəba ō, ngé rāā sarya gə̄ ń njə̄rān̄ seḿ ní dəban̄ ō.

PĀ GƏ̄ 47:5

Ni gə̄rā dɔ nang adə̄jí yá̰a̰ yājí tə́. I yá̰a̰ kənda nganjə yājí jḭḭ̄ de kə́ gír yā Jakob tə́ gə̄ ń ni táŕjí ngá̰ý ní.

JOJUE 6:5

Loo ń ré a kɔ̄rə́n̄ tōw̄ kə́ dan ngāl̄ adə̄ ōōī kōō anī, gír de gə̄ malang a əgan̄ kɔŕ əda ō, ndogə̄ mbal̄ ń gīr̄ gidə ɓē ní a tetə nang tə́ ō. Loo ń nuū tə́ ngán Israel gə̄ malang a udən̄ kem ɓēé, náā nəkɔ́ anī kumən i súmūú non tə́.

JOJUE 6:16

Nja kə́ nge ko̰ sīrí ní, ngé tun̄ yá̰a̰ gə̄ a rāān̄ yā kɔ̄ŕ tōw̄ anī, Jojue əda gír de gə̄ na: Ī-túrī kɔĺ, tɔdɔ̄ Kɔ́ɔ̄ɓē adə̄sí ɓē ń toō.

JOJUE 6:10

Jojue tāā gír de gə̄, ədadə́ na: Ā ī-túrī kɔĺ aĺ ō, ādī deē oō ndūsí aĺ ō, ādī najə̄ kógə̄ḿ teē tasí tə́ aĺ ō, kdə̄ ndɔ̄ ń m-ā m-ə́dásí kadə̄ ī-túrīneé kɔĺ ní reē ugə̄ń. Tā anī ā ī-túrī kɔĺ ɓáý.

2 YÁ̰A̰ GƏ̄ 5:13

Ngé kɔ̄ŕ bərúnjə gə̄ gə̄gē, ngé kənī pā gə̄ gə̄gē, ɓōkə́n̄ ndūdə́ gō naā tə́ malang yā tɔ̄yń Kɔ́ɔ̄ɓē ō, kɔsəń gɔnən ō. Dan ń kōō bərúnjə gə̄ ō, gində̄ kə́ laa gə̄ kə́ yā kənda naā tə́ kadə̄ ɓār̄ gə̄ ō, gotə yá̰á̰ kə́ ɓār̄ gōsə̄ kə́ rang gə̄ ō ɓār̄ anī, tɔ̄ȳn̄ Kɔ́ɔ̄ɓē ədan̄ na: Ī-tɔ̄yī Kɔ́ɔ̄ɓē tɔdɔ̄ ni i de kə́ majə ō, tɔdɔ̄ kem majə yān to ngándáńg ō. Loo ń noō tə́ kil̄ man̄ kə́ kem kújə yā Kɔ́ɔ̄ɓē tə́ taā kem kújə malang.

PĀ GƏ̄ 100:5

Tɔdɔ̄ Kɔ́ɔ̄ɓē i de kə́ majə, kem majə yān to ngándáńg ō, ni i de kə́ nge ra dɔ ndūn tə́ kə dɔ ɓāl̄ gə̄, ɓāl̄ gə̄ ō.

PĀ GƏ̄ 131:1

Pā kə́ yā kaw̄ń kə̄ loo kə́ táĺ tə́. I pā yā Dabid. Kɔ́ɔ̄ɓē, kɔjə rɔ̄ gətóo kemḿ tə́. m̄-sāā yá̰á̰ kə́ al̄ dɔḿ alé. m̄-ngɔ̄də̄ gō yá̰á̰ kə́ bo gə̄ ō, kə́ yáā kə́ tɔ̄ȳ dɔḿ gə̄ ō ń noō alé.

JAKARI 4:7

Ni-əda ɓáý to̰ na: Mbal̄ kə́ bo ń noō, i yá̰á̰ kə́ ngan̄g ngá̰ý a? Jorobabel a rāān yā kadə̄ a téĺ ndágə mbō. Ni a teē kə mbal̄ kə́ majə tām̄ kíĺ kújə yā Kɔ́ɔ̄ɓē tə́ i tū mbal̄ bo ń noō tə́. Adə̄ de gə̄ a əgan̄ kɔŕ a ədan̄ na: Á, i mbal̄ kə́ majə ngá̰ý a̰á̰, á, i mbal̄ kə́ majə ngá̰ý a̰á̰!

Makətūbə̄ yā Aje 2:3

Dansí tə́ ní, deē kógə̄ḿ əga kemən dɔ majə yā kújə́ kə́ bo kə́ jóo yā Kɔ́ɔ̄ɓē tə́ a? Ba ngɔlaā ní, yá̰á̰ ń á̰a̰ī ní i rí? Gotə yá̰á̰ kə́ tū tə́ kə́ na̰y gətóo.