ESDRAS 3:10 - Bibəl ta Sar̄

¹⁰ Dan ń ngé kəndā kújə gə̄ ra a əndān̄ ngəra kújə yā Kɔ́ɔ̄ɓē anī, adə̄n̄ ngé tun̄ yá̰a̰ gə̄ ndɔ́tə̄n̄ kə̄ kété kə kūbə̄ gēé rɔ̄də́ tə́ ō, kə bərúnjə yādə́ gēé ō, adə̄n̄ ngán Lebi gə̄ kə́ ngán kaa Asap gə̄ ndɔ́tə̄n̄ kə̄ kété kə gində̄ kə́ laa gə̄ kə́ yā kənda naā tə́ kadə̄ ɓār̄ gə̄ ō, yā ɓōkə́nń Kɔ́ɔ̄ɓē tɔ̄ȳ kə gō ń Dabid mban̄g kə́ Israel tə́ ɔjəń ní.

Bible sar

¹⁰ Dan ń ngé kəndā kújə gə̄ ra a əndān̄ ngəra *kújə yā Kɔ́ɔ̄ɓē anī, adə̄n̄ *ngé tun̄ yá̰a̰ gə̄ ndɔ́tə̄n̄ kə̄ kété kə kūbə̄ gēé rɔ̄də́ tə́ ō, kə bərúnjə yādə́ gēé ō, adə̄n̄ ngán Lebi gə̄ kə́ ngán kaa Asap gə̄ ndɔ́tə̄n̄ kə̄ kété kə gində̄ kə́ laa gə̄ kə́ yā kənda naā tə́ kadə̄ ɓār̄ gə̄ ō, yā ɓōkə́nń Kɔ́ɔ̄ɓē tɔ̄ȳ kə gō ń Dabid mban̄g kə́ *Israel tə́ ɔjəń ní.

ESDRAS 3:10 Referans Kwoze

2 YÁ̰A̰ GƏ̄ 35:15

Gōsə̄ pā gə̄ ń i de kə́ gír kaa yā Asap tə́ gə̄ ní ran̄ loo kəla yādə́ gə̄ tə́, kə jī bēl̄ loo rāā yá̰a̰ gə̄ ń Dabid nin̄ kə Asap ō, Heman ō, Yedutun nge ka̰a̰ yá̰a̰ yā mban̄g ō, ɔjən̄neé ní. Ngé ngɔ̄m̄ ta róbə́ kújə gə̄ ran̄ kə ta róbə́ kújə gə̄ ō. Nin̄ əya̰n̄ ta kəla yādə́ gə̄ alé tɔdɔ̄ ngákó̰ó̰də́ kə́ ngán Lebi gə̄ rāān̄ loo yá̰a̰ kəsa tām̄ yādə́ tə́.

1 YÁ̰A̰ GƏ̄ 23:5

gə̄rā ngé ra ta róbə́ kújə́ tə́ gə̄ dūbú sɔ́ ō, ngé tɔ̄ȳ Kɔ́ɔ̄ɓē kə yá̰á̰ kə́ ɓāŕ gōsōó gə̄ dūbú sɔ́ ō. Yá̰á̰ kə́ ɓār̄ gōsə̄ gə̄ ní i ni n mēr̄ rāādə́ yā ɓōkə́nń Kɔ́ɔ̄ɓē tɔ̄ȳ ní.

1 YÁ̰A̰ GƏ̄ 16:42

Kəla rā Heman nin̄ kə Yedutun i ka̰a̰ gō bərúnjə gə̄ ō, gində̄ kə́ laa gə̄ kə́ yā kənda naā tə́ kadə̄ ɓār̄ gə̄ ō, yá̰á̰ kə́ rang kə́ ɓār̄ gōsə̄ gə̄ ń a dānə̄nəń gō pā gə̄ yā Nə́ɓā ní ō. Ngán Yedutun gə̄ i ngé ngɔ̄m̄ ta róbə gə̄.

1 YÁ̰A̰ GƏ̄ 16:37

Dabid əndā Asap nin̄ kə ngákó̰o̰n gēé ta sandúkə madə̄ naā yā Kɔ́ɔ̄ɓē tə́, kadə̄ rāān̄ kəla yādə́ ta tə́ kanjə̄ kəya̰ ta kə gō ń kadə̄ rāān̄neé kə dɔ ndɔ̄ gə̄ ní ō,

1 YÁ̰A̰ GƏ̄ 15:27

Dabid ō, ngán Lebi gə̄ kə́ ngé kətō sandúkə gə̄ ō, gōsə̄ gə̄ ō, ngār yā gōsə̄ gə̄ ń i Kenania ní ō, o̰ō̰n̄ i kūbə̄ lḛ́ḛ́ kə́ kəlā kəjōn kídə̄ yululu. Dabid əla kūbə̄ epod lḛ́ḛ rɔ̄n tə́.

1 SAMUEL 22:18

Anī mban̄g əda Doeg na: Ɔ́tə ī-tɔ̄l̄ ngé tun̄ yá̰a̰ gə̄ ń noō. Anī Doeg kə́ Edom njə̄rā kə̄ rɔ̄ ngé tun̄ yá̰a̰ gə̄ tə́ tɔ̄l̄də́ kə jīneé. Ndɔ̄ ń noō tə́ ni tɔ̄l̄ de gə̄ kutə sɔ́sɔ́ gidə i mí kə́ o̰o̰n̄ epod lḛ́ḛ rɔ̄də́ tə́ gə̄.

ESDRAS 5:16

Adə̄ Sesəbasar ngeé ń toō na reē əndā ngəra kújə yā Nə́ɓā Jerusalem. Na əla gír kum mbang ngeé ń noō tə́ bátə́ ngɔlaā ní, na a rāān̄ kújə ní noō, banī na tɔ̄lə̄n ta aĺ ɓáý.

PĀ GƏ̄ 150:5

Ī-tɔ̄ȳniī kə gində̄ kə́ laa gə̄ kə́ yā kənda naā tə́ kadə̄ ɓār̄ ndū dūú gə̄ ō, kə́ ɓār̄ ndū bo gə̄ ō.

Makətūbə̄ yā Aje 2:15

Kɔ́ɔ̄ɓē əda ɓáý to̰ na: Ngɔlaā ní, yá̰á̰ ń a əla gír rāā yá̰a̰ ɓōólaā ō ndɔ̄ kə́ rang tə́ ō ní, ī-gírī yá̰a̰ dɔ tə́! Kété pá tá kadə̄ ə́laī gír rāā kújə́ kə́ bo yāḿ gogə́ rang kə ta kūl̄ tə́ndā mbal̄ gə̄ kógə̄ḿ kógə̄ḿ dɔ naā tə́ ní,

JAKARI 4:7

Ni-əda ɓáý to̰ na: Mbal̄ kə́ bo ń noō, i yá̰á̰ kə́ ngan̄g ngá̰ý a? Jorobabel a rāān yā kadə̄ a téĺ ndágə mbō. Ni a teē kə mbal̄ kə́ majə tām̄ kíĺ kújə yā Kɔ́ɔ̄ɓē tə́ i tū mbal̄ bo ń noō tə́. Adə̄ de gə̄ a əgan̄ kɔŕ a ədan̄ na: Á, i mbal̄ kə́ majə ngá̰ý a̰á̰, á, i mbal̄ kə́ majə ngá̰ý a̰á̰!

JAKARI 6:12

Ā ə́dan na: Najə̄ ń Kɔ́ɔ̄ɓē kə́ bo kə́ tɔ́gən i ngá̰ý əda ní n toó: De kógə̄ḿ i laā, rīn na i Nge ń sɔɔ̄ kadə̄ əɓa ní. Ndi kə kumuú a əɓa loo ń ni i tū tə́ ní tə́ ō, i ni n a tél yā rāā kújə yāḿ gogə́ ní ō.

2 YÁ̰A̰ GƏ̄ 5:12

Gōsə̄ gə̄ kə́ ngán Lebi gə̄ ń i Asap ō, Heman ō, Yedutun ō, ngáńdə́ gə̄ ō, gotə ngéédə́ kə́ rang gə̄ kə́ gír kaa yādə́ gə̄ tə́ ō, ní, tə́lan̄ kūbə̄ lḛ́ḛ rɔ̄də́ tə́ ō, ran̄ i kə gində̄ kə́ laa gə̄ kə́ yā kənda naā tə́ kadə̄ ɓār̄ gə̄ ō, kənde gə̄ kə́ kəlādə́ i ngá̰ý aĺ gə̄ ō, kə́ kəlādə́ i ngá̰ý gə̄ ō jīdə́ tə́. Ré deē ra loo tun̄ yá̰á̰ tə́ anī, loo ń nin̄ ran̄ tū tə́ ní i kə̄ dām̄ kə́ gír ɓē tə́. Ngé tun̄ yá̰a̰ gə̄ ɓú kə kutə jōó i sedə́. Ngé tun̄ yá̰a̰ gə̄ ní a kɔ̄rə́n̄ i bərúnjə.

2 YÁ̰A̰ GƏ̄ 35:14

Gō tə́ anī loo dā̰ kə́ yā tun̄ gə̄ ń téln̄neé adə̄n̄ ngé tun̄ yá̰a̰ gə̄ ō, ngán Lebi gə̄ ō ní, ngán Lebi gə̄ rāān̄ loon tām̄ yā ngé tun̄ yá̰a̰ gə̄ tə́ ō, tām̄ yādə́ nin̄ kɔ́ gə̄ tə́ ō. Tɔdɔ̄ ngé tun̄ yá̰a̰ gə̄ ń i ngán kaa Aaro̰ gə̄ ní rāān̄ i kəla róō dā̰ kə́ yā tun̄ kə taá gə̄ ō, kəla róō yibə̄ dā̰ gə̄ ō, bátə́ loo tíbə dɔdə́ tə́. I tām̄ najə̄ ń noō tə́ n ngán Lebi gə̄ rāān̄neé loo yá̰a̰ kəsa tām̄ yādə́ nin̄ kɔ́ gə̄ tə́ ō, tām̄ yā ngé tun̄ yá̰a̰ gə̄ tə́ ō ní.

ESDRAS 2:41

Ɓūtə̄ yā gōsə̄ pā gə̄ kə́ gír kújə yā Kɔ́ɔ̄ɓē tə́ ní, de kə́ tū tə́ gə̄ i de kə́ gír kaa yā Asap tə́ gə̄. Nin̄ i deē 128.