ESDRAS 3:1 - Bibəl ta Sar̄

¹ Dan ń nāā kə́ nge ko̰ sīrí ugə̄ anī, ngán Israel gə̄ malang ń ndin̄ kə̄ kem ɓē yādə́ gə̄ tə́ ní, ḭḭn̄ dɔɔ́ gidə kógə̄ḿ ba reē əngen̄ naā Jerusalem.

Bible sar

¹ Dan ń nāā kə́ nge ko̰ sīrí ugə̄ anī, *ngán Israel gə̄ malang ń ndin̄ kə̄ kem ɓē yādə́ gə̄ tə́ ní, ḭḭn̄ dɔɔ́ gidə kógə̄ḿ ba reē əngen̄ naā Jerusalem.

ESDRAS 3:1 Referans Kwoze

1 KORḚNTƏ 1:10

Ngákó̰ó̰ḿ gə̄, m̄-dəjesí kə rī Kɔ́ɔ̄ɓē yājí Jeju Kərist, ōōī naā ba ādī kēgə̄ naā gətóo dansí tə́. Ādī gír̄ yāsí i kógə̄ḿ ō, yá̰á̰ ń ī-gḛyiī rāā ní i yá̰á̰ kə́ kógə̄ḿ beē ō.

KƏLA RĀĀ 4:32

Kósə de gə̄ ń taān̄ kem ní kemdə́ i gō naā tə́ ō, gír̄ yādə́ i gō naā tə́ ō, de kə́ rāā yá̰a̰ halan yá̰a̰ kənge yān nəkɔ́ tə́ kə kérneé ní gətóo ō. Yá̰a̰ malang i yá̰a̰ yādə́ mbak.

LEBI GƏ̄ 23:24

kəda ngán Israel gə̄ ndū najə̄ gə̄ ń toō: Ndɔ̄ kə́ ta kəga dɔ yā nāā kə́ nge ko̰ sīrí i ndɔ̄ kɔr̄ koō yāsí, adə̄ i ndɔ̄ sabat. I ndɔ̄ kəga kem dɔ yá̰a̰ gə̄ ń rāān̄ yá̰á̰ tə́ ní ō, i ndɔ̄ kəga kɔr̄ rɔ̄nel̄ dɔ Kɔ́ɔ̄ɓē tə́ ō, i ndɔ̄ kán̄ naā yā rɔȳm̄ ō.

KƏLA RĀĀ 2:46

Nin̄-kánə̄n̄ naā ngándáńg kə dɔ ndɔ̄ gə̄ kem kújə yā Kɔ́ɔ̄ɓē tə́ ō, tetən̄ mápa əsan̄ kə ta kújə gə̄ ō, əsan̄ yá̰a̰ yādə́ kə rɔ̄nelēé ō, kə kem kə́ kógə̄ḿ beē ō.

SOPONI 3:9

A̰á̰ā̰, m-ā m̄-tə́go ta nápar de gə̄ kadə̄ unjə̄ njáý njáý. Loo ń noō tə́ nin̄ malang a asən̄ ndɔ̄ȳm̄ mā Kɔ́ɔ̄ɓē ō, a rāān̄ kəla yā kadə̄m̄ kə kemdə́ kə́ kógə̄ḿ ō.

NEHEMI 8:14

Kumdə́ teē dɔ ndū najə̄ ń Kɔ́ɔ̄ɓē adə̄ Moijə ndang ní tə́ adə̄ gerə̄n̄ na ré ngán Israel gə̄ a rāān̄ nāā kə́ kem nāā kə́ nge ko̰ sīrí tə́ anī, a ndin̄ i kem kújə́ kámbə gə̄ tə́ ō,

NGÉ SARYA 20:1

Ngán Israel gə̄ malang teēn̄ gidə kógə̄ḿ kánə̄n̄ naā ta kum Kɔ́ɔ̄ɓē tə́ kem ɓē kə́ Misəpa tə́. Ḭḭn̄ i kə̄ dɔ ɓē yādə́ gə̄ tə́ malang n reēn̄ ní. Ḭḭn̄ i ɓē gə̄ ń əla gír Dan bátə́ teēń Beer Seba ní ō, ḭḭn̄ i dɔ nang kə́ Galaad tə́ ō.

LEBI GƏ̄ 16:29

Ndū najə̄ kə́ a to ngándáńg tām̄ yāsí tə́ n toó: Kə ndɔ̄ kə́ nge ko̰ kutə yā nāā kə́ nge ko̰ sīrí, ndɔ̄ ń noō tə́ ní ngán ngé ɓē gə̄ gə̄gē, tə̄rā gə̄ kə́ ngé nam̄ gə̄ ń ndin̄ dɔ dáńsí tə́ ní gə̄gē, ā ī-*ndi ɓō tām̄ yā Nə́ɓā tə́ ō, a ī-rāāī kəla aĺ ō.

NEHEMI 8:1

Kə ndɔ̄ kə́ ta kəga dɔ yā nāā kə́ nge ko̰ sīrí anī ngán Israel gə̄ kánə̄n̄ naā ndágə loo kə́ ta róbə yā man̄ gə̄ tə́. Nin̄ malang ní kemdə́ i kógə̄ḿ. Nin̄ ədan̄ Esdras nge ndóō de gə̄ ndū najə̄ kadə̄ reē kə makətūbə̄ ndū najə̄ ń Kɔ́ɔ̄ɓē adə̄ Moijə kadə̄ adə̄ Israel gə̄ ní. Esdras reēń nodə́ tə́, adə̄ i no dəngam gə̄ tə́ ō dəyá̰ gə̄ tə́ ō ngáń kə́ ɓāl̄də́ asə kadə̄ gerə̄n̄ kum najə̄ gə̄ tə́ ō.

NDŪ NAJƏ̄ 16:16

De kə́ dəngam gə̄ malang a aw̄n̄ yā ra ta kum Kɔ́ɔ̄ɓē Nə́ɓā yāí tə́ nja mətá kem ɓāl̄ kógə̄ḿ kə dɔ ɓāl̄ gə̄ loo ń ni a gə̄rā tə́ ní. A aw̄n̄ yā rāā nāā mápa kə́ kanjə̄ kaa mápa ō, nāā sāā kōō ō, nāā kújə́ kámbə gə̄ ō. Deē a aw̄ yā ra ta kum Kɔ́ɔ̄ɓē tə́ jīn karī alé.

NEHEMI 7:72

Ngé tun̄ yá̰a̰ gə̄ ō, ngán Lebi gə̄ ō, ngé ngɔ̄m̄ ta róbə́ kújə gə̄ ō, gōsə̄ pā gə̄ ō, de gə̄ kə́ dan de kə́ kem ɓēé gə̄ tə́ ō, ngé kəla gə̄ ō, ngán Israel gə̄ malang ō, ndin̄ i kə̄ kem ɓē yādə́ gə̄ tə́. Dan ń nāā kə́ nge ko̰ sīrí ugə̄ anī, ngán Israel gə̄ teēn̄ malang kə̄ kem ɓē yādə́ gə̄ ń ndin̄ tū tə́ ní tə́ reēn̄.