ESDRAS 2:68 - Bibəl ta Sar̄

⁶⁸ Dan ń reē ugə̄n̄ Jerusalem ń i ɓē ń kújə yā Kɔ́ɔ̄ɓē i tū tə́ ní anī, ngār kə́rēý gə̄ kə́ dɔ gír kojə kə́rēý gə̄ tə́ adə̄n̄ kadə̄ karī nin̄ kɔ́ gə̄ adə̄n kə gō kem ndigə yādə́ tām̄ yā kújə yā Nə́ɓā tə́, kadə̄ tél rāān̄neé kújə yā Nə́ɓā gogə́ rang kə́ kété ní.

Bible sar

⁶⁸ Dan ń reē ugə̄n̄ Jerusalem ń i ɓē ń *kújə yā Kɔ́ɔ̄ɓē i tū tə́ ní anī, ngār kə́rēý gə̄ kə́ dɔ gír kojə kə́rēý gə̄ tə́ adə̄n̄ kadə̄ karī nin̄ kɔ́ gə̄ adə̄n kə gō kem ndigə yādə́ tām̄ yā kújə yā Nə́ɓā tə́, kadə̄ tél rāān̄neé *kújə yā Nə́ɓā gogə́ rang kə́ kété ní.

ESDRAS 2:68 Referans Kwoze

2 KORḚNTƏ 9:7

I beé ní ādə̄ de gə̄ kógə̄ḿ kógə̄ḿ adə̄n̄ yá̰a̰ kə gō kem ndigə yādə́, ba ādə̄ i kə́ kadə̄ kə ndə̄ngā rɔ̄ɔ́ gō tə́ aĺ ō, dɔ gúú tə́ aĺ ō. Tɔdɔ̄ Nə́ɓā tár i nge kadə̄ yá̰a̰ kə rɔ̄nelēé.

2 KORḚNTƏ 8:3

Yá̰á̰ ń nin̄-adə̄n̄ ní i yá̰á̰ kə́ asə kə gō tɔ́gə́də́, adə̄ mā i de kə́ kum tə́ yādə́. Nin̄-adə̄n̄ adə̄ mān̄ dɔ ɓáý gə̄gē. Nin̄-rāān̄jí ɓɔ́ ngá̰ý kə gō kem ndigə yādə́ nin̄ kɔ́ gɔ̄ɔ́.

Teē Ngán Israel gə̄ 36:3

Ni-adə̄də́ dɔ yá̰á̰ kə́ kɔr̄ gə̄ ń ngán Israel gə̄ reēn̄neé tām̄ yā rāań loo kə́ táĺ ní. Banī kə dɔ ndɔ̄ gə̄ dəloí de gə̄ reē a adə̄n̄ kadə̄ karī yādə́ gə̄ ɓáý na i mbée a

Teē Ngán Israel gə̄ 35:29

Ngán Israel gə̄ malang, dəyá̰ gē, dəngam gē, adə̄n̄ yá̰a̰ kə gō kem ndigə yādə́ yā rāań kəla ń Kɔ́ɔ̄ɓē ɔjə Moijə kadə̄ rāā ní i beé.

2 KORḚNTƏ 8:12

Tɔdɔ̄ ré gír̄ kə́ kem deē tə́ ń adə̄ń yá̰á̰ ní i gír̄ kə́ majanī, a ndigən̄ kɔ́ɔ̄ i tām̄ yá̰á̰ kə́ to jīn tə́ tə́, ba i tām̄ yá̰á̰ kə́ gətóo jīn tə́ tə́ alé.

PĀ GƏ̄ 110:3

De kə́ dəngam kə́ ger̄ rɔ̄ɔ̄ ngá̰ý gə̄ aw̄n̄ gōí tə́ ndɔ̄ ń ɔ́səń nja ngé rɔ̄ɔ̄ yāí gə̄ kə̄ naā tə́ ní. Dɔ mbal̄ kə́ táĺ gə̄ tə́, balsáa yāí gə̄ a reēn̄ kə̄ rɔ̄í tə́, tītə̄ tal kə́ ta gír loo tə́ beē.

ESDRAS 3:3

Nin̄ ɓōlə́n̄ de kə́ kem ɓēé gə̄ ɓá tā ba rāān̄ loo tun̄ yá̰a̰ gotən kə́ kété tə́. Nin̄ ndējə̄n̄ Kɔ́ɔ̄ɓē yá̰a̰ tun̄ kə́ róō horoó gə̄ dɔ tə́, ndējə̄nən̄ yá̰a̰ tun̄ kə́ róō horoó dəloí ō, loo sɔlí ō.

2 YÁ̰A̰ GƏ̄ 3:1

Salomo̰ əla gír rāā kújə yā Kɔ́ɔ̄ɓē kem ɓē kə́ Jerusalem tə́ dɔ mbal̄ Moriya tə́, loo ń Kɔ́ɔ̄ɓē ndɔ̄bə̄ bɔbə̄n Dabid tū tə́ ní tə́, I loo ń Dabid rāā kété loo kənda kōō yā Ornan kə́ Yebus tə́ ní.

1 YÁ̰A̰ GƏ̄ 22:1

I tām̄ najə̄ ń noō tə́ n ni ədań na kújə yā Kɔ́ɔ̄ɓē Nə́ɓā ō, loo tun̄ yá̰á̰ ń kadə̄ Israel gə̄ ndējə̄n̄ yá̰a̰ tun̄ kə́ yā róō horoó gə̄ dɔ tə́ ō ní na i loo ni tə́ ní.

1 YÁ̰A̰ GƏ̄ 21:18

De kə́ dɔ rā̰ tə́ yā Kɔ́ɔ̄ɓē mēr̄ Gad kəda Dabid kadə̄ aw̄ rāā loo tun̄ yá̰a̰ loo kənda kōō yā Ornan tə́ tām̄ yā Kɔ́ɔ̄ɓē tə́.

Teē Ngán Israel gə̄ 25:2

Ə́dá ngán Israel gə̄ ādə̄ tɔ́sə̄n̄ dɔ yá̰a̰ naā tə́ adə̄mə̄n̄. De gə̄ malang ń a adə̄n̄ kə kemdə́ kə́ majaá ní ā ī-taā jīdə́ tə́.

ESDRAS 2:67

jámbal gə̄ i deē 435 ō, kərō gə̄ i deē 6 720 ō.

ESDRAS 2:69

Nin̄ adə̄n̄ yá̰á̰ ń tɔ́gə́də́ asə ní kem sandúkə ngɔ̄m̄ nar kə́ tām̄ yā kəla ní tə́. Adə̄n̄ sə́lē lɔ́r 61 000 ō gində̄ arjā̰a̰ ń adə̄n̄ ní kɔȳn i kəlōo 2 500 ō, adə̄n̄ kūbə̄ kə́ ngāl̄ gə̄ ɓú tām̄ yā ngé tun̄ yá̰a̰ gə̄ tə́ ō.

Teē Ngán Israel gə̄ 35:21

Gō tə́ anī de gə̄ malang ń kemdə́ ndigə rāā yá̰a̰ tām̄ yā Kɔ́ɔ̄ɓē tə́ ō, ndíĺdə́ ndigə kadə̄ yá̰á̰ ngá̰ý ō ní, reēn̄ kə dɔ yá̰a̰ yādə́ gə̄ ń ɔrə̄n̄ ní adə̄n̄ Kɔ́ɔ̄ɓē tām̄ yā kújə kənge naā tə́ ō, tām̄ yā kəla malang kə́ kemeé tə́ ō, tām̄ yā kūbə̄ kə́ yā ɓōĺ gidə gə̄ tə́ ō.

ESDRAS 9:9

Tɔdɔ̄ jḭḭ i ɓəlo gə̄. Ba dan ń jḭḭ i ɓəloó ní ḭ̄ ə́yá̰jí kɔ̄ɔ́ alé. Ḭ̄ ī-rāā ādə̄ mban̄g kə́ Persə tə́ gə̄ rāān̄ kem majə sejí. Nin̄ əya̰n̄jí adə̄ jə-ndi kə kumjí ō, adə̄n̄jí ta róbə adə̄ jə-tél jə-rāā kújə yāí gogə́ ō, tɔdɔ̄ j-unən dɔɔ́ gogə́ loo ń ni nujə tū tə́ sák sák kɔ̄ɔ́ tə́ ní ō, nin̄ rāān̄ adə̄ j-ənge loo ɓɔ̄ɔ̄ rɔ̄ yājí kə́ ngan̄g Jerusalem ō, dɔ nang kə́ Juda tə́ ō.