ESDRAS 2:1 - Bibəl ta Sar̄

¹ Gír kojə ń Nabukodonosor mban̄g kə́ Babilon ɔydə́ aw̄ sedə́ dɔ nang kə́ Babilon tə́ ní, de kə́ tū tə́ gə̄ ngá̰ý tél reēn̄ gogə́ Jerusalem ō, dɔ nang kə́ Juda tə́ ō. Nin̄ télən̄ kógə̄ḿ kógə̄ḿ kə̄ ɓē yādə́ gə̄ tə́.

Bible sar

¹ Gír kojə ń Nabukodonosor mban̄g kə́ *Babilon ɔydə́ aw̄ sedə́ dɔ nang kə́ Babilon tə́ ní, de kə́ tū tə́ gə̄ ngá̰ý tél reēn̄ gogə́ Jerusalem ō, dɔ nang kə́ *Juda tə́ ō. Nin̄ télən̄ kógə̄ḿ kógə̄ḿ kə̄ ɓē yādə́ gə̄ tə́.

ESDRAS 2:1 Referans Kwoze

2 MBAN̄G 25:11

Gō tə́ anī Nebujaradan ɔy gotə de gə̄ ń na̰yn̄ kem ɓēé ní ō, ngé gə̄ ń a̰ȳn̄ ta rɔ̄ɔ̄ tə́ a reē namə̄n̄ mban̄g kə́ Babilon tə́ ní ō, gotə kɔdə̄ gə̄ ō, aw̄ sedə́ Babilon.

KƏLA RĀĀ 23:34

Ni-taā makətūbə̄ ní a̰a̰, ba dəje Pol na ké ni i de kə́ gō nang kə́ rá tə́ wa. Dan ń ni-oō kadə̄ Pol i de kə́ gō nang kə́ Silisi tə́ anī ədan na:

SOPONI 2:7

Juda gə̄ ń a teēn̄ ta yo tə́ ní, a ndin̄ gō nang ngeé ń noō tə́. Nin̄ a aw̄n̄ kə yá̰a̰ kul̄ yādə́ gēé loo ń noō tə́, ba loo tíbí anī, a aw̄n̄ ɓīí kem kújə gə̄ kə́ Askalon tə́ tə́. Tɔdɔ̄ Kɔ́ɔ̄ɓē Nə́ɓā yādə́ a rāā majə sedə́, adə̄ ni a tūr̄ yá̰á̰ ń a rāā yā reē kə̄ dɔdə́ tə́ ní.

NŌŌ RƆ̄ 4:22

Ngōmandə kə́ Siyo̰ gír najə̄ kə́ dɔ yá̰á̰ kə́ gōtə́ aĺ yāí gə̄ tə́ ní gān̄g tā. A əhɔnī dɔ gúú tə́ yā kaw̄ seí dɔ nang kə́ rang tə́ to̰ alé. Ba ḭ̄ ngōmandə kə́ Edom, a teēn̄ kə yá̰a̰ rāāí kə́ gōtə́ aĺ gə̄ kə̄ ndágá náḿ náḿ ō, a ənīn̄ gotə kə ta njaá ō.

NŌŌ RƆ̄ 1:5

Ngé rɔ̄ɔ̄n gə̄ tetənə̄n̄ rɔ̄ɔ̄, madə̄ ba̰ā̰n gə̄ ndin̄ loo yādə́ majə, tɔdɔ̄ Kɔ́ɔ̄ɓē rāān adə̄ tɔ́gən gətóo najə̄ mbātə́ najə̄ yān kə́ ngá̰ý tə́. Ngé rɔ̄ɔ̄n gə̄ əhɔn̄ ngánən gə̄ adə̄ njə̄rān̄ kété nodə́ tə́ yā kaw̄ń sedə́ ɓəloó.

NŌŌ RƆ̄ 1:3

Əhɔn̄ Juda aw̄n̄ seneé, ni i kə rɔ̄sɔlɔ̄ɔ́. Aw̄ i kə̄ ɓəloó. Ni-ndi i dan nápar de gə̄ tə́, adə̄ a̰a̰ loo ndi lɔm alé. Ngé rāā kumən ndoō tə́ gə̄ malang ngɔ̄də̄ əhɔnən̄ kɔgə̄ loo kógə̄ḿ tə́.

ESTER 8:9

Kum mbang nəkɔ́ ń noō tə́, kə ndɔ̄ kutə jōó gidə i mətá ń i nāā Siwan ní, əlan̄ gō ngé ndang makətūbə̄ gə̄ yā mban̄g tə́ adə̄ ndangən̄ yá̰a̰ malang ń Mardose əda kadə̄ yā rāā ní kem makətūbə̄ gə̄ tə́ ba əlan̄neé adə̄n̄ Jipə gə̄ ō, ngé kɔsə kum gotə mban̄g dɔ ɓē tə́ gə̄ ō, ngé ko̰o̰ ɓē gə̄ ō, de kə́ bo gə̄ ń ndin̄ gō nang gə̄ yā mban̄g tə́ ní ō. Adə̄ i gō nang kə́ ɓú kə kutə jōó gidə i sīrí ń ḭḭ Ḛndə tə́ bátə́ ugə̄ Etiopi tə́ ní. Ndangən̄ makətūbə̄ gə̄ ní adə̄n̄ gír de gə̄ ń ndin̄ gō nang gə̄ ní tə́ i kə ta ɓē yādə́ gə̄ ō, i kə gō jī loo ndang makətūbə̄ yādə́ gə̄ o, ndang adə̄n̄ Jipə gə̄ i kə ta ɓē yādə́ ō, kə gō jī loo ndang makətūbə̄ yādə́ ō.

ESTER 1:11

kadə̄ aw̄ əlan̄ jākā mbang dɔ nə̄yá̰n Basti tə́ ba kə reēn̄ seneé rɔ̄n tə́, kadə̄ de kə́ bo yān gə̄ ō, kósə de gə̄ ń ndin̄ noó ní ō, kə a̰a̰n̄ mandən. Tá nə̄yá̰n mandə ngá̰ý rɔ̄kum.

ESTER 1:8

Deē ra kə deé ta ka̰ȳ yá̰a̰ alé, tɔdɔ̄ mban̄g əda ngé rāā kəla yān gə̄ kə́ ndogó mbangāá malang kadə̄ rāān̄ i yá̰á̰ ń kem deē ndigə ní tá.

ESTER 1:1

Gotə najə̄ ń toō i yá̰á̰ kə́ rāā yá̰a̰ ɓāl̄ yā mban̄g Jerses tə́. I Jerses ń o̰o̰ ɓē dɔ nang gə̄ kə́ gír i ɓú kə kutə jōó kə kalən kə́ sīrí gə̄ tə́ ní. Ɓē ko̰o̰ yān əla gír i dɔ nang kə́ Ḛndə tə́ bátə́ ugə̄ń dɔ nang kə́ Etiopi tə́.

ESDRAS 6:2

Banī əngen̄ ndāŕ ndang najə̄ kógə̄ḿ kə́ ɓír̄ gidə naā tə́ i kem ɓē kə́ ngan̄g ngá̰ý ń rīn na i Ekəbatan ní tə́ gō nang kə́ Medi tə́. Najə̄ ń ndangən̄ kem makətūbə̄ ngeé ń toō tə́ ní n toó:

ESDRAS 5:8

Kɔ́ɔ̄ ɓē gə̄, j-aw̄ gō nang kə́ Juda tə́ kújə yā Nə́ɓā kə́ bo tə́. Adə̄ majə kadə̄ j-ədaī ādə̄ ī-ger̄ gō. Tél n da a rāān̄ kújə yā Nə́ɓā ní gogə́ rang noó kə mbal̄ kə́ tɔ́sə̄ kadə gə̄ ō, kə sáa kāgə̄ gə̄ kə́ kəndā bɔr gidə tə́ gə̄ ō. Əndān̄ kumdə́ gír kəla ní tə́ rāān̄neé adə̄ majə ngá̰ý ō, kəla ní a̰ȳ láẃ ngá̰ý ta jīdə́ tə́ ō.

ESDRAS 1:11

Yá̰a̰ malang kə́ rāā kə lɔ́rɔ́ ō, kə arjā̰a̰á̰ ō, i 5 400. Sesəbasar ɔy malang aw̄ń Jerusalem dan ń ngán Israel gə̄ teēn̄neé ɓəloó kɔ̄ɔ́ kem ɓē kə́ Babilon tə́ ní.

ESDRAS 2:2

De gə̄ ń ɔrən̄ nodə́ reēn̄ sedə́ ní i Jorobabel ō Yesua ō Nehemia ō Seraya ō Relaya ō Mordokai ō Bilsan ō Misəpar ō Bigwai ō Rehum ō Baana ō. Rī gír kojə gə̄ ní n toó ō, kutə ngán Israel gə̄ kə́ kə dɔ ɓūtə̄ gēé n toó ō.

ESDRAS 8:35

De gə̄ malang ń aw̄n̄ sedə́ ɓē ɓəloó tá télən̄ ní, ndējə̄n̄ Nə́ɓā yā Israel yá̰á̰ kə́ tun̄ gə̄. Nin̄ ndējə̄nən̄ man̄g kə́ bəra gə̄ kutə gidə i jōó tām̄ yā Israel gə̄ tə́ malang ō, bal batə̄ gə̄ 96 ō, ngán batə̄ gə̄ 77 ō, bal bə̄yā̰ gə̄ 12 tām̄ yā majaĺ tə́ ō. Róōn̄ dā̰ gə̄ ń noō horoó malang tām̄ yā Kɔ́ɔ̄ɓē tə́.

NEHEMI 12:1

Ngé tun̄ yá̰a̰ gə̄ ō ngán Lebi gə̄ ō ń reēn̄ naā tə́ kə Jorobabel kə́ ngōn̄ Saltiel ō Yesua ō ní rīdə́ n toó: Seraya, Irmeya, Esdras,

1 YÁ̰A̰ GƏ̄ 9:1

Tə́dan̄ kutə ngán Israel gə̄ malang ō, ndangən̄ rīdə́ kem makətūbə̄ yā mban̄g gə̄ kə́ Israel tə́ ō. Ɔyn̄ de kə́ Juda gə̄ aw̄n̄ sedə́ Babilon i najə̄ hál kə́ gōtə́ aĺ kə́ nin̄ rāān̄ kə Nə́ɓāá tə́.

1 YÁ̰A̰ GƏ̄ 9:2

De gə̄ ń tél reē ndin̄ kem ɓē yādə́ tə́ gogə́ ta kəga dɔ ō, əngen̄ yá̰a̰ yādə́ gə̄ ō ní i ngán Israel kə́ karī gə̄ ō, ngé tun̄ yá̰a̰ gə̄ ō, ngán Lebi gə̄ ō, ngé rāā kəla gə̄ ō.

ESDRAS 2:70

Ngé tun̄ yá̰a̰ gə̄ ō, ngán Lebi gə̄ ō, núsə de kə́rēý gə̄ adə̄ i gōsə̄ pā gə̄ ō, ngé ngɔ̄m̄ ta róbə gə̄ ō, ngé rāā kəla gə̄ ō, ndin̄ kem ɓē gə̄ ń adə̄n̄də́ ní tə́. Ngán Israel gə̄ malang ndin̄ kə̄ kem ɓē yādə́ gə̄ tə́.

IJAI 48:20

Ī-teēī kɔ̄ɔ́ kem ɓē kə́ Babilon tə́, ā̰yī ɓē ń toō kɔ̄ɔ́. Ə̄nīī mbēr̄ najə̄ kə́ kijə ń toō kə rɔ̄nelēé, ī-selíī najə̄ ní bátə́ ta ngóy dɔ nang tə́. Ə́daī na: Kɔ́ɔ̄ɓē ɔr̄ Jakob nge kəla yān ɓəloó kɔ̄ɔ́.

JEREMI 50:19

M-ā m̄-tél yā reē kə Israel dɔ mu kə́ mból̄ yān tə́. Ni a əsa mu kə́ Karmel ō, kə́ Basan ō, kə́ dɔ mbal̄ gə̄ kə́ Epəraim tə́ ō, kə́ Galaad tə́ ō, kadə̄ tɔ̄l̄ ɓōn.