ESDRAS 10:4 - Bibəl ta Sar̄

⁴ Ḭ́ḭ dɔɔ́ tɔdɔ̄ najə̄ ní sɔɔ̄ī. Jḭḭ i seí. Ī-lōō kə hə́yā ba údə kə̄ rɔ̄ kəla tə́ ī-rāā.

Bible sar

⁴ Ḭ́ḭ dɔɔ́ tɔdɔ̄ najə̄ ní sɔɔ̄ī. Jḭḭ i seí. Ī-lōō kə hə́yā ba údə kə̄ rɔ̄ kəla tə́ ī-rāā.

ESDRAS 10:4 Referans Kwoze

1 YÁ̰A̰ GƏ̄ 28:10

Ngɔlaā ní á̰a̰ā̰, Kɔ́ɔ̄ɓē gə̄rāī kadə̄ ī-rāā kújə́ kə́ a tél loo kə́ táĺ yān. I beé ní, ə́hɔ rɔ̄í tɔgə ba údə kə̄ rɔ̄ kəla tə́ ī-rāā.

KOHELET 9:10

Yá̰a̰ malang ń jīí asə rāā ní ī-rāā kə tɔ́gí īkɔ́. Tām̄ loo kə́ ɓádá ń de kə́ koy gə̄ i tū tə́, á ā ī-rāā yā kaw̄ gōdə́ tə́ tū tə́ ní, kəla aláa ka̰a̰ gō tóo kəla kə́ majə aké kə́ majaĺ, aláa ger̄ yá̰a̰, aláa kum kedə̄ gətóo tū tə́.

HEBƏRO 10:24

J-a̰ā̰ī gō naā kadə̄ j-ɔsiī kíl naā kə̄ dɔɔ́ loo tár naā tə́ ō, loo rāā kəla yá̰á̰ kə́ majə tə́ ō.

1 YÁ̰A̰ GƏ̄ 22:19

Ngɔlaā ní ə̄ndāī rɔ̄sí ta sāā yá̰á̰ ń kem Kɔ́ɔ̄ɓē Nə́ɓā yāsí ndigə ní tə́ kə dan wursí gēé mámák kadə̄ ī-gerī. Ḭ́ḭī dɔɔ́ ī-rāāī kújə́ kə́ táĺ yā Kɔ́ɔ̄ɓē Nə́ɓā ba ī-reēī kə sandúkə madə̄ naā yā Kɔ́ɔ̄ɓē ō, yá̰á̰ kə́ yā ɓōĺ gidə kə́ tām̄ yā Nə́ɓā tə́ gə̄ ō, ī-tə́ndāī kem kújə́ ń ī-rāāī kə rī Kɔ́ɔ̄ɓēé ní tə́.

1 YÁ̰A̰ GƏ̄ 22:16

Lɔ́r ō, gində̄ arjā̰a̰ ō, gində̄ nə̄ngá kasə ō, gində̄ kə́ karī ō ní, deē asə tə́dádə́ alé. Ḭ́ḭ dɔɔ́ ī-rāā kəla ba ādə̄ Kɔ́ɔ̄ɓē i naā tə́ seí!

MARK 13:34

A to tītə̄ deē kógə̄ḿ kə́ aw̄ mbā tə́. Ni əya̰ kújə yān, ba adə̄ ngé kəla yān gə̄ ndūn. Ni-gán̄g kəla adə̄də́ kə dɔdə́ gēé. Ni-əndā dɔ nge ngɔ̄m̄ ta kújə́ tə́ kadə̄ ndi dɔ rɔ̄n tə́.

1 YÁ̰A̰ GƏ̄ 28:21

Ɓūtə̄ ngé tun̄ yá̰a̰ gə̄ n toó ō, ngán Lebi gə̄ n toó ō, tām̄ yā kəla malang kə́ kem kújə yā Nə́ɓā tə́. Tá de kə́ kemdə́ gḛy rāā kəla gə̄ ō, kə́ ger̄ kəla malang majə gə̄ ō, a ɓoon̄ rɔ̄də́ yāí tə́ tū kəla malang ń toó tə́. Ngār gə̄ malang ō, Israel gə̄ malang ō, a oōn̄ taí adə̄ a rāān̄ yá̰a̰ malang ń ā ə́dádə́ ní.

ESDRAS 10:5

Loo ń noō tə́ Esdras ḭḭ ba ra kə ngār gə̄ yā ngé tun̄ yá̰a̰ gə̄ ō, yā ngán Lebi gə̄ ō, ngār gə̄ yā ngán Israel gə̄ malang ō, kadə̄ ənīn̄ ndūdə́ yā rāā tītə̄ ń Sekania ədań ní. Adə̄ nin̄ malang ənīn̄ ndūdə́.

1 YÁ̰A̰ GƏ̄ 28:20

Gō tə́ anī əda ngōnən Salomo̰ na: Ī-lōō kəya̰ rɔ̄í yɔkəlɔ ba ə́hɔ rɔ̄í tɔgə ī-rāań yá̰a̰! Ī-lōō sōl̄ ō, ī-lōō ɓōĺ ō, tɔdɔ̄ Kɔ́ɔ̄ɓē Nə́ɓā yāḿ i seí naā tə́. Ni a əya̰ī kɔ̄ɔ́ aĺ ō, a tél gōí tə́ aĺ ō, bátə́ kadə̄ ī-rāań kəla kújə yān kadə̄ təgā.