ESDRAS 10:3 - Bibəl ta Sar̄

³ Ādə̄ j-ənī ndūjí j-adə̄ Nə́ɓā yājí kadə̄ jə-tə̄ɓā dəyá̰ kə́ tə̄rā gə̄ kɔ̄ɔ́ malang kə ngáńdə́ gēé. I beé n j-a j-unəń gō kɔjə̄ yāsí ń ngé ɓōĺ gō míndə Nə́ɓā yājí ō ḭ̄ ō ādījí ní. Ādə̄ i kə́ rāā tītə̄ ń ndū najə̄ ədań ní.

Bible sar

³ Ādə̄ j-ənī ndūjí j-adə̄ Nə́ɓā yājí kadə̄ jə-tə̄ɓā dəyá̰ kə́ tə̄rā gə̄ kɔ̄ɔ́ malang kə ngáńdə́ gēé. I beé n j-a j-unəń gō kɔjə̄ yāsí ń ngé ɓōĺ gō míndə Nə́ɓā yājí ō ḭ̄ ō ādījí ní. Ādə̄ i kə́ rāā tītə̄ ń ndū najə̄ ədań ní.

ESDRAS 10:3 Referans Kwoze

ESDRAS 9:4

Banī de gə̄ malang ń a oōn̄ najə̄ yā Nə́ɓā yā Israel anī a ndewn̄ i mbéé ní kánə̄n̄ naā kə̄ dɔḿ tə́ najə̄ yā yá̰á̰ kə́ majaĺ ń ngé tél ɓəloó gə̄ rāān̄ ní tə́. Tɔ́gə́ḿ ur̄ wak adə̄ m̄-ndi nang tə́ bátə́ ugə̄ń kum mbang ndējə̄ yá̰á̰ kə́ loo tíbí tə́.

PĀ GƏ̄ 119:120

m̄-ra ta kumií tə́ anī m̄-ndebə kə̄ rɔ̄ḿ gə̄ tə́ malang, tɔdɔ̄ m̄-ɓōĺ ndílí ō, Ndūí gə̄ ń ī-ra dɔ tə́ yā rāā ní adə̄mə̄n̄ ɓōĺ ō.

PĀ GƏ̄ 119:59

m̄-gír̄ gō hálə́ḿ tə́ ō, m̄-sāā tél reē gogə́ dɔ yá̰a̰ gə̄ ń ə́dá tə́ ní ō.

2 YÁ̰A̰ GƏ̄ 34:21

Āwī āw̄ ōōī ta Kɔ́ɔ̄ɓē tām̄ yāḿ tə́ ō, tām̄ yā gotə Israel gə̄ ń na̰yn̄ ní tə́ ō, Juda gə̄ tə́ ō, sɔɔ̄ń najə̄ gə̄ yā makətūbə̄ ń teēn̄ dɔ tə́ ní. Tɔdɔ̄ wōn̄g ń rāā Kɔ́ɔ̄ɓē sejí ní i wōn̄g kə́ ngá̰ý, tām̄ kaají gə̄ rāān̄ yá̰á̰ ń Kɔ́ɔ̄ɓē əda ní alé, tɔdɔ̄ rāān̄ yá̰a̰ malang ń i kə́ ndang kem makətūbə̄ ń toō tə́ ní alé.

NDŪ NAJƏ̄ 29:12

I yā kadə̄ sḭḭ̄ ī-téliīneé deē yān gə̄ ō, ni téləń Nə́ɓā yāsí ō, tītə̄ ń ənīń míndən adə̄sí ní ō, ənīń ndūn adə̄ kaasí Abəraham ō, Isaak ō, Jakob ō ní.

EJEKIEL 9:4

ba ədan na: Āw̄ ī-njə̄rā kem ɓē kə́ Jerusalem tə́ kə taá, ba de gə̄ malang ń a nōōn̄ rɔ̄də́ ō, najə̄ tōr̄ kemdə́ ō, tām̄ yā yá̰a̰ rāā kə́ majaĺ ngá̰ý gə̄ kə́ kemeé tə́ ní, ə́já yá̰a̰ nodə́ tə́.

IJAI 66:2

I mā n m̄-rāā yá̰a̰ gə̄ ń noō malang ní. Yá̰a̰ malang ń noō i yá̰a̰ yāḿ, i najə̄ ń Kɔ́ɔ̄ɓē əda ní n noó. Banī deē ń m-á̰a̰n kə kumḿ kə́ majaá ní, i de kə́ nge rɔ̄ to ndoō ń tɔ́gən ur̄ wak kɔ̄ɔ́ ní, i deē ń oō najə̄ yāḿ anī ɓōĺ gidə ngá̰ý ní.

IJAI 8:20

ī-tūr̄ ə́dain̄ na: Yá̰á̰ ń kadə̄ deē tél reē dɔ tə́ ní, i yá̰á̰ ndóō yā Kɔ́ɔ̄ɓē ō, i najə̄ yā Kɔ́ɔ̄ɓē ō. Deē ń a əda najə̄ ń noō aĺ ní, a a̰a̰ loo kə́ atə wororo kə́ ta gír loo tə́ alé.

NEHEMI 8:14

Kumdə́ teē dɔ ndū najə̄ ń Kɔ́ɔ̄ɓē adə̄ Moijə ndang ní tə́ adə̄ gerə̄n̄ na ré ngán Israel gə̄ a rāān̄ nāā kə́ kem nāā kə́ nge ko̰ sīrí tə́ anī, a ndin̄ i kem kújə́ kámbə gə̄ tə́ ō,

ESDRAS 10:44

De gə̄ ń noō malang táān̄ dəyá̰ tə̄rā gə̄. Kə́rēý gə̄ ojən̄ ngán gə̄ sedə́ gə̄gē.

2 YÁ̰A̰ GƏ̄ 34:27

Najə̄ kə́ dɔ Jerusalem tə́ ō, dɔ de kə́ kemeé gə̄ tə́ ō ń m-ɔ̄r̄ kemeé ní ḭ̄ ī-nēl̄ mbīí majə ōoń, tɔdɔ̄ najə̄ ní tōr̄ kemií adə̄ ī-tél kə rɔ̄í kə̄ nang tə́ ta kumḿ tə́ ō, ī-*rə́yā̰ kūbə̄ gə̄ kə́ rɔ̄í tə́ ō, ī-nōō kə man̄ kumií ō. Ní mā Kɔ́ɔ̄ɓē m-ə́daī na m-ōō ndūí.

2 YÁ̰A̰ GƏ̄ 30:12

Kɔ́ɔ̄ɓē rāā kəla kem de gə̄ tə́ dɔ nang kə́ Juda tə́ ō, adə̄ de gə̄ malang gḛyn̄ rāā yá̰á̰ ń mban̄g ō, de kə́ bo gə̄ ō, ədan̄ kə gō ndū Kɔ́ɔ̄ɓēé ní.

2 YÁ̰A̰ GƏ̄ 29:10

Ngɔlaā ní m̄-sāā əhɔ madə̄ naā kə Kɔ́ɔ̄ɓē Nə́ɓā yā Israel, yā kadə̄ wōn̄g ń rāān sejí ngá̰ý ní tetəń.

2 MBAN̄G 11:17

Yoyada rāā adə̄ ndūdə́ Kɔ́ɔ̄ɓē ō, mban̄g ō, ngán Israel gə̄ ō, əhɔn̄ madə̄ naā yā kadə̄ ngán Israel gə̄ télən̄neé gír deē yā Kɔ́ɔ̄ɓē. Ni-rāā adə̄ kəhɔ madə̄ naā to dɔ dán mban̄g tə́ kə ngán Israel gēé ō.

JOJUE 9:6

ba aw̄n̄ rɔ̄ Jojue tə́ gérger kə́ Gilgal tə́, aw̄ ədan̄ Jojue ō, de kə́ dəngam gə̄ kə́ Israel tə́ ō na: J-ḭḭ i dɔ nang kə́ sa̰y tə́ n jə-reē rāā madə̄ naá sesí ní.

ESDRAS 10:9

Adə̄ dan ń ndɔ̄ kə́ mətá gə̄ ní asə anī de kə́ dəngam gə̄ kə́ Juda tə́ ō Benjamḛ tə́ ō əngen̄ naā malang Jerusalem. I kə ndɔ̄ kə́ nge ko̰ kutə jōó yā nāā kə́ nge ko̰ ndōhó. Nin̄ kánə̄n̄ naā i loo ń kújə yā Nə́ɓā i tū tə́ ní tə́. De gə̄ malang ndewn̄ tām̄ yá̰á̰ ń noō tə́ ō, tām̄ man̄ kə́ a edə tə́ ō.

ESDRAS 10:11

Ngɔlaā ní ə́daī Kɔ́ɔ̄ɓē Nə́ɓā yā kaasí gə̄ yá̰á̰ kə́ gōtə́ aĺ ń ī-rāāī ní ō, ī-rāāī yá̰á̰ ń kemən ndigə ní ō. Ɔ̄rī rɔ̄sí kɔ̄ɔ́ rɔ̄ de kə́ kem ɓēé gə̄ tə́ ō, ī-mbātíī nə̄yá̰sí kə́ tə̄rā gə̄ kɔ̄ɔ́ ō.

NEHEMI 10:1

J-ənī ndūjí kə ngangá ngá̰ý sɔɔ̄ń yá̰a̰ malang ń teē dɔjí tə́ ní. Ba ndūjí ń j-ənī ní jə-ndang kem makətūbūú ō, j-əndā tambō̰o̰ dɔ tə́ ō. Ngār yājí gə̄ ō ngán Lebi yājí gə̄ ō, ngé tun̄ yá̰a̰ yājí gə̄ ō, əndān̄ jīdə́ gír makətūbə̄ ní tə́.