ESDRAS 10:18 - Bibəl ta Sar̄

¹⁸ Dan ngé tun̄ yá̰a̰ gə̄ tə́ ní ngé táā dəyá̰ tə̄rā gə̄ n toó: De gə̄ kə́ dan ngán Yesua kə́ ngōn̄ Yosadak tə́ kə ngákó̰ó̰də́ gēé i Maseya ō, Eliejer ō, Yarib ō, Gedalia ō.

Bible sar

¹⁸ Dan *ngé tun̄ yá̰a̰ gə̄ tə́ ní ngé táā dəyá̰ tə̄rā gə̄ n toó: De gə̄ kə́ dan ngán Yesua kə́ ngōn̄ Yosadak tə́ kə ngákó̰ó̰də́ gēé i Maseya ō, Eliejer ō, Yarib ō, Gedalia ō.

ESDRAS 10:18 Referans Kwoze

JAKARI 3:1

Kɔ́ɔ̄ɓē rāā adə̄ m-á̰a̰ ngol ngé tun̄ yá̰a̰ gə̄ ń i Yesua ní. Ni-ra kə njan kə́ dɔɔ́ no de kə́ dɔ rā̰ tə́ yā Kɔ́ɔ̄ɓē tə́. Sətan ń i nge kəndā najə̄ dɔ de gə̄ tə́ ní, ra dɔ jī ko̰ Yesua tə́, yā kəndań najə̄ dɔn tə́.

Makətūbə̄ yā Aje 1:1

Kem ɓāl̄ ko̰o̰ ɓē kə́ nge ko̰o̰ jōó yā Darius, mban̄g kə́ Persə tə́ ní, kem nāā kə́ nge ko̰ mehḛ́ tə́, kə ndɔ̄ nāā kə́ ta kəga dɔɔ́ anī, Kɔ́ɔ̄ɓē ɔr̄ najə̄ kə Aje nge koō ta. Ni dəjen kadə̄ ɔr̄ najə̄ kə Jorobabel nge ko̰o̰ ɓē kə́ Juda ń i ngōn̄ Saltiel ní, kə adə̄n ō, kə ɔr̄ najə̄ kə Yesua ngol ngé tun̄ yá̰a̰ gə̄ ń i ngōn̄ Yosadak ní, kə adə̄n ō.

ESDRAS 5:2

Tā anī Jorobabel kə́ ngōn̄ Sealtiel ō, Yesua kə́ ngōn̄ Yosadak ō, ḭḭn̄ dɔɔ́ ba əlan̄ gír rāā kújə yā Nə́ɓā kem ɓē kə́ Jerusalem tə́. Ngé koō ta gə̄ yā Nə́ɓā i naā tə́ sedə́ adə̄ ɔsən̄ kíĺdə́ kem kəlaá.

ESDRAS 3:2

Yesua nge tun̄ yá̰á̰ kə́ ngōn̄ Yosadak nin̄ kə ngákó̰o̰n kə́ ngé tun̄ yá̰a̰ gə̄ ō, Jorobabel ngōn̄ Sealtiel nin̄ kə ngéén gēé ō, ḭḭn̄ dɔɔ́ rāān̄ loo tun̄ yá̰a̰ yā Nə́ɓā yā Israel, yā ndējəń yá̰a̰ tun̄ gə̄ kə́ yā róō horoó gə̄ tītə̄ ń ndū najə̄ yā Moijə deē yā Nə́ɓā ədań ní.

ESDRAS 2:2

De gə̄ ń ɔrən̄ nodə́ reēn̄ sedə́ ní i Jorobabel ō Yesua ō Nehemia ō Seraya ō Relaya ō Mordokai ō Bilsan ō Misəpar ō Bigwai ō Rehum ō Baana ō. Rī gír kojə gə̄ ní n toó ō, kutə ngán Israel gə̄ kə́ kə dɔ ɓūtə̄ gēé n toó ō.

1 TIMOTE 3:11

Yā dəyá̰ gə̄ i tītə̄ ń noō ō, ādə̄ nin̄ i dəyá̰ gə̄ kə́ de gə̄ ɓōlə́n̄ ndíĺdə́ ō, nin̄ i ngé tām̄ kə de gēé aĺ ō, ngé kəhɔ rɔ̄də́ dɔ yá̰á̰ tə́ gə̄ ō, ādə̄ nin̄ i ngé ra dɔ ndūdə́ tə́ gə̄ tū yá̰a̰ gə̄ tə́ malang ō.

EJEKIEL 44:22

Nge tun̄ yá̰a̰ a taā dəyá̰ kə́ ngaa koy aĺ ō, kə́ ngaan mbātə́n aĺ ō. Ni a taā i ngōn̄ kə́ mandə kə́ Israel tə́, aláa a taā i nə̄yá̰ nge tun̄ yá̰á̰ kə́ rang kə́ oy.

JEREMI 23:14

Banī m-á̰á̰ yá̰a̰ gə̄ kə́ majaĺ kə́ to ɓōĺ ngá̰ý rɔ̄ ngé koō ta kə́ Jerusalem tə́ gə̄ tə́. Nin̄ ɓōkə́n̄ rɔ̄də́ kem rāȳ tə́ ō, ɔrə̄n̄ najə̄ kə́ rɔ̄kum aĺ gə̄ ō. Ənīn̄ najə̄ kə̄ gíŕ ngé rāā háĺ kə́ majaĺ gə̄ tə́, adə̄ de kə́ kəya̰ ta kem ndul yān gətóo. M-á̰a̰ kadə̄ de gə̄ malang tél rāān̄ yá̰a̰ i tītə̄ de kə́ Sodom tə́ gə̄ ō, de kə́ kem ɓēé gə̄ tél rāān̄ yá̰a̰ i tītə̄ ngé kə́ Gomor tə́ gə̄ ō,

JEREMI 23:11

Ngé koō ta gə̄ ō, ngé tun̄ yá̰a̰ gə̄ ō nujən̄ háĺdə́ adə̄ m-á̰a̰ kem ndul yādə́ kem kújə yāḿ tə́ gə̄gē. Najə̄ ń Kɔ́ɔ̄ɓē əda ní n noó.

NEHEMI 13:28

Ngōn̄ Yoyada kógə̄ḿ kə́ dəngam kə́ ngōn̄ Eliasib ngol ngé tun̄ yá̰a̰ gə̄ i um Sanbalat kə́ Horon, adə̄ m̄-tə́ɓān kɔ̄ɔ́ rɔ̄ḿ tə́.

NEHEMI 12:10

Yesua ojə Yoyakim, Yoyakim ojə Eliasib, Eliasib ojə Yoyada.

NEHEMI 8:7

Yesua ō Bani ō Serebia ō Yamin ō Akub ō Sabetai ō Hodia ō Maseya ō Kelita ō Ajaria ō Yojabad ō Hanan ō Pelaya ō ngán Lebi gə̄ ō ɔjən̄ de gə̄ kum ndū najə̄, ba de gə̄ ran̄ gotə kógə̄ḿ kə njadə́ kə̄ dɔɔ́ oōn̄neé.

NEHEMI 8:4

Esdras nge ndóō de gə̄ ndū najə̄ ra i kə njan kə́ dɔɔ́ dɔ loo kə́ kḭḭ kə̄ dɔɔ́ kə́ rāā kə kāgāá tām̄ yā kán̄ naā ní tə́. De gə̄ ń ran̄ dɔ jī ko̰n tə́ ní i Matitia ō Sema ō Anaya ō Uria ō Hilkia ō Maseya ō. De gə̄ kə́ dɔ jī gelən tə́ i Pedaya ō Misael ō Malkia ō Hasum ō Hasəbadana ō Jakari ō Mesulam ō.

ESDRAS 9:1

Gō yá̰a̰ gə̄ ń noō tə́ anī ngār gə̄ reē ədamə̄n̄ na ngán Israel gə̄ ō, ngé tun̄ yá̰a̰ gə̄ ō, ngán Lebi gə̄ ō, na ɔrə̄n̄ rɔ̄də́ kɔ̄ɔ́ rɔ̄ de kə́ kem ɓēé gə̄ tə́ alé. Nin̄ na rāān̄ yá̰á̰ kə́ to yḛr kum gə̄ yā Kanaan gə̄ ō Het gə̄ ō Periji gə̄ ō Yebus gə̄ ō Amon gə̄ ō Moab gə̄ ō Ejiptə gə̄ ō Amor gə̄ ō.

LEBI GƏ̄ 21:7

A taān̄ dəyá̰ ájə́ba aĺ ō, dəyá̰ kə́ dəngam ɓīī seneé əlań rɔ̄sɔl̄ dɔn tə́ aĺ ō. A taān̄ dəyá̰ kə́ ngaan mbātə́n aĺ ō, tɔdɔ̄ nge tun̄ yá̰a̰ i de kə́ ɔrə̄n̄ kamə̄n tām̄ yā Nə́ɓā yān tə́.

ESDRAS 9:2

Na táān̄ dəyá̰ gə̄ dan gír de gə̄ ń noō tə́ tām̄ yādə́ nin̄ kɔ́ gə̄ tə́ ō, tām̄ yā ngáńdə́ kə́ dəngam gə̄ tə́ ō. Adə̄ ngán Israel gə̄ ń i de kə́ táĺ gə̄ ní na gurə́n̄ naā kə de kə́ kem ɓēé gēé. Na i ngār gə̄ ō, de kə́ bo gə̄ ō n əlan̄ gír rāā yá̰a̰ gə̄ kə́ majaĺ ń noō ń ɔjə kadə̄ nin̄ ran̄ dɔ ndūdə́ tə́ aĺ ní.

ESDRAS 10:17

Ba kə ndɔ̄ kə́ ta kəga dɔ yā nāā kə́ ta kəga dɔ kə́ kem ɓāl̄ kə́ gogə́ tə́ anī gír najə̄ yā ngé táā dəyá̰ tə̄rā gə̄ gān̄g.

Makətūbə̄ yā Aje 1:12

Jorobabel kə́ ngōn̄ Saltiel ō, Yesua kə́ ngōn̄ Yosadak ń i ngol ngé tun̄ yá̰a̰ gə̄ ní ō, de gə̄ malang ń ɔyn̄də́ aw̄n̄ sedə́ dɔ ɓē kə́ rang tə́ dɔ gúú tə́ á tél reēn̄ gogə́ ɓēé ní ō, oōn̄ najə̄ gə̄ ń Kɔ́ɔ̄ɓē Nə́ɓā yādə́ əndā ta Aje nge koō ta tə́ adə̄ əda ní. Aje rāā kəla ń Kɔ́ɔ̄ɓē mērə̄n rāā ní tɔ̄l̄ ta i tītə̄ ń noō. Adə̄ ngán Israel gə̄ a̰a̰n̄ tɔ́gə ko̰o̰ ɓē yā Kɔ́ɔ̄ɓē gerə̄n̄.

Makətūbə̄ yā Aje 2:4

I tām̄ najə̄ ń noō tə́ n Kɔ́ɔ̄ɓē ədasí najə̄ ń toō wáńg ní: Ḭ̄ Jorobabel, ə́hɔ rɔ̄í tɔgə! Yesua kə́ ngōn̄ Yosadak, ḭ̄ ń i ngol ngé tun̄ yá̰a̰ gə̄ ní, ə́hɔ rɔ̄í tɔgə! Sḭḭ̄ de kə́ kem ɓēé gə̄ malang, ə́hɔī rɔ̄sí tɔgə! Údiī kə̄ rɔ̄ kəla tə́ ī-rāāī na ni i sesí naā tə́. I Kɔ́ɔ̄ɓē kə́ bo kə́ tɔ́gən i ngá̰ý n ədasí najə̄ ń noō ní.

JAKARI 6:11

Ā ī-taā gində̄ arjā̰a̰ ō, lɔ́r ō yā rāā jākā mbang tə́, ba ā ə́la dɔ Yesua kə́ ngōn̄ Yosadak ń i ngol ngé tun̄ yá̰a̰ gə̄ ní tə́.

ESDRAS 2:36

Ɓūtə̄ ngé tun̄ yá̰a̰ gə̄ ní de kə́ tū tə́ gə̄ i de kə́ gír kaa yā Yedaya tə́ gə̄ adə̄ i ngán kaa Yesua gə̄. Nin̄ i deē 973.

ESDRAS 3:8

Kem nāā kə́ nge ko̰ jōó tə́ yā ɓāl̄ ń utə̄ gō nge ń nin̄ ugə̄n̄neé Jerusalem, ɓē ń kújə yā Nə́ɓā i kemeé tə́ ní anī, Jorobabel ngōn̄ Sealtiel ō, Yesua ngōn̄ Yosadak ō gá̰á̰ ngákó̰ó̰də́ gə̄ kə́ ngé tun̄ yá̰a̰ gə̄ ō, ngán Lebi gə̄ ō, de gə̄ malang ń ɔyn̄də́ aw̄n̄ sedə́ ɓəlo tə́ tá tél reēn̄ gogə́ Jerusalem ní ō, udən̄ kə̄ rɔ̄ kəla tə́ rāān naā tə́. Nin̄ tə́ndān̄ ngán Lebi gə̄ kə́ ɓāl̄də́ i kutə jōó gə̄ ō, ngé kə́ ɓāl̄də́ ḭḭ dɔ kutə jōó tə́ ta kaw̄ kə̄ dɔɔ́ gə̄ ō, kadə̄ unən̄ dɔ kəla kújə yā Kɔ́ɔ̄ɓē.

JEREMI 23:10

De gə̄ malang kə́ kem ɓēé rāān̄ rāȳ, adə̄ ɓē nujə ō, ndɔ̄ĺ i dɔ tə́ ō. Yá̰a̰ tutə malang loo ń yá̰a̰ kul̄ gə̄ a o̰o̰n̄ tū tə́ ní. O̰o̰ de gə̄ i ta rāā yá̰á̰ kə́ majaĺ ō, əhɔn̄ rɔ̄də́ tɔgə i ta nujə loo ō ngóy.