ESDRAS 10:11 - Bibəl ta Sar̄

¹¹ Ngɔlaā ní ə́daī Kɔ́ɔ̄ɓē Nə́ɓā yā kaasí gə̄ yá̰á̰ kə́ gōtə́ aĺ ń ī-rāāī ní ō, ī-rāāī yá̰á̰ ń kemən ndigə ní ō. Ɔ̄rī rɔ̄sí kɔ̄ɔ́ rɔ̄ de kə́ kem ɓēé gə̄ tə́ ō, ī-mbātíī nə̄yá̰sí kə́ tə̄rā gə̄ kɔ̄ɔ́ ō.

Bible sar

¹¹ Ngɔlaā ní ə́daī Kɔ́ɔ̄ɓē Nə́ɓā yā kaasí gə̄ yá̰á̰ kə́ gōtə́ aĺ ń ī-rāāī ní ō, ī-rāāī yá̰á̰ ń kemən ndigə ní ō. Ɔ̄rī rɔ̄sí kɔ̄ɔ́ rɔ̄ de kə́ kem ɓēé gə̄ tə́ ō, ī-mbātíī nə̄yá̰sí kə́ tə̄rā gə̄ kɔ̄ɔ́ ō.

ESDRAS 10:11 Referans Kwoze

Makətūbə̄ ń Pol ndang adə̄ Rom gə̄ ní 12:2

Ī-lōōī ndájə̄ hál de kə́ dɔ nang tə́ gə̄. Banī ādī Nə́ɓā tūr̄ kemsí ō, adə̄sí kur̄ dɔ kə́ kijə ō. Loo ń noō tə́ ā ásiī ka̰a̰ yá̰á̰ ń Nə́ɓā ndigə ní yā ger̄. Adə̄ i yá̰á̰ kə́ majə ō, nel̄ Nə́ɓā ō, kə́ majə ɔtə kə taá ō.

Gōsə̄ najə̄ gə̄ 28:13

De kə́ nge ɓɔ̄ɔ̄ dɔ yá̰a̰ rāān kə́ gōtə́ aĺ gə̄ i de kə́ a teē deē alé, banī deē ń ɔjə yá̰a̰ rāān kə́ gōtə́ aĺ gə̄ kə́ ndágá wáńg ō, lōō gír rāā tə́ ō ní, a a̰a̰n̄ kum tō ndoō yān.

ESDRAS 10:3

Ādə̄ j-ənī ndūjí j-adə̄ Nə́ɓā yājí kadə̄ jə-tə̄ɓā dəyá̰ kə́ tə̄rā gə̄ kɔ̄ɔ́ malang kə ngáńdə́ gēé. I beé n j-a j-unəń gō kɔjə̄ yāsí ń ngé ɓōĺ gō míndə Nə́ɓā yājí ō ḭ̄ ō ādījí ní. Ādə̄ i kə́ rāā tītə̄ ń ndū najə̄ ədań ní.

JOJUE 7:19

Jojue əda Akan na: Ngōnə̄ḿ, ɔ́sə gɔn Kɔ́ɔ̄ɓē yā Israel ō, ī-ɓōkə́n tɔ̄ȳ ō, ɔ́jəm̄ yá̰á̰ ń ī-rāā ní ba ī-lōō munə̄m̄ yá̰á̰ kógə̄ḿ.

KOLOSƏ 1:10

I beé n háĺsí a rɔȳń Kɔ́ɔ̄ɓē ō, ā ī-rāāiń yá̰á̰ kə́ nelə̄n ō ní. Ā ī-rāāī yá̰a̰ malang kə́ majə ō, ā ī-gerī Nə́ɓā kum kə̄ kété kété ō.

2 KORḚNTƏ 6:17

Adə̄ Kɔ́ɔ̄ɓē əda na: Ī-teēī kɔ̄ɔ́ dan de gə̄ ń noō tə́, ɔ̄rī rɔ̄sí kɔ̄ɔ́ rɔ̄də́ tə́, ɔ́diī rɔ̄ yá̰á̰ kógə̄ḿ kə́ yḛr alé, anī mā m-ā m-ə́wásí kə̄ rɔ̄ḿ tə́.

JEREMI 3:13

Majə kadə̄ ī-gēr̄ gō majaĺ ń ī-rāā ní. I Kɔ́ɔ̄ɓē Nə́ɓā yāí n ī-mbātə́n ní. ī-ndi gotə kógə̄ḿ alé ba ī-tə́lá halí naā tə́ kə nə́ɓā kə́ mbā gēé kə gír kāgə̄ kə́ mbōl̄ gə̄ malang. Sḭḭ̄ ōōī ndūḿ alé. Najə̄ ń Kɔ́ɔ̄ɓē əda ní n noó.

IJAI 56:4

Tām̄ yá̰á̰ Kɔ́ɔ̄ɓē əda ni n toó: Áji mbang gə̄ ɓōlə́n̄ gidə ndɔ̄ sabat yāḿ gə̄. Yá̰á̰ ń nin̄ gə̄rān̄ ní i rāā yá̰á̰ kə́ nelə̄m̄ ō, əhɔn̄ gō madə̄ naā yāḿ ō.

PĀ GƏ̄ 32:5

Yá̰á̰ kə́ majaĺ ń m̄-rāā ní m-ə́daī wáńg. Yá̰á̰ kə́ gōtə́ aĺ ń m̄-rāā ní m̄-mundī alé. M-ə́da na: M-ā m-ɔ́jə́ Kɔ́ɔ̄ɓē yá̰á̰ kə́ majaĺ gə̄ ń m̄-rāā ní. Anī ḭ̄ ún majaĺ yāḿ ń oym̄ ní dɔḿ tə́ kɔ̄ɔ́.

NEHEMI 13:3

Dan ń oōn̄ ndū najə̄ ní anī ɔrə̄n̄ tə̄rā gə̄ kɔ̄ɔ́ dan ngán Israel gə̄ tə́.

ESDRAS 9:1

Gō yá̰a̰ gə̄ ń noō tə́ anī ngār gə̄ reē ədamə̄n̄ na ngán Israel gə̄ ō, ngé tun̄ yá̰a̰ gə̄ ō, ngán Lebi gə̄ ō, na ɔrə̄n̄ rɔ̄də́ kɔ̄ɔ́ rɔ̄ de kə́ kem ɓēé gə̄ tə́ alé. Nin̄ na rāān̄ yá̰á̰ kə́ to yḛr kum gə̄ yā Kanaan gə̄ ō Het gə̄ ō Periji gə̄ ō Yebus gə̄ ō Amon gə̄ ō Moab gə̄ ō Ejiptə gə̄ ō Amor gə̄ ō.

HEBƏRO 13:21

Kadə̄ əndān̄sí kə gōó tām̄ yá̰á̰ kə́ majə gə̄ tə́ malang, yā kadə̄ ī-rāāī gō kem ndigə yān. Kadə̄ ni-rāā yá̰á̰ kə́ əsō kumən kemjí tə́ kə ta kūl̄ Jeju Kərist ń kɔsə gɔn i tām̄ yān tə́ ngándáńg ngándáńg ní. Adə̄ i tītə̄ ń noō!

JA̰A̰ 9:24

Anī Parijiyḛ gə̄ ɓārə́n̄ deē ń ojənən̄ məndō ní nja kə́ nge ko̰ jōó, ba ədanən̄ na kə ɔsə gɔn Nə́ɓā, na n-gerə̄n̄ kadə̄ deē n noō na i nge rāā majaĺ.

2 YÁ̰A̰ GƏ̄ 30:22

Ngán Lebi gə̄ malang ń gerə̄n̄ yá̰a̰ yā Kɔ́ɔ̄ɓē majə ní, Ejekias ɔr̄ najə̄ sedə́ adə̄ńdə́ tɔ́gə. De gə̄ rāān̄ nāā ndɔ̄ sīrí, ndējə̄n̄ yá̰a̰ tun̄ gə̄ kə́ tām̄ yā kem kógə̄ḿ tə́ ō, ndadə̄ adə̄n̄ Kɔ́ɔ̄ɓē Nə́ɓā yā kaadə́ gə̄ ō.

ESDRAS 10:10

Esdras nge tun̄ yá̰a̰ ḭḭ dɔɔ́ ba ədadə́ na: Sḭḭ̄ ī-rāāī yá̰a̰ gōtə́ aĺ bátə́ ō, dəyá̰ tə̄rā gə̄ ń ī-táaī ní rāān̄ adə̄ majaĺ yā Israel i ngá̰ý tɔȳ kə́ kété gə̄ ō.

ESDRAS 10:12

Ngé kán̄ naā gə̄ malang tūr̄ ədan̄ kə tɔ́gɔ́ na: Najə̄ yāí i gōtə́, ta i dɔjí tə́ kadə̄ jə-rāā yá̰á̰ ń ə́da ní!

NEHEMI 9:2

Nin̄ ɔrə̄n̄ rɔ̄də́ kɔ̄ɔ́ rɔ̄ tə̄rā gə̄ tə́ ba ndin̄ kə kérdə́ ō, ɔrə̄n̄ gír majaĺ yādə́ gə̄ ō, gíŕ yá̰á̰ kə́ gōtə́ aĺ gə̄ ń kaadə́ gə̄ rāān̄ ní ō.

JEREMI 7:3

Najə̄ ń Kɔ́ɔ̄ɓē kə́ bo kə́ tɔ́gən i ngá̰ý, Nə́ɓā yā Israel əda ní n toó: Ī-tūrī háĺsí ō, yá̰a̰ rāāsí gə̄ ō, anī m-ā m-ə́yá̰sí kadə̄ ā ī-ndiī loo ní tə́.

EJEKIEL 18:30

I tām̄ najə̄ ń noō tə́ n mā Kɔ́ɔ̄ɓē Nə́ɓā m-ə́dásí sḭḭ̄ Israel gə̄ najə̄ ń toō ní: M-ā m̄-rāā sarya sesí kógə̄ḿ kógə̄ḿ i kə gō háĺsí. I beé ní, ī-tūrī háĺsí, ī-tūrī gidəsí kɔ̄ɔ́ ta yá̰a̰ rāāsí kə́ gōtə́ aĺ gə̄ tə́. I tītə̄ ń noō n ā ə̄sōīiń kum majaĺ tə́ to̰ aĺ ní.