ESDRAS 10:1 - Bibəl ta Sar̄

¹ Dan ń Esdras tétə̄ kejən nang tə́ ta kújə yā Kɔ́ɔ̄ɓē tə́ ba ndi a nōō ō, a ndɔ̄ȳ Nə́ɓā ō, a dəje Nə́ɓā mā̰ȳ rɔ̄ ō ní anī, Israel gə̄ ngá̰ý, kə́ dəngam gə̄ kə kə́ dəyá̰ gə̄ kə ngán gə̄ kánə̄n̄ naā kə̄ dɔn tə́. Nin̄ malang nōōn̄ ngá̰ý kə man̄ kumdə́.

Bible sar

¹ Dan ń Esdras tétə̄ kejən nang tə́ ta *kújə yā Kɔ́ɔ̄ɓē tə́ ba ndi a nōō ō, a ndɔ̄ȳ Nə́ɓā ō, a dəje Nə́ɓā mā̰ȳ rɔ̄ ō ní anī, *Israel gə̄ ngá̰ý, kə́ dəngam gə̄ kə kə́ dəyá̰ gə̄ kə ngán gə̄ kánə̄n̄ naā kə̄ dɔn tə́. Nin̄ malang nōōn̄ ngá̰ý kə man̄ kumdə́.

ESDRAS 10:1 Referans Kwoze

DANIEL 9:20

m̄-na̰y kə̄ loo ndɔ̄ȳ tə́ ō, kə̄ loo kəda majaĺ yāḿ tə́ ō, yā ngán Israel gə̄ ń nin̄ i gír deē yāḿ gə̄ ní tə́ ō, kə̄ loo rāā Kɔ́ɔ̄ɓē Nə́ɓā yāḿ ɓɔ́ tə́ tām̄ yā mbal̄ yān kə́ táĺ tə́ ō.

PĀ GƏ̄ 119:136

m̄-nōō kə man̄ kumḿ, tɔdɔ̄ de gə̄ rāān̄ yá̰á̰ ń ndū najə̄ yāí əda ní alé.

Makətūbə̄ ń Pol ndang adə̄ Rom gə̄ ní 9:2

Kemḿ nelə̄m̄ aĺ ngá̰ý ō, najə̄ tōr̄ kemḿ ngá̰ý kanjə̄ dəba ō.

1 MBAN̄G GƏ̄ 8:30

Mā ō, gír deē yāí gə̄ ń i ngán Israel gə̄ ní ō, jə-tūr̄ kumjí sɔɔ̄ loo ń toō ba jə-rāāī ɓɔ́ ní, Kɔ́ɔ̄ɓē ōō ndūjí. Ḭ̄ ń ī-ndi dɔ rā̰ tə́ ní ōō ndūjí loo ń ī-ndi tū tə́ ní. Ōō ndūjí ō, ī-mā̰ȳ rɔ̄í dɔjí tə́ ō.

Najə̄ kə́ Majə yā Jeju ń Luk ndang ní 19:41

Dan ń ni-ugə̄ ngɔr ba a̰a̰ ɓē ní anī, ni-nōō tām̄ yān tə́, ba əda na:

NEHEMI 8:9

Dan ń de gə̄ oōn̄ najə̄ ń tə́dan̄ ní anī, nin̄ malang nōōn̄. Adə̄ Nehemi nge ko̰o̰ ɓē ō, Esdras nge tun̄ yá̰á̰ kə́ nge ndóō de gə̄ ndū najə̄ ō, ngán Lebi gə̄ kə́ nge kɔjə de gə̄ kum najə̄ gə̄ ō, ədan̄ de gə̄ na: Ndɔ̄ kə́ ɓōólaā i ndɔ̄ kə́ kɔr̄ kam̄ tayā tām̄ yā Kɔ́ɔ̄ɓē Nə́ɓā yāsí tə́! Ī-lōōī kəhɔ ndoō ō nōō ō.

JAKARI 12:10

M-ā m̄-ɓōkə́ ndíl kem majə ō, ndɔ̄ȳ Nə́ɓā ō, dɔ de gə̄ kə́ kem kojə yā Dabid tə́ ō, dɔ de gə̄ kə́ kem ɓē kə́ Jerusalem tə́ ō. Nin̄ a a̰a̰n̄ loo kum kə̄ rɔ̄ḿ mā tə́, najə̄ yā nge ń nin̄ ɔsənən̄ adə̄ teē dām̄ kə́rēý tə́ ní tə́. Nin̄ a ənīn̄ pā kəhɔ ndoō tām̄ yān tə́, tītə̄ ń deē a rāań ndɔ̄ yo ngōn̄ kə́ dəngam kə́ kal kógə̄ḿ beē tə́ ní. A nōōnən̄ tītə̄ loo nōō ngōn̄ hágə beé.

NEHEMI 10:28

Maluk ō Harim ō Baana ō.

2 YÁ̰A̰ GƏ̄ 20:9

Ré yá̰á̰ kə́ to kum kaȳ aĺ əsō dɔdə́ tə́ adə̄ i kaskar, aláa i kōō gə̄ n ndumən̄ kə njadə́ dɔɔ́, aláa i mo̰y ngāl̄bɔ̄gīí, aláa i ɓō kə́ əsō kem ɓēé, ba ré n-reē n-ndan̄ noí tə́ ta kújə́ ń toō tə́, tɔdɔ̄ rīí i kem kújə́ ń toō tə́, ba ré n-əgan̄ kɔŕ kə̄ dɔí tə́ kadə̄ ī-dḭḭ̄də́, tɔdɔ̄ wur kɔl kə́ ngá̰ý əsō dɔdə́ tə́ anī, kə ōō ndūdə́ ba kə ájə́də́.

OJEE 14:2

Israel, ī-tél ī-reē rɔ̄ Kɔ́ɔ̄ɓē Nə́ɓā yāí tə́. I yá̰a̰ rāāī kə́ gōtə́ aĺ rāāī adə̄ ə̄sō ní.

JEREMI 13:17

Ré ōōī yá̰á̰ ń toō aĺ anī, m-ā m̄-rāā rɔ̄ḿ ndoō loo ɓɔ̄ɔ̄ rɔ̄ yāḿ tə́, najə̄ kɔjə rɔ̄ yāsí kə́ ngá̰ý ń toō tə́. Kumḿ i kə nōó, i kə nōó. Man̄ nōō a reē kumḿ tə́. Əhɔn̄ ɓūtə̄ yá̰a̰ kul̄ yā Kɔ́ɔ̄ɓē gə̄ dɔ gúú tə́ aw̄n̄ sedə́ dɔ ɓē kə́ rang tə́.

JEREMI 9:1

Ré de gə̄ adə̄mə̄n̄ loo ɓɔ̄ɔ̄ rɔ̄ yā ngé njə̄rā mbā kə jámbal gə̄ dəla loo tə́ anī, m-ā m-ə́yá̰ gír deē yāḿ gə̄ kɔ̄ɔ́ ō, m-ā m-ɔ̄r̄ rɔ̄ḿ kɔ̄ɔ́ rɔ̄də́ tə́ ō. Nin̄ malang i ngé sāā naā gír naā tə́ ō, ngé kɔr̄ gír naā gə̄ ō.

PĀ GƏ̄ 32:5

Yá̰á̰ kə́ majaĺ ń m̄-rāā ní m-ə́daī wáńg. Yá̰á̰ kə́ gōtə́ aĺ ń m̄-rāā ní m̄-mundī alé. M-ə́da na: M-ā m-ɔ́jə́ Kɔ́ɔ̄ɓē yá̰á̰ kə́ majaĺ gə̄ ń m̄-rāā ní. Anī ḭ̄ ún majaĺ yāḿ ń oym̄ ní dɔḿ tə́ kɔ̄ɔ́.

1 MBAN̄G GƏ̄ 9:3

Kɔ́ɔ̄ɓē ədan na n-oō ndɔ̄ȳ yān ō, rāā ń na rāān ɓɔ́ ní na n-oō ō: Kújə́ ń na rāā ní na n-ɔr̄ kamə̄n tayā kadə̄ rīn kə ɓār̄ dɔ tə́ ngándáńg. Kumən na a ra dɔ tə́ ō, kemən na i dɔ tə́ ō, ngándáńg.

KƏLA RĀĀ 21:5

Ba dan ń ndɔ̄jí təgā á j-əsō róbó yā kaw̄ anī, nin̄ malang kə nə̄yá̰də́ gə̄ kə ngáńdə́ gə̄ əndān̄jí róbó bátə́ ugə̄n̄ sejí gidə ɓē tə́. J-ɔsə kejəjí nang tə́ ta bā bo tə́ ba jə-ndɔ̄ȳ Nə́ɓā kə̄ loo ń noō tə́.

KƏLA RĀĀ 10:30

Anī Kɔrney əda na: Asə ndɔ̄ mətá kɔ̄ɔ́ ɓōólaā tā, i kə mbang nəkɔ́ ń toō bang, adə̄ i kə mbang kə́ mətá kə́ loo sɔlí, m̄-ndi m-ā m̄-ndɔ̄ȳ i Nə́ɓā ɓēé looḿ, anī deē kógə̄ḿ o̰ō̰ kūbə̄ kə́ ndaa kə́ ndə́lē ngá̰ý teē rétə́ gēé reē ra noḿ tə́

2 YÁ̰A̰ GƏ̄ 20:13

Juda gə̄ malang ran̄ kə njadə́ dɔɔ́ ta kum Kɔ́ɔ̄ɓē tə́ kum naā tə́ kə ngéédə́ gēé adə̄ i nə̄yá̰də́ gə̄ ō, ngándə́ gə̄ ō.

NDŪ NAJƏ̄ 31:12

Gír de gə̄ malang a kánə̄n̄ naā, dəngam gə̄gē, dəyá̰ gə̄gē, ngán gə̄gē, tə̄rā kə́ nge nam̄ ń ndi ɓēé looí ní gə̄gē kadə̄ oōn̄ ndū najə̄ ń a tə́dan̄ ní, yā ndóoń loo ɓōĺ Ndíĺ Kɔ́ɔ̄ɓē Nə́ɓā ō, yā rāań yá̰a̰ malang ń ndū najə̄ əda ní ō.

MATIYE 3:6

Nin̄-ədan̄ majaĺ yādə́ gə̄ kə̄ ndágá oy anī, Ja̰a̰ rāādə́ batém kum man̄ bā Jurdḛ tə́.

ESDRAS 10:6

Esdras ḭḭ kɔ̄ɔ́ ndágə loo kə́ ta kújə yā Kɔ́ɔ̄ɓē tə́ ba aw̄ ndi ɓē Yohanan kə́ ngōn̄ Eliasib. Banī ni-mbātə́ kəsa yá̰a̰ ō, mbātə́ ka̰ȳ man̄ ō, tɔdɔ̄ əhɔ ndoō i tām̄ háĺ kə́ gōtə́ aĺ ń ngé kaw̄ ɓəloó gə̄ rāān̄ tə́ ní.

NEHEMI 1:4

Dan ń m-ōō najə̄ ń gə̄ noō ní m̄-ndi nang tə́ m̄-nōō ō, m-ə́hɔ ndoō ndɔ̄ ngá̰ý ō, m̄-*ndi ɓō tām̄ yā Nə́ɓā tə́ ō. m̄-ndɔ̄ȳ Nə́ɓā kə́ dɔ rā̰ tə́

NEHEMI 1:6

Ī-tūr̄ kumií kə̄ rɔ̄ḿ tə́ ba ī-nēl̄ mbīí ōoń ndɔ̄ȳ yāḿ mā nge kəla yāí. Ngɔlaā ní m̄-ndɔ̄yī ndɔ̄ɔ́ ō, kadaá ō, tām̄ yājí jḭḭ ngán Israel gə̄ ń i ngé kəla yāí gə̄ tə́ ní. m̄-dəjeī kadə̄ ī-mā̰ȳ rɔ̄í dɔ yá̰á̰ kə́ gōtə́ aĺ gə̄ ń jə-rāā tə́ ní. Rɔ̄kum, mā nəkɔ́ ō, kaaḿ gə̄ ō, jə-rāā yá̰a̰ majaĺ.

JOJUE 7:6

Jojue nin̄ kə kum kɔɔ̄ gə̄ yā ngán Israel gēé rə́yā̰n̄ kūbə̄ kə́ rɔ̄də́ gə̄ tə́ ō, ɔyn̄ bumbə́ru kə̄ dɔdə́ tə́ ō, əsōn̄ sébən̄ kumdə́ nang tə́ no sandúkə yā Kɔ́ɔ̄ɓē tə́. Nin̄ ton̄ tītə̄ ń nuū bátə́ loo tíbə dɔdə́ tə́.

JOJUE 8:35

Jojue tə́dá yá̰a̰ gə̄ ń Moijə əda kadə̄ rāān̄ ní ta kum ngán Israel gə̄ tə́ malang kanjə̄ kəya̰ yá̰á̰ kógə̄ḿ kɔ̄ɔ́. Dəyá̰ gə̄ ō, ngán gə̄ ō, tə̄rā gə̄ ń ndin̄ dan ngán Israel gə̄ tə́ ní ō, nin̄ i kum tə́.