ESDRAS 1:3 - Bibəl ta Sar̄

³ Ní i náā kə́ dansí tə́ n i de kə́ gírən teē dan deē yān gə̄ tə́ ní, anī ādə̄ Nə́ɓā yān i seneé, ba ādə̄ aw̄ Jerusalem kə́ Juda tə́ aw̄ rāā kújə yā Kɔ́ɔ̄ɓē Nə́ɓā yā Israel, adə̄ i Nə́ɓā ń ndi Jerusalem ní.

Bible sar

³ Ní i náā kə́ dansí tə́ n i de kə́ gírən teē dan deē yān gə̄ tə́ ní, anī ādə̄ Nə́ɓā yān i seneé, ba ādə̄ aw̄ Jerusalem kə́ *Juda tə́ aw̄ rāā *kújə yā Kɔ́ɔ̄ɓē Nə́ɓā yā Israel, adə̄ i Nə́ɓā ń ndi Jerusalem ní.

ESDRAS 1:3 Referans Kwoze

DANIEL 6:26

Gō tə́ anī mban̄g Darius ndang najə̄ ń toō əlań adə̄ de gə̄ ń gíŕdə́ ō nápardə́ ō ta yādə́ ō i tayā tayā á ndin̄ dɔ nang tə́ malang ní: m̄-ndə̄ngā kadə̄ ī-ndiī lápə́ya ngá̰ý!

JEREMI 10:10

Banī Kɔ́ɔ̄ɓē Nə́ɓā i Nə́ɓā rɔ̄kum, i Nə́ɓā kə́ ndi kə kumneé ō, i mban̄g kə́ ndi ngándáńg ō. Dan ń wōn̄g rāān anī, dɔ nang ndebə. Nápar de gə̄ asən̄ yá̰á̰ sḛ́ý ta wōn̄g yān kə́ ngá̰ý tə́ alé.

KƏLA RĀĀ 10:36

Najə̄ ń Nə́ɓā ɔr̄ kə ngán Israel gēé ní sḭḭ̄ ī-gerī, ədadə́ i Najə̄ kə́ Majə kə́ dɔ kem sɔl̄ lɔm tə́ kə ta kūl̄ Jeju Kərist ń i Kɔ́ɔ̄ɓē yā de gə̄ malang ní.

MATIYE 28:20

Ī-ndóōīdə́ yá̰a̰ malang ń m-ə́dásí kadə̄ ī-rāāī ní. Ba mā i sesí kə dɔ ndɔ̄ gə̄ bátə́ ta ngóy ndɔ̄ gə̄ tə́.

IJAI 45:5

Kɔ́ɔ̄ɓē i mā ō, Kɔ́ɔ̄ɓē kə́ rang gətóo ō. Nə́ɓā kə́ rang gətóo, i mā ngóy n i Nə́ɓā ní. Ḭ̄ ī-gerə̄m̄ alé, banī m-ādī tɔ́gə kadə̄ ī-rāań yá̰a̰.

JOJUE 1:9

Najə̄ ń m-ə́daī ní ādə̄ dɔí ndígə̄nal alé: M-ə́daī na kə ə́hɔ rɔ̄í tɔgə ō, ī-ra dəngam dɔ rɔ̄í tə́ ō. Ī-lōō ndebə ō, ī-lōō kadə̄ kemií gān̄g man̄ ō. Tɔdɔ̄ loo malang ń āw̄ tū tə́ ní, Kɔ́ɔ̄ɓē yāí i naā tə́ seí.

NDŪ NAJƏ̄ 32:31

Tɔdɔ̄ mbal̄ yā madə̄ ba̰ā̰jí gə̄ to tītə̄ mbal̄ yājí alé. Nge ń noō ní nin̄ kɔ́ gə̄ gerə̄n̄ ō.

DANIEL 2:47

Gō tə́ anī əda Daniel na: Rɔ̄kum, Nə́ɓā yāsí i Nə́ɓā kə́ bo tɔȳ nə́ɓā gə̄ malang ō, ni i ngol mban̄g gə̄ ō. I ni ngóy n i nge kɔjə deē yá̰á̰ kə́ to loo mundə̄ tə́ kadə̄ ger̄ ní, tɔdɔ̄ ḭ̄ ɔ́jəm̄ yá̰á̰ kə́ loo mundə̄ tə́ ń toō.

PĀ GƏ̄ 83:18

Ādə̄ ɓōĺ rāādə́ ngándáńg ō, rɔ̄də́ sɔl̄də́ ngándáńg ō, ādə̄ yá̰á̰ ń əndān̄ kemdə́ dɔ tə́ ní əngen̄ aĺ ō, ādə̄ tɔ́gə́də́ gətóo ō!

1 YÁ̰A̰ GƏ̄ 28:20

Gō tə́ anī əda ngōnən Salomo̰ na: Ī-lōō kəya̰ rɔ̄í yɔkəlɔ ba ə́hɔ rɔ̄í tɔgə ī-rāań yá̰a̰! Ī-lōō sōl̄ ō, ī-lōō ɓōĺ ō, tɔdɔ̄ Kɔ́ɔ̄ɓē Nə́ɓā yāḿ i seí naā tə́. Ni a əya̰ī kɔ̄ɔ́ aĺ ō, a tél gōí tə́ aĺ ō, bátə́ kadə̄ ī-rāań kəla kújə yān kadə̄ təgā.

1 MBAN̄G GƏ̄ 8:23

ba əda na: Kɔ́ɔ̄ɓē Nə́ɓā yā Israel, Nə́ɓā kə́ tītīí gətóo dɔ rā̰ tə́ dɔɔ́ ō, dɔ nang tə́ laā ō. Ngé kəla yāí gə̄ ń njə̄rān̄ kə̄ noí tə́ kə kemdə́ mámák ní madə̄ naā yāí to gotoó sedə́ ō, kem ndaa yāí to gotoó tām̄ yādə́ tə́ ō.

1 MBAN̄G GƏ̄ 18:39

Dan ń ngán Israel gə̄ a̰a̰n̄ yá̰á̰ ní anī, nin̄ malang əsōn̄ kə̄ nang tə́, ɔsən̄ nodə́ nang tə́ ba ədan̄ na: I Kɔ́ɔ̄ɓē ń i Nə́ɓā ní! I Kɔ́ɔ̄ɓē n i Nə́ɓā ní!

ESDRAS 1:4

Loo malang ń gotə ngán Israel gə̄ ndin̄ tū tə́ ní, ādə̄ de kə́ loo ní tə́ gə̄ adə̄n̄də́ kadə̄ karī gə̄ kə́ rāān̄ kə gində̄ arjā̰a̰á̰ ō, kə lɔ́rɔ́ ō, yá̰a̰ kənge kə́ rang gə̄ ō, yá̰a̰ kul̄ gə̄ ō, yá̰a̰ ndējə̄ kə́ kadə̄ kə gō kem ndigií gə̄ ō, tām̄ yā kújə yā Nə́ɓā kə́ Jerusalem tə́.

ESDRAS 5:3

Loo ń noō tə́ Tatənai nge ko̰o̰ ɓē kə́ gidə bā Opəratə kə́ dām̄ kə́ no ɓē tə́ tə́ ō, Setar Bosənai ō, madə̄də́ gə̄ ō, reē əngen̄də́ ba ədan̄də́ na: I náā n ədasí na kə ī-tél kə ī-rāāī kújə ń toō gogə́ rang ō, kə ī-tél kə ə̄ndā i bɔr ń toō gogə́ rang ō ní?

IJAI 37:16

Kɔ́ɔ̄ɓē kə́ bo kə́ tɔ́gən i ngá̰ý, Nə́ɓā yā Israel, ḭ̄ ń ī-ndi dɔɔ́ dɔ Serubḛ gə̄ tə́ ní, i īkɔ́ kógə̄ḿ beē ngóy n i Nə́ɓā yā ɓē ko̰o̰ gə̄ malang kə́ dɔ nang tə́. I ḭ̄ n ī-rāā dɔ rā̰ ō dɔ nang ō ní.

ESDRAS 4:3

Banī Jorobabel ō Yesua ō, gotə de kə́ dɔ gír kojə gə̄ yā Israel tə́ gə̄ ō, tél ədan̄də́ na: Rāā kújə yā Nə́ɓā yājí sejí i kəla kə́ ndetəsí alé! I jḭḭ kɔ́ gə̄ ngóy n j-a jə-rāā kújə yā Kɔ́ɔ̄ɓē Nə́ɓā yā Israel tītə̄ ń Sirus mban̄g kə́ Persə ədańjí kadə̄ jə-rāā ní.

ESDRAS 5:13

Ɓá tā ba na kem ɓāl̄ kə́ ta kəga dɔ ń Sirus o̰o̰ ń ɓē gō nang kə́ Babilon tə́ ní, na ni na adə̄ ndūn kadə̄ rāān̄ kújə yā Nə́ɓā ngeé ń toō gogə́ rang.

ESDRAS 6:7

Əya̰ī Jipə gə̄ ādə̄ tél rāān̄ kújə yā Nə́ɓā gogə́ rang. Nge ko̰o̰ ɓē dɔ Jipə gə̄ tə́ a rāā kújə ngeé ń toō i naā tə́ kə kum kɔɔ̄ gə̄ yā Jipə gēé. Nin̄ a rāān̄ kújə́ ní i gotən kə́ kété tə́.

PĀ GƏ̄ 132:13

Tɔdɔ̄ Kɔ́ɔ̄ɓē gə̄rā Siyo̰, ni gḛy rāān i loo ndi yān tə́.

IJAI 44:28

M-ɔ̄r̄ najə̄ yā Sirus m-ə́da na: Ni i nge kɔr no gír deē yāḿ gə̄. Ni a rāā kadə̄ yá̰a̰ malang ń m̄-ndigə ní teē majə. Ni a adə̄ ndūn kadə̄ tél rāān̄ ɓē kə́ Jerusalem gogə́, kadə̄ tél rāān̄ kújə́ yā Kɔ́ɔ̄ɓē gogə́.