ESDRAS 1:1 - Bibəl ta Sar̄

¹ Kem ɓāl̄ kə́ ta kəga dɔ ń Sirus ndiń mban̄g dɔ ɓē ko̰o̰ kə́ Persə tə́ ní, Kɔ́ɔ̄ɓē gḛy rāā yá̰á̰ ń ni-əndā ta Jeremi nge koō ta tə́ adə̄ əda kété ní. Ni ndól̄ hángal Sirus mban̄g kə́ Persə kadə̄ ənī mbēr̄ ō, ndang makətūbə̄ ō, yā kədań de kə́ kem ɓē ko̰o̰ yān tə́ gə̄ malang na:

Bible sar

¹ Kem ɓāl̄ kə́ ta kəga dɔ ń Sirus ndiń mban̄g dɔ ɓē ko̰o̰ kə́ Persə tə́ ní, Kɔ́ɔ̄ɓē gḛy rāā yá̰á̰ ń ni-əndā ta Jeremi *nge koō ta tə́ adə̄ əda kété ní. Ni ndól̄ hángal Sirus mban̄g kə́ Persə kadə̄ ənī mbēr̄ ō, ndang makətūbə̄ ō, yā kədań de kə́ kem ɓē ko̰o̰ yān tə́ gə̄ malang na:

ESDRAS 1:1 Referans Kwoze

JEREMI 29:10

Kɔ́ɔ̄ɓē ɔr̄ najə̄ i tītə̄ ń toō beé: Ré ɓāl̄ ɓē ko̰o̰ kə́ Babilon tə́ mān̄ asə kutə sīrí anī, m-ā m̄-gír̄ dɔsí tə́. M-ā m̄-rāā kadə̄ ndūḿ ń m-ə̄nī yā tél reē sesí gogə́ loo ń toō tə́ ní, a udə gírí majə.

Gōsə̄ najə̄ gə̄ 21:1

Ngarā̰ kem mban̄g to i tītə̄ kə̄lá man̄ kə́ i jī Kɔ́ɔ̄ɓē n a ɔjən loo ń a nūgə́ kə̄ tū tə́ ní.

ESDRAS 7:27

Ādə̄ de gə̄ tɔ̄ȳn̄ Nə́ɓā yā kaají gə̄ ń rāā adə̄ mban̄g rɔȳ kújə yā Kɔ́ɔ̄ɓē kə́ kem ɓē kə́ Jerusalem tə́ beé ní! I ni n rāā adə̄ gír̄ ń noō reē kem mban̄g tə́ ní.

PĀ GƏ̄ 106:46

Ni-rāā adə̄ kum ngé kəhɔdə́ ɓəlo tə́ gə̄ malang o̰o̰də́ tām̄ yādə́ tə́.

ESDRAS 6:22

Gō tə́ anī rāān̄ nāā mápá kə́ kanjə̄ kaa kə rɔ̄nelēé bátə́ ndɔ̄ sīrí. Kɔ́ɔ̄ɓē rāā adə̄ rɔ̄də́ nel̄də́ ngá̰ý tɔdɔ̄ ni tūr̄ kem mban̄g kə́ Asiri adə̄də́. Nge ń noō rāā adə̄ jīdə́ ngan̄g loo rāā kəla kújə yā Nə́ɓā yā Israel tə́.

DANIEL 2:1

Nī kógə̄ḿ rāā mban̄g Nabukodonosor kem ɓāl̄ ko̰o̰ ɓē yān kə́ nge ko̰ jōó tə́. Nī ní rāā adə̄ ɓōĺ rāān ō, ɓīī ra n to̰ aĺ ō.

JA̰A̰ 1:23

Anī ni-tél ədadə́ na: Mā i ndū nge ń ənī mbēr̄ dəla loo tə́ na kə ī-rāāī róbə yā Kɔ́ɔ̄ɓē kadə̄ ra súmūú, tītə̄ ń Ijai nge koō ta ədań ní.

ESDRAS 1:5

Loo ń noō tə́ ngār gə̄ kə́ dɔ de kə́ gír kojə yā Juda tə́ gə̄ ō, Benjamḛ tə́ gə̄ ō, ngé tun̄ yá̰a̰ gə̄ ō, ngán Lebi gə̄ ō, de gə̄ malang ń Nə́ɓā ndól̄ hángaldə́ kadə̄ aw̄n̄ Jerusalem yā rāā kújə yā Kɔ́ɔ̄ɓē tə́ ní, rāān̄ gō rɔ̄də́ yā kaw̄.

ESDRAS 4:3

Banī Jorobabel ō Yesua ō, gotə de kə́ dɔ gír kojə gə̄ yā Israel tə́ gə̄ ō, tél ədan̄də́ na: Rāā kújə yā Nə́ɓā yājí sejí i kəla kə́ ndetəsí alé! I jḭḭ kɔ́ gə̄ ngóy n j-a jə-rāā kújə yā Kɔ́ɔ̄ɓē Nə́ɓā yā Israel tītə̄ ń Sirus mban̄g kə́ Persə ədańjí kadə̄ jə-rāā ní.

ESDRAS 6:3

Kem ɓāl̄ ko̰o̰ ɓē yā mban̄g Sirus kə́ ta kəga dɔ tə́ ní, ni-əda kadə̄ de gə̄ tél rāān̄ kújə yā Nə́ɓā Jerusalem gogə́. A rāān̄ kújə́ ní i loo ń de gə̄ ndējə̄n̄ Nə́ɓā yá̰á̰ kə́ tun̄ gə̄ tū tə́ ní ō, loo ń ngəran i tū tə́ kété ní tə́ ō. Ngālən kə́ kə̄ dɔɔ́ a asə kíl deē 60 ō, laan a asə kíl deē 60 ō.

ESDRAS 6:14

Najə̄ gə̄ ń Aje nin̄ kə Jakari kə́ ngōn̄ Ido ədan̄ kə́ loo ngé koō ta gə̄ tə́ ní, adə̄ kum kɔɔ̄ gə̄ yā Jipə gə̄ tɔ́gə adə̄ nin̄ rāān̄neé kəla kújə yā Kɔ́ɔ̄ɓē. Kəla ní njə̄rā majə. Nin̄ tɔ̄lə̄n̄ ta kəla kújə́ ní tītə̄ ń Nə́ɓā yā Israel ədań ní ō, tītə̄ ń mban̄g gə̄ kə́ Persə tə́ ədan̄neé ní ō. Mban̄g gə̄ ní i mban̄g Sirus ō Darius ō Artajerses ō.

IJAI 44:28

M-ɔ̄r̄ najə̄ yā Sirus m-ə́da na: Ni i nge kɔr no gír deē yāḿ gə̄. Ni a rāā kadə̄ yá̰a̰ malang ń m̄-ndigə ní teē majə. Ni a adə̄ ndūn kadə̄ tél rāān̄ ɓē kə́ Jerusalem gogə́, kadə̄ tél rāān̄ kújə́ yā Kɔ́ɔ̄ɓē gogə́.

JEREMI 1:1

Najə̄ yā Jeremi kə́ ngōn̄ Hilkia, kə́ kógə̄ḿ yā ngé tun̄ yá̰a̰ gə̄ kə́ ndin̄ Anatot, gō nang yā Benjamḛ tə́.

EJEKIEL 38:5

Áskar gə̄ kə́ Persə ō, Etiopi ō, Put ō ní, nin̄ malang a əhɔn̄ der jīdə́ tə́ ō, a əlan̄ jākā gində̄ dɔdə́ tə́ ō, nin̄ a aw̄n̄ seí ō.

DANIEL 6:25

De gə̄ ń sekə́n̄ Daniel ní, mban̄g əda kadə̄ reēn̄ sedə́. Adə̄ reēn̄ ɓōkə́n̄də́ bəlo ɓɔl gə̄ tə́, nin̄ ō ngáńdə́ gə̄ ō, nə̄yá̰də́ naā tə́ kɔ̄ɔ́.

DANIEL 9:2

Anī kem ɓāl̄ ko̰o̰ ɓē yān kə́ ta kəga dɔ tə́ ní, mā Daniel m̄-tə́da kutə ɓāl̄ gə̄ ń ɓē kə́ Jerusalem i kə́ nujə sák sák kɔ̄ɔ́ ní kə ta kūl̄ makətūbə̄ kə́ táĺ gə̄, anī m-á̰a̰ kadə̄ ɓāl̄ i kutə sīrí tītə̄ ń Kɔ́ɔ̄ɓē ədań Jeremi nge koō ta ní.

IJAI 45:1

Kɔ́ɔ̄ɓē əda Sirus ń i deē ń ni gə̄rān ní na: Mā m-ə́hɔ ta jīí yā kəlań dɔ nápar de gə̄ gíŕ tɔ́gə yāí tə́. m̄-ndigə taā tɔ́gə ko̰o̰ ɓē kɔ̄ɔ́ jī mban̄g gə̄ tə́ ō, ta róbə gə̄ kə́ yā kudəń kə̄ kem ɓē gə̄ tə́ ń i kə́ ra kə kutūú ní, m̄-ndigə teēdə́ kadə̄ ran̄ wōyōó noí tə́ ō.

DANIEL 1:21

Adə̄ Daniel rāā kəla yā mban̄g bátə́ ugə̄ń ɓāl̄ ko̰o̰ ɓē yā Sirus tə́.