EPEJƏ 1:3 - Bibəl ta Sar̄

³ Jə-tɔ̄yī Nə́ɓā, Bɔbə̄ Kɔ́ɔ̄ɓē yājí Jeju Kərist. Tɔdɔ̄ ni-adə̄jí yá̰a̰ malang kə́ dɔ rā̰ tə́ yā Ndíl kə ta kūl̄ Jeju Kərist.

Bible sar

³ Jə-tɔ̄yī Nə́ɓā, Bɔbə̄ Kɔ́ɔ̄ɓē yājí Jeju *Kərist. Tɔdɔ̄ ni-adə̄jí yá̰a̰ malang kə́ dɔ rā̰ tə́ yā Ndíl kə ta kūl̄ Jeju Kərist.

EPEJƏ 1:3 Referans Kwoze

1 PIYER 1:3

Jə-tɔ̄yī Bɔbə̄ Kɔ́ɔ̄ɓē yājí Jeju Kərist, tām̄ ni-rāā kem majə sejí ngá̰ý! Ni-rāā adə̄ tél ojən̄jí gogə́ rang kə ta kūl̄ Jeju Kərist ń oy á ni ndólə̄n dan de kə́ koy gə̄ tə́ ní. I beé n jḭḭ̄ j-awīneé kə kəndā kem dɔ tə́ kə́ ndi kə kumneé ō,

2 KORḚNTƏ 1:3

Jə-tɔ̄yī Nə́ɓā, Bɔbə̄ Kɔ́ɔ̄ɓē yājí Jeju Kərist, ni ń i Bɔbə̄jí kə́ kumən o̰o̰n ngá̰ý ō, i Nə́ɓā kə́ nge sɔl̄ kem deē dan yá̰a̰ gə̄ tə́ malang ō ní.

EPEJƏ 2:6

Ni-ndól̄jí naā tə́ kə Kərist, ba aw̄ əndājí dɔ rā̰ tə́ seneé.

TA KƏLA 22:18

M-ā m̄-rāā majə kə nápar de gə̄ kə́ dɔ nang tə́ gə̄ malang sɔɔ̄ń ngán kaaí gə̄, tɔdɔ̄ ḭ̄ ōō taḿ.

EPEJƏ 1:20

ni-ɔjə kə̄ ndágá dan ń ndóləń Jeju Kərist dan de kə́ koy gə̄ tə́, ba aw̄ń seneé aw̄ əndān dɔ jī ko̰n tə́ dɔ rā̰ tə́ ní.

PĀ GƏ̄ 72:19

ādə̄ tɔ̄ȳn̄ Nə́ɓā kə́ nge rī ɓār̄ ngándáńg! ādə̄ kɔsə gɔn yān taā loo malang dɔ nang tə́! Adə̄ i tītə̄ ń noō, adə̄ i tītə̄ ń noō!

EPEJƏ 6:12

Tɔdɔ̄ ngé gə̄ ń j-a jə-rɔ̄ɔ̄īdə́ ní, i deē ndul gə̄ ń nin̄ i kə dā̰ rɔ̄də́ ō, mósə́də́ ō ní alé, banī i ngé ko̰o̰ ɓē gə̄ ō, kɔ́ɔ̄ yá̰a̰ gə̄ ō, ngār kə́ tilií gə̄ ō, ndíĺ kə́ majaĺ gə̄ ō ń ndin̄ dɔɔ́ dɔ rā̰ tə́ ní.

EPEJƏ 3:10

I yā kadə̄ ngé ko̰o̰ ɓē gə̄ ō, kɔ́ɔ̄ yá̰a̰ gə̄ ō ń ndin̄ dɔ rā̰ tə́ ní, gerə̄n̄neé kum kedə̄ kə́ tayā tayā gə̄ yā Nə́ɓā ngɔlaā kə ta kūl̄ ngé kán̄ naā gēé.

GALATƏ 3:9

Abəraham taā kem Nə́ɓā, anī Nə́ɓā tɔ́r̄ tan dɔn tə́. Adə̄ ngé taā kem gə̄ malang ní, Nə́ɓā tɔ́r̄ tan dɔdə́ tə́ tītə̄ yān ō.

1 YÁ̰A̰ GƏ̄ 4:10

Yabes ndɔ̄ȳ Nə́ɓā əda na: Nə́ɓā yā Israel, ī-rāā majə seḿ, ī-teē kem dɔ nang yāḿ kə̄ gogə́ adə̄m̄ ō, ə̄ndā jīí dɔḿ tə́ ī-ngɔ̄m̄ə̄m̄neé ō, ādə̄ yá̰á̰ kə́ to kum kaȳ aĺ teē dɔḿ tə́ aĺ ō, ādə̄ m-á̰á̰ tápə̄ aĺ ō. Anī Nə́ɓā rāā yá̰á̰ ń ni dəjen ní.

IJAI 61:9

De gə̄ a gerə̄n̄ ngáńsí gə̄ dan nápar de gə̄ tə́ malang ō, a gerə̄n̄ ngán kaasí gə̄ kə̄ loo gə̄ tə́ malang ō. De gə̄ malang ń a a̰a̰n̄də́ ní, a gerə̄n̄də́ i kə ta kūl̄ yá̰á̰ ń toō: Nin̄ i gír de gə̄ kə́ Kɔ́ɔ̄ɓē tɔ́r̄ tan dɔdə́ tə́.

PĀ GƏ̄ 134:3

Ādə̄ Kɔ́ɔ̄ɓē nge rāā dɔ rā̰ ō dɔ nang ō ń ndi Siyo̰ ní, rāā majə sesí!

JA̰A̰ 17:21

Ādə̄ nin̄ malang i de kə́ kógə̄ḿ beē. Tītə̄ ń ḭ̄ Bɔbə́ḿ, ḭ̄ i kemḿ mā tə́ ō, mā i kemií ḭ̄ tə́ ō ní, ādə̄ nin̄ i kemjí tə́ ō, yā kadə̄ de kə́ dɔ nang tə́ gə̄ taānəń kem kadə̄ i ḭ̄ n ə́lam̄ ní.

PĀ GƏ̄ 72:17

ādə̄ ni-rāā adə̄ rīn to ngándáńg, ādə̄ rāā adə̄ rīn ní ɓār̄ ta kaw̄ kə̄ jóo, dɔ nang ń mbang a ɔsə tū tə́ ní tə́. Kadə̄ de gə̄ ədan̄ najə̄ yān tɔ́rə̄n̄neé tadə́ dɔ naā tə́ ō, kadə̄ nápar de gə̄ malang ədan̄ na mban̄g ndi kə rɔ̄nelēé ō.

1 YÁ̰A̰ GƏ̄ 29:20

Gō tə́ anī Dabid əda ngé kán̄ naā gə̄ malang na: Ī-ndadī Kɔ́ɔ̄ɓē Nə́ɓā yāsí! Anī ngé kán̄ naā gə̄ malang ndadə̄n̄ Kɔ́ɔ̄ɓē Nə́ɓā yā kaadə́ gə̄. Nin̄ ɔsən̄ nodə́ nang tə́ no Kɔ́ɔ̄ɓē tə́ ō, no mban̄g tə́ ō rɔȳn̄neédə́.

EPEJƏ 1:17

Kadə̄ ni ń i Bɔbə̄ Kɔ́ɔ̄ɓē yājí Jeju Kərist ní, ni ń i Bɔbə̄jí kə́ kɔsə gɔn i yān ní, adə̄sí Ndíĺ kə́ nge kadə̄ deē kum kedə̄ ō, kə́ nge teē kum deē dɔn tə́ ō, kadə̄ ī-gerīin̄neé.

2 KORḚNTƏ 11:31

Nə́ɓā, adə̄ i Bɔbə̄ Kɔ́ɔ̄ɓē Jeju ń de gə̄ tɔ̄ȳn̄ rīn ngándáńg ní, ger̄ kadə̄ m̄-sor̄ alé.

2 KORḚNTƏ 5:21

Kété ní Kərist i kanjə̄ yá̰á̰ kə́ majaĺ dɔn tə́, ba Nə́ɓā əndā yá̰á̰ kə́ majaĺ yājí dɔn tə́. I yā kadə̄ kə ta kūl̄ Kərist ɓáa, j-əngeīneé yá̰á̰ kə́ majə kə́ teē tū kəla ń Nə́ɓā rāā tə́ ní. Jə-téliī de kə́ gōtə́ gə̄ ta kum Nə́ɓā tə́, i kə ta kūl̄ kəla rāān ngeé ń toō.

TA KƏLA 14:20

Ādə̄ de gə̄ tɔ̄ȳn̄ Nə́ɓā kə́ dɔɔ́ ń əla madə̄ ba̰ā̰í gə̄ kem jīí tə́ ní. Ba Abəram ɔr̄ dɔ yá̰a̰ malang kə́ nge ko̰ kutə adə̄n.

1 KORḚNTƏ 12:12

Tɔdɔ̄ rɔ̄ deē i kógə̄ḿ beē, banī ngán rɔ̄n gə̄ i ngá̰ý. Ba ngán rɔ̄n gə̄ ń gíŕdə́ i ngá̰ý noō ɓoon̄ naā anī, télən̄ i rɔ̄ de kə́ kal kógə̄ḿ beē. Ba Kərist i tītə̄ ń noō ō.

Makətūbə̄ ń Pol ndang adə̄ Rom gə̄ ní 12:5

Jḭḭ̄ ń i ngá̰ý ní, jə-toī i tītə̄ ń noō kə Kərist. Jḭḭ̄ i rɔ̄ kə́ kógə̄ḿ beē, ba jḭḭ̄ kógə̄ḿ kógə̄ḿ malang ní, jḭḭ̄ i ngán rɔ̄ de kə́ kógə̄ḿ beē.

DANIEL 4:34

Adə̄ ngɔlaā ní mā Nabukodonosor m̄-tɔ̄ȳ Mban̄g kə́ dɔ rā̰ tə́ ō, m̄-rāān adə̄ rɔ̄n nelə̄n ō, m-ɔ́sə gɔnən ō. Tɔdɔ̄ kəla rāān malang i kə́ rɔ̄kum ō, gō róbə yān gə̄ i gō róbə́ kə́ gōtə́ gə̄ ō, ngé kɔjə rɔ̄də́ gə̄ ní ni asə tél sedə́ kə̄ nang tə́ ō.

EPEJƏ 1:10

dan ń ndɔ̄ gə̄ a asən̄neé ní. Loo ń noō tə́ ni a əla dɔ yá̰a̰ malang, kə́ dɔ rā̰ tə́ gə̄gē, kə́ dɔ nang tə́ gə̄gē, gíŕ tɔ́gə yā Kərist tə́.

2 KORḚNTƏ 5:17

Adə̄ ré deē kógə̄ḿ ɓoon̄ naā kə Kərist anī, ni i de kə́ kijə. Yá̰á̰ kə́ kété jóo mān̄ kɔ̄ɔ́, ba ngɔlaā yá̰á̰ ń to ní i yá̰á̰ kə́ kijə.

Makətūbə̄ ń Pol ndang adə̄ Rom gə̄ ní 15:6

yā kadə̄ ɔ́siīń gɔn Nə́ɓā kə́ Bɔbə̄ Kɔ́ɔ̄ɓē yājí Jeju Kərist kə kemsí kə́ kógə̄ḿ beē ō, kə tasí kə́ kógə̄ḿ beē ō.

NEHEMI 9:5

Gō tə́ anī Yesua ō Kadəmiel ō Banī ō Hasabəneya ō Serebia ō Hodia ō Sebania ō Petahia ō ń i ngán Lebi gə̄ ní ədan̄ na: Ḭ́ḭī dɔɔ́ ɔ́siī gɔn Kɔ́ɔ̄ɓē Nə́ɓā yāsí! Əlan̄ gír kɔsə gɔnən i jóó ngá̰ý ō, a to i ta kaw̄ jóo ō! Kɔ́ɔ̄ɓē, ādə̄ de gə̄ ədan̄ rīí kə́ majə! Rīí to kɔsə gɔn ō, bo tɔȳ najə̄ kə́ majə gə̄ malang ń de gə̄ asən̄ kəda d ɔ tə́ ní ō,

HEBƏRO 8:5

Kəla ń ngé tun̄ yá̰a̰ gə̄ ngeé ń toō a rāān̄ ní, i ndíĺ yá̰a̰ karī. Nin̄-ndájə̄n̄ i yá̰á̰ kə́ dɔ rā̰ tə́. Tɔdɔ̄ dan ń Moijə a rāā yā rāā kújə tandā ní, Nə́ɓā ədan na: Ā ī-rāā yá̰a̰ malang kadə̄ a to i tītə̄ nge ń m-ɔ́jiī dɔ mbalá ní.

PILIPƏ 2:11

kadə̄ de gə̄ malang ədan̄ na Jeju Kərist i Kɔ́ɔ̄ɓē, yā kɔsəń gɔn Bɔbə̄n Nə́ɓā.

1 KORḚNTƏ 1:30

Banī Nə́ɓā ɓoosí naā tə́ kə Jeju Kərist ō, ni-rāā Kərist ní i kum kedə̄ yājí kə́ ḭḭ rɔ̄ Nə́ɓā tə́ ō, yá̰á̰ kə́ gōtə́ yājí tə́ ō, kə́ kɔr̄ kam̄ tām̄ yā Nə́ɓā yājí tə́ ō, gān̄g dɔ yājí tə́ ō.

HEBƏRO 9:23

Ré ndíĺ yá̰a̰ gə̄ kə́ dɔ rā̰ tə́ ní a tə́gon̄də́ kadə̄ unjə̄ njáý njáý anī, i gáŕ kadə̄ kɔ̄r̄ kum yá̰a̰ gə̄ kə́ dɔ rā̰ tə́ ní, a tə́gon̄də́ kadə̄ unjə̄n̄ njáý njáý i kə yá̰a̰ tun̄ kə́ majə tɔȳ ngé gə̄ ń noō.

JA̰A̰ 20:17

Jeju ədan na: Ɔ́dəm̄ alé, tɔdɔ̄ m-āw̄ rɔ̄ Bɔbə́ḿ tə́ aĺ ɓáý. Ba āw̄ ə́dá ngákó̰ó̰ḿ gə̄ na m-āw̄ kə̄ rɔ̄ Bɔbə́ḿ ń i Bɔbə̄sí ō, kə̄ rɔ̄ Nə́ɓā yāḿ ń i Nə́ɓā yāsí ō ní tə́.

JA̰A̰ 14:20

Ndɔ̄ ń noō tə́ ní ā ī-gerī kadə̄ mā i kem Bɔbə́ḿ tə́ ō, sḭḭ̄ i kemḿ mā tə́ ō, mā i kemsí tə́ ō.

Najə̄ kə́ Majə yā Jeju ń Luk ndang ní 2:28

ni-taān jī kó̰o̰n tə́, ba tɔ̄ȳ Nə́ɓā, əda na:

2 YÁ̰A̰ GƏ̄ 31:8

Dan ń Ejekias nin̄ kə de kə́ bo gēé reē a̰a̰n̄ dɔ dūbə̄ yá̰á̰ kə́ kán̄ gə̄ ní anī, ndadə̄n̄ Kɔ́ɔ̄ɓē ō, Israel gə̄ ń i gír deē yān gə̄ ní ō.