EJEKIEL 9:4 - Bibəl ta Sar̄

⁴ ba ədan na: Āw̄ ī-njə̄rā kem ɓē kə́ Jerusalem tə́ kə taá, ba de gə̄ malang ń a nōōn̄ rɔ̄də́ ō, najə̄ tōr̄ kemdə́ ō, tām̄ yā yá̰a̰ rāā kə́ majaĺ ngá̰ý gə̄ kə́ kemeé tə́ ní, ə́já yá̰a̰ nodə́ tə́.

Bible sar

⁴ ba ədan na: Āw̄ ī-njə̄rā kem ɓē kə́ Jerusalem tə́ kə taá, ba de gə̄ malang ń a nōōn̄ rɔ̄də́ ō, najə̄ tōr̄ kemdə́ ō, tām̄ yā yá̰a̰ rāā kə́ majaĺ ngá̰ý gə̄ kə́ kemeé tə́ ní, ə́já yá̰a̰ nodə́ tə́.

EJEKIEL 9:4 Referans Kwoze

JEJU TEĒ KUM JA̰A̰ 9:4

Ɔgə̄n̄də́ rāā yá̰á̰ kə́ majaĺ kə mu kə́ dɔ nang tə́ ō, kə mbī yá̰á̰ kə́ mbōl̄ ō, kə kāgāá ō, banī de gə̄ ń mbō̰ yā Nə́ɓā gətóo nodə́ tə́ ní tá kə rāān̄də́ yá̰á̰ kə́ majaĺ.

2 KORḚNTƏ 1:22

Ni-əndā tə́ré yá̰á̰ kógə̄ḿ rɔ̄jí tə́ yā kɔjəń kadə̄ jḭḭ i deē yān gə̄ ō, adə̄jí Ndíĺ kə́ Táĺ kemjí tə́ tītə̄ yá̰a̰ kəhɔ gātə̄jí beē, yā kɔjəńjí kadə̄ na n-adə̄jí yá̰á̰ kə́ majə gə̄ ń ni ngɔ̄m̄ tām̄ yājí tə́ ní rɔ̄kum ō.

JEJU TEĒ KUM JA̰A̰ 14:1

Anī m-á̰a̰ Ngōn̄ batə̄ ra dɔ mbal̄ Siyo̰ tə́, ba de gə̄ 144 000 kə́ ndangən̄ rīn ō, rī Bɔbə̄n ō, nodə́ tə́ i seneé.

JEJU TEĒ KUM JA̰A̰ 20:4

Gō tə́ anī m-á̰a̰ kōr̄ kāgə̄ mbang gə̄. Ba de gə̄ ń reē ndin̄ dɔ tə́ ní, adə̄n̄də́ ta róbə kadə̄ gāngə̄n̄ sarya. Tá m-á̰a̰ de gə̄ ń tə́gān̄ míndə́də́ gángə̄n̄ kə kə̄ngāá tām̄ najə̄ kə́ kum tə́ yā Jeju tə́ ō, tām̄ najə̄ yā Nə́ɓā tə́ ní ō. De gə̄ ń rɔȳn̄ dā̰ ní aĺ ō, rɔȳn̄ ndíĺ yá̰á̰ kə́ tɔ́sə̄ kum gotə dā̰ ní tə́ aĺ ō, əndān̄ tə́ré yá̰a̰ nodə́ tə́ aĺ ō, jīdə́ tə́ aĺ ō ní, m-á̰á̰də́ ō. Nin̄-tél ndin̄ kə kumdə́ gogə́, ba o̰o̰n̄ ɓē naā tə́ kə Kərist ɓāl̄ dūbú kógə̄ḿ.

2 TIMOTE 2:19

Ba gíŕ kújə́ ń Nə́ɓā əndā adə̄ ndi ngan̄g ní, to gotoó. Ndangən̄ najə̄ gə̄ ń toō tū tə́ ədan̄ na: Kɔ́ɔ̄ɓē ger̄ ngé gə̄ ń nin̄ i yān gə̄ ní ō, ādə̄ náā nəkɔ́ ń ɓāŕ rī Kɔ́ɔ̄ɓē ní, əya̰ yá̰á̰ kə́ gō tə́ aĺ gə̄ kɔ̄ɔ́ ō.

PĀ GƏ̄ 119:136

m̄-nōō kə man̄ kumḿ, tɔdɔ̄ de gə̄ rāān̄ yá̰á̰ ń ndū najə̄ yāí əda ní alé.

EPEJƏ 4:30

Ndíĺ kə́ Táĺ ń rāā rɔ̄n i tə́ré yá̰á̰ kə́ Nə́ɓā əndā dɔsí tə́, ɔjəń kadə̄ sḭḭ̄ i yān gə̄ tām̄ yā ndɔ̄ ń a gāngəń dɔ de gə̄ tə́ ní, ī-lōōī rāān kadə̄ rɔ̄n nelə̄n alé.

JEREMI 13:17

Ré ōōī yá̰á̰ ń toō aĺ anī, m-ā m̄-rāā rɔ̄ḿ ndoō loo ɓɔ̄ɔ̄ rɔ̄ yāḿ tə́, najə̄ kɔjə rɔ̄ yāsí kə́ ngá̰ý ń toō tə́. Kumḿ i kə nōó, i kə nōó. Man̄ nōō a reē kumḿ tə́. Əhɔn̄ ɓūtə̄ yá̰a̰ kul̄ yā Kɔ́ɔ̄ɓē gə̄ dɔ gúú tə́ aw̄n̄ sedə́ dɔ ɓē kə́ rang tə́.

Teē Ngán Israel gə̄ 12:13

Ba mósə́ kə́ ta kújə gə̄ ń ā ī-ndiī kemeé tə́ ní a rāā rɔ̄n i yá̰a̰ kɔjə dɔ kújə yāsí gə̄ tə́. Dan ń m-ā m-á̰á̰ mósə́ ní anī m-ā m̄-gə̄lā dɔ adə̄ yá̰á̰ kə́ tōr̄ a ɔdə rɔ̄sí alé. Adə̄ ré m-ā m-ə́nda ɓē kə́ Ejiptə anī, sḭḭ̄ ā ī-teēī kum tə́ karī.

PĀ GƏ̄ 119:53

De kə́ sew aĺ gə̄ ń əya̰n̄ ndū najə̄ yāí kɔ̄ɔ́ ní, m-á̰á̰də́ anī wōn̄g rāām̄ sedə́ ngá̰ý.

Teē Ngán Israel gə̄ 12:7

Kújə gə̄ ń a əsan̄ dā̰ gə̄ ń noō kemeé ní, a taān̄ mósə dā̰ gə̄ ní yā rāā tū kāgə̄ tadə́ gə̄ kə́ dɔɔ́ tə́ ō, kə́ geleé tə́ ō, kə́ ko̰ó̰ tə́ ō.

IJAI 57:15

Yá̰á̰ ń Nə́ɓā kə́ táĺ əda ní n toó, ni ń i dɔ yá̰a̰ gə̄ tə́ malang ō, aw̄ kə kújə́ kə́ yā ndi tū tə́ kə́ to ngándáńg ō ní: Mā i Nə́ɓā kə́ táĺ, m̄-ndi dɔɔ́ nuū. Banī mā i naā tə́ kə de gə̄ ń de gə̄ a rējə̄n̄də́ ō, dan wurdə́ i dan wur nge ndoō ō ní. Ngé gə̄ ń dan wurdə́ i dan wur nge ndoō ní, m̄-ndigə tél kə ndi kə kumuú kadə̄də́ gogə́, ngé gə̄ ń de gə̄ rējə̄n̄də́ ní, m̄-ndigə tél kə ndi kə kumuú kadə̄də́ gogə́.

MALASI 3:16

Loo ń noō tə́ ngé ɓōĺ ndíĺ Kɔ́ɔ̄ɓē gə̄ ɔrə̄n̄ najə̄ kə naá. Kɔ́ɔ̄ɓē nēl̄ mbīn ooń najə̄ kɔr̄də́ ní. Ndangən̄ rī ngé ɓōĺ ndílən gə̄ ō, rɔȳn gə̄ ō ta kumən tə́.

EJEKIEL 21:6

Kɔ́ɔ̄ɓē ɔr̄ najə̄ seḿ ɓáý to̰ əda na:

EJEKIEL 6:11

Kɔ́ɔ̄ɓē Nə́ɓā ɔr̄ najə̄ tītə̄ ń toō beé əda na: Ə́nda jīí, ə́ɓa njaí nang tə́, ba ə́da na: Gír yá̰á̰ kə́ majaĺ ngá̰ý yā ngán Israel tə́ gə̄ ń oyn̄ yo kaskar ō, yo ɓō ō, yo mo̰y ngāl̄bɔ̄gīí ō ní gān̄g tā.

2 KORḚNTƏ 12:21

m̄-ɓōĺ najə̄ kadə̄ ré gogə́ m̄-teē loosí anī, Nə́ɓā əla rɔ̄sɔl̄ dɔḿ tə́ ta kumsí tə́, kadə̄ m̄-nōō tām̄ yā de kə́rēý gə̄ kə́ rāān̄ yá̰á̰ kə́ majaĺ kété, ba lōōn̄ gíŕ háĺ rāā yá̰á̰ kə́ to yḛr kum gə̄ tə́ aĺ ō, lōōn̄ gíŕ sāā naā loo kaya tə́ aĺ ō, lōōn̄ gíŕ háĺdə́ kə́ majaĺ tə́ aĺ ō tə́.

2 MBAN̄G 22:13

kə aw̄ kə sāān̄ dɔn tə́ ō, dɔ de kə́ Juda tə́ gə̄ ō, rɔ̄ nge koō ta yā Kɔ́ɔ̄ɓē tə́, tām̄ yā najə̄ kə́ kem makətūbə̄ ń əngen̄ ní tə́. Wōn̄g ń rāā Kɔ́ɔ̄ɓē sedə́ ní na i wōn̄g kə́ ngá̰ý, tɔdɔ̄ yá̰a̰ gə̄ ń i kə́ ndang kem makətūbūú kadə̄ yā rāā ní kaadə́ gə̄ na nēlən̄ mbīdə́ oōnneé aĺ ō, rāān̄ aĺ ō.

GALATƏ 6:17

Ngɔlaā ní, ādə̄ deē njə́ɓām̄ to̰ alé. Tɔdɔ̄ tə́ré yá̰á̰ kə́ tōr̄ gə̄ kə́ m-ə́nge tām̄ yā Jeju tə́ i rɔ̄ḿ tə́ ɓáý.

TA KƏLA 4:15

Banī Kɔ́ɔ̄ɓē tél ədan na: I beé alé. Ré deē tɔ̄lī anī, a tɔ̄lə̄n̄ de gə̄ sīrí kum gotií yā daləń ba̰ā̰í. Kɔ́ɔ̄ɓē əndā tə́ré yá̰á̰ kógə̄ḿ no Kain tə́ yā kadə̄ náā nəkɔ́ ń ənge Kain anī, kə tɔ̄lə̄n alé.

EJEKIEL 9:5

Gō tə́ anī m-ōō najə̄ ń Kɔ́ɔ̄ɓē əda gotə ɓūtə̄ de gə̄ ń na̰yn̄ ní, ni ədadə́ na: Ī-njə̄rāī gō deē ń noō tə́ kem ɓēé ba ī-tɔ̄lī de kə́ kemeé gə̄. Ī-lōōī kəya̰də́ ō, ādī kumsí o̰o̰sí tām̄ yādə́ tə́ aĺ ō.

EJEKIEL 9:6

Ī-tɔ̄lī ɓə́ga gə̄ ō, ngásáā gə̄ ō, ngámandə gə̄ ō, ngán gə̄ ō, dəyá̰ gə̄ ō! Ī-rāāī ādī nin̄ gətóon̄ kɔ̄ɔ́ malang! Banī de gə̄ malang ń əjan̄ yá̰a̰ nɔtə nodə́ tə́ ní, ī-lōōī kɔdə rɔ̄də́. Ə́laī gír kem loo kə́ táĺ yāḿ tə́ laā. Loo ń noō tə́ nin̄ əlan̄ gír tɔ̄l̄ kum kɔɔ̄ gə̄ ndin̄ ta kújə yā Kɔ́ɔ̄ɓē tə́ ní.

AMOS 6:6

Sḭḭ̄ ā̰yī kasə nduú kem káĺ kə́ bo gə̄ tə́ ō, ī-ndumiī yibə̄ kə́ gatə̄n i ngá̰ý kə́ kotə majə gə̄ ō. Banī kojə yā Jəjep ní, a nujənə̄ń sák sák kɔ̄ɔ́ ō, usəsí sḭḭ̄ yá̰á̰ kógə̄ḿ aĺ ō a!

SOPONI 1:12

Kum mbang ngeé ń noō tə́ ní, m-ā m-ə̄ndā hor tū lámbá kógə̄ḿ tə́, yā ndəleń ɓē kə́ Jerusalem. De kə́ kem ɓēé gə̄ ń ndin̄ kanjə̄ rāā yá̰á̰ kógə̄ḿ, tītə̄ kasə nduú kə́ ɗīgə̄ adə̄ manə̄n a ɔr̄ koō dɔ bisə̄n tə́ ní, m-ā m̄-rāā yá̰á̰ kógə̄ḿ sedə́. Nin̄ ədan̄ na: Kɔ́ɔ̄ɓē na asə rāā yá̰á̰ kógə̄ḿ alé. Ni na asə rāā yá̰á̰ kə́ majə aĺ ō, kə́ majaĺ aĺ ō.

SOPONI 3:18

tītə̄ kə́ ndɔ̄ rāā nāā tə́ beē. Kɔ́ɔ̄ɓē əda na: Jerusalem, m-ā m̄-rāā kadə̄ yá̰á̰ kə́ to kum kaȳ aĺ gətóo kɔ̄ɔ́ rɔ̄í tə́, yā kadə̄ rɔ̄í sɔlīiń to̰ alé.

Teē Ngán Israel gə̄ 12:23

Kɔ́ɔ̄ɓē a mān̄ kem ɓēé yā kənda de kə́ Ejiptə gə̄. Ba ré ni-a̰a̰ mósə tū kāgə̄ ta róbə́ kújə́ kə́ dɔɔ́ tə́ ō, kə́ geleé tə́ ō, kə́ ko̰ó̰ tə́ ō anī, a mān̄ dɔɔ́, a əya̰ yá̰á̰ kə́ majaĺ kadə̄ udə gōsí tə́ kújú nujə loo alé.