EJEKIEL 9:2 - Bibəl ta Sar̄

² Anī de kə́ dəngam gə̄ mehḛ́ teēn̄ ta róbə́ kə́ dɔɔ́ tə́ a reēn̄. Ré deē ra kújə yā Kɔ́ɔ̄ɓē tə́ anī, ta róbə́ ní i kə̄ dām̄ mbɔ́r ɓē kə́ ko̰ó̰ tə́. Nin̄ kógə̄ḿ kógə̄ḿ ní, yá̰a̰ rɔ̄ɔ̄ kə́ yā nujəń loo i kə̄ jīdə́ gə̄ tə́. De kógə̄ḿ kə́ o̰ō̰ kūbə̄ lḛ́ḛ i dandə́ tə́. Ni do̰ō̰ yá̰á̰ kə́ yā ndang yá̰a̰ dɔ tə́ tū ndāŕ ń ni-əhɔń ɓōdə̄n ní tə́. Nin̄ malang ní reēn̄ kə̄ ngɔr, ba dəba ran̄ ta loo tun̄ yá̰á̰ kə́ rāā kə gində̄ nə̄ngá kasaá tə́.

Bible sar

² Anī de kə́ dəngam gə̄ mehḛ́ teēn̄ ta róbə́ kə́ dɔɔ́ tə́ a reēn̄. Ré deē ra *kújə yā Kɔ́ɔ̄ɓē tə́ anī, ta róbə́ ní i kə̄ dām̄ mbɔ́r ɓē kə́ ko̰ó̰ tə́. Nin̄ kógə̄ḿ kógə̄ḿ ní, yá̰a̰ rɔ̄ɔ̄ kə́ yā nujəń loo i kə̄ jīdə́ gə̄ tə́. De kógə̄ḿ kə́ o̰ō̰ kūbə̄ *lḛ́ḛ i dandə́ tə́. Ni do̰ō̰ yá̰á̰ kə́ yā ndang yá̰a̰ dɔ tə́ tū ndāŕ ń ni-əhɔń ɓōdə̄n ní tə́. Nin̄ malang ní reēn̄ kə̄ ngɔr, ba dəba ran̄ ta *loo tun̄ yá̰á̰ kə́ rāā kə gində̄ nə̄ngá kasaá tə́.

EJEKIEL 9:2 Referans Kwoze

EJEKIEL 10:2

Nə́ɓā əda deē ń o̰o̰ kūbə̄ lḛ́ḛ́ ní na: Ī-mān̄ mbo̰ō̰ nja púsə gə̄ ń i gír Serubḛ gə̄ tə́ ní, ba ɔ́y yā̰l̄ hor kə́ ajə ying ń to mbənā Serubḛ gə̄ tə́ ní ādə̄ rosə kem jīí ō, āw̄ ī-ɓōkə́ dɔ ɓē tə́ ō. Anī m-á̰a̰ deē ní loo kaw̄ tə́ mbo̰ō̰ nja púsə gə̄ tə́.

LEBI GƏ̄ 16:4

A əla kūbə̄ lḛ́ḛ́ kə́ ngāl̄ rɔ̄n tə́ ō, kə́ gíndə̄ gírən tə́ ō, a do̰ō̰ ɓōdə̄n kə kəlā lḛ́ḛ ō, a ənda dɔn kə kūbə̄ lḛ́ḛ ō. I kūbə̄ kə́ yā ɓōĺ gidə gə̄, adə̄ a ndogə̄ man̄ pá tá a tə́ládə́ rɔ̄n tə́.

JEJU TEĒ KUM JA̰A̰ 15:6

De kə́ dɔ rā̰ tə́ kə́ sīrí gə̄ ń yá̰á̰ kə́ tōr̄ kə́ sīrí gə̄ i jīdə́ tə́ ní, teēn̄ kem kújə yā Kɔ́ɔ̄ɓē ní tə́. Kūbə̄ lḛ́ḛ́ kə́ unjə̄ njáý njáý ō, ndə́lē pipir ō, i rɔ̄də́ tə́. Nin̄-do̰ō̰n̄ nganjədə́ kə kəlā do̰ō̰ ɓōdə̄ kə́ rāān̄ kə lɔ́rɔ́.

2 MBAN̄G 15:35

Ɓá tā ba ni-rāā adə̄ loo ndɔ̄ȳ gə̄ gətóon kɔ̄ɔ́ kem ɓēé alé, adə̄ de gə̄ na̰yn̄ i kə̄ loo tun̄ yá̰a̰ gə̄ tə́ ō, róō ndujə̄ yá̰á̰ kə́ kotə majə gə̄ tə́ ō, dɔ loo ndɔ̄ȳ gə̄ tə́. I Yotam n rāā ta róbə́ kə́ dɔɔ́ kə́ tū kújə yā Kɔ́ɔ̄ɓē tə́ ní.

JEREMI 26:10

Dan ń de kə́ bo kə́ Juda tə́ gə̄ oōn̄ kōō yá̰á̰ gə̄ ń noō ní anī, nin̄ ḭḭn̄ kem kújə yā mban̄g tə́ aw̄ ndin̄ ta róbə́ kújə kə́ kijə yā Kɔ́ɔ̄ɓē tə́.

JEREMI 25:9

m-ā m-ə́la gō gír de kə́ mbɔ́r ɓē kə́ ko̰ó̰ tə́ gə̄ ō, m-ā m̄-ɓār̄ nge kəla yāḿ Nabukodonosor, mban̄g kə́ Babilon tə́ ō, yā reē sedə́ kadə̄ rɔ̄ɔ̄n̄ ɓē ń toō ō, de gə̄ ń ndin̄ kemeé ní ō, kadə̄ rɔ̄ɔ̄n̄ nápar de gə̄ ń ndin̄ kemeé ní ō, kadə̄ rɔ̄ɔ̄n̄ nápar de gə̄ malang ń gīrə̄n̄ gidə ní ō. M-ə̄ndādə́ dɔ jīḿ yā rāādə́ kadə̄ télən̄ ndágə loo kə́ to kum ko̰, kə́ de gə̄ a əgan̄ kɔŕ ɓōĺ dɔ tə́ ō, yá̰á̰ kə́ nujə sák sák kə́ njɔ́ḿ gə̄ tə́ ō.

JEREMI 1:15

M-ā m̄-ɓāŕ gír kaa gə̄ malang yā ɓē ko̰o̰ gə̄ kə́ mbɔ́r ɓē kə́ ko̰ó̰ tə́. Najə̄ ń Kɔ́ɔ̄ɓē əda ní n noó. Nin̄ a reēn̄ yā tə́ndā kōr̄ kāgə̄ mban̄g yādə́ gə̄ ta róbə́ gə̄ kə́ yā kudə ń kə̄ Jerusalem tə́, ta ndogə̄ gə̄ kə́ kəndā kə mbalá adə̄ gīr̄ gidə tə́ ō, ta ɓē bo gə̄ kə́ Juda tə́ malang ō.

2 YÁ̰A̰ GƏ̄ 27:3

I Yotam n rāā ta róbə́ kə́ dɔɔ́ kə́ tū kújə yā Kɔ́ɔ̄ɓē tə́ ō, kújə gə̄ kə́ tū ndogə̄ mbal̄ kə́ Opel tə́ ō ní.

2 YÁ̰A̰ GƏ̄ 4:1

Rāān̄ loo tun̄ yá̰á̰ kógə̄ḿ kə gində̄ nə̄ngá kasaá. Ngālən i kíl deē kutə jōó ō, laan i kíl deē kutə jōó ō, ngālən kə́ kə̄ dɔɔ́ i kíl deē kutəō.

Teē Ngán Israel gə̄ 40:29

Əndā loo tun̄ yá̰á̰ ń kadə̄ róōn̄ yá̰á̰ kə́ tun̄ gə̄ dɔ tə́ ní ta róbə́ kújə́ tə́ ndágá, ba ndējə̄ yá̰a̰ tun̄ kə́ róō ō, kōō ō, dɔ tə́, tītə̄ ń Kɔ́ɔ̄ɓē ədanneé ní.

EJEKIEL 9:3

Anī kɔsə gɔn yā Nə́ɓā yā Israel ń i dɔɔ́ dɔ Serubḛ gə̄ tə́ ní, ḭḭ aw̄ kum kə̄ ta róbə́ kə́ yā kudəń kə̄ kem kújə yā Kɔ́ɔ̄ɓē tə́ tə́. Loo ń noō tə́ Kɔ́ɔ̄ɓē ɓāŕ deē ń o̰ō̰ kūbə̄ lḛ́ḛ ba do̰ō̰ bar ndang yá̰a̰ tū ndāŕ kə́ ɓōdə̄n tə́ ní,

EJEKIEL 9:11

Kum mbang ngeé ń noō tə́ ɓáa deē ń o̰ō̰ kūbə̄ lḛ́ḛ ō, ətō bar ndang najə̄ tū ndāŕ kə́ ɓōdə̄n tə́ ō ní, reē ɔjə Nə́ɓā gotə yá̰á̰ ní, əda na: Yá̰á̰ ń ə́dam̄ na kə m̄-rāā ní m̄-rāā kɔ̄ɔ́.

DANIEL 10:5

ba m-ɔ̄r̄ dɔḿ dɔɔ́ anī m-á̰a̰ deē kógə̄ḿ kə́ o̰ō̰ kūbə̄ lḛ́ḛ ō, əhɔ ɓōdə̄n kə kəlā kəhɔ ɓōdə̄ kə́ rāā kə lɔ́ŕ kə́ Upajə ō.

DANIEL 12:6

Dəjen̄ nge kūbə̄ lḛ́ḛ́ ń ra dɔ man̄ bā tə́ ní na ké yá̰á̰ kə́ to kɔr kum gə̄ ní ké gíŕdə́ a gān̄g i rə́ngáý tə́ wa.

JEREMI 4:6

Ə́laī dərapóo dɔɔ́ kum kə̄ Siyo̰. Āw̄ ī-ɓɔ̄ɔ̄ī rɔ̄sí, ī-lōōī dəba róbó. I yá̰á̰ kə́ to kum kaȳ aĺ n m̄-rāā kadə̄ ḭḭ dām̄ mbɔ́r ɓē kə́ ko̰ó̰ tə́ yā reē ní. Loo a nujə sák sák.

EJEKIEL 8:3

Ni-əla yá̰á̰ kógə̄ḿ kə́ to tītə̄ jīn beé əhɔń nənga. Anī loo ka̰a̰ yá̰á̰ kə́ ḭḭ rɔ̄ Nə́ɓā tə́ ngeé ń noō ní, Ndíl unəm̄ aw̄ seḿ ɓōdə̄ loo tə́, dɔ dán dɔ rā̰ nin̄ kə dɔ nangaá tə́, ba aw̄ seḿ Jerusalem. Ta róbə́ kə́ dām̄ mbɔ́r ɓē kə́ ko̰ó̰ tə́ kə́ yā kudəń kə̄ kem ɓēé ní, m-á̰a̰ rɔ̄ḿ i kemeé, loo ń udən̄ ɓesə̄ tū tə́ ní tə́. Ɓesə̄ ní i ndū kə́ tájə̄n̄neé Nə́ɓā.

AMOS 9:1

M-á̰á̰ Kɔ́ɔ̄ɓē ra kə njan kə́ dɔɔ́ dɔ loo tun̄ yá̰á̰ tə́. Ni-əda na: Ī-tə́ndā dɔ kāgə̄ nga dan kə́ ngāl̄ ɓururu gə̄ ādə̄ gír gisədə́ gə̄ yéȳn̄. Ī-tétə̄də́ ādə̄ tə́sōn̄ dɔ de gə̄ tə́. Ré ngé kə́rēý gə̄ ndin̄ kə kumdə́ ɓáý anī, m-ā m̄-tɔ̄l̄də́ kə kaskaraá. De kə́ yā teē ka̰ȳ a gətóo ō, de kə́ yā ndi kə kumneé a gətóo ō.