EJEKIEL 8:9 - Bibəl ta Sar̄

⁹ Ni ədam̄ ɓáý to̰ na: Údə kemeé ba á̰a̰ loo. De gə̄ rāān̄ yá̰á̰ kə́ majaĺ ngá̰ý ō, kə́ to yḛr kum ō, loo ń toō tə́ laā.

Bible sar

⁹ Ni ədam̄ ɓáý to̰ na: Údə kemeé ba á̰a̰ loo. De gə̄ rāān̄ yá̰á̰ kə́ majaĺ ngá̰ý ō, kə́ to yḛr kum ō, loo ń toō tə́ laā.

EJEKIEL 8:9 Referans Kwoze

EJEKIEL 20:8

Banī kaasí gə̄ rāān̄ dɔ ngan̄g, nin̄ mbātə́n̄ koō najə̄ yāḿ. Ɓesə̄ kə́ majaĺ ngá̰ý gə̄ ń əsōn̄ kumdə́ ní, deē kógə̄ḿ dandə́ tə́ kə́ mbātə́də́ gətóo. Adə̄ ɓesə̄ gə̄ kə́ Ejiptə tə́ ní, deē kógə̄ḿ kə́ əya̰də́ kɔ̄ɔ́ gətóo. Loo ń noō tə́ m̄-gír̄ bə̄gā wōn̄g yāḿ kə́ ngá̰ý dɔdə́ tə́ dɔ nang kə́ Ejiptə tə́, kadə̄ wōn̄g yāḿ ní rāā kəla bátə́ ta tɔ̄l̄ ta tə́.

EJEKIEL 8:6

Ni-əda ɓáý to̰ na: Ḭ̄ ngōn̄ deē, á̰a̰ yá̰á̰ ń a rāān̄ noó a? Ngán Israel gə̄ rāān̄ yá̰á̰ kə́ majaĺ ngá̰ý loo ń toō tə́ laā yā kadə̄ m-ɔ̄rəń rɔ̄ḿ kɔ̄ɔ́ loo kə́ táĺ yāḿ tə́ ba m-āw̄ sa̰y ní a? Tá ā á̰á̰ yá̰á̰ kə́ rang kə́ majaĺ ngá̰ý gə̄ ɓáý to̰.

EJEKIEL 8:8

Nə́ɓā ədam̄ na: Ḭ̄ ngōn̄ deē, ī-mbutə kum loo tū ndogə̄ mbal̄ tə́. Dan ń m̄-mbutə kum loo anī, loo kə́ yā mānəń to.

EJEKIEL 8:10

M-údə kemeé anī, yá̰á̰ ń m-á̰a̰ā̰ ní ń toó: Rāān̄ lī gə̄ kə dā̰ gə̄ kə́ majə ka̰a̰də́ aĺ gə̄ kadə bɔr tə́ adə̄ gīr̄ gidəḿ. Rāān̄ nə́ɓā kə́ rɔ̄kum aĺ gə̄ malang yā ngán Israel gə̄ kadə bɔr tə́.