EJEKIEL 8:6 - Bibəl ta Sar̄

⁶ Ni-əda ɓáý to̰ na: Ḭ̄ ngōn̄ deē, á̰a̰ yá̰á̰ ń a rāān̄ noó a? Ngán Israel gə̄ rāān̄ yá̰á̰ kə́ majaĺ ngá̰ý loo ń toō tə́ laā yā kadə̄ m-ɔ̄rəń rɔ̄ḿ kɔ̄ɔ́ loo kə́ táĺ yāḿ tə́ ba m-āw̄ sa̰y ní a? Tá ā á̰á̰ yá̰á̰ kə́ rang kə́ majaĺ ngá̰ý gə̄ ɓáý to̰.

Bible sar

⁶ Ni-əda ɓáý to̰ na: Ḭ̄ ngōn̄ deē, á̰a̰ yá̰á̰ ń a rāān̄ noó a? Ngán *Israel gə̄ rāān̄ yá̰á̰ kə́ majaĺ ngá̰ý loo ń toō tə́ laā yā kadə̄ m-ɔ̄rəń rɔ̄ḿ kɔ̄ɔ́ *loo kə́ táĺ yāḿ tə́ ba m-āw̄ sa̰y ní a? Tá ā á̰á̰ yá̰á̰ kə́ rang kə́ majaĺ ngá̰ý gə̄ ɓáý to̰.

EJEKIEL 8:6 Referans Kwoze

EJEKIEL 5:11

I tām̄ ń toō tə́ ní, m̄-ndi kə kumḿ, i najə̄ yā Kɔ́ɔ̄ɓē Nə́ɓā. Tītə̄ ń ī-tákəń loo kə́ táĺ yāḿ kə yá̰á̰ kə́ majaĺ ngá̰ý gə̄ malang yāí ō, kə yá̰á̰ kə́ to nāsə̄ míndə gə̄ malang yāí ō ní, mā m-ā m-ɔ̄r̄ rɔ̄ḿ kɔ̄ɔ́ ō, kumḿ a o̰o̰m̄ aĺ ō, m-ā m-á̰a̰ kum to ndoō yāí aĺ ō.

EJEKIEL 10:19

Anī nin̄ jā̰ā̰n̄ bɔ̄gə̄də́ yā kɔr̄ dɔɔ́. M-á̰á̰də́ loo kḭḭ tə́ nang tə́ kum kə̄ dɔɔ́, naā tə́ kə nja púsə gə̄ ní. Kɔsə gɔn yā Nə́ɓā yā Israel ndə́lē dɔdə́ tə́ dɔɔ́. Nin̄ aw̄ dəban̄ ta róbə́ kə́ yā kudəń kə̄ kem kújə yā Kɔ́ɔ̄ɓē tə́ tə́, dām̄ kə́ gír ɓē tə́.

EJEKIEL 8:9

Ni ədam̄ ɓáý to̰ na: Údə kemeé ba á̰a̰ loo. De gə̄ rāān̄ yá̰á̰ kə́ majaĺ ngá̰ý ō, kə́ to yḛr kum ō, loo ń toō tə́ laā.

EJEKIEL 11:22

Loo ń noō tə́ Serubḛ gə̄ jā̰ā̰n̄ bɔ̄gə̄də́ ō, nja púsə gə̄ ní əlan̄ gíŕ ndɔ́tə̄ naā tə́ sedə́ ō. Kɔsə gɔn yā Nə́ɓā yā Israel ndə́lē dɔdə́ tə́ dɔɔ́.

EJEKIEL 8:14

Ni unəm̄, aw̄ seḿ kum kə̄ ta róbə́ kújə yā Kɔ́ɔ̄ɓē kə́ dām̄ mbɔ́r ɓē kə́ ko̰ó̰ tə́. Dəyá̰ gə̄ ndin̄ loo ní tə́, ba ndi a nōōn̄ i Tamujə.

JEREMI 32:34

Nin̄ tə́ndān̄ yá̰á̰ kə́ to yḛr gə̄ ń i ɓesə̄ yādə́ gə̄ ní kem kújə́ ń rīḿ ɓār̄ dɔ tə́ ní. Tām̄ ń toō tə́ ní, nin̄-rāān̄ beé adə̄ kújə́ ní téĺ kə́ yḛr.

JEREMI 26:6

yá̰á̰ ń m̄-rāā kə Silo ní, m-ā m̄-rāā kə kújə́ ń toō. M-ā m̄-rāā ɓē ń toō kadə̄ a téĺ yá̰á̰ kə́ nápar de gə̄ malang kə́ dɔ nang tə́ a ndɔ̄lə́n̄ naā kə rīneé.

JEREMI 23:11

Ngé koō ta gə̄ ō, ngé tun̄ yá̰a̰ gə̄ ō nujən̄ háĺdə́ adə̄ m-á̰a̰ kem ndul yādə́ kem kújə yāḿ tə́ gə̄gē. Najə̄ ń Kɔ́ɔ̄ɓē əda ní n noó.

JEREMI 7:30

De kə́ Juda tə́ gə̄ rāān̄ yá̰á̰ kə́ majaĺ kə́ nelə̄m̄ aĺ ngá̰ý tə́ndān̄ yá̰á̰ kə́ yḛr yādə́ gə̄ kem kújə́ ń rīḿ ɓār̄ dɔ tə́ ní tə́, adə̄ téĺ yá̰á̰ kə́ yḛr. Najə̄ ń Kɔ́ɔ̄ɓē əda ní ń noó.

JEREMI 7:17

Á̰á̰ yá̰á̰ ń nin̄ a rāān̄ kem ɓē gə̄ kə́ Juda tə́ ō, kum róbə kɔsə gə̄ kə́ Jerusalem tə́ ō ní aĺ a?

JEREMI 3:6

Ɓāl̄ ko̰o̰ ɓē yā mban̄g Josias tə́ ní Kɔ́ɔ̄ɓē ədam̄ na: Yá̰á̰ ń Israel nge túy taā kem rāā ní á̰a̰ā̰ a? Ni al̄ aw̄ rāā ájə́ba dɔ mbal̄ malang kə́ ngāl̄ gə̄ tə́ ō, gír kāgə̄ malang kə́ to mbōl̄ gə̄ tə́ ō.

Gōsə̄ najə̄ gə̄ 5:14

adə̄ na̰y i sḛ́ý anī yá̰á̰ kə́ to kum kaȳ aĺ kə́ ngá̰ý al̄ naā rāāī dan ngán Israel gə̄ tə́ ō ngé kán̄ naā gə̄ tə́ ō!

PĀ GƏ̄ 78:60

Ni əya̰ kújə́ kə́ Silo kɔ̄ɔ́, kújə tandā ń ni udə dan de gə̄ tə́ ní.

JEREMI 11:18

m̄-teē dɔ yá̰á̰ ń a nómə̄n̄ yā rāā sedə́ tə́ ní, dan ń Kɔ́ɔ̄ɓē rāā adə̄ m̄-ger̄ gō ō, m̄-ger̄ kum ō ní.

EJEKIEL 8:7

Ni un aw̄ seḿ ta róbə́ kə́ yā kudə tū tə́ kaw̄ń kə̄ ndágə loo kə́ gīr̄ gidə kújə yā Kɔ́ɔ̄ɓē tə́. Anī m-á̰a̰ bəlo kógə̄ḿ tū ndogə̄ mbal̄ tə́.

EJEKIEL 14:6

Adə̄ ə́dá ngán Israel na: Kɔ́ɔ̄ɓē Nə́ɓā dəjesí kadə̄ ī-tūrī háĺsí ba ə́ya̰ī ɓesə̄ yāsí gə̄ kɔ̄ɔ́ ō, ī-tūrī gidəsí kɔ̄ɔ́ ta yá̰a̰ rāāsí kə́ majaĺ ngá̰ý gə̄ tə́ ō.

EJEKIEL 18:12

əsa tətō ngé ndoō gə̄ ō, ngé rɔ̄ tō ndoō gə̄ ō, ɓogə de gə̄ ō, yá̰a̰ gə̄ ń de gə̄ adə̄nən̄ tə̄nānən̄neé yá̰á̰ ní, ni téləń adə̄ kɔ́ɔ̄n gə̄ gogə́ aĺ ō, ni-rāā kəla adə̄ nə́ɓā kə́ rɔ̄kum aĺ gə̄ ō, rāā yá̰á̰ kə́ majaĺ ngá̰ý gə̄ loo ń noō tə́ ō.

EJEKIEL 47:6

Ni ədam̄ na: Ḭ̄ ngōn̄ deē, á̰a̰ majə a? Ni-aw̄ seḿ ba tél reē seḿ gogə́ kadə man̄ ní tə́.

OJEE 5:6

Nin̄ sāān̄ Kɔ́ɔ̄ɓē i kə batə̄ yādə́ gə̄ ō, man̄g yādə́ gə̄ ō ń aw̄n̄ yā tɔ̄l̄ ba ndējə̄ ní. Banī nin̄ a əngenən̄ alé, tɔdɔ̄ ni əya̰də́ ba aw̄ sa̰y kɔ̄ɔ́.

2 YÁ̰A̰ GƏ̄ 29:5

ba ədadə́ na: Ngán Lebi gə̄, ōōī najə̄ ń m-ā m-ə́dásí ní: Ngɔlaā ní ī-tə́goī rɔ̄sí ō, ī-tə́goī kújə yā Kɔ́ɔ̄ɓē Nə́ɓā yā kaasí gə̄ ō. Yá̰a̰ kə́ yḛr gə̄ malang kə́ kem loo kə́ táĺ tə́ ní ɔ́yiī kɔ̄ɔ́ ō.

EJEKIEL 8:13

Nə́ɓā əda ɓáý to̰ na: Ā á̰a̰ kadə̄ nin̄ a rāān̄ yá̰á̰ kə́ rang gə̄ kə́ majaĺ ngá̰ý tītə̄ ń noō ɓáý to̰.

EJEKIEL 10:18

Kɔsə gɔn yā Kɔ́ɔ̄ɓē ndɔ́tə̄ kɔ̄ɔ́ ta kújə yā Kɔ́ɔ̄ɓē tə́ ba aw̄ ra dɔ Serubḛ gə̄ tə́.

EJEKIEL 11:23

Gō tə́ anī kɔsə gɔn yā Kɔ́ɔ̄ɓē ḭḭ kum kə̄ dɔɔ́ dan ɓēé ba aw̄ dəba dɔ mbal̄ bo tə́ dām̄ kə́ gír ɓē tə́.

EJEKIEL 43:8

Mban̄g gə̄ tə́ndān̄ ta róbə gə̄ kə́ yā kudəń kə̄ kem kújə ngol yādə́ gə̄ tə́ i kadə ta róbə́ kújə́ kə́ bo yāḿ tə́ ō, tə́ndān̄ kāgə̄ ta róbə́ kújə yādə́ gə̄ i kadə ta róbə́ kújə́ kə́ bo yāḿ tə́ ō, tə́ndān̄ kāgə̄ ta róbə́ kújə yādə́ gə̄ i kadə kāgə̄ ta róbə́ kújə́ kə́ bo yāḿ gə̄ tə́ ō. Ndogə̄ mbal̄ ń kēgə̄ kújə́ kə́ bo yāḿ naā tə́ kə kújə yādə́ ní i kógə̄ḿ beē. Nin̄ kídə̄n̄ rīḿ kə́ táĺ. Tɔdɔ̄ nin̄ rāān̄ yá̰á̰ kə́ majaĺ ngá̰ý gə̄. I tām̄ najə̄ ń toō tə́ n m̄-nujə sedə́ kɔ̄ɔ́ malang dan ń wōn̄g rāām̄ ní.