EJEKIEL 8:18 - Bibəl ta Sar̄

¹⁸ Adə̄ ta i yāḿ kadə̄ m̄-rāā yá̰a̰ sedə́ kə wōn̄g kə́ to ɓōĺ ngá̰ý. M-ā m-ə́yá̰də́ aĺ ō, kumḿ a o̰o̰m̄ sedə́ aĺ ō. Nin̄ a əgan̄ kɔŕ ngá̰ý yā ɓāŕməń kadə̄ m̄-dḭḭ̄də́, banī m-ā m-ōō ɓār̄ yādə́ alé.

Bible sar

¹⁸ Adə̄ ta i yāḿ kadə̄ m̄-rāā yá̰a̰ sedə́ kə wōn̄g kə́ to ɓōĺ ngá̰ý. M-ā m-ə́yá̰də́ aĺ ō, kumḿ a o̰o̰m̄ sedə́ aĺ ō. Nin̄ a əgan̄ kɔŕ ngá̰ý yā ɓāŕməń kadə̄ m̄-dḭḭ̄də́, banī m-ā m-ōō ɓār̄ yādə́ alé.

EJEKIEL 8:18 Referans Kwoze

MISE 3:4

I tām̄ najə̄ ń noō tə́ n dan ń nin̄ a əgan̄ kɔŕ kə̄ dɔ Kɔ́ɔ̄ɓē tə́ anī, ni a daldə́ aĺ ní. Kum mbang ngeé ń noō tə́ ní, ni a ɓɔ̄ɔ̄ ta kumən kɔ̄ɔ́ adə̄ nin̄ a a̰ā̰n̄ alé, najə̄ yá̰á̰ kə́ majaĺ gə̄ ń nin̄ rāān̄ tə́ ní.

JEREMI 11:11

I tām̄ ń toō tə́ n najə̄ ń Kɔ́ɔ̄ɓē əda ní n toó ní: M-ā m̄-rāā kadə̄ yá̰á̰ kə́ to kum kaȳ aĺ a reē dɔdə́ tə́ ō, nin̄ a asən̄ teē kum tə́ aĺ ō. A ɓārə́mə̄n̄ kadə̄ m̄-dḭḭ̄də́, ba m-ā m-ōō ndūdə́ alé.

IJAI 1:15

Loo ń ī-sə́raī jīsí yā ndɔ̄yń anī, m-ún kumḿ ta tə́ kɔ̄ɔ́. Ká ré ndɔ̄ȳ yāsí gə̄ i ngá̰ý gə̄gē anī, mā m-ōō alé, tām̄ jīsí i mósə malang.

JAKARI 7:13

adə̄ ni-əda na: Dan ń m̄-dəjedə́ kadə̄ oōn̄ taḿ anī, nin̄ mbātə́n̄ koō najə̄ yāḿ kɔ̄ɔ́. I beé n mā m̄-mbātə́nń koō najə̄ yādə́, dan ń nin̄ dəjen̄ kadə̄ m̄-rāā sédə́ ní.

Najə̄ kə́ Majə yā Jeju ń Luk ndang ní 13:25

Dan ń kɔ́ɔ̄ kújə a ḭḭ ba a utə̄ ta kújə kɔ̄ɔ́, tá kadə̄ sḭḭ̄ ń ā ī-raī gidə tə́ ndágá ní, ā ī-gógī ta kújə ba ā ə́daī na: Kɔ́ɔ̄ɓē, ī-teē ta kújə ādə̄jí tə́ ní anī, ni a ədasí na: Sḭḭ̄ i de kə́ rá gə̄ a mā m̄-ger̄ alé.

EJEKIEL 9:10

Adə̄ m-ā m-ə́yá̰də́ alé, kumḿ a o̰o̰m̄ tām̄ yādə́ tə́ alé. M-ā m̄-rāā kadə̄ yá̰á̰ kə́ majaĺ ń nin̄ rāān̄ ní tél əsō dɔdə́ nin̄ kɔ́ gə̄ tə́.

Gōsə̄ najə̄ gə̄ 1:28

Loo ń noō tə́ nin̄ a ɓāŕmə̄n̄, banī m-ā m̄-ndigədə́ aĺ ō, nin̄ a sāāmə̄n̄, banī a əngemə̄n̄ aĺ ō.

NAHUM 1:2

Kɔ́ɔ̄ɓē i Nə́ɓā kə́ nge rāā jang. Ni ənda madə̄ ba̰ā̰n gə̄ tām̄ yá̰a̰ rāādə́ kə́ gōtə́ aĺ tə́. Wōn̄g yān to ɓōĺ ngá̰ý. Ni ənda ngé rɔ̄ɔ̄ seneé gə̄ tām̄ yá̰a̰ rāādə́ kə́ gōtə́ aĺ tə́ ō, yá̰á̰ kə́ majaĺ ń nin̄ rāān̄ ní, dɔn ndígə̄nal aĺ ō.

EJEKIEL 24:13

Jerusalem, ḭ̄ i de kə́ yḛr tām̄ ī-rāā kaya. m̄-gḛy rāāī kadə̄ ūnjə̄ njáý njáý, banī ī-tél de kə́ ūnjə̄ njáý njáý alé. I beé ɓá ní, ré m-ə́ya̰ wōn̄g yāḿ kə́ ngá̰ý dɔɔ́ adə̄ rāā kəla bátə́ ta tɔ̄l̄ ta tə́ pá tá ā ūnjə̄ njáý njáý ɓáý. Ā ūnjə̄ kété no tə́ alé.

EJEKIEL 16:42

M-ā m̄-bə̄gā wōn̄g yāḿ kə́ ngá̰ý dɔí tə́ bátə́ ta tɔ̄l̄ ta tə́. Ba dan ń kum rāā jang yāḿ a gətóo anī, m-ā m̄-tél yā ndi jəke gogə́, wōn̄g a rāām̄ to̰ alé.

EJEKIEL 9:5

Gō tə́ anī m-ōō najə̄ ń Kɔ́ɔ̄ɓē əda gotə ɓūtə̄ de gə̄ ń na̰yn̄ ní, ni ədadə́ na: Ī-njə̄rāī gō deē ń noō tə́ kem ɓēé ba ī-tɔ̄lī de kə́ kemeé gə̄. Ī-lōōī kəya̰də́ ō, ādī kumsí o̰o̰sí tām̄ yādə́ tə́ aĺ ō.

JEREMI 14:12

Ré ndin̄ ɓō tām̄ yāḿ tə́ a, m-ā m-ōō nōō yādə́ alé. Ré ndējə̄mə̄n̄ dā̰ gə̄ kə́ yā róō horoó ō, yá̰a̰ ndējə̄ kə́ rang gə̄ ō anī, a nelə̄m̄ kə yá̰a̰ gə̄ ń noō alé. M-ā m̄-tɔ̄l̄də́ kə kaskaraá ō, kə ɓōó ō, kə mo̰y ngāl̄bɔ̄gīí ō, kadə̄ təgān̄.

IJAI 59:2

Banī i yá̰a̰ rāāsí kə́ gōtə́ aĺ gə̄ n dēsə́n̄ yá̰a̰ dɔ dáńsí tə́ kə Nə́ɓā yāsí ɔgə̄n̄neésí mān̄ ní. Ré ni tūr̄ gidən tasí tə́ yā ka̰a̰ńsí to̰ aĺ ō, yā koōń najə̄ yāsí to̰ aĺ ō anī, i tām̄ majaĺ yāsí gə̄ tə́.

IJAI 59:1

Kɔ́ɔ̄ɓē ní tɔ́gə jīn gətóó ngá̰ý al̄ naā á ni asə kajəsí aĺ alé, nge ń noō ní to i kə̄ dɔ ndágá kadə̄ i rɔ̄kum. Mbīn mbóó ngá̰ý á asə koō najə̄ yāsí aĺ alé.

JEREMI 23:39

á̰a̰ī m-ā m-ə́yá̰sí kɔ̄ɔ́ ō, m-ā m̄-tə̄ɓāsí kɔ̄ɔ́ ta kumḿ tə́ ō. M-ā m-ə́yá̰sí sḭḭ̄ ō, ɓē ń m-ādə̄sí ō, m-ādə̄ kaasí gə̄ ō ní kɔ̄ɔ́.

JEREMI 44:3

Tɔdɔ̄ nin̄ rāān̄ yá̰á̰ kə́ majaĺ, róōn̄ yá̰a̰ ndējə̄ gə̄ adə̄n̄ nə́ɓā kə́ rang gə̄ ń i ɓesə̄ gə̄ ní adə̄mə̄n̄neé wōn̄g. Ndɔ̄yə̄n̄ nə́ɓā gə̄ kə́ nin̄ gə̄gē sḭḭ̄ gə̄gē kaasí gə̄ gə̄gē ī-gerī gíŕdə́ alé.

JEREMI 44:6

Adə̄ m-bə̄gā wōn̄g yāḿ, wōn̄g kə́ ngá̰ý yāḿ, kadə̄ nujə ɓē gə̄ kə́ Juda ō, kə̄lá róbə gə̄ kə́ Jerusalem ō, tītə̄ hor kə́ o̰o̰ loo beé. Nin̄ télən̄ loo kə́ nujə sák sák kɔ̄ɔ́ gə̄ ō, loo kə́ yá̰a̰ gətóo tū tə́ gə̄ ō, yá̰á̰ ń rāā yá̰a̰ ngɔlaā ní n toó.

NŌŌ RƆ̄ 1:5

Ngé rɔ̄ɔ̄n gə̄ tetənə̄n̄ rɔ̄ɔ̄, madə̄ ba̰ā̰n gə̄ ndin̄ loo yādə́ majə, tɔdɔ̄ Kɔ́ɔ̄ɓē rāān adə̄ tɔ́gən gətóo najə̄ mbātə́ najə̄ yān kə́ ngá̰ý tə́. Ngé rɔ̄ɔ̄n gə̄ əhɔn̄ ngánən gə̄ adə̄ njə̄rān̄ kété nodə́ tə́ yā kaw̄ń sedə́ ɓəloó.

NŌŌ RƆ̄ 2:17

Kɔ́ɔ̄ɓē rāā yá̰á̰ ń núm̄ yā rāā ní. Ni-rāā yá̰á̰ ń əda najə̄n ní. Nujə kə looó sák sák kanjə̄ kadə̄ kumən o̰o̰n. Rāā adə̄ rɔ̄ madə̄ ba̰ā̰í nelə̄n dɔí tə́ ō, rāā adə̄ tɔ́gə́ ngé rɔ̄ɔ̄í gə̄ i ngá̰ý ō.

EJEKIEL 23:25

Ḭ̄ Oholiba, wōn̄g a rāām̄ seí. I tām̄ najə̄ ń noō tə́ n yá̰á̰ ń nin̄ a rāān̄ seí ní i kə dɔ́nɔ́ ní. Nin̄ a gāngə̄n̄ kóní ō, a gángə̄n̄ mbīí gə̄ ō. A tɔ̄lə̄n̄ gotə de kə́ kem ɓēé gə̄ ń a na̰yn̄ ní kə kaskaraá ō, a ɔyn̄ ngání kə́ dəngam gə̄ ō kə́ dəyá̰ gə̄ ō, ngé gə̄ ń a ndin̄ kə kumdə́ ɓáý ní, a əlan̄ hor dɔdə́ tə́ kadə̄ hor o̰o̰də́ ō.

JAKARI 1:2

Ni mērə̄n kəda ngán Israel gə̄ najə̄ ń toō, əda na: Yá̰á̰ ń Kɔ́ɔ̄ɓē kə́ bo kə́ tɔ́gən i ngá̰ý əda kadə̄ i rɔ̄kum ní n toó: Wōn̄g rāām̄ ngá̰ý kə kaasí gēé. Banī ī-tél ī-reēī kə̄ rɔ̄ḿ mā Kɔ́ɔ̄ɓē tə́, anī m-ā m̄-tél yā kaw̄ kə̄ rɔ̄sí tə́. I Kɔ́ɔ̄ɓē kə́ bo kə́ tɔ́gən i ngá̰ý ń əda najə̄ ń noō ní.

1 SAMUEL 8:18

Ndɔ̄ ń noō tə́ ā ī-nōōī najə̄ yā mban̄g ń ī-gə̄rāī tə́ ní, banī Kɔ́ɔ̄ɓē a dalsí alé.