EJEKIEL 8:17 - Bibəl ta Sar̄

¹⁷ loo ń noō tə́ Nə́ɓā dəjem̄ najə̄, əda na: Ḭ̄ ngōn̄ deē, á̰á̰ yá̰á̰ ń noō a? Yá̰á̰ kə́ majaĺ ngá̰ý gə̄ ń de kə́ Juda tə́ gə̄ ń toō a rāān̄ laā ní asədə́ aĺ ɓáý. Nin̄ ran̄ dɔ tə́ noō rāān̄ adə̄ yá̰a̰ rāā kə́ kə dɔ́nɔ́ taā loo kem ɓēé ō, rāān̄ yá̰a̰ malang yā kadə̄məń wōn̄g ō. Ngɔlaā nin̄ a ndɔ́tə̄n̄ i kə ta jī kāgāá kə̄ ta kóńdə́ tə́ ngɔr.

Bible sar

¹⁷ loo ń noō tə́ Nə́ɓā dəjem̄ najə̄, əda na: Ḭ̄ ngōn̄ deē, á̰á̰ yá̰á̰ ń noō a? Yá̰á̰ kə́ majaĺ ngá̰ý gə̄ ń de kə́ *Juda tə́ gə̄ ń toō a rāān̄ laā ní asədə́ aĺ ɓáý. Nin̄ ran̄ dɔ tə́ noō rāān̄ adə̄ yá̰a̰ rāā kə́ kə dɔ́nɔ́ taā loo kem ɓēé ō, rāān̄ yá̰a̰ malang yā kadə̄məń wōn̄g ō. Ngɔlaā nin̄ a ndɔ́tə̄n̄ i kə ta jī kāgāá kə̄ ta kóńdə́ tə́ ngɔr.

EJEKIEL 8:17 Referans Kwoze

EJEKIEL 9:9

Anī ni-tél ədam̄ na: Majaĺ yā ɓē ko̰o̰ kə́ Israel tə́ ō, kə́ Juda tə́ ō i ngá̰ý al̄ naā. Mósə taā loo kem ɓēé ō, yá̰a̰ rāā kə́ gōtə́ aĺ taā loo kem ɓēé ń toō tə́ ō. De gə̄ ədan̄ na Kɔ́ɔ̄ɓē na əya̰ ɓē kɔ̄ɔ́, Kɔ́ɔ̄ɓē na asə ka̰a̰ yá̰á̰ kógə̄ḿ alé.

EJEKIEL 7:23

Ī-rāā súĺ kógə̄ḿ, tɔdɔ̄ ngé tɔ̄l̄ de gə̄ taān̄ loo kem ɓēé ō, yá̰á̰ kə́ rāā kə dɔ́nɔ́ taā loo kem ɓēé ō.

MISE 2:2

Ré ndɔr̄ yā madə̄də́ gə̄ sə̄ngā kumdə́ anī, nin̄ taān̄ ndɔr̄ ní ō, ré gḛyn̄ i kújə yādə́ gə̄ anī, nin̄ táān̄ kújə gə̄ ní ō. Nin̄ ḭḭn̄ gúu dɔ de kə́ dəngam gə̄ tə́ ō, dɔ kojə yādə́ gə̄ tə́ ō, dɔ kɔ́ɔ̄ yá̰a̰ gə̄ tə́ ō, táān̄ yá̰a̰ kənge yādə́ gə̄ dɔ gúú tə́ ō.

AMOS 3:10

Kɔ́ɔ̄ɓē əda na: Yá̰a̰ malang ń yá̰a̰ rāā kə́ kə dɔ́nɔ́ reēń ō, ɓogə reēń ō ní, ngé kə́rēý gə̄ kánə̄n̄ kə̄ dɔ naā tə́ kem kújə yādə́ kə́ majə gə̄ tə́. De gə̄ ń noō nin̄ gerə̄n̄ rāā yá̰á̰ kə́ rɔ̄kum alé.

JEREMI 6:7

Ni ngɔ̄m̄ kem ndul yān tītə̄ ń bəlo man̄ a ngɔ̄məń man̄ ní. ɓēé looneé ní a ɔrə̄n̄ i najə̄ rāā yá̰á̰ kə gúú ō, kɔy yá̰a̰ yā de gə̄ loo ɓogə tə́ ō ngóy. Wur kɔl ō, yá̰á̰ kə́ tōr̄ gə̄ ō ń m-á̰a̰ā̰ dejə ní adə̄mə̄n̄ rɔ̄nel̄ alé.

SOPONI 1:9

Ndɔ̄ ń noō tə́ ní, m-ā m̄-rāā yá̰á̰ kógə̄ḿ kə de gə̄ malang ń a gə̄lān̄ dɔ kāgə̄ kə́ ta kújə́ tə́ ní. De gə̄ malang ń rāān̄ adə̄ kem kújə yā kɔ́ɔ̄də́ gə̄ rosə kə yá̰a̰ kənge gə̄ kə́ nin̄ əngen̄ i kə ta kūl̄ yá̰a̰ rāā kə́ kə dɔ́nɔ́ ō, kə ta kūl̄ soró ō ní, m-ā m̄-rāā yá̰á̰ kógə̄ḿ sedə́ ō.

MISE 6:12

Ngé kənge yá̰á̰ kə́ kem ɓē bo ń toō tə́ gə̄ a əsan̄ i tətō ngé ndoō gə̄. De gə̄ ń ndin̄ kemeé ní, nin̄ i ngé sor̄ gə̄. Nin̄ teēn̄ tadə́ a ngól̄nəń i loo.

AMOS 6:3

Sḭḭ̄ ī-sāāī ndɔ́tə̄ kə ndɔ̄ yá̰á̰ kə́ to kum kaȳ aĺ kə̄ gogə́. Banī sḭḭ̄ ī-rāāī ādə̄ ndɔ̄ yá̰a̰ rāā kə́ kə dɔ́nɔ́ reē.

EJEKIEL 16:26

Ḭ̄ ī-rāā ájə́ba kə de kə́ Ejiptə tə́ gə̄ ń i madə̄ ɓēí gə̄ kə́ rɔ̄də́ majə ngá̰ý ní ō, ī-rāā ájə́ba ní al̄ naā adə̄məń wōn̄g ngá̰ý ō.

EJEKIEL 11:6

Sḭḭ̄ ī-tɔ̄lī de gə̄ ngá̰ý kem ɓē ń toō tə́, ī-rāāī ādə̄ nīń de gə̄ táā loo kum róbə kɔsə gə̄ tə́.

EJEKIEL 7:11

Yá̰a̰ rāā kə́ kə dɔ́nɔ́ to i tītə̄ sálang kāgə̄ kə́ kun kə̄ dɔɔ́ yā kəndań deē beé. Yá̰á̰sí kə́ a teē a gətóo, yá̰a̰ kənge yāsí a teē aĺ ō, kutəsí a teē aĺ ō, deē a ɔsə gɔnsí to̰ aĺ ō.

JEREMI 20:8

Ré najə̄ to kadə̄ m-ə́da ɓá anī i gáŕ kadə̄ m̄-ɓāríī kadə̄ ī-diīm̄ ō, kadə̄ m-ə́ga kɔŕ ō, na dɔ́nɔ ō, dəngáy ō rāām̄ ngá̰ý. Tɔdɔ̄ tájə̄ ndū ō, lur loo ō, asəm̄ nák gír najə̄ yā Kɔ́ɔ̄ɓē tə́ kə kum mbang gə̄ malang.

JEREMI 19:4

Tɔdɔ̄ əya̰mə̄n̄ kɔ̄ɔ́, nin̄ rāān̄ loo ń toō adə̄ tél to rim kɔ̄ɔ́. Róōn̄ yá̰a̰ ndējə̄ gə̄ horoó tū tə́ adə̄n nə́ɓā kə́ rang gə̄ kə́ nin̄ kɔ́ gə̄ ō, kaadə́ gə̄ ō, mban̄g kə́ Juda tə́ gə̄ ō gerə̄n̄də́ alé. Ɓōkə́n̄ mósə ngán gə̄ kə́ najə̄ gətóo dɔdə́ tə́ gə̄ nang tə́ adə̄ taā loo ní.

2 MBAN̄G 24:4

ni tɔ̄l̄ de kə́ kanjə̄ najə̄ dɔdə́ tə́ ngá̰ý adə̄ majaĺ i ngá̰ý kem ɓē kə́ Jerusalem tə́. I tām̄ najə̄ ń noō tə́ n Kɔ́ɔ̄ɓē gḛyń mā̰ȳ rɔ̄n aĺ ní.

2 MBAN̄G 21:16

Mban̄g Manase tɔ̄l̄ de kə́ kanjə̄ najə̄ dɔdə́ tə́ gə̄ i ngá̰ý, adə̄ mósə taā loo kem ɓē kə́ Jerusalem tə́ malang. Majaĺ ń noō əsō dɔ majaĺ ń ni sə̄lā de kə́ Juda gə̄ adə̄ rāān̄ ní tə́. Ni sə̄lādə́ adə̄ rāān̄ yá̰á̰ kə́ majaĺ ta kum Kɔ́ɔ̄ɓē tə́.

TA KƏLA 6:13

Anī ni-əda Noe na: m̄-gḛy kadə̄ gír yā de gə̄ gān̄g kɔ̄ɔ́, tɔdɔ̄ yá̰á̰ kə́ rāā kə dɔ́nɔ́ al̄ naā ngá̰ý dɔ nang tə́, adə̄ m-ā m̄-nujədə́ kɔ̄ɔ́ ō, m-ā m̄-nujəń dɔ nang kɔ̄ɔ́ ō.

TA KƏLA 6:11

De kə́ dɔ nang tə́ gə̄ nujən̄ kɔ̄ɔ́ ta kum Nə́ɓā tə́. De gə̄ malang rāān̄ yá̰a̰ i kə dɔ́nɔ́.

JEREMI 44:3

Tɔdɔ̄ nin̄ rāān̄ yá̰á̰ kə́ majaĺ, róōn̄ yá̰a̰ ndējə̄ gə̄ adə̄n̄ nə́ɓā kə́ rang gə̄ ń i ɓesə̄ gə̄ ní adə̄mə̄n̄neé wōn̄g. Ndɔ̄yə̄n̄ nə́ɓā gə̄ kə́ nin̄ gə̄gē sḭḭ̄ gə̄gē kaasí gə̄ gə̄gē ī-gerī gíŕdə́ alé.

NŌŌ RƆ̄ 1:5

Ngé rɔ̄ɔ̄n gə̄ tetənə̄n̄ rɔ̄ɔ̄, madə̄ ba̰ā̰n gə̄ ndin̄ loo yādə́ majə, tɔdɔ̄ Kɔ́ɔ̄ɓē rāān adə̄ tɔ́gən gətóo najə̄ mbātə́ najə̄ yān kə́ ngá̰ý tə́. Ngé rɔ̄ɔ̄n gə̄ əhɔn̄ ngánən gə̄ adə̄ njə̄rān̄ kété nodə́ tə́ yā kaw̄ń sedə́ ɓəloó.

EJEKIEL 8:6

Ni-əda ɓáý to̰ na: Ḭ̄ ngōn̄ deē, á̰a̰ yá̰á̰ ń a rāān̄ noó a? Ngán Israel gə̄ rāān̄ yá̰á̰ kə́ majaĺ ngá̰ý loo ń toō tə́ laā yā kadə̄ m-ɔ̄rəń rɔ̄ḿ kɔ̄ɔ́ loo kə́ táĺ yāḿ tə́ ba m-āw̄ sa̰y ní a? Tá ā á̰á̰ yá̰á̰ kə́ rang kə́ majaĺ ngá̰ý gə̄ ɓáý to̰.

EJEKIEL 18:12

əsa tətō ngé ndoō gə̄ ō, ngé rɔ̄ tō ndoō gə̄ ō, ɓogə de gə̄ ō, yá̰a̰ gə̄ ń de gə̄ adə̄nən̄ tə̄nānən̄neé yá̰á̰ ní, ni téləń adə̄ kɔ́ɔ̄n gə̄ gogə́ aĺ ō, ni-rāā kəla adə̄ nə́ɓā kə́ rɔ̄kum aĺ gə̄ ō, rāā yá̰á̰ kə́ majaĺ ngá̰ý gə̄ loo ń noō tə́ ō.

EJEKIEL 23:25

Ḭ̄ Oholiba, wōn̄g a rāām̄ seí. I tām̄ najə̄ ń noō tə́ n yá̰á̰ ń nin̄ a rāān̄ seí ní i kə dɔ́nɔ́ ní. Nin̄ a gāngə̄n̄ kóní ō, a gángə̄n̄ mbīí gə̄ ō. A tɔ̄lə̄n̄ gotə de kə́ kem ɓēé gə̄ ń a na̰yn̄ ní kə kaskaraá ō, a ɔyn̄ ngání kə́ dəngam gə̄ ō kə́ dəyá̰ gə̄ ō, ngé gə̄ ń a ndin̄ kə kumdə́ ɓáý ní, a əlan̄ hor dɔdə́ tə́ kadə̄ hor o̰o̰də́ ō.

EJEKIEL 28:16

Gātə̄ yāí tél gātə̄ kə́ bo. I nge ń noō n rāāī adə̄ údə kem rāā yá̰a̰ kə dɔ́nɔ́ tə́ ní, adə̄ ī-rāā yá̰á̰ kə́ majaĺ. Loo ń noō tə́ m̄-tə̄ɓāī kɔ̄ɔ́ dɔ mbal̄ yāḿ tə́, ba m-ə̄ndāī dan de kə́ karī gə̄ tə́. Ḭ̄ ń i Serubḛ kə́ nge ngɔ̄m̄ loo ní, m-ā m̄-tə̄ɓāī kɔ̄ɔ́ dan mbal̄ kə́ ndə́lē ngá̰ý gə̄ tə́.

EJEKIEL 45:9

Najə̄ ń Kɔ́ɔ̄ɓē Nə́ɓā əda ní n toó: Sḭḭ̄ ngār kə́ Israel tə́, nge ń noō asə beé! Ī-dəbaī ta rāā yá̰a̰ kə dɔ́nɔ́ ō, ī-dəbaī ta kɔy yá̰a̰ yā de gə̄ dɔ gúú tə́ ō! Ī-ɓōlíī gidə ndū najə̄ gə̄ ō, yá̰a̰ rāā kə́ gōtə́ ō, adə̄ asəsí ɓogə yá̰a̰ kənge gə̄ yā gír deē yāḿ gə̄! I mā Kɔ́ɔ̄ɓē Nə́ɓā n m-ə́dásí yá̰á̰ ń noō kadə̄ ī-rāāī ní.