EJEKIEL 8:16 - Bibəl ta Sar̄

¹⁶ Loo ń noō tə́ ni unəm̄ aw̄ seḿ kum kə̄ ndágə loo kə́ gīr̄ gidə kújə yā Kɔ́ɔ̄ɓē kə́ kem kújə yā Kɔ́ɔ̄ɓē tə́. De kə́ dəngam gə̄ kə́ asən̄ kutə jōó gidə i mí ń noō ndin̄ ta róbə́ kə́ yā kudəń kə̄ kem loo kə́ táĺ tə́, dɔ dáń ngōn̄ kújə́ kə́ ta róbə́ tə́ kə loo tun̄ yá̰á̰ tə́. Nin̄ tūrə̄n̄ gidədə́ adə̄n̄ loo kə́ táĺ ba ɔsən̄ kejədə́ nang tə́ ō, ɔsən̄ nodə́ nang tə́ ō, kumdə́ sɔɔ̄ gír ɓē, yā rɔȳń mbang.

Bible sar

¹⁶ Loo ń noō tə́ ni unəm̄ aw̄ seḿ kum kə̄ ndágə loo kə́ gīr̄ gidə kújə yā Kɔ́ɔ̄ɓē kə́ kem *kújə yā Kɔ́ɔ̄ɓē tə́. De kə́ dəngam gə̄ kə́ asən̄ kutə jōó gidə i mí ń noō ndin̄ ta róbə́ kə́ yā kudəń kə̄ kem *loo kə́ táĺ tə́, dɔ dáń ngōn̄ kújə́ kə́ ta róbə́ tə́ kə *loo tun̄ yá̰á̰ tə́. Nin̄ tūrə̄n̄ gidədə́ adə̄n̄ *loo kə́ táĺ ba ɔsən̄ kejədə́ nang tə́ ō, ɔsən̄ nodə́ nang tə́ ō, kumdə́ sɔɔ̄ gír ɓē, yā rɔȳń mbang.

EJEKIEL 8:16 Referans Kwoze

NDŪ NAJƏ̄ 4:19

Ī-lōōī kənī kumsí kə̄ dɔɔ́ ka̰a̰ń mbang ō, nāā ō, tə́yō̰ gə̄ ō, ɓūtə̄ yá̰a̰ gə̄ kə́ dɔ rā̰ tə́ malang ō, ba kəya̰ rɔ̄sí kadə̄ gólə̄n̄sí kadə̄ ɔ́siī nosí nang tə́ nodə́ tə́ ō, ī-rāāī kəla ādīdə́ ō. Tɔdɔ̄ háĺ yá̰a̰ rāā kə́ tītə̄ ń noō ní, Kɔ́ɔ̄ɓē Nə́ɓā yāsí adə̄ i gír de kə́ rang gə̄ malang ń ndin̄ dɔ nang tə́ ní.

JEREMI 32:33

nin̄ tūrə̄n̄ i gə́ra gōdə́ n adə̄mə̄n̄ ní ba i nɔtə nodə́ alé. m̄-ndóōdə́ yá̰a̰ kanjə̄ kɔr ta tə́ gə̄gē, ba nin̄ əndān̄ mbīdə́ gírí aĺ ō, ndigən̄ yá̰a̰ gə̄ ń m̄-ndóōdə́ ní aĺ ō.

NDŪ NAJƏ̄ 17:3

adə̄ rāā kəla adə̄ i ɓesə̄ gə̄ ō, ɔsə i non nang tə́ nodə́ tə́ ō, no mbang tə́ ō, no nāā tə́ ō, tə́yō̰ gə̄ malang kə́ dɔ rā̰ tə́ tə́ ō, ndɔ̄yńdə́, nge ń noō ń i yá̰á̰ kə́ m-ə́daī kadə̄ ī-rāā aĺ ní,

EJEKIEL 11:1

Ndíl Kɔ́ɔ̄ɓē unəm̄ nang tə́ kum kə̄ dɔɔ́, ba aw̄ seḿ ta kújə yā Kɔ́ɔ̄ɓē kə́ dām̄ kə́ gír ɓēé tə́. De kə́ dəngam gə̄ kutə jōó gidə i mí ndin̄ ta róbə́ tə́. M-á̰a̰ ngār gə̄ yā ngán Israel gə̄ jōó dandə́ tə́ m̄-ger̄də́. I Yajania kə́ ngōn̄ Ajur ō, Pelatia kə́ ngōn̄ Benaya ō.

JEREMI 2:27

Nin̄ ədan̄ kāgə̄ na: Ḭ̄ i bɔbə́ḿ, nin̄ ədan̄ mbal̄ na: I ḭ̄ n ójəm̄. Rɔ̄kum, nin̄ tūrə̄n̄ i gə́ra gōdə́ n ɔjəmə̄n̄ ba i nɔtə nodə́ alé. Ba dan nəkɔ́ ń yá̰á̰ kə́ to kum tō ndoō teē dɔdə́ tə́ anī, nin̄ ədamə̄n̄ na: Ḭ́ḭ dɔɔ́, ájə́jí!

JOEL 2:17

Ādə̄ ngé tun̄ yá̰a̰ gə̄ ń i de kə́ bo gə̄ yā Kɔ́ɔ̄ɓē ní ran̄ mbənā ngōn̄ kújə́ kə́ ta róbə́ tə́ kújə yā Kɔ́ɔ̄ɓē tə́ kə loo tun̄ yá̰a̰ ba nōōn̄ tə́. Ādə̄ ədan̄ na: Kɔ́ɔ̄ɓē, á̰a̰ kum tō ndoō yā gír deē yāí gə̄. Ī-lōō rāā kadə̄ yá̰á̰ kə́ to rɔ̄sɔl̄ ə̄sō dɔ yá̰a̰ kənge yāí tə́, yā kadə̄ nápar de gə̄ lúrən̄də́. I tām̄ rí tə́ á de gə̄ ədan̄ dan gír nápar de gə̄ tə́ na Nə́ɓā yādə́ i rá ní?

EJEKIEL 43:5

Ndíĺ Nə́ɓā unəm̄ dɔɔ́ ba aw̄ seḿ ndágə loo kə́ gīr̄ gidə kújə yā Kɔ́ɔ̄ɓē kə́ kemeé tə́. M-á̰a̰ kadə̄ kɔsə gɔn yā Kɔ́ɔ̄ɓē taā loo kem kújə yā Kɔ́ɔ̄ɓē tə́.

EJEKIEL 45:19

Nge tun̄ yá̰a̰ a taā mósə dā̰ ní yā rāā ta róbə́ kújə yā Kɔ́ɔ̄ɓē tə́, adə̄ i tū kāgə̄ tan gə̄ kə́ dɔɔ́ tə́ ō, ta loo tun̄ yá̰á̰ tə́ tū kílən kə́ sɔ́ gə̄ tə́ ō, tū kāgə̄ ta róbə gə̄ yā ndágə loo kə́ gīr̄ gidə kújə yā Kɔ́ɔ̄ɓē kə́ kemeé tə́ ō.

EJEKIEL 40:28

Gō tə́ anī, deē ní mān̄ seḿ kə ta róbə́ kə́ dām̄ mbɔ́r ɓē kə́ geleé tə́, ba aw̄ seḿ ndágə loo kə́ gīr̄ gidə kújə yā Kɔ́ɔ̄ɓē kə́ kemeé tə́. Ni mbɔ̄jə́ ta róbə́ ní, anī asən̄ naā kə ngé kə́ tū ndogə̄ mbal̄ kə́ ndágá tə́.

EJEKIEL 10:3

Kum mbang ngeé ń noō tə́ ní, Serubḛ gə̄ i kem kújə yā Kɔ́ɔ̄ɓē tə́, dām̄ kə́ ko̰ó̰ tə́ ō, ndágə loo kə́ gīr̄ gidə kújə yā Kɔ́ɔ̄ɓē kə́ kemeé tə́ ní, sa taā loo malang tū tə́ ō.

JEREMI 44:17

J-a jə-rāā yá̰a̰ malang ń j-ənī ndūjí yā rāā ní, adə̄ i róō yá̰a̰ ndējə̄ gə̄ yā kadə̄ Mban̄g kə́ dəyá̰ kə́ dɔ rā̰ tə́ ō, i tə́te kasə nang tə́ kadə̄n ō, tītə̄ ń jḭḭ kɔ́ gə̄ ō, kaají gə̄ ō, mban̄g yājí gə̄ ō, de kə́ bo yājí gə̄ ō jə-rāań kem ɓē gə̄ kə́ Juda tə́ ō, dɔ kə̄lá róbə gə̄ kə́ Jerusalem tə́ ō, j-əsań yá̰a̰ adə̄ ndān̄ kemjí ō, jə-ndi majə kanjə̄ kadə̄ yá̰á̰ kə́ to kum kaȳ aĺ rāājí ō.

2 YÁ̰A̰ GƏ̄ 29:6

Tɔdɔ̄ bɔbə̄jí gə̄ rāān̄ yá̰á̰ kə́ gōtə́ aĺ ō, rāān̄ majaĺ ta kum Kɔ́ɔ̄ɓē Nə́ɓā yājí tə́ ō, nin̄ əya̰nən̄ kɔ̄ɔ́, unən̄ kumdə́ kɔ̄ɔ́ ta kújə yān tə́ ō, tūrə̄n̄ gidədə́ adə̄nən̄ ō.

2 MBAN̄G 23:11

Ni-adə̄ sə́nda gə̄ ń mban̄g kə́ Juda gə̄ rāā tə́ndān̄ ta kújə yā Kɔ́ɔ̄ɓē tə́ yā ndɔ̄ȳń mbang ní gətóon̄ kɔ̄ɔ́. Sə́nda gə̄ ní ran̄ i kadə kújə yā Netan Melek ń i de kə́ tɔ̄ɔ̄n̄ gumən kɔ̄ɔ́ ní tə́. Ba kújə yā Netan Melek ní ra i kadə kújə madə̄ gə̄ ń əhɔn̄ ta naā kə kújə yā Kɔ́ɔ̄ɓēé ní tə́. Mban̄g Josias əla hor dɔ púsə yā mbang tə́ kɔ̄ɔ́.

2 MBAN̄G 23:5

Ngé tun̄ yá̰á̰ kə́ rɔ̄kum aĺ gə̄ ń mban̄g kə́ Juda gə̄ adə̄n̄ a tunə̄n̄ yá̰a̰ dɔ loo ndɔ̄ȳ gə̄ tə́ kem ɓē gə̄ kə́ Juda tə́ ō, kə gō gidə ɓē kə́ Jerusalem ō ní, mban̄g Josias tə̄ɓādə́ kɔ̄ɔ́. Ni-tə̄ɓā ngé róō ndujə̄ yá̰á̰ kə́ kotə majə gə̄ kadə̄ ɓesə̄ Baal ō, ɓesə̄ Mbang ō, ɓesə̄ Nāā ō, ɓesə̄ Tə́yō̰ gə̄ malang kə́ dɔ rā̰ tə́ ō.

EJEKIEL 23:35

I tām̄ najə̄ ń toō tə́ n yá̰á̰ ń m-ə́dá ní n toó ní, m-ə́da na: Jerusalem, dɔí ndígə̄naləḿ kɔ̄ɔ́ ō, ḭ̄ ə́ya̰m̄ kɔ̄ɔ́ ō. I beé ɓá ní, īkɔ́ ā ī-ndíbə̄ hor yá̰á̰ ń hálí kə́ to rɔ̄sɔl̄ adə̄ i háĺ ájə́ba reēń dɔí tə́ ní.

2 YÁ̰A̰ GƏ̄ 7:7

Salomo̰ ɔr̄ kam̄ ndágə loo kə́ danaá ń to ta kújə yā Kɔ́ɔ̄ɓē tə́ ní, tām̄ loo tun̄ yá̰á̰ kə́ rāā kə gində̄ nə̄ngá kasaá ń ni-rāā ní asə kadə̄ deē ɓōkə́ yá̰a̰ kə́ tun̄ gə̄ dɔ tə́ malang alé. Adə̄ mban̄g róō dā̰ gə̄ kə́ yā tun̄də́ kə taá malang ō, kōō kə́ ndējə̄ gə̄ ō, yibə̄ dā̰ gə̄ kə́ yā tun̄də́ tām̄ yā kem kógə̄ḿ tə́ gə̄ ō, i ndágə loo kə́ gīr̄ gidə kújə yā Kɔ́ɔ̄ɓē ní tə́.

2 MBAN̄G 16:14

Gō tə́ anī ndɔ́tə̄ kə loo tun̄ yá̰á̰ kə́ rāā kə gində̄ nə̄ngá kasaá ń ra no Kɔ́ɔ̄ɓē tə́ ní kɔ̄ɔ́. Kété ní loo tun̄ yá̰á̰ ní ra i ta róbə́ kújə́ tə́, dɔ dán loo tun̄ yá̰á̰ kə́ kijə tə́ kə kújə yā Kɔ́ɔ̄ɓēé tə́. Ba ni ndɔ́təń aw̄ əndā gidə loo tun̄ yá̰á̰ kə́ kijə tə́, dām̄ mbɔ́r ɓē kə́ ko̰ó̰ tə́.

1 MBAN̄G GƏ̄ 8:29

Á̰á̰ kújə́ ń toō kə kumií kə́ majaá ndɔ̄ɔ́ ō, kadaá ō. Ādə̄ kumií i kə̄ dɔ loo ń ə́da na rīí na a ɓār̄ dɔ tə́ ní tə́. Ōō ndɔ̄ȳ ń nge kəla yāí a ndɔ̄yī loo ń toō tə́ laā ní.

EJEKIEL 8:15

Anī ni dəjem̄ najə̄ əda na: Ḭ̄ ngōn̄ deē, á̰á̰ yá̰á̰ ń noō majə a? Ā á̰á̰ yá̰a̰ gə̄ kə́ majən̄ tɔȳ ngé gə̄ ń toō ɓáý.

EJEKIEL 23:39

Tām̄ ndɔ̄ ń nin̄ tə́ngānəń ngáńdə́ kə́ dəngam gə̄ adə̄n̄ nə́ɓā yādə́ kə́ rɔ̄kum aĺ gə̄ tə́ ní, nin̄ udən̄ kem loo kə́ táĺ yāḿ tə́, udən̄ kem kújə yāḿ tə́, nin̄ rāān̄ kújə yāḿ i yá̰á̰ kə́ karī tə́.

EJEKIEL 40:6

Ni-aw̄ ta róbə́ ń deē ra kújə yā Kɔ́ɔ̄ɓē tə́ anī i kə̄ dām̄ kə́ gír ɓē tə́ ní. Ni al̄ dɔ loo kəndā nja kə́ yā kalə̄ń kə̄ dɔɔ́ tə́. Gō tə́ anī ni mbɔ̄jə́ ngāl̄ loo ní, malang ɓáa i kíl deē mehḛ́.

EJEKIEL 43:8

Mban̄g gə̄ tə́ndān̄ ta róbə gə̄ kə́ yā kudəń kə̄ kem kújə ngol yādə́ gə̄ tə́ i kadə ta róbə́ kújə́ kə́ bo yāḿ tə́ ō, tə́ndān̄ kāgə̄ ta róbə́ kújə yādə́ gə̄ i kadə ta róbə́ kújə́ kə́ bo yāḿ tə́ ō, tə́ndān̄ kāgə̄ ta róbə́ kújə yādə́ gə̄ i kadə kāgə̄ ta róbə́ kújə́ kə́ bo yāḿ gə̄ tə́ ō. Ndogə̄ mbal̄ ń kēgə̄ kújə́ kə́ bo yāḿ naā tə́ kə kújə yādə́ ní i kógə̄ḿ beē. Nin̄ kídə̄n̄ rīḿ kə́ táĺ. Tɔdɔ̄ nin̄ rāān̄ yá̰á̰ kə́ majaĺ ngá̰ý gə̄. I tām̄ najə̄ ń toō tə́ n m̄-nujə sedə́ kɔ̄ɔ́ malang dan ń wōn̄g rāām̄ ní.

EJEKIEL 46:1

Najə̄ ń Kɔ́ɔ̄ɓē Nə́ɓā əda ní n toó: Kem ndɔ̄ kə́ mehḛ́ gə̄ ń de gə̄ a rāānəń kəla tə́ ní, ta róbə́ ndágə loo kə́ gīr̄ gidə kújə yā Kɔ́ɔ̄ɓē kə́ kemeé ń ra kə̄ dām̄ kə́ gír ɓē tə́ noō, a ra i kə kutú. Ba a teēn̄ ta i ndɔ̄ sabat tə́ ō, ndɔ̄ teē nāā tə́ ō.

2 MBAN̄G 21:5

Ni-rāā loo tun̄ yá̰a̰ gə̄ kə́ yā tunə̄ń yá̰a̰ kadə̄ tə́yō̰ gə̄ malang kə́ dɔ rā̰ tə́ ndágə loo kə́ gīr̄ gidə kújə yā Kɔ́ɔ̄ɓē kə́ jōó gə̄ kə́ ta kújə yā Kɔ́ɔ̄ɓē tə́.

JEREMI 7:18

Ngán gə̄ ɔyn̄ kīr̄ ō, bɔbə̄də́ gə̄ unjə̄n̄ hor ō, dəyá̰ gə̄ ló̰ȳn̄ ndujə̄ ō yā rāań mápá kə́ kə yibīí yā kadə̄ Mban̄g kə́ dəyá̰ kə́ dɔ rā̰ tə́. Sḭḭ̄ ī-téteī kasə nang tə́ ādī nə́ɓā kə́ rang gə̄ ādə̄mīneé wōn̄g.

JEREMI 8:2

A ɓōkə́n̄də́ kum mbang tə́ ō, nāā ndaá ō, ta kum kɔýyo̰ gə̄ tə́ ō. I yá̰a̰ gə̄ ń nin̄ tárən̄də́ ō, rāān̄ kəla adə̄n̄də́ ō, unən̄ gōdə́ ō, aw̄n̄ koō tadə́ tə́ ō, əsōn̄ kə̄ nang tə́ nodə́ tə́ rɔȳn̄də́ ō ní. De gə̄ a kánə̄n̄ kə̄ngā gə̄ ń toō yā dubə̄ alé, a télən̄ i yedə̄ yá̰a̰ dɔ nang tə́.

EJEKIEL 7:23

Ī-rāā súĺ kógə̄ḿ, tɔdɔ̄ ngé tɔ̄l̄ de gə̄ taān̄ loo kem ɓēé ō, yá̰á̰ kə́ rāā kə dɔ́nɔ́ taā loo kem ɓēé ō.