EJEKIEL 8:12 - Bibəl ta Sar̄

¹² Nə́ɓā ədam̄ na: Ḭ̄ ngōn̄ deē, yá̰á̰ ń kum kɔɔ̄ gə̄ yā ngán Israel gə̄ ndi a rāān̄ loo ɓɔ̄ɔ̄ rɔ̄ tə́, nin̄ kógə̄ḿ kógə̄ḿ kə̄ loo yādə́ gə̄ tə́ kə̄ no ɓesə̄ yādə́ gə̄ tə́ ní á̰a̰ā̰ a? Nin̄ ədan̄ na Kɔ́ɔ̄ɓē na asə ka̰a̰də́ alé, Kɔ́ɔ̄ɓē na mbātə́ ɓē kɔ̄ɔ́.

Bible sar

¹² Nə́ɓā ədam̄ na: Ḭ̄ ngōn̄ deē, yá̰á̰ ń *kum kɔɔ̄ gə̄ yā ngán *Israel gə̄ ndi a rāān̄ loo ɓɔ̄ɔ̄ rɔ̄ tə́, nin̄ kógə̄ḿ kógə̄ḿ kə̄ loo yādə́ gə̄ tə́ kə̄ no ɓesə̄ yādə́ gə̄ tə́ ní á̰a̰ā̰ a? Nin̄ ədan̄ na Kɔ́ɔ̄ɓē na asə ka̰a̰də́ alé, Kɔ́ɔ̄ɓē na mbātə́ ɓē kɔ̄ɔ́.

EJEKIEL 8:12 Referans Kwoze

IJAI 29:15

I yá̰á̰ kə́ to kum kaȳ aĺ ngá̰ý tām̄ yā de gə̄ ń noō ń nin̄ a rāān̄ yá̰a̰ i loo mundə̄ tə́ ní! Nin̄ ɓɔ̄ɔ̄n̄ dɔ yá̰a̰ gə̄ ń nin̄ sāān̄ rāā ní kadə̄ Kɔ́ɔ̄ɓē a̰a̰ alé. Nin̄ əndān̄ dɔ yá̰a̰ yādə́ gə̄ danaá i kum loo kə́ risə til tə́. Nin̄ ədan̄ na: I náā n asə ka̰a̰jí ní? I náā n ger̄ yá̰a̰ rāājí ní?

EJEKIEL 9:9

Anī ni-tél ədam̄ na: Majaĺ yā ɓē ko̰o̰ kə́ Israel tə́ ō, kə́ Juda tə́ ō i ngá̰ý al̄ naā. Mósə taā loo kem ɓēé ō, yá̰a̰ rāā kə́ gōtə́ aĺ taā loo kem ɓēé ń toō tə́ ō. De gə̄ ədan̄ na Kɔ́ɔ̄ɓē na əya̰ ɓē kɔ̄ɔ́, Kɔ́ɔ̄ɓē na asə ka̰a̰ yá̰á̰ kógə̄ḿ alé.

EJEKIEL 8:15

Anī ni dəjem̄ najə̄ əda na: Ḭ̄ ngōn̄ deē, á̰á̰ yá̰á̰ ń noō majə a? Ā á̰á̰ yá̰a̰ gə̄ kə́ majən̄ tɔȳ ngé gə̄ ń toō ɓáý.

EPEJƏ 5:12

Yá̰a̰ gə̄ ń nin̄-rāān̄ loo mundə̄ tə́ ní, rɔ̄ deē sɔlə̄n loo kəda tə́.

PĀ GƏ̄ 10:11

Nge kem ndul gír̄ kemən tə́ na usə Nə́ɓā dɔ yá̰a̰ rāān tə́ alé. Nə́ɓā na ɓɔ̄ɔ̄ ta kumən kɔ̄ɔ́, Nə́ɓā na a̰a̰ yá̰á̰ kógə̄ḿ yḛtə aĺ bátə́.

EJEKIEL 20:1

Kem ɓāl̄ kə́ nge ko̰o̰ mí tə́, ɔyn̄ de gə̄ dɔ gúú tə́ aw̄n̄ sedə́ dɔ ɓē kə́ rang tə́ ní rāā ɓāl̄ sīrí kɔ̄ɔ́. Ba kə ndɔ̄ kə́ nge ko̰ kutə yā nāā kə́ nge ko̰ mí anī, kum kɔɔ̄ kə́rēý gə̄ kə́ Israel tə́ reē əngemə̄n̄. Nin̄ sāān̄ ger̄ yá̰á̰ ń Kɔ́ɔ̄ɓē ndigə ní. Nin̄ ndin̄ nang tə́ noḿ tə́.

EJEKIEL 14:1

Ndɔ̄ kógə̄ḿ tə́ kum kɔɔ̄ kə́rēý gə̄ kə́ Israel tə́ reēn̄ rɔ̄ḿ tə́, ba ndin̄ nang tə́ noḿ tə́.

EJEKIEL 8:17

loo ń noō tə́ Nə́ɓā dəjem̄ najə̄, əda na: Ḭ̄ ngōn̄ deē, á̰á̰ yá̰á̰ ń noō a? Yá̰á̰ kə́ majaĺ ngá̰ý gə̄ ń de kə́ Juda tə́ gə̄ ń toō a rāān̄ laā ní asədə́ aĺ ɓáý. Nin̄ ran̄ dɔ tə́ noō rāān̄ adə̄ yá̰a̰ rāā kə́ kə dɔ́nɔ́ taā loo kem ɓēé ō, rāān̄ yá̰a̰ malang yā kadə̄məń wōn̄g ō. Ngɔlaā nin̄ a ndɔ́tə̄n̄ i kə ta jī kāgāá kə̄ ta kóńdə́ tə́ ngɔr.

EJEKIEL 8:11

Kum kɔɔ̄ gə̄ kutə sīrí yā ngán Israel gə̄ ran̄ kə njadə́ dɔɔ́ no nə́ɓā kə́ rɔ̄kum aĺ gə̄ ní tə́. Yajania kə́ ngōn̄ Sapan i dandə́ tə́. Nin̄ kógə̄ḿ kógə̄ḿ ní, ganáń róō ndujə̄ yá̰á̰ kə́ kotə majə i jīdə́ gə̄ tə́ kógə̄ḿ kógə̄ḿ ō, sa ndujə̄ yá̰á̰ kə́ kotə majə ḭḭ kum kə̄ dɔɔ́ dɔɔ́ ō.

PĀ GƏ̄ 73:11

Nin̄ ədan̄ na Nə́ɓā na asə ka̰ā̰ alé, Nə́ɓā kə́ dɔɔ́ sa̰y ngá̰ý ní ké a ger̄ yá̰a̰ i ba̰ý wa.

PĀ GƏ̄ 14:1

Pā kə́ kem makətūbə̄ yā ngār yā gōsə̄ pā gə̄ tə́. I pā yā Dabid. De kə́ mbóo gə̄ ədan̄ naā dɔ dandə́ tə́ na Nə́ɓā na gətóo! Nin̄ i de kə́ nujə kɔ̄ɔ́ gə̄. Yá̰a̰ rāādə́ to yḛr kum. De kógə̄ḿ sḛ́ý dandə́ tə́ kə́ rāā yá̰a̰ kə gōó gətóo.

IJAI 47:10

Yá̰a̰ rāāí kə́ majaĺ gə̄ ní ḭ̄ ə̄ndā kemií dɔ tə́, adə̄ ī-gír̄ najə̄ ə́da na: De kə́ a̰a̰m̄ gətóo. I kum kedə̄ yāí kə́ gōtə́ aĺ ō, i yá̰a̰ ger̄ yāí kə́ gōtə́ aĺ ō n gólīn̄ ní. Anī ḭ̄ ī-gír̄ najə̄ ə́da na: m̄-majə m̄-tɔȳ gotə de gə̄ malang, de kə́ tītə̄ḿ gətóo.

EJEKIEL 8:13

Nə́ɓā əda ɓáý to̰ na: Ā á̰a̰ kadə̄ nin̄ a rāān̄ yá̰á̰ kə́ rang gə̄ kə́ majaĺ ngá̰ý tītə̄ ń noō ɓáý to̰.

SOPONI 1:12

Kum mbang ngeé ń noō tə́ ní, m-ā m-ə̄ndā hor tū lámbá kógə̄ḿ tə́, yā ndəleń ɓē kə́ Jerusalem. De kə́ kem ɓēé gə̄ ń ndin̄ kanjə̄ rāā yá̰á̰ kógə̄ḿ, tītə̄ kasə nduú kə́ ɗīgə̄ adə̄ manə̄n a ɔr̄ koō dɔ bisə̄n tə́ ní, m-ā m̄-rāā yá̰á̰ kógə̄ḿ sedə́. Nin̄ ədan̄ na: Kɔ́ɔ̄ɓē na asə rāā yá̰á̰ kógə̄ḿ alé. Ni na asə rāā yá̰á̰ kə́ majə aĺ ō, kə́ majaĺ aĺ ō.

NDŪ NAJƏ̄ 27:15

Deē ń a tə́gā kāgə̄ yā kudə ɓesə̄ tə́, aké a nō gində̄ horoó yā tɔ́sə̄ ba rāā kum gotə yá̰á̰ kə́rēý tə́ yā ndɔ̄ȳ loo mundə̄ tə́ jəke ní, ndɔ̄ĺ i dɔn tə́. Tɔdɔ̄ yá̰á̰ kə́ beé gə̄ ń de gə̄ rāān̄ kə jīdə́ ní, i yá̰á̰ kə́ to yḛr kum gə̄ ta kum Kɔ́ɔ̄ɓē tə́. Loo ń noō tə́ de gə̄ malang a ədan̄ na: A̰á̰ā̰ ādə̄ i tītə̄ ń noō.

2 MBAN̄G 17:9

Ngán Israel gə̄ rāān̄ yá̰a̰ kə́ to kadə̄ deē rāā aĺ gə̄ kə Kɔ́ɔ̄ɓē Nə́ɓā yādə́: Rāān̄ loo ndɔ̄ȳ gə̄ kə̄ kem ɓē yādə́ gə̄ tə́ malang, kə̄ kem kújə ngɔ̄m̄ gə̄ tə́ ō, kə̄ kem ɓē kə́ ngan̄g gə̄ tə́ ō.