EJEKIEL 8:11 - Bibəl ta Sar̄

¹¹ Kum kɔɔ̄ gə̄ kutə sīrí yā ngán Israel gə̄ ran̄ kə njadə́ dɔɔ́ no nə́ɓā kə́ rɔ̄kum aĺ gə̄ ní tə́. Yajania kə́ ngōn̄ Sapan i dandə́ tə́. Nin̄ kógə̄ḿ kógə̄ḿ ní, ganáń róō ndujə̄ yá̰á̰ kə́ kotə majə i jīdə́ gə̄ tə́ kógə̄ḿ kógə̄ḿ ō, sa ndujə̄ yá̰á̰ kə́ kotə majə ḭḭ kum kə̄ dɔɔ́ dɔɔ́ ō.

Bible sar

¹¹ Kum kɔɔ̄ gə̄ kutə sīrí yā ngán *Israel gə̄ ran̄ kə njadə́ dɔɔ́ no nə́ɓā kə́ rɔ̄kum aĺ gə̄ ní tə́. Yajania kə́ ngōn̄ Sapan i dandə́ tə́. Nin̄ kógə̄ḿ kógə̄ḿ ní, ganáń róō ndujə̄ yá̰á̰ kə́ kotə majə i jīdə́ gə̄ tə́ kógə̄ḿ kógə̄ḿ ō, sa ndujə̄ yá̰á̰ kə́ kotə majə ḭḭ kum kə̄ dɔɔ́ dɔɔ́ ō.

EJEKIEL 8:11 Referans Kwoze

TƏ́DA 16:35

De kə́ ɓú jōó kə kutə mí gə̄ ń ra a ndējə̄n̄ kajaja ní, Kɔ́ɔ̄ɓē adə̄ hor kógə̄ḿ teē róōdə́ malang.

TƏ́DA 16:17

De kə́ goí tə́ gə̄ ń nin̄ i deē ɓú jōó kə kutə mí ní a ɔyn̄ ganán yādə́ gə̄ jīdə́ gə̄ tə́ kógə̄ḿ kógə̄ḿ kə yā̰l̄ hor gēé kemeé. Adə̄ ganán malang i ɓú jōó kə kutə mí. Nin̄ a ɓōkə́n̄ kajaja kum yā̰l̄ hor kə́ kem ganán gə̄ ní tə́, ba a reēnəń ta kum Kɔ́ɔ̄ɓē tə́. Sḭḭ̄ kə Aaro̰ ā ī-reēī kə yāsí ō.

TƏ́DA 11:16

Kɔ́ɔ̄ɓē tél əda Moijə na: Ī-ɓāŕ kum kɔɔ̄ gə̄ yā ngán Israel gə̄ kutə sīrí ādə̄ reēn̄ rɔ̄ḿ tə́, ngé gə̄ ń ī-ger̄də́ adə̄ nin̄ i kum kɔɔ̄ gə̄ ō, nin̄ i ngé ndóō de gə̄ ndū najə̄ gə̄ ō ní. Ādə̄ reē ran̄ seí ta kumḿ tə́, ta kújə kənge naā tə́.

JEREMI 19:1

Kɔ́ɔ̄ɓē ɔr̄ najə̄ i tītə̄ ń toō beé: Āw̄ ī-mang jóo man̄ jī kɔdə̄ jóó tə́, ba ī-gə̄rā kum kɔɔ̄ kə́rēý gə̄ dan ngáń Israel gə̄ tə́ ō, dan ngé tun̄ yá̰a̰ gə̄ tə́ ō ādə̄ aw̄n̄ seí.

TƏ́DA 11:25

Kɔ́ɔ̄ɓē risə dan kil̄ man̄ tə́ ɔr̄ najə̄ kə Moijə. Ni-kēgə̄ Ndíĺ ń ndi kem Moijə tə́ ní sḛ́ý adə̄ kum kɔɔ̄ gə̄ ní. Dan nəkɔ́ ń ndíl əhɔ loo dɔdə́ tə́ bang ɓá ní a, əlan gír kɔr̄ najə̄ kə́ ngé koō ta gə̄ tə́, banī nayn̄ kə̄ loo kɔr̄ tə́ alé.

Teē Ngán Israel gə̄ 24:1

Kɔ́ɔ̄ɓē əda Moijə na kə al̄ dɔɔ́ kə̄ rɔ̄n tə́ dɔ mbalá, kadə̄ Aaro̰ ō, Nadab ō, Abihu ō, nin̄ kə kum kɔɔ̄ kə́ kutə sīrí gə̄ yā ngán Israel gə̄, kə alə̄n̄ seneé ō. Kə ran̄ sa̰y kə ɔsən̄neé nodə́ nang tə́ non tə́.

DANIEL 9:8

Kɔ́ɔ̄ɓē, yājí i rɔ̄sɔl̄ ō, rɔ̄sɔl̄ i yā ngār yājí gə̄ ō, kaají gə̄ ō, tɔdɔ̄ jə-rāā yá̰á̰ kə́ majaĺ seí.

JEREMI 36:10

Tā anī Baruk tə́da najə̄ gə̄ yā Jeremi kə́ kem makətūbūú ɓē Kɔ́ɔ̄ɓēé, kem kújə yā Gemariya, ngōn̄ Sapan kə́ nge ndang makətūbə̄ tə́. Ni-tə́da i ndágə loo kə́ gīr̄ gidə kújə yā Kɔ́ɔ̄ɓē kə́ dɔɔ́ ta róbə kújə kə́ kijə yā Kɔ́ɔ̄ɓē tə́ ta kum kósə de gə̄ tə́ malang.

JEREMI 29:3

I Elasa kə́ ngōn̄ Sapan nin̄ kə Gemaria kə́ ngōn̄ Hilkia ń Sedekias, mban̄g kə́ Juda əladə́ rɔ̄ Nabukodonosor, mban̄g kə́ Babilon tə́ ní n Jeremi ɓɔ̄ɔ̄də́ makətūbə̄ ní kadə̄ aw̄n̄neé Babilon ní. Kum najə̄ kə́ kem makətūbə̄ ní tə́ n toó:

JEREMI 26:24

Jeremi tā anī, Ahikam kə́ ngōn̄ Sapan ngɔ̄mən ō, ɔgə̄ kəlan jī de gə̄ ń sāān̄ tɔ̄lən tə́ ní ō.

JEREMI 7:9

Ní kə sḭḭ̄ ī-ɓogiī ō, ī-tɔ̄lī de gə̄ ō, ī-rāāī rāȳ ō, ī-túbī dɔ najə̄ kə́ rɔ̄kum aĺ tə́ ō, ī-róōī yá̰a̰ ndejə̄ gə̄ ādī Baal ō, ī-ngɔ̄dī gō nə́ɓā kə́ rang gə̄ kə́ ī-gerīdə́ aĺ tə́ ō,

JEREMI 5:5

Adə̄ m-ə́da na m-ā m̄-tūr̄ rɔ̄ḿ kə̄ rɔ̄ de kə́ bo gə̄ tə́ yā kɔr̄ najə̄ sedə́. Tɔdɔ̄ nin̄ gerə̄n̄ róbə yā Kɔ́ɔ̄ɓē ō, gerə̄n̄ jī bēl̄ loo rāā yá̰á̰ yā Nə́ɓā yādə́ ō. Ba m-á̰a̰ kadə̄ i de kə́ tītə̄ naā gə̄, adə̄ nin̄ tétə̄n̄ júk kɔ̄ɔ́ ō, gángə̄n̄ kəlā gə̄ kɔ̄ɔ́ ō.

2 YÁ̰A̰ GƏ̄ 34:20

ba əda Hilkia ō, Ahikam ngōn̄ Sapan ō, Abədon ngōn̄ Mika ō, Sapan nge ndang makətūbə̄ ō, Asaya nge kəla yā mban̄g ō na:

2 YÁ̰A̰ GƏ̄ 26:19

Ojias ń əhɔ ganán jīn tə́ tɔdɔ̄ ni-rāā i najə̄ róō kajaja ní, wōn̄g rāān kə ngé tun̄ yá̰a̰ gēé. Anī kə̄ ta jī tə́ noō bānjə̄ teē notə non tə́ kə̄ loo nəkɔ́ noō tə́, ta kum ngé tun̄ yá̰a̰ gə̄ tə́, kem kújə yā Kɔ́ɔ̄ɓē tə́, ngɔr kə̄ kadə loo róō ndujə̄ yá̰á̰ kə́ kotə majə tə́.

2 YÁ̰A̰ GƏ̄ 26:16

Banī tɔ́gə̄n ní rāān adə̄ ɔjə rɔ̄n, ba kɔjə rɔ̄ yān kə́ kemən tə́ ní aw̄ seneé bátə́ tḭ̄ḭ̄ tan. Ni-rāā háĺ kə́ sew aĺ kə Kɔ́ɔ̄ɓē Nə́ɓā yānneé, udə kem kújə yā Kɔ́ɔ̄ɓē tə́ yā róō kajaja dɔ loo róō ndujə̄ yá̰á̰ kə́ kotə majə tə́ yā kadə̄ Kɔ́ɔ̄ɓē.

2 MBAN̄G 25:22

Nabukodonosor mban̄g kə́ Babilon əya̰ núsə de kə́rēý gə̄ kem ɓēé dɔ nang kə́ Juda tə́. Ni-əndā Gedalia ngōn̄ Ahikam kə́ ngōn̄ Sapan dɔdə́ tə́.

2 MBAN̄G 22:14

Hilkia ngol ngé tun̄ yá̰a̰ gə̄ ō, Ahikam ō, Akbor ō, Sapan ō, Asaya ō, aw̄ əngen̄ Hulda nge koō ta kə́ dəyá̰. I nə̄yá̰ Salum kə́ nge ngɔ̄m̄ kūbə̄ tun̄ yá̰a̰ gə̄ kə́ kem kújə yā Kɔ́ɔ̄ɓē tə́. Salum i ngōn̄ Tikəba kə́ ngōn̄ Haras. Hulda ndi i Jerusalem kem ɓē kə́ kijə tə́. Dan ń de gə̄ ní ɔjən̄ nge koō ta kə́ dəyá̰ yá̰a̰ gə̄ ń rāān̄ yá̰á̰ ní oy anī,

2 MBAN̄G 22:12

Ni-ɓāŕ Hilkia ngol ngé tun̄ yá̰a̰ gə̄ ō, Ahikam ngōn̄ Sapan ō, Akbor ngōn̄ Mikaya ō, Sapan nge ndang makətūbə̄ ō, Asaya pajā yā mban̄g ō, ba ədadə́ na

2 MBAN̄G 22:8

Dan ń ngol ngé tun̄ yá̰a̰ gə̄ oō najə̄ ní oy anī, əda Sapan na n-ənge makətūbə̄ ndū najə̄ kem kújə yā Kɔ́ɔ̄ɓē tə́. Ni adə̄ Sapan makətūbə̄ ní adə̄ tə́da.

2 MBAN̄G 22:3

Kem ɓāl̄ kə́ nge ko̰ kutə gidə i sɔ́sɔ́ ń Josias ndiń mban̄g tə́ ní, ni-əla Sapan nge ndang makətūbə̄ kə́ ngōn̄ Asalia kə́ ngōn̄ Mesulam kem kújə yā Kɔ́ɔ̄ɓē tə́. Ni ədan na kə

Teē Ngán Israel gə̄ 24:9

Gō tə́ anī Moijə al̄ dɔ mbalá kə Aaro̰ ō, Nadab ō, Abihu ō, kum kɔɔ̄ kə́ kutə sīrí gə̄ yā ngán Israel gə̄ ō.

Najə̄ kə́ Majə yā Jeju ń Luk ndang ní 10:1

Gō yá̰a̰ gə̄ ń noō tə́ anī, Kɔ́ɔ̄ɓē gə̄rā de kə́ rang gə̄ kutə sīrí gidə i jōó, ba əladə́ jōó jōó kété non tə́ kem ɓē gə̄ malang ō, kə gō loo gə̄ ō ń nəkɔ́ a rāā yā kaw̄ tū tə́ ní.

IJAI 44:13

Kɔdə̄ nge tɔ́sə̄ yá̰a̰ mbɔ̄jə́ dugə̄jū kāgə̄ yān kə kəlāá. Ni-rāā nə́ɓā kə́ rɔ̄kum aĺ tū tə́ kə hō̰rō̰ kə́ ndaa. Ni tɔ́sə̄ kāgə̄ ní kə waĺ ō, usə gidə kə yá̰a̰ kusə gidə yá̰á̰ adə̄ ndə́lē ō. Kɔdə̄ nge tɔ́sə̄ yá̰a̰ a ndájə̄ i loo rāā deē kə́ majə ngá̰ý n a tɔ́səń deē yān ní. Ni a əndā deē ń ni tɔ́sə̄ ní i kem loo kógə̄ḿ kə́ yā ɓōĺ gidə tə́.

JEREMI 44:21

Yá̰a̰ ndējə̄ gə̄ ń sḭḭ̄ ō, kaasí gə̄ ō, mban̄g yāsí gə̄ ō, de kə́ bo yāsí gə̄ ō, gír de gə̄ kə́ kem ɓēé ō, ī-róōī kem ɓē gə̄ kə́ Juda tə́ ō, dɔ kə̄lá róbə gə̄ kə́ Jerusalem tə́ ō ní, Kɔ́ɔ̄ɓē ger̄ gō aĺ a? Əga kemən dɔ tə́ aĺ a?

JEREMI 52:27

Mban̄g kə́ Babilon tɔ̄l̄də́ Ribəla, dɔ nang kə́ Hamat tə́. I beé n ɔyn̄neé de kə́ Juda gə̄ dɔ nang yādə́ tə́ aw̄n̄ sedə́ sa̰y kɔ̄ɔ́ ní.

EJEKIEL 8:10

M-údə kemeé anī, yá̰á̰ ń m-á̰a̰ā̰ ní ń toó: Rāān̄ lī gə̄ kə dā̰ gə̄ kə́ majə ka̰a̰də́ aĺ gə̄ kadə bɔr tə́ adə̄ gīr̄ gidəḿ. Rāān̄ nə́ɓā kə́ rɔ̄kum aĺ gə̄ malang yā ngán Israel gə̄ kadə bɔr tə́.

EJEKIEL 20:1

Kem ɓāl̄ kə́ nge ko̰o̰ mí tə́, ɔyn̄ de gə̄ dɔ gúú tə́ aw̄n̄ sedə́ dɔ ɓē kə́ rang tə́ ní rāā ɓāl̄ sīrí kɔ̄ɔ́. Ba kə ndɔ̄ kə́ nge ko̰ kutə yā nāā kə́ nge ko̰ mí anī, kum kɔɔ̄ kə́rēý gə̄ kə́ Israel tə́ reē əngemə̄n̄. Nin̄ sāān̄ ger̄ yá̰á̰ ń Kɔ́ɔ̄ɓē ndigə ní. Nin̄ ndin̄ nang tə́ noḿ tə́.

JEREMI 19:4

Tɔdɔ̄ əya̰mə̄n̄ kɔ̄ɔ́, nin̄ rāān̄ loo ń toō adə̄ tél to rim kɔ̄ɔ́. Róōn̄ yá̰a̰ ndējə̄ gə̄ horoó tū tə́ adə̄n nə́ɓā kə́ rang gə̄ kə́ nin̄ kɔ́ gə̄ ō, kaadə́ gə̄ ō, mban̄g kə́ Juda tə́ gə̄ ō gerə̄n̄də́ alé. Ɓōkə́n̄ mósə ngán gə̄ kə́ najə̄ gətóo dɔdə́ tə́ gə̄ nang tə́ adə̄ taā loo ní.

JEREMI 26:22

Banī mban̄g Joakim əla Elnatan kə́ ngōn̄ Akbor ō, de kə́ rang gə̄ ō seneé adə̄ aw̄ ugə̄n̄ Ejiptə tə́.

EJEKIEL 9:6

Ī-tɔ̄lī ɓə́ga gə̄ ō, ngásáā gə̄ ō, ngámandə gə̄ ō, ngán gə̄ ō, dəyá̰ gə̄ ō! Ī-rāāī ādī nin̄ gətóon̄ kɔ̄ɔ́ malang! Banī de gə̄ malang ń əjan̄ yá̰a̰ nɔtə nodə́ tə́ ní, ī-lōōī kɔdə rɔ̄də́. Ə́laī gír kem loo kə́ táĺ yāḿ tə́ laā. Loo ń noō tə́ nin̄ əlan̄ gír tɔ̄l̄ kum kɔɔ̄ gə̄ ndin̄ ta kújə yā Kɔ́ɔ̄ɓē tə́ ní.