EJEKIEL 7:9 - Bibəl ta Sar̄

⁹ Kumḿ a o̰o̰m̄ tām̄ yāsí tə́ alé, adə̄ m-ā m-ə́yá̰sí alé. M-ā m̄-rāāsí kadə̄ ā ə̄gāī kə̄rā háĺsí ō, ā ásiī ɓɔ̄ɔ̄ dɔ yá̰a̰ rāāsí kə́ majaĺ ngá̰ý gə̄ aĺ ō. Loo ń noō tə́ ā ī-gerī kadə̄ i mā Kɔ́ɔ̄ɓē n m-ə́ndásí ní.

Bible sar

⁹ Kumḿ a o̰o̰m̄ tām̄ yāsí tə́ alé, adə̄ m-ā m-ə́yá̰sí alé. M-ā m̄-rāāsí kadə̄ ā ə̄gāī kə̄rā háĺsí ō, ā ásiī ɓɔ̄ɔ̄ dɔ yá̰a̰ rāāsí kə́ majaĺ ngá̰ý gə̄ aĺ ō. Loo ń noō tə́ ā ī-gerī kadə̄ i mā Kɔ́ɔ̄ɓē n m-ə́ndásí ní.

EJEKIEL 7:9 Referans Kwoze

JEJU TEĒ KUM JA̰A̰ 20:13

De gə̄ ń oyn̄ kum bā bo tə́ ní bā bo teē sedə́ ō, yo teē kə de gə̄ ń oyn̄ ní ō. De gə̄ ń oyn̄ á ton̄ ɓádá ní, loo kə́ ɓádá teē sedə́ ō. Ba gāngə̄n̄ sarya dɔ de gə̄ tə́ kógə̄ḿ kógə̄ḿ i kə gō kəla rāādə́ gēé.

GALATƏ 6:7

Ī-lōōī gól̄ rɔ̄sí na deē a lur Nə́ɓā alé. I yá̰á̰ ń deē dubə̄ ní n a əja ní.

MISE 6:9

Kɔ́ɔ̄ɓē ɔr̄ najə̄ kə de gə̄ ń ndin̄ kem ɓē kə́ bo tə́ ní. Ngé gə̄ ń ɓōlə́n̄ ndílən ní, ni a ajədə́. Sḭḭ̄ de gə̄ kə́ gír ɓē yā Juda tə́ ō, sḭḭ̄ malang ń ī-kánī naā kem ɓē kə́ bo tə́ ní ō, ōōī!

IJAI 9:13

Loo ń noō tə́, kem ndɔ̄ kógə̄ḿ beē tə́ ní, Kɔ́ɔ̄ɓē gān̄g dɔ ō kə̄lá ō kɔ̄ɔ́ dɔ nang kə́ Israel tə́. Ni-gān̄g ta jī kāgə̄ túmbur kɔ̄ɔ́ ō, gān̄g mu tə̄ɓā kɔ̄ɔ́ ō.

JEREMI 21:7

Gō yá̰a̰ ń noō tə́ anī, m-ā m-ə́la Sedekias mban̄g kə́ Juda tə́ ō, ngé rāā kəla yān gə̄ kə́ kem ɓē ń toō tə́ ń a teēn̄ ta mo̰y ngāl̄bɔ̄gīí tə́ ní ō, ta kaskar tə́ ō, ta ɓō tə́ ō ní, jī mban̄g kə́ Babilon tə́ ō, jī madə̄ ba̰ā̰də́ gə̄ tə́ ō, jī ngé ndə̄ngādə́ yo tə́ ō. Mban̄g kə́ Babilon a tɔ̄l̄də́ kə kaskar kə́ ta kataá kanjə̄ ɓōĺ gō jīn ō, a a̰a̰ kum tō ndoō yādə́ aĺ ō, kumən a o̰o̰n sedə́ aĺ ō. Najə̄ ń Kɔ́ɔ̄ɓē əda ní n noó.

NŌŌ RƆ̄ 2:17

Kɔ́ɔ̄ɓē rāā yá̰á̰ ń núm̄ yā rāā ní. Ni-rāā yá̰á̰ ń əda najə̄n ní. Nujə kə looó sák sák kanjə̄ kadə̄ kumən o̰o̰n. Rāā adə̄ rɔ̄ madə̄ ba̰ā̰í nelə̄n dɔí tə́ ō, rāā adə̄ tɔ́gə́ ngé rɔ̄ɔ̄í gə̄ i ngá̰ý ō.

EJEKIEL 7:8

Ngɔlaā ní m-ā m̄-bə̄gā wōn̄g yāḿ kə́ ngá̰ý dɔsí tə́. M-ā m-ə́ya̰n kadə̄ a rāām̄ dɔsí tə́ bátə́ ta tɔ̄l̄ ta tə́. M-ā m̄-gān̄g sarya dɔsí tə́ sɔɔ̄ń háĺsí ō, m-ā m̄-rāāsí kadə̄ ā ə̄gāī kə̄rā yá̰a̰ rāāsí kə́ majaĺ ngá̰ý gə̄ ō.

EJEKIEL 7:10

Ndɔ̄ gān̄g sarya n toó, loo kə́ nujə sák sák a əndā i dɔ rɔ̄n danaá. Yá̰a̰ rāā kə́ kə dɔ́nɔ́ a aw̄ i kum kə̄ kété kété ō, kɔjə rɔ̄ a tḭ̄ḭ̄ i rɔ̄n ō.

EJEKIEL 23:49

Ohola ō, Oholiba ō, yá̰a̰ rāāsí kə́ majaĺ gə̄ ní, najə̄n i dɔsí sḭḭ̄ kɔ́ gə̄ tə́. Ī-ndíbī horən, i tām̄ sḭḭ̄ ī-rɔyī nə́ɓā kə́ rɔ̄kum aĺ gə̄. Loo ń noō tə́ ā ī-gerī kadə̄ Kɔ́ɔ̄ɓē Nə́ɓā i mā.

JEREMI 13:14

M-ā m̄-rāā kadə̄ bɔbə̄ ngán gə̄ ō, ngán gə̄ ō, malang tɔ́sə̄n̄ dɔdə́ naā tə́ tɔ̄ɔ̄n̄. De kógə̄ḿ kə́ kadə̄ m-ə́ya̰n karī gətóo. Yá̰á̰ kə́ a ɔgə̄m̄ nujə sedə́ a gətóo. M-ā m-á̰a̰ kum tō ndoō yādə́ aĺ ō, m-ā m̄-mā̰ȳ rɔ̄ḿ dɔdə́ tə́ aĺ ō, kumḿ o̰o̰m̄ sedə́ aĺ ō. Najə̄ ń Kɔ́ɔ̄ɓē əda ní n noó.

JEREMI 36:31

M-ā m̄-rāān ni ō, de kə́ gír kojə yān tə́ gə̄ ō, ngé kəla yān gə̄ ō, yá̰á̰ kə́ tōr̄ najə̄ yá̰á̰ kə́ gōtə́ aĺ gə̄ ń rāān̄ tə́ ní. M-ā m̄-rāā kadə̄ yá̰á̰ kə́ to kum kaȳ aĺ ngá̰ý gə̄ malang ń m-ɔ̄r̄ najə̄n sedə́ á oōn̄ aĺ ní a əsō dɔdə́ tə́ ō, dɔ de gə̄ ń ndin̄ ɓē Jerusalem tə́ ní, dɔ de kə́ Juda tə́ gə̄ ō.

EJEKIEL 5:11

I tām̄ ń toō tə́ ní, m̄-ndi kə kumḿ, i najə̄ yā Kɔ́ɔ̄ɓē Nə́ɓā. Tītə̄ ń ī-tákəń loo kə́ táĺ yāḿ kə yá̰á̰ kə́ majaĺ ngá̰ý gə̄ malang yāí ō, kə yá̰á̰ kə́ to nāsə̄ míndə gə̄ malang yāí ō ní, mā m-ā m-ɔ̄r̄ rɔ̄ḿ kɔ̄ɔ́ ō, kumḿ a o̰o̰m̄ aĺ ō, m-ā m-á̰a̰ kum to ndoō yāí aĺ ō.

EJEKIEL 22:22

Ā ī-toī tītə̄ gində̄ arjā̰a̰ kə́ yḛḛ̄ kum hor tə́ beē. Loo ń noō tə́ ā ī-gerī kadə̄ i mā Kɔ́ɔ̄ɓē n m̄-bə̄gā wōn̄g yāḿ kə́ ngá̰ý dɔsí tə́ ní.