EJEKIEL 7:8 - Bibəl ta Sar̄

⁸ Ngɔlaā ní m-ā m̄-bə̄gā wōn̄g yāḿ kə́ ngá̰ý dɔsí tə́. M-ā m-ə́ya̰n kadə̄ a rāām̄ dɔsí tə́ bátə́ ta tɔ̄l̄ ta tə́. M-ā m̄-gān̄g sarya dɔsí tə́ sɔɔ̄ń háĺsí ō, m-ā m̄-rāāsí kadə̄ ā ə̄gāī kə̄rā yá̰a̰ rāāsí kə́ majaĺ ngá̰ý gə̄ ō.

Bible sar

⁸ Ngɔlaā ní m-ā m̄-bə̄gā wōn̄g yāḿ kə́ ngá̰ý dɔsí tə́. M-ā m-ə́ya̰n kadə̄ a rāām̄ dɔsí tə́ bátə́ ta tɔ̄l̄ ta tə́. M-ā m̄-gān̄g sarya dɔsí tə́ sɔɔ̄ń háĺsí ō, m-ā m̄-rāāsí kadə̄ ā ə̄gāī kə̄rā yá̰a̰ rāāsí kə́ majaĺ ngá̰ý gə̄ ō.

EJEKIEL 7:8 Referans Kwoze

EJEKIEL 14:19

Aĺ ɓáa m-ə́la kə mo̰y ń rīn na i mo̰y ngāl̄bɔ̄gīí ní dɔ gír de gə̄ ń toō tə́. M-ā m̄-bə̄gā wōn̄g yāḿ kə́ ngá̰ý dɔdə́ tə́ i kə ta kūl̄ yá̰á̰ kə́ to kum kaȳ aĺ kə́ ngá̰ý ń noō. Mo̰y ní a tɔ̄l̄ de gə̄ ō, dā̰ gə̄ ō kə́ kem ɓēé kɔ̄ɔ́.

EJEKIEL 9:8

Adə̄ nin̄ aw̄n̄ tɔ̄l̄ de kə́ kem ɓēé gə̄ tə́. Dan ń nin̄ na̰yn̄ kə̄ loo tɔ̄l̄ de gə̄ tə́ ní, m̄-rā i kə kérə́ḿ. M-ɔ́sə kejəḿ nang tə́ ō, m-ɔ́sə noḿ nang tə́ ō, ba m-ə́ga kɔŕ, m-ə́da na: Aa Kɔ́ɔ̄ɓē Nə́ɓā, dan ń ī-bə̄gā wōn̄g yāí kə́ ngá̰ý dɔ ɓē kə́ Jerusalem tə́ beé ní, gotə Israel gə̄ ń a na̰yn̄ ní ā ī-tɔ̄l̄də́ kɔ̄ɔ́ malang a?

NAHUM 1:6

I náā n asə ra ta wōn̄g yān tə́ ní? I náā n asə ndi kə kumneé dan ń wōn̄g yān o̰o̰ yá̰a̰ malang kə́ hor tə́ ní? Wōn̄g ní taā loo tītə̄ hor kə́ o̰o̰ loo beé. Mbal̄ gə̄ njárə̄n̄ non tə́.

EJEKIEL 20:21

Banī ngáńdə́ gə̄ rāān̄ dɔ ngan̄g seḿ. Nin̄ rāān̄ yá̰a̰ gə̄ ń ndū najə̄ yāḿ əda ní aĺ ō, unən̄ gō jī bēl̄ loo rāā yá̰a̰ yāḿ gə̄ aĺ ō. Tá i nin̄ n a rāān̄ ngé kundə́ rāań kəla gə̄ kadə̄ ndin̄ kə kumdə́ ní. Nin̄ kídə̄n̄ ndɔ̄ sabat. Loo ń noō tə́ m̄-gír̄ bə̄gā wōn̄g yāḿ kə́ ngá̰ý dɔdə́ tə́ kem dəla loo tə́, kadə̄ wōn̄g yāḿ ní rāā kəla bátə́ ta tɔ̄l̄ ta tə́.

EJEKIEL 20:8

Banī kaasí gə̄ rāān̄ dɔ ngan̄g, nin̄ mbātə́n̄ koō najə̄ yāḿ. Ɓesə̄ kə́ majaĺ ngá̰ý gə̄ ń əsōn̄ kumdə́ ní, deē kógə̄ḿ dandə́ tə́ kə́ mbātə́də́ gətóo. Adə̄ ɓesə̄ gə̄ kə́ Ejiptə tə́ ní, deē kógə̄ḿ kə́ əya̰də́ kɔ̄ɔ́ gətóo. Loo ń noō tə́ m̄-gír̄ bə̄gā wōn̄g yāḿ kə́ ngá̰ý dɔdə́ tə́ dɔ nang kə́ Ejiptə tə́, kadə̄ wōn̄g yāḿ ní rāā kəla bátə́ ta tɔ̄l̄ ta tə́.

IJAI 42:25

I tām̄ najə̄ ń toō tə́ n Kɔ́ɔ̄ɓē bə̄gā wōn̄g yān kə́ ngá̰ý dɔdə́ tə́ ō, rāā adə̄ yá̰á̰ kə́ to ka̰ā̰ aĺ ngá̰ý gə̄ ń rɔ̄ɔ̄ a reēń ní, teē dɔdə́ tə́ ō ní. Wōn̄g yān ní əla hor kə̄ loo gə̄ tə́, banī Israel gə̄ gerə̄n̄ kum alé. Hor o̰o̰ Israel gə̄, banī nin̄ rāān̄ i yá̰a̰ ngōn̄ ndām̄ tə́.

EJEKIEL 20:33

Tītə̄ ń m̄-ndiń kə kumḿ rɔ̄kum noó, yá̰á̰ mā Kɔ́ɔ̄ɓē Nə́ɓā m-ə́dá ní n toó: M-ā m̄-rāā yá̰a̰ i kə tɔ́gə́ḿ malang ō, m-ā m̄-bə̄gā wōn̄g yāḿ kə́ ngá̰ý dɔsí tə́ ō, m-ā m-ó̰o̰ ɓē dɔsí tə́ i tītə̄ ń noō ō.

EJEKIEL 20:13

Banī Israel gə̄ mbātə́mə̄n̄ kem dəla loo tə́. Nin̄ unən̄ gō ndū najə̄ yāḿ gə̄ aĺ ō, mbātə́n̄ jī bēl̄ loo rāā yá̰a̰ yāḿ gə̄ ō. Tá i nin̄ n a rāān̄ ngé kundə́ rāań kəla gə̄ kadə̄ ndin̄ kə kumdə́ ní. Nin̄ kídə̄n̄ ndɔ̄ sabat nja i ngá̰ý. m̄-tél m̄-gír̄ bə̄gā wōn̄g yāḿ kə́ ngá̰ý dɔdə́ tə́ ɓáý kadə̄ oyn̄.

JEJU TEĒ KUM JA̰A̰ 14:10

kɔ́ɔ̄ a a̰ȳ kasə nduú wōn̄g yā Nə́ɓā ō. Ɓōkə́n̄ kasə nduú ní kem kópə wōn̄g yā Nə́ɓā tə́ i kanjə̄ yá̰á̰ kə́ rang kum tə́. Adə̄ yá̰á̰ kə́ tōr̄ a rāā kɔ́ɔ̄ kum hor tə́ ō, kum bursu tə́ ō, ta kum de kə́ dɔ rā̰ tə́ kə́ táĺ gə̄ tə́ ō, ta kum Ngōn̄ batə̄ tə́ ō.

OJEE 5:10

Ngār kə́ Juda tə́ gə̄ a rāān̄ i hál de kə́ ngé ndɔ́tə̄ kə dɔ nin̄ ndɔr̄ yādə́ gēé. Banī m-ā m̄-ɔ̄r̄ man̄ wōn̄g yāḿ dɔdə́ tə́.

DANIEL 9:27

Dan yā ɓāl̄ kə́ sīrí gə̄ kə́ ta tɔ̄l̄ ta tə́ ní, ni a əndā tɔ́gə dɔ de kə́ ngá̰ý gə̄ tə́ yā ə́hɔń madə̄ naā sedə́ ō, kem núsə ɓāl̄ kə́ sīrí gə̄ tə́ ní, ni a rāā kadə̄ gír tun̄ yá̰a̰ gān̄g ō, gír ndējə̄ yá̰a̰ gān̄g ō. Nge nujə loo kógə̄ḿ a ndi dɔ bɔ̄gə̄ yá̰á̰ kə́ to yḛr kum gə̄ tə́ ō, i bátə́ kadə̄ nujən̄neé nge nujə loo ní tītə̄ ń ɔjən̄neé ní ō.

DANIEL 9:11

Israel gə̄ mānə̄n̄ dɔ ndū najə̄ yāí ō, tūrə̄n̄ gidədə́ kɔ̄ɔ́ taí tə́ kanjə̄ koō ndūí ō. Loo ń noō tə́ ndɔ̄ĺ ō kōnjə̄ ō ń ndangən̄ kem makətūbə̄ ndū najə̄ yā nge kəla yāí Moijə tə́ ní reē dɔjí tə́ sɔɔ̄n̄ mbātə́ najə̄ yājí.

EJEKIEL 30:15

Sin ń i ɓē kə́ nge ngɔ̄m̄ ɓē kə́ Ejiptə tə́ ní, m-ā m̄-bə̄gā wōn̄g yāḿ kə́ ngá̰ý dɔn tə́ ō, m-ā m̄-rāā kadə̄ de kə́ Tebə gə̄ ń nin̄ i ngá̰ý ní gətóon̄ kɔ̄ɔ́ ō.

EJEKIEL 22:31

Loo ń noō tə́ m̄-bə̄gā wōn̄g yāḿ kə́ ngá̰ý dɔdə́ tə́. m̄-rāā adə̄ nin̄ gətóon̄ kɔ̄ɔ́ kum hor wōn̄g ní tə́, m̄-rāā adə̄ nin̄ əgān̄ kə̄rā yá̰a̰ rāādə́ kə́ majaĺ gə̄. Najə̄ ń Kɔ́ɔ̄ɓē Nə́ɓā əda ní n noó.

EJEKIEL 6:12

Ngé gə̄ ń ndin̄ sa̰y ní, a oy yo mo̰y ngāl̄bɔ̄gīí. Ngé gə̄ ń ndin̄ ngɔr ní, a a tɔ̄lə̄n̄də́ ta rɔ̄ɔ̄ tə́. Ngé gə̄ ń a teēn̄ ta yo tə́ ní, a oyn̄ yo ɓō. M-ā m̄-bəgā wōn̄g yāḿ dɔdə́ tə́ bátə́ ta tɔ̄l̄ ta tə́.

NŌŌ RƆ̄ 4:11

Wōn̄g rāā Kɔ́ɔ̄ɓē al̄ naā, adə̄ bə̄gā wōn̄g kə́ ngá̰ý ní dɔ ɓē kə́ Siyo̰ tə́. Ni-əla hor dɔ tə́ adə̄ o̰o̰ gír gisə ɓē.

NŌŌ RƆ̄ 2:4

Ndɔ́r̄ ga̰ gərā yān sɔɔ̄ń Jerusalem tītə̄ kə́ ni i madə̄ ba̰ā̰n beé ō, əhɔ jī ko̰o̰n dɔɔ́ tītə̄ nge rɔ̄ɔ̄ beé ō. Ni tɔ̄l̄ ngé gə̄ malang ń majən̄ ka̰ā̰ ngá̰ý ní. Ɓōkə́ wōn̄g yān kə́ ngá̰ý hor tə́ dɔ kújə tandā yā ngōmandə kə́ Siyo̰ tə́.

JEREMI 7:20

I tām̄ ń toō tə́ n najə̄ ń Kɔ́ɔ̄ɓē Nə́ɓā əda ní n toó: M-ā m̄-bə̄gā wōn̄g yāḿ, wōn̄g kə́ ngá̰ý yāḿ dɔ loo ń toō tə́ ō, dɔ de gə̄ tə́ ō, dɔ dā̰ gə̄ tə́ ō, dɔ kāgə̄ kə́ bembeé gə̄ tə́ ō, dɔ kum kōō gə̄ kə́ teēn̄ dɔ nang tə́ tə́ ō. I hor kə́ a oy aĺ bátə́.

PĀ GƏ̄ 79:6

Ī-bə̄gā wōn̄g yāí dɔ nápar de gə̄ ń gerīn̄ aĺ tə́ ní, dɔ ɓē ko̰o̰ gə̄ ń ɓārə́n̄ rīí aĺ tə́ ní,

2 YÁ̰A̰ GƏ̄ 34:21

Āwī āw̄ ōōī ta Kɔ́ɔ̄ɓē tām̄ yāḿ tə́ ō, tām̄ yā gotə Israel gə̄ ń na̰yn̄ ní tə́ ō, Juda gə̄ tə́ ō, sɔɔ̄ń najə̄ gə̄ yā makətūbə̄ ń teēn̄ dɔ tə́ ní. Tɔdɔ̄ wōn̄g ń rāā Kɔ́ɔ̄ɓē sejí ní i wōn̄g kə́ ngá̰ý, tām̄ kaají gə̄ rāān̄ yá̰á̰ ń Kɔ́ɔ̄ɓē əda ní alé, tɔdɔ̄ rāān̄ yá̰a̰ malang ń i kə́ ndang kem makətūbə̄ ń toō tə́ ní alé.

NŌŌ RƆ̄ 2:17

Kɔ́ɔ̄ɓē rāā yá̰á̰ ń núm̄ yā rāā ní. Ni-rāā yá̰á̰ ń əda najə̄n ní. Nujə kə looó sák sák kanjə̄ kadə̄ kumən o̰o̰n. Rāā adə̄ rɔ̄ madə̄ ba̰ā̰í nelə̄n dɔí tə́ ō, rāā adə̄ tɔ́gə́ ngé rɔ̄ɔ̄í gə̄ i ngá̰ý ō.

EJEKIEL 7:9

Kumḿ a o̰o̰m̄ tām̄ yāsí tə́ alé, adə̄ m-ā m-ə́yá̰sí alé. M-ā m̄-rāāsí kadə̄ ā ə̄gāī kə̄rā háĺsí ō, ā ásiī ɓɔ̄ɔ̄ dɔ yá̰a̰ rāāsí kə́ majaĺ ngá̰ý gə̄ aĺ ō. Loo ń noō tə́ ā ī-gerī kadə̄ i mā Kɔ́ɔ̄ɓē n m-ə́ndásí ní.

EJEKIEL 33:20

Loo ń noō tə́ sḭḭ̄ Israel gə̄ ə́daī na: Loo rāā yá̰a̰ yā Kɔ́ɔ̄ɓē na majə alé. I beé ní, majə kadə̄ ī-gerī kadə̄ m-ā m̄-rāā sarya sesí kógə̄ḿ kógə̄ḿ i kə gō háĺsí gēé.

JEREMI 36:31

M-ā m̄-rāān ni ō, de kə́ gír kojə yān tə́ gə̄ ō, ngé kəla yān gə̄ ō, yá̰á̰ kə́ tōr̄ najə̄ yá̰á̰ kə́ gōtə́ aĺ gə̄ ń rāān̄ tə́ ní. M-ā m̄-rāā kadə̄ yá̰á̰ kə́ to kum kaȳ aĺ ngá̰ý gə̄ malang ń m-ɔ̄r̄ najə̄n sedə́ á oōn̄ aĺ ní a əsō dɔdə́ tə́ ō, dɔ de gə̄ ń ndin̄ ɓē Jerusalem tə́ ní, dɔ de kə́ Juda tə́ gə̄ ō.

EJEKIEL 7:27

Mban̄g a əhɔ ndoō ō, ngōn̄ ngār a əndā kemən dɔ yá̰á̰ kógə̄ḿ tə́ to̰ aĺ ō, ɓōĺ a rāā de kə́ kem ɓēé gə̄ malang kadə̄ a ndewn̄ ō, yá̰á̰ ń m-ā m̄-rāā sedə́ ní, a sɔɔ̄ń i dɔ háĺdə́ ō, m-ā m̄-gān̄g sarya dɔdə́ tə́ tɔdɔ̄ asə kadə̄ əngen̄ sarya. Loo ń noō tə́ nin̄ a gerə̄n̄ kadə̄ Kɔ́ɔ̄ɓē i mā.

EJEKIEL 9:10

Adə̄ m-ā m-ə́yá̰də́ alé, kumḿ a o̰o̰m̄ tām̄ yādə́ tə́ alé. M-ā m̄-rāā kadə̄ yá̰á̰ kə́ majaĺ ń nin̄ rāān̄ ní tél əsō dɔdə́ nin̄ kɔ́ gə̄ tə́.

EJEKIEL 11:21

Banī ngé rɔȳ nə́ɓā kə́ rɔ̄kum aĺ gə̄ ō, ngé rāā yá̰á̰ kə́ majaĺ ngá̰ý tɔdɔ̄ nin̄ unən̄ i gō ngur gə̄ kə́ kemdə́ tə́ ō ní, m-ā m̄-rāādə́ kadə̄ nin̄ a əgān̄ kə̄rā háĺdə́. Yá̰á̰ mā Kɔ́ɔ̄ɓē Nə́ɓā m-ə́dásí kə̄ ndágá ní n noó.

EJEKIEL 16:43

Əga kemií dɔ yá̰á̰ ń m̄-rāā tām̄ yāí tə́ dan ń ī-na̰yń ngōn̄ ɓáý tə́ ní alé. Adə̄ ī-rāā adə̄ wōn̄g rāām̄ sɔɔ̄ń yá̰a̰ rāāí gə̄. Ń toō ɓáa ta i yāḿ kadə̄ m̄-rāāī kadə̄ ə̄gā kə̄rā yá̰a̰ rāāí gə̄. I mā Kɔ́ɔ̄ɓē Nə́ɓā n m-ə́da najə̄ ń noō ní. Tām̄ hálí ń ī-rāā ní to rɔ̄sɔl̄ ngá̰ý, tá ī-ra dɔ tə́ noō ī-rāā yá̰á̰ kə́ majaĺ ngá̰ý gə̄ ādə̄ nə́ɓā kə́ rɔ̄kum aĺ gə̄.

EJEKIEL 16:59

Najə̄ ń mā Kɔ́ɔ̄ɓē Nə́ɓā m-ə́dá ní n toó: Usiī dɔ míndí ń ə̄nī tə́ ní alé, adə̄ ī-mbātə́ madə̄ naā ń j-əhɔ ní kɔ̄ɔ́. I beé ɓá ní, m-ā m̄-rāāī yá̰á̰ ń ḭ̄ ī-ndetə kadə̄ m̄-rāā seí ní.

EJEKIEL 18:30

I tām̄ najə̄ ń noō tə́ n mā Kɔ́ɔ̄ɓē Nə́ɓā m-ə́dásí sḭḭ̄ Israel gə̄ najə̄ ń toō ní: M-ā m̄-rāā sarya sesí kógə̄ḿ kógə̄ḿ i kə gō háĺsí. I beé ní, ī-tūrī háĺsí, ī-tūrī gidəsí kɔ̄ɔ́ ta yá̰a̰ rāāsí kə́ gōtə́ aĺ gə̄ tə́. I tītə̄ ń noō n ā ə̄sōīiń kum majaĺ tə́ to̰ aĺ ní.

EJEKIEL 24:14

I mā Kɔ́ɔ̄ɓē m-ɔ̄r̄ najə̄ ō, yá̰á̰ m-ə́dá ní m-ā m̄-rāā ō. M-ā m̄-tél kə gōḿ aĺ ō, kumḿ a o̰o̰m̄ aĺ ō. M-ā m̄-ndə̄ngā rɔ̄ḿ najə̄ yá̰á̰ kógə̄ḿ tə́ aĺ ō. Jerusalem, m-ā m̄-rāā sarya seí sɔɔ̄ń hálí ō, yá̰a̰ rāāí gə̄ ō. Yá̰á̰ ń Kɔ́ɔ̄ɓē Nə́ɓā əda ní n noó.

OJEE 12:3

Kɔ́ɔ̄ɓē a rāā i sarya kə de gə̄ yā Juda gēé. Ni a rāā yá̰á̰ kógə̄ḿ kə gír deē yā Jakob gēé najə̄ háĺdə́ kə́ majaĺ tə́, a rāā yá̰á̰ kógə̄ḿ kə gír de gə̄ ń noō sɔɔ̄ ń kəla rāādə́ gə̄.