EJEKIEL 7:7 - Bibəl ta Sar̄

⁷ De kə́ kem ɓēé gə̄, ta i dɔsí tə́. Kum mbang asə. Dɔ ndɔ̄ gān̄g sarya i ngɔr. Kɔŕ rɔ̄nel̄ a ɓār̄ dɔ mbal̄ gə̄ tə́ to̰ alé, banī i ɓōĺ n a rāā de gə̄.

Bible sar

⁷ De kə́ kem ɓēé gə̄, ta i dɔsí tə́. Kum mbang asə. Dɔ ndɔ̄ gān̄g sarya i ngɔr. Kɔŕ rɔ̄nel̄ a ɓār̄ dɔ mbal̄ gə̄ tə́ to̰ alé, banī i ɓōĺ n a rāā de gə̄.

EJEKIEL 7:7 Referans Kwoze

EJEKIEL 12:28

I beé ɓá ní, ə́dádə́ najə̄ ń toō ādə̄m̄: Yá̰a̰ malang ń m-ə́da najə̄n kété ní, mā Kɔ́ɔ̄ɓē Nə́ɓā m-ā m̄-rāā yā kadə̄ a reē yā kudə gíŕ kə́ rɔ̄ tə́ ngɔr. Najə̄ ń Kɔ́ɔ̄ɓē ədam̄ ní n noó.

EJEKIEL 7:12

Kum mbang ugə̄, dɔ ndɔ̄ gān̄g sarya i ngɔr. Ādə̄ nge mang yá̰a̰ rāā rɔ̄nel̄ aĺ ō, ādə̄ nge kigə yá̰a̰ əhɔ ndoō aĺ ō. Tɔdɔ̄ wōn̄g rāām̄ i kə ngán Israel gēé malang.

IJAI 22:5

Tɔdɔ̄ Kɔ́ɔ̄ɓē, Nə́ɓā kə́ bo kə́ tɔ́gən i ngá̰ý ní, ɓōólaā əla kə yá̰á̰ kə́ a̰a̰ gō naā aĺ ō, kə rɔ̄ɔ̄ kə́ tetəjí ō, kə ɓōló ō, adə̄jí. Ndogə̄ mbal̄ kə́ bo əsō nang tə́ wól loo kə́ deē a̰a̰ yá̰a̰ tū tə́ tə́ ō, de gə̄ ɓārə́n̄ yá̰a̰ wól loo ní tə́ kadə̄ kə rāān̄ sedə́, adə̄ ndūdə́ ḭḭ kə̄ dɔɔ́ kum kə̄ rɔ̄ mbal̄ bo gə̄ tə́ ō.

TA KƏLA 19:15

Ta gír loo tə́ anī, de kə́ dɔ rā̰ tə́ gə̄ ní ran̄ kə Lotó ta teē kɔ̄ɔ́ kem ɓēé, ədanən̄ na kə un nə̄yá̰n ō, kə ɔy ngánən kə́ dəyá̰ kə́ jōó gə̄ ō, ba kə aw̄n̄ na sōgə́ oyn̄ kem ɓē ń a nujə tə́ ní.

1 PIYER 4:17

Tām̄ kum mbang gān̄g sarya ugə̄ kɔ̄ɔ́, ba i de gə̄ yā Nə́ɓā n a əlan̄ gír dɔdə́ tə́ ní. Ba ré sarya a əla gír i dɔjí jḭḭ̄ tə́ anī, ngé gə̄ ń mbātə́n̄ taā kem Najə̄ kə́ Majə yā Nə́ɓā ní, ta tɔ̄l̄ tadə́ a to i ba̰ý?

AMOS 4:13

I ni n rāā mbal̄ bo gə̄ ní. Ni-rāā nél ō, ɔjə deē ndul gə̄ yá̰a̰ gə̄ ń ni núm̄ rāā ní ō. Ni-rāā loo kə́ dəloí kə́ unjə̄ kow adə̄ tél loo kə́ ndɔ̄ɔ́ ō, njə̄rā dɔ loo kə́ kḭḭ kə̄ dɔɔ́ gə̄ kə́ dɔ nang tə́ tə́ ō. Rīn na i Kɔ́ɔ̄ɓē, Nə́ɓā kə́ kɔ́ɔ̄ dɔ rā̰ ō dɔ nang ō.

JEREMI 20:7

Kɔ́ɔ̄ɓē ḭ̄ ī-kɔ́ləm̄ ō, m-ə́ya̰ rɔ̄ḿ adə̄ ī-kɔ́l ō, ḭ̄ ī-ngan̄g ī-tɔȳm̄, adə̄ ī-tetəm̄ rɔ̄ɔ̄. De gə̄ lurmə̄n̄ kə kum mbang gə̄ malang, nin̄ malang əgōmə̄n̄ ō.

IJAI 17:14

Loo tíbí anī, i ɓōĺ kógə̄ḿ kə́ to ɓōĺ ngá̰ý, kété pá tá kadə̄ loo tīī anī, nin̄ gətóon̄ kɔ̄ɔ́ malang. Yá̰á̰ ń a rāā ngé gə̄ ń ɔyn̄ yá̰a̰ yājí malang kɔ̄ɔ́ ní n noó, yá̰á̰ ń ngé kɔy yá̰a̰ yājí dɔ gúú tə́ gə̄ a əngen̄ ní n noó. pá tá kadə̄ loo tīī ní, yá̰á̰ kógə̄ḿ kə́ na gətóo ō.

IJAI 13:22

Ɓon̄g gə̄ a nōōn̄ kem kújə́ kə́ ngāl̄ ɓururu kə́ tū tə́ gə̄ tə́ ō, tal̄ gə̄ a nōōn̄ kem kújə ngol kə́ tū tə́ gə̄ ń yá̰a̰ i ngá̰ý kemeé ní tə́ ō. Kum mbang ń gír yā Babilon a gāgəń ní, dɔ i ngɔr, a reē noó. Ndɔ̄n gə̄ i kə́ tə́da kɔ̄ɔ́.

TA KƏLA 19:24

Loo ń noō tə́ Kɔ́ɔ̄ɓē rāā adə̄ hor bursu ḭḭ dɔ rā̰ tə́ edə tītə̄ man̄ dɔ ɓē kə́ Sodom tə́ ō, Gomor tə́ ō.

JEREMI 50:27

Āwī kə man̄g kə́ bəra yān gēé loo tɔ̄l̄ dā̰ gə̄ tə́ ba ī-tɔ̄līdə́ malang kɔ̄ɔ́. I yá̰á̰ kə́ to kum kaȳ aĺ kə́ ba̰ý beē n əsō dɔdə́ tə́ ní? Ndɔ̄ yādə́ ugə̄ i kum mbang ń kadə̄ ɔjən̄neé gíŕ yá̰a̰ rāādə́ gə̄ ní.

IJAI 16:10

Rɔ̄nel̄ kə́ ngá̰ý al̄ naā gətóo kɔ̄ɔ́ kem ndɔr̄ kāgə̄ yāsí gə̄ kə́ kan̄ tə́. Deē oō kōō pā, aláa kōō kɔŕ rɔ̄nel̄ kem ndɔr̄ kāgə̄ nduú gə̄ tə́ to̰ alé. Kasə nduú gətóo kem jóon gə̄ tə́, deē mbə́rē kan̄ nduú to̰ alé. Kɔŕ kə́ kənda yá̰a̰ gōtə́ to̰ gətóo.

EJEKIEL 30:3

A̰á̰ā̰, ndɔ̄ yā Kɔ́ɔ̄ɓē a reē noó, dɔ to ngɔr ngá̰ý. I ndɔ̄ kə́ kil̄ man̄ a ndul ndí ndḭ́. I kum mbang ń a gāngə̄nəń sarya dɔ nápar de gə̄ tə́ ní.

JOEL 1:15

Ndoō wa. Ndɔ̄ kə́ to ɓōĺ ngá̰ý ń i ndɔ̄ yā Kɔ́ɔ̄ɓē ní dɔ i ngɔr! Loo kə́ nujə ń i Nə́ɓā kə́ bo kə́ tɔ́gən i ngá̰ý n gḛy ní, a reē naā tə́ seneé.