EJEKIEL 7:5 - Bibəl ta Sar̄

⁵ Yá̰á̰ ń mā Kɔ́ɔ̄ɓē Nə́ɓā m-ə́dá ní ń toō: Á̰a̰ī, yá̰á̰ kə́ to kum kaȳ aĺ a reē noó, i yá̰á̰ kə́ to kum kaȳ aĺ kə́ deē a̰a̰ jóo aĺ ɓáý!

Bible sar

⁵ Yá̰á̰ ń mā Kɔ́ɔ̄ɓē Nə́ɓā m-ə́dá ní ń toō: Á̰a̰ī, yá̰á̰ kə́ to kum kaȳ aĺ a reē noó, i yá̰á̰ kə́ to kum kaȳ aĺ kə́ deē a̰a̰ jóo aĺ ɓáý!

EJEKIEL 7:5 Referans Kwoze

NAHUM 1:9

Yá̰á̰ ń ī-gírī dɔ Kɔ́ɔ̄ɓē tə́ ní i rí? Ni i nge nujə madə̄ ba̰ā̰n gə̄. Nin̄ a nujən̄ sesí nja kə́ nge ko̰ jōó to̰ alé.

EJEKIEL 5:9

Yá̰á̰ kə́ majaĺ ngá̰ý gə̄ ń ī-rāāī ní, m-ā m-ə́ndásí najə̄n tə́ kənda kə́ jóo toó m-ə́ndásí beé aĺ ɓáý, m-ā m-ə́ndásí gogə́ tītə̄ ń noō to̰ aĺ ō.

MATIYE 24:21

Tɔdɔ̄ kem ndɔ̄ gə̄ ngeé ń noō tə́ ní, wur de gə̄ a ɔldə́ ngá̰ý. Wur kɔl kə́ tītə̄ ń noō gətóo ta kəla gír tə́ bátə́ ngɔlaā ń toō tə́ ō, a to gogə́ to̰ aĺ bátə́ ō.

AMOS 3:2

Dan gír kojə gə̄ malang kə́ dɔ nang tə́ ní, i sḭḭ̄ ngóy m-ə̄ndā kumḿ gíŕsí tə́ ní. I tām̄ najə̄ ń noō tə́ n m-ā m̄-rāāsí yá̰á̰ kógə̄ḿ, najə̄ yá̰a̰ rāāsí gə̄ malang kə́ majaĺ ngá̰ý tə́ ní.

DANIEL 9:12

Nə́ɓā rāā yā ń əda dɔjí tə́ ō dɔ ngé ko̰o̰ ɓē dɔjí tə́ gə̄ ō ní, ni-reē kə yá̰á̰ kə́ to kum kaȳ aĺ kə́ ngá̰ý dɔjí tə́ Jerusalem. Kum tō ndoō kə́ tītə̄ ń noō to loo kə́rēý tə́ dɔ nang tə́ aĺ ɓáý.

NDŪ NAJƏ̄ 32:35

Dal ba̰ā̰ i yāḿ, m-ā m-ə̄gādə́ tām̄ kəla rāādə́ gə̄ tə́ ndɔ̄ ń nin̄ a əsōn̄neé tə́ ní. Tɔdɔ̄ ndɔ̄ yá̰á̰ kə́ to kum kaȳ aĺ yādə́ dɔ i ngɔr.

EJEKIEL 7:2

Ḭ̄ ngōn̄ deē, ōō yá̰á̰ ń mā Kɔ́ɔ̄ɓē Nə́ɓā m-ə́dá ngán Israel gə̄ ní. M-ə́dádə́ na: Gíŕ yá̰a̰ malang gān̄g kɔ̄ɔ́! Yá̰á̰ kə́ nujə sák sák kə́ ta tɔ̄l̄ ta tə́ taā loo malang kem ɓēé, bátə́ kíl ɓē kə́ sɔ́ gə̄ tə́.

EJEKIEL 7:12

Kum mbang ugə̄, dɔ ndɔ̄ gān̄g sarya i ngɔr. Ādə̄ nge mang yá̰a̰ rāā rɔ̄nel̄ aĺ ō, ādə̄ nge kigə yá̰a̰ əhɔ ndoō aĺ ō. Tɔdɔ̄ wōn̄g rāām̄ i kə ngán Israel gēé malang.

SOPONI 1:18

Gində̄ arjā̰a̰ yādə́ ō, lɔ́r yādə́ ō, a asə kajədə́ ndɔ̄ ń Kɔ́ɔ̄ɓē a rāań wōn̄g tə́ ní alé. Hor wōn̄g yān kə́ ngá̰ý a nujə dɔ nang malang. A̰á̰ā̰, i yá̰á̰ kə́ to ɓōĺ ngá̰ý. Kɔ́ɔ̄ɓē a nujə de gə̄ malang kə́ dɔ nang tə́ kɔ̄ɔ́.

Gōsə̄ najə̄ gə̄ 13:21

Yá̰á̰ kə́ majaĺ un gō ngé rāā yá̰a̰ majaĺ gə̄, banī yá̰á̰ kə́ majə i yá̰a̰ kəndā nja yā de kə́ súmūú gə̄.

Gōsə̄ najə̄ gə̄ 24:16

Tɔdɔ̄ de kə́ súmūú asə əsō nja ngá̰ý gə̄gē a a ḭḭ dɔɔ́. Banī yá̰a̰ a əga nja ngé kem ndul gə̄ kadə̄ əsōn̄ kum yá̰á̰ kə́ to kum kaȳ aĺ tə́.

IJAI 21:12

Nge ngɔ̄m̄ loo tūr̄ əda na: Loo tīī, ba téĺ tíbə gogə́. Ré ī-gḛyiī dəje najə̄ ɓáý to̰ anī, ī-dəjeī, gō tə́ anī ī-tél ī-reēī gogə́ ndɔ̄ kə́ rang tə́ ɓáý!

JEREMI 19:3

Ā ə́da na: Mban̄g kə́ Juda tə́ gə̄ ō, sḭḭ̄ de gə̄ ń ī-ndiī Jerusalem tə́ ní ō, ōōī najə̄ yā Kɔ́ɔ̄ɓē. Najə̄ ń Kɔ́ɔ̄ɓē kə́ bo kə́ tɔ́gən i ngá̰ý, Nə́ɓā yā Israel əda ní n toó: M-ā m̄-rāā kadə̄ yá̰á̰ kə́ to kum kaȳ aĺ əsō dɔ loo ń toō tə́. Adə̄ deē nəkɔ́ ń oō najə̄n anī a jənga.

JOEL 1:15

Ndoō wa. Ndɔ̄ kə́ to ɓōĺ ngá̰ý ń i ndɔ̄ yā Kɔ́ɔ̄ɓē ní dɔ i ngɔr! Loo kə́ nujə ń i Nə́ɓā kə́ bo kə́ tɔ́gən i ngá̰ý n gḛy ní, a reē naā tə́ seneé.