EJEKIEL 7:3 - Bibəl ta Sar̄

³ Ngɔlaā ní gír yāsí gān̄g kɔ̄ɔ́. M-ā m̄-bə̄gā wōn̄g yāḿ dɔsí tə́ sɔɔ̄ń háĺsí ō, yá̰a̰ rāāsí kə́ majaĺ ngá̰ý gə̄ ní, m-ā m̄-rāāsí kadə̄n ā ə̄gāī kə̄rān ō.

Bible sar

³ Ngɔlaā ní gír yāsí gān̄g kɔ̄ɔ́. M-ā m̄-bə̄gā wōn̄g yāḿ dɔsí tə́ sɔɔ̄ń háĺsí ō, yá̰a̰ rāāsí kə́ majaĺ ngá̰ý gə̄ ní, m-ā m̄-rāāsí kadə̄n ā ə̄gāī kə̄rān ō.

EJEKIEL 7:3 Referans Kwoze

EJEKIEL 18:30

I tām̄ najə̄ ń noō tə́ n mā Kɔ́ɔ̄ɓē Nə́ɓā m-ə́dásí sḭḭ̄ Israel gə̄ najə̄ ń toō ní: M-ā m̄-rāā sarya sesí kógə̄ḿ kógə̄ḿ i kə gō háĺsí. I beé ní, ī-tūrī háĺsí, ī-tūrī gidəsí kɔ̄ɔ́ ta yá̰a̰ rāāsí kə́ gōtə́ aĺ gə̄ tə́. I tītə̄ ń noō n ā ə̄sōīiń kum majaĺ tə́ to̰ aĺ ní.

EJEKIEL 5:13

M-ā m̄ bə̄gā wōn̄g yāḿ dɔsí tə́, m-ā m̄-bə̄gā wōn̄g yāḿ dɔsí tə́ bátə́ ta tɔ̄l̄ ta tə́, adə̄ m-ā m̄-dal ba̰ā̰. Loo ń noō tə́ ā ī-gerī kadə̄ deē ń ɔr̄ najə̄ sesí ní, i mā Kɔ́ɔ̄ɓē. Tɔdɔ̄ m-ásə́ tə́gā taḿ dɔ mbātə́ ndi dɔ kənī ndū yāsí tə́ alé.

EJEKIEL 33:20

Loo ń noō tə́ sḭḭ̄ Israel gə̄ ə́daī na: Loo rāā yá̰a̰ yā Kɔ́ɔ̄ɓē na majə alé. I beé ní, majə kadə̄ ī-gerī kadə̄ m-ā m̄-rāā sarya sesí kógə̄ḿ kógə̄ḿ i kə gō háĺsí gēé.

EJEKIEL 16:38

Jerusalem, m-ā m̄-gān̄g sarya dɔí tə́ tītə̄ ń a gāngə̄n̄neé sarya dɔ dəyá̰ kə́ ngé rāȳ gə̄ tə́ ní ō, dɔ dəyá̰ kə́ ngé tɔ̄l̄ de gə̄ tə́ ní ō. M-ā m̄-rāāī kadə̄ mósə a taā gidə rɔ̄í malang sɔɔ̄ ń wōn̄g kə́ rāām̄ ō, jang kə́ ɔsə seḿ ō.

EJEKIEL 36:19

Mā m̄-rāā adə̄ nin̄ aw̄n̄ kə̄ dan nápar de gə̄ tə́, dɔ nang yā tə̄rā gə̄ tə́. Adə̄ m̄-gān̄g sarya dɔdə́ tə́ sɔɔ̄ń i háĺdə́ ō, yá̰a̰ rāādə́ gə̄ ō.

EJEKIEL 7:27

Mban̄g a əhɔ ndoō ō, ngōn̄ ngār a əndā kemən dɔ yá̰á̰ kógə̄ḿ tə́ to̰ aĺ ō, ɓōĺ a rāā de kə́ kem ɓēé gə̄ malang kadə̄ a ndewn̄ ō, yá̰á̰ ń m-ā m̄-rāā sedə́ ní, a sɔɔ̄ń i dɔ háĺdə́ ō, m-ā m̄-gān̄g sarya dɔdə́ tə́ tɔdɔ̄ asə kadə̄ əngen̄ sarya. Loo ń noō tə́ nin̄ a gerə̄n̄ kadə̄ Kɔ́ɔ̄ɓē i mā.

TA KƏLA 6:13

Anī ni-əda Noe na: m̄-gḛy kadə̄ gír yā de gə̄ gān̄g kɔ̄ɔ́, tɔdɔ̄ yá̰á̰ kə́ rāā kə dɔ́nɔ́ al̄ naā ngá̰ý dɔ nang tə́, adə̄ m-ā m̄-nujədə́ kɔ̄ɔ́ ō, m-ā m̄-nujəń dɔ nang kɔ̄ɔ́ ō.

IJAI 47:7

Ḭ̄ ə́da na ā ī-ndi kə kumií ngándáńg, na ā ī-ndi mban̄g kə́ dəyá̰ kə́ njɔ́ḿ gə̄ tə́. Ḭ̄ ī-gír̄ yá̰a̰ dɔ yá̰a̰ gə̄ ń toō tə́ alé, ḭ̄ ī-gír̄ dɔ ndɔ̄ kə́ bírí tə́ alé.

EJEKIEL 7:2

Ḭ̄ ngōn̄ deē, ōō yá̰á̰ ń mā Kɔ́ɔ̄ɓē Nə́ɓā m-ə́dá ngán Israel gə̄ ní. M-ə́dádə́ na: Gíŕ yá̰a̰ malang gān̄g kɔ̄ɔ́! Yá̰á̰ kə́ nujə sák sák kə́ ta tɔ̄l̄ ta tə́ taā loo malang kem ɓēé, bátə́ kíl ɓē kə́ sɔ́ gə̄ tə́.

EJEKIEL 7:4

Kumḿ a o̰o̰m̄ tām̄ yāsí tə́ aĺ ō, m-ā m-ā m-ə́yá̰sí aĺ ō. M-ā m̄-rāāsí kadə̄ ā ə̄gāī kə̄rā háĺsí ō, ā ásiī ɓɔ̄ɔ̄ dɔ yá̰a̰ rāāsí kə́ majaĺ ngá̰ý gə̄ aĺ ō. Loo ń noō tə́ ā ī-gerī kadə̄ Kɔ́ɔ̄ɓē i mā.

EJEKIEL 21:25

Dan róbə́ kə́ jōó gə̄ ń noō tə́ ní, nge kə́ kógə̄ḿ a aw̄ kə áskar kə́ Babilon gə̄ kem ɓē yā Amon gə̄ ń rīn na i Raba ní tə́ ō, nge kə́ noō a aw̄ sedə́ dɔ nang kə́ Juda tə́, kem ɓē kə́ Jerusalem ń i ɓē kə́ ngɔ̄mə̄n̄ majə ngá̰ý ní tə́.

EJEKIEL 22:31

Loo ń noō tə́ m̄-bə̄gā wōn̄g yāḿ kə́ ngá̰ý dɔdə́ tə́. m̄-rāā adə̄ nin̄ gətóon̄ kɔ̄ɔ́ kum hor wōn̄g ní tə́, m̄-rāā adə̄ nin̄ əgān̄ kə̄rā yá̰a̰ rāādə́ kə́ majaĺ gə̄. Najə̄ ń Kɔ́ɔ̄ɓē Nə́ɓā əda ní n noó.

AMOS 8:2

Ni dəjem̄, əda na: Amos, yá̰á̰ ń á̰á̰ ní i rí? Anī, m̄-téĺ m-ə́dan na: I jáńg kógə̄ḿ kə́ kan̄ kāgə̄ kə́ kərē kɔ̄ɔ́ gə̄ i kemeé. Tā anī Kɔ́ɔ̄ɓē ədam̄ na: Israel gə̄ ń i gír deē yāḿ gə̄ ní, gír yādə́ a gān̄g kɔ̄ɔ́ tītə̄ yā kan̄ kāgə̄ kə́ kərē kɔ̄ɔ́ gə̄ beé. Ngɔlaā ní, m-ā m̄-mā̰ȳ rɔ̄ḿ dɔdə́ tə́ to̰ alé.

JEREMI 13:14

M-ā m̄-rāā kadə̄ bɔbə̄ ngán gə̄ ō, ngán gə̄ ō, malang tɔ́sə̄n̄ dɔdə́ naā tə́ tɔ̄ɔ̄n̄. De kógə̄ḿ kə́ kadə̄ m-ə́ya̰n karī gətóo. Yá̰á̰ kə́ a ɔgə̄m̄ nujə sedə́ a gətóo. M-ā m-á̰a̰ kum tō ndoō yādə́ aĺ ō, m-ā m̄-mā̰ȳ rɔ̄ḿ dɔdə́ tə́ aĺ ō, kumḿ o̰o̰m̄ sedə́ aĺ ō. Najə̄ ń Kɔ́ɔ̄ɓē əda ní n noó.

EJEKIEL 5:12

Núsə de kə́ kem ɓēé gə̄ kə́ ta kəga dɔ a oyn̄ yo mo̰y ngāl̄bɔ̄gīí, aláa yo ɓō kem ɓēé. Núsə de kə́ kem ɓēé kə́ nge ko̰ jōó a oyn̄ yo kaskar kə gō gidə ɓēé. Núsə de kə́ kem ɓēé gə̄ kə́ nge ko̰ mətá ní, m-ā m̄-tə̄ndā yā tḭ̄ḭ̄də́ kə̄ loo gə̄ tə́, ba m-ā m̄-ngɔ̄də̄də́ kə kaskaraá.

EJEKIEL 9:10

Adə̄ m-ā m-ə́yá̰də́ alé, kumḿ a o̰o̰m̄ tām̄ yādə́ tə́ alé. M-ā m̄-rāā kadə̄ yá̰á̰ kə́ majaĺ ń nin̄ rāān̄ ní tél əsō dɔdə́ nin̄ kɔ́ gə̄ tə́.

EJEKIEL 11:21

Banī ngé rɔȳ nə́ɓā kə́ rɔ̄kum aĺ gə̄ ō, ngé rāā yá̰á̰ kə́ majaĺ ngá̰ý tɔdɔ̄ nin̄ unən̄ i gō ngur gə̄ kə́ kemdə́ tə́ ō ní, m-ā m̄-rāādə́ kadə̄ nin̄ a əgān̄ kə̄rā háĺdə́. Yá̰á̰ mā Kɔ́ɔ̄ɓē Nə́ɓā m-ə́dásí kə̄ ndágá ní n noó.

EJEKIEL 16:43

Əga kemií dɔ yá̰á̰ ń m̄-rāā tām̄ yāí tə́ dan ń ī-na̰yń ngōn̄ ɓáý tə́ ní alé. Adə̄ ī-rāā adə̄ wōn̄g rāām̄ sɔɔ̄ń yá̰a̰ rāāí gə̄. Ń toō ɓáa ta i yāḿ kadə̄ m̄-rāāī kadə̄ ə̄gā kə̄rā yá̰a̰ rāāí gə̄. I mā Kɔ́ɔ̄ɓē Nə́ɓā n m-ə́da najə̄ ń noō ní. Tām̄ hálí ń ī-rāā ní to rɔ̄sɔl̄ ngá̰ý, tá ī-ra dɔ tə́ noō ī-rāā yá̰á̰ kə́ majaĺ ngá̰ý gə̄ ādə̄ nə́ɓā kə́ rɔ̄kum aĺ gə̄.

EJEKIEL 16:59

Najə̄ ń mā Kɔ́ɔ̄ɓē Nə́ɓā m-ə́dá ní n toó: Usiī dɔ míndí ń ə̄nī tə́ ní alé, adə̄ ī-mbātə́ madə̄ naā ń j-əhɔ ní kɔ̄ɔ́. I beé ɓá ní, m-ā m̄-rāāī yá̰á̰ ń ḭ̄ ī-ndetə kadə̄ m̄-rāā seí ní.

EJEKIEL 24:14

I mā Kɔ́ɔ̄ɓē m-ɔ̄r̄ najə̄ ō, yá̰á̰ m-ə́dá ní m-ā m̄-rāā ō. M-ā m̄-tél kə gōḿ aĺ ō, kumḿ a o̰o̰m̄ aĺ ō. M-ā m̄-ndə̄ngā rɔ̄ḿ najə̄ yá̰á̰ kógə̄ḿ tə́ aĺ ō. Jerusalem, m-ā m̄-rāā sarya seí sɔɔ̄ń hálí ō, yá̰a̰ rāāí gə̄ ō. Yá̰á̰ ń Kɔ́ɔ̄ɓē Nə́ɓā əda ní n noó.

OJEE 12:3

Kɔ́ɔ̄ɓē a rāā i sarya kə de gə̄ yā Juda gēé. Ni a rāā yá̰á̰ kógə̄ḿ kə gír deē yā Jakob gēé najə̄ háĺdə́ kə́ majaĺ tə́, a rāā yá̰á̰ kógə̄ḿ kə gír de gə̄ ń noō sɔɔ̄ ń kəla rāādə́ gə̄.